Purwakhabar

06/10/2025

बाढीमा फसेकालाई उद्धार गर्दै नेपाल प्रहरी

06/10/2025

बिर्तामोड, असोज २०
हालैको अविरल वर्षाका कारण उत्पन्न बाढीपहिरोबाट प्रभावित तथा विस्थापित परिवारहरूलाई तत्काल राहत वितरण गर्ने निर्णय गरिएको छ। जिल्ला प्रशासन कार्यालय झापाको समन्वयमा शुक्रबार बसेको जिल्ला स्तरीय बैठकले राहत वितरण, समन्वय र सहजीकरणका विषयमा महत्वपूर्ण निर्णयहरू गरेको हो।

प्रमुख जिल्ला अधिकारी गोपालकुमार अधिकारीको अध्यक्षतामा भएको बैठकमा सहायक प्रमुख जिल्ला अधिकारी सुरज थापा, प्रहरी नायब उपरीक्षक राजन लिम्बु, सशस्त्र प्रहरी नायब उपरीक्षक तुलबहादुर भण्डारी, राष्ट्रिय अनुसन्धान उपनिर्देशक उमेश पाण्डे लगायतका सुरक्षानिकायका प्रमुखहरूको सहभागिता रहेको थियो।

बैठकमा रेडक्रस, उद्योग वाणिज्य सङ्घ, रोटरी क्लब अफ बिर्तामोड मिडटाउन, रोवाक्ट क्लब, लायन्स क्लब, आरएसके सेल्टर नेपाल, अनमोल क्लब अफ बिर्तामोड, र विभिन्न सामाजिक संस्थाका प्रतिनिधिहरू उपस्थित थिए। सहभागीहरूले राहत वितरण कार्य प्रभावकारी बनाउन एकीकृत संयोजन समितिको आवश्यकता औंल्याएका थिए।

बैठकले राहत वितरणमा संलग्न संघसंस्था र व्यक्तिहरूले जिल्ला प्रशासन कार्यालयसँग समन्वय गरी वितरण गर्नुपर्ने र राहत वितरण कार्य पारदर्शी ढङ्गले सञ्चालन गर्न स्थानीय तहका प्रमुखहरूलाई जिम्मेवारी तोक्ने निर्णय गरेको छ।

बैठकले तत्कालका लागि प्रत्येक प्रभावित परिवारलाई उपलब्ध गराइने राहत प्याकेज पनि निर्धारण गरेको छ। खाद्य सामग्रीमा २५ किलो चामल, २ किलो दाल, २ किलो नून, १ लिटर तेल र ५ किलो आलु समावेश गरिनेछ। त्यस्तै अखाद्य सामग्रीमा दुईवटा ब्ल्याङ्केट र दुईवटा सरसफाइका सामग्री उपलब्ध गराइनेछ।

बैठकले झापाका विभिन्न स्थानमा क्षति पुगेका बस्तीहरूमा तत्काल राहत वितरण गर्न आवश्यक सामग्री संकलन र ढुवानी कार्य सुरु गर्ने पनि निर्णय गरेको छ। यसका लागि जिल्लास्थित संघसंस्था र दातृ निकायले संयुक्त रूपमा करिब १०० प्याकेज (रु. ३० हजार बराबर) राहत उपलब्ध गराउने उल्लेख गरिएको छ।

प्रमुख जिल्ला अधिकारी अधिकारीले राहत वितरण कार्यमा सबै पक्षको सहकार्य आवश्यक रहेको बताउँदै भने, “विपद्‌का बेला प्रशासन, सुरक्षानिकाय, स्थानीय तह र समाजका सबै क्षेत्र एकै स्थानमा उभिनुपर्छ। पारदर्शी ढङ्गले राहत वितरण गर्न प्रशासन प्रतिबद्ध छ।”

बैठकमा सहभागी संस्थाहरूले आगामी दिनमा राहत संकलन र वितरण कार्यलाई निरन्तरता दिने प्रतिबद्धता जनाएका छन्।

06/10/2025

इलामका प्रमुख जिल्ला अधिकारी सुनिता नेपालको सूचना

05/10/2025

बाढीकाे बितण्डा :
आफ्नाे ज्यान बचाउन झापा गाउँपालिकाकाे एउटा घरकाे धुरीमा चढेका बाख्राहरु,
तस्बिर राम् निरौला

05/10/2025

दोमुखामा बाढीपछि रातभर आतंक, जोखिम घट्दै

राजकुमार ओली, झापा —
कन्काई माई नदीमा आएको बाढी शनिबार राति अचानक उच्चस्तरमा पुगेपछि इलाम र झापाको सिमानामा अवस्थित पर्यटकीय क्षेत्र दोमुखा र आसपासका बस्तीहरूमा रातभर आतंक फैलिएको थियो। बाढी शनिबार राति करिब १ बजेदेखि तीव्र रूपमा बढेपछि दोमुखा बजारका घर, पसल र होटलहरूमा पानी पस्न थालेको स्थानीयवासीले बताएका छन्।

बाढीले कन्काई–माई दोभान क्षेत्रमा रहेका होटल, पसल र साना घरहरूमा क्षति पुर्‍याएको छ। स्थानीय व्यवसायी एवं क्षेत्रीय होटल व्यवसायी सङ्घ सिवसतासिका अध्यक्ष किरण ओली का अनुसार रातभर पानीको बहाव यति तीव्र थियो कि बाढीले बजारको सडक भागमा रहेका साना व्यवसायका सामग्रीमा क्षति पुर्‍याएको थियो। “हामीले पहिलोपटक यति उच्च बाढी देख्यौं, पानी बजारमै पस्दा मानिसहरू घर छोडेर सुरक्षित ठाउँतर्फ भाग्न थालेको बताए।।

रातभर स्थानीय बासिन्दाहरू, र बिहानबाट प्रहरी र सशस्त्र बलले संयुक्त रूपमा उद्धार कार्य थालेका थिए। नदी किनारका घरहरूमा बस्ने परिवारहरूलाई तत्काल सुरक्षित स्थानमा सारिएको थियो। केही होटल सञ्चालकहरूले त बाढीले ल्याएको ढुंगा–माटोको बहाव रोक्न अस्थायी प्रयास समेत गरेकाथिए। “विद्युत् गयो, अँध्यारोमा पानी बढ्दै गइरहेको थियो, नदीको गर्जनले सुत्न सकिँदैनथ्यो,” , “सबै जना बाहिर निस्किएर सुरक्षित ठाउँ खोज्द थालेका थिए।

दोमुखामा मात्रै होइन, तलतिर पर्ने कोटी होममा रहेको कन्काई आर्यघाट र माईधार आर्यघाटमा समेत पानीको स्तर राति निकै बढेको थियो। नदी तटीय क्षेत्रका घाटहरू पूर्ण रूपमा डुबेका थिए। तर आइतबार बिहानदेखि वर्षा घट्दै जाँदा नदीको बहाव क्रमशः घट्न थालेपछि जोखिम केही कम भएको स्थानीय प्रशासनले जनाएको छ।

इलाम र झापाको सिमानामा पर्ने दोमुखा क्षेत्र धार्मिक र पर्यटकीय दृष्टिले निकै चर्चित मानिन्छ। प्रत्येक हप्ता यहाँ सयौं आन्तरिक पर्यटक पुग्ने गर्दछन्। बाढीका कारण बजार क्षेत्रको बाटो, घाट र केही संरचना क्षतिग्रस्त भएका छन्।

जिल्ला प्रशासन कार्यालय झापाका प्रमुख जिल्ला अधिकारी गोपालकुमार अधिकारीले हाल बाढीको बहाव सामान्य अवस्थामा फर्कँदै गएको जानकारी दिएका छन्। उनका अनुसार उद्धार कार्य सम्पन्न भइसकेको छ र अब क्षति मूल्याङ्कन सुरु गरिएको छ। “बाढी घटे पनि सतर्कता कायम राख्न सबैलाई अनुरोध गरिएको छ

स्थानीय बासिन्दाले भने भविष्यमा यसरी आकस्मिक बाढी नआओस् भनेर नदी किनार सुदृढीकरण र प्रारम्भिक चेतावनी प्रणाली जडान गर्न सरकारसँग माग गरेका छन्। दोमुखाका व्यवसायी एवं स्थायी बासिन्दा राधिका सुवेदी भन्छिन्, “हामीले यो पटक बाँच्यौं, तर अब सरकार र स्थानीय तहले नदी तटबन्ध मजबुत बनाउनुपर्छ, नत्र हरेक वर्ष डरमै बाँच्नुपर्छ।”

बाढीको तीव्रता घटेसँगै अहिले दोमुखा क्षेत्रको जनजीवन सामान्य बन्दै गएको छ, तर बाढीले रातभर मच्चाएको आतंक भने स्थानीयको मनबाट अझै मेटिएको छैन।

05/10/2025

एसियन हाइवे अन्तर्गत भालुखोलाको डाइभर्सनको काम जारी छ।
आज प्रदेशसम्ममा काम सम्पन्न गर्ने आयोजनाले बताएको छ।

05/10/2025

05/10/2025

अत्याधिक बर्षाका कारण झापाको कमल ७ को लालपानी देखि दक्षिण झर्काहासम्मको क्षेत्रमा पर्ने वस्ती र धानबाली समेत डुबानमा परेको छ ।
तस्विरः उमानाथ भण्डारी

05/10/2025

२ हप्ता अगाडिमात्र बिबाह बन्धनमा बाधियेकि मनिशा दसैको टिका लगाउन ताप्लेजुङ बाट मोरङ पथरि आउदै गर्दा तमोर कडियोर पाचथर मा गाडि भिर बाट खशि दुर्घटना हुदा नानि सहित ६ जनाको घटना स्थलमै मृत्यु भयेको साथै अन्य घाइते जुवाई साब लगाएत को सिघ्र स्वास्थ्य लाभको कामना गर्दछु -हार्दिक श्रध्दाञ्जलि 💐🥰

05/10/2025

https://purwakhabar.com/khabar/11670

राजकुमार ओली,इलाम १९ असोज, अविरल वर्षापछि इलाम जिल्लाका विभिन्न स्थानमा गएराति आएको भीषण पहिरोले ठुलो जनधनको क्ष...

05/10/2025

#इलाम झापा फास्ट्र्याक(४६ किमि) सडक अवरुद्ध

केचना कन्चन्जङ्घा अन्तर्गत ईलाम नगरपालिका -११ बेलासीस्थित माईखोला पक्की पुल भाँचिएको छ । योसँगै झापाबाट इलाम, पाँचथर, ताप्लेजुङ जाने द्रुत मार्ग अवरुद्ध बनेको छ ।
तस्बिर: स्थानीय सबिन लोक्ताम