Purwakhabar

11/12/2025

बर्दियामा साढे ४ क्विन्टल अवैध टिमुरसहित चालक पक्राउ

~~ बर्दियाको बाँसगढीबाट प्रहरीले ४ क्विन्टल ६२ किलो अवैध टिमुरसहित ट्रक चालक तेजबहादुर जागरीलाई पक्राउ गरेको छ ।

बाजुराबाट नेपालगञ्जतर्फ अनुमति बिना ल्याउँदै गरेको उक्त टिमुर र चालकलाई आवश्यक कारबाहीका लागि राजस्व अनुसन्धान कार्यालय कोहलपुरमा बुझाइएको प्रहरीले जनाएको छ ।

Online.com

10/12/2025

पहिचान पक्षधर राजनीतिक पार्टीहरूबिच एकता

बिर्तामोड २४ मङ्सिर,: राष्ट्रिय मुक्ति पार्टी , नेपाल जनमुक्ति पार्टी ( एकतापक्षधर) , काेचिला संर्घष समिति र संघीय लिम्बुवान पार्टी बिच एकता भएकाे हाे ।

आज झापाकाे बिर्तामाेडमा पत्रकार सम्मेलन गर्दै चार राजनीतिक दलले पार्टी एकता घाेषणा गरेका हुन् ।

प्रतिनिधि सभाको निर्वाचन नजिकिंदै गर्दा पुर्वमा पहिचानको आन्दोलन गरिरहेका चारवटा पार्टीबिच एकता भएको हाे ।

एकतापछि राजेन्द्र महतोले नेतृत्व गरेको 'राष्ट्रिय मुक्ति पार्टी नेपाल' को नाममा पार्टी समाहित गर्ने सहमति भएको छ ।

कार्यक्रममा कोचिला संघर्ष समितिका संयोजक त्रिनारायण राजबंशी, संघीय लिम्बुवान पार्टी नेपालका अध्यक्ष मित्र लिङदेन, नेपाल जनमुक्ति पार्टी (एकता पक्षधर) का दोस्रो बरियताका नेता सञ्जुहाङ पालुङवा र राष्ट्रिय मुक्ति पार्टीका अध्यक्ष राजेन्द्र महतोको उपस्थिति रहेको थियो ।

नवगठित पार्टीको अध्षक्ष महतो रहनेछन भने बरिष्ठ उपाध्यक्ष सञ्जुहाङ पालुङवा हुनेछन । त्यसैगरी क्रमश लिङदेन र राजवंशी पार्टीको उपाध्यक्ष भएका छन् ।

एकतापछि तत्काललाई राष्ट्रिय मुक्ति पार्टीको बिधान कार्यान्वयनमा ल्याउने योजना रहेको उपाध्यक्ष लिङदेेनले जानकारी दिए। पार्टीको विशेष राष्ट्रिय सम्मेलनमार्फत नाम, चिन्ह र झण्डा लगायत संशोधन गरिने उनले बताए ।

चारवटै पार्टीका कमिटीमा रहेका पदाधिकारी र सदस्यहरुलाई सहमतिको आधारमा नयाँ पार्टीमा जिम्मेवारी दिइने बताइएको छ ।

कार्यक्रममा बोल्दै बरिस्ठ नेता पालुङवाले फागुन २१ गते निर्वाचन हुन नसक्ने ठोकुवा गरे । उनले यो सरकारले आन्दोलनको म्याण्डेड बिर्सेको हुनाले निर्वाचन हुन नसक्ने बताए ।

फागुन २१ मा निर्वाचन हुन नसक्दा सांसद पुनस्थापना हुने बताए । धरानका मेयरसमेत रहेका हर्कराज राईको नाम नै लिएर उनले त्यस्ता पार्टीले ४,५ वटा सिट लिएर जाने र त्यसले झन अस्थिरता उत्पन्न गर्ने उनले दावी उनको थियो ।

10/12/2025

दमक प्रहरीमा आगो लाउने १३ जना कारागार चलान

जेनजी आन्दोलनका क्रममा इलाका प्रहरी कार्यालय दमकमा भएको आक्रमणसहितका घटनामा संलग्न भएको आरोपमा पक्राउ परेकामध्ये १३ जनालाई झापा जिल्ला अदालतले पुर्पक्षका लागि कारागार चलान गरेको छ।

कारागार चलान हुनेहरूमा पाँचथर मिक्लाजुङ ५ बस्ने साजन लुहागुन (२१), इलाम चुलाचुली ३ बस्ने नकुल अधिकारी (२२), दमक ७ बस्ने लोमस कटुवाल (२४), दमक ७ बस्ने गौरव भुजेल (२०), पाँचथर मिक्लाजुङ ३ बस्ने सुशिल फियाक, दमक ७ बस्ने शिव मल्लिक (१९), इलाम चुलाचुली २ बस्ने दर्शन लिम्बू (२२), गौरादह ३ घर भई हाल दमक ९ बस्ने सुन्दर गिरी (१९), गौरीगञ्ज ३ बस्ने रमेश पासवान (४६) र सोही ठाउँका सोनु पासवान (१९) रहेका छन्।

यसअघि गत कात्तिक २७ गतेको आदेशले इलाम चुलाचुली ३ बस्ने सुजल राई (१९), दमक ९ बस्ने अरुण रोका (२६) र दमक ९ बस्ने गणेश शर्मा (१९) पनि पुर्पक्षका लागि जेल चलान भइसकेका थिए।

झापामा पक्राउ परेका अन्य व्यक्तिहरूमध्ये ४ जना नाबालकलाई भने अभिभावकको जिम्मा लगाइएको छ, जसमा दमक ३ बस्ने रियाज सिलवाल (१६), दमक ५ बस्ने सायल राई (१६), दमक ७ बस्ने शाखिब शेख (१७) र दमक ३ बस्ने आदित्य लिम्बू (१७) रहेका छन्।

त्यस्तै, दमक ९ बस्ने सन्तबहादुर मोते (३४) र दमक ८ बस्ने उमेश थापा (३६) जनही रु १ लाख ५० हजार धरौटीमा रिहा भएका छन् भने दमक ३ बस्ने केदार बस्नेत (२१) रु ३० हजार धरौटीमा छुटेका छन्। जिल्ला प्रहरी कार्यालयका सूचना अधिकारी डीएसपी खगेन्द्रबहादुर खड्काले जेनजी आन्दोलनका क्रममा झापाका प्रहरी कार्यालयहरूमा आक्रमण गर्ने ४६ जना पक्राउ परेको जानकारी दिँदै १३ जना जेल चलान, ४ जना अभिभावकको जिम्मा, ३ जना धरौटीमा रिहा, ७ जना हाजिरी जमानीमा छुटेको र बाँकीमाथि अनुसन्धान भइरहेको बताएका छन्।

जेनजी आन्दोलनका क्रममा झापा, मोरङ र सुनसरीका विभिन्न स्थानमा भएका तोडफोड र आगजनीका घटनामा संलग्न भएको आरोपमा कुल ८९ जनालाई प्रहरीले नियन्त्रणमा लिएको छ।

यसमध्ये झापाबाट ४६, मोरङबाट ३९ र सुनसरीबाट ४ जनालाई पक्राउ गरिएको छ। मोरङमा भदौ २४ गते विभिन्न स्थानमा भएको अराजक गतिविधिमा संलग्न ठानिएका ३९ जनालाई जिल्ला प्रहरी कार्यालय मोरङले दुई चरणमा पक्राउ गरेको जनाएको छ।

प्रहरी निरीक्षक लेखनाथ दाहालका अनुसार पहिलो चरणमा २१, दोस्रो चरणमा १० र इलाका प्रहरी कार्यालय रंगेली क्षेत्रमा तोडफोडमा संलग्न थप ८ जनालाई विशेष अपरेसनमार्फत नियन्त्रणमा लिइएको थियो।

प्रहरीले सामाजिक सञ्जालमा भाइरल भएका भिडियो र फोटोका आधारमा पहिचान गरी पक्राउ प्रक्रिया अगाडि बढाएको जनाएको छ।

त्यसैगरी, सुनसरीमा इटहरी क्षेत्रमा तोडफोड र आगजनीमा संलग्न भएको आरोपमा ४ जनालाई पक्राउ गरी थप अनुसन्धान भइरहेको जिल्ला प्रहरी कार्यालय सुनसरीका एसपी केशव थेवेले जानकारी दिएका छन्।

10/12/2025

जुनार बजार लगिँदै

सिन्धुलीको गोलन्जोर गाउँपालिका-४ स्थित माझ कुविन्डेको बगैँचामा लटरम्म फलेका जुनार । जुनार बगैँचाबाट प्रतिकिलो ६५ रुपैयाँमा बिक्री हुने गरेको किसान बताउछन् । सिन्धुली जुनार उत्पादनका लागि प्रख्यात जिल्ला हो । तस्बिर :हरिराम भेटुवाल / रासस

10/12/2025

प्रेस काउन्सिल जिल्ला जिल्ला पुगेर कडा एक्सनमा उत्रिन्छ।

10/12/2025

भण्डारी पुर्वेली र घिमिरेको बारेमा यसरी भएर चर्चा

10/12/2025

https://purwakhabar.com/khabar/11939

राजकुमार ओली,काठमाडौँ,२४ मङ्सिर— देशको राष्ट्रिय स्वाभिमान, स्वाधीनता तथा स्थिरतासँग जोडिएका विषयमा पूर्व प्रध...

09/12/2025

कूटनीतिक विवाद चर्किँदै

जापान र चीनबीच सम्बन्ध झनै तनावपूर्ण बनेको छ। चीनले ताकाइचीको अभिव्यक्तिलाई आफ्नो सार्वभौमिकतामाथिको प्रत्यक्ष चुनौती भन्दै कडा प्रतिक्रिया जनाएपछि दुई देशबीचको द्वन्द्व सैन्य, राजनीतिक र आर्थिक तहसम्म फैलिएको छ।

यसैबीच, चीनले जापानमाथि मगेशिमा टापुमा नयाँ सैन्य बेसको निर्माण तीव्र गतिमा अघि बढाएको आरोप लगाएको छ। चिनियाँ सञ्चारमाध्यमहरूले जापान आत्म–रक्षा फौजका लागि सैन्य आधार निर्माण गर्दै गरेको र अमेरिकी सैन्य अभ्यासका लागि प्रयुक्त ‘फिल्ड क्यारियर ल्यान्डिङ प्राक्टिस (FCLP)’ समेत त्यहाँ सार्न सक्ने योजना बनाएको दाबी गरेका छन्। सन् २०३० सम्म निर्माण सम्पन्न गर्ने लक्ष्य राखिएको यो सैन्य बेसलाई चीनले **“जापानको भविष्यको सैन्य विस्तारको पूर्वतयारी”**का रूपमा व्याख्या गरेको छ।

यो विवाद त्यतिबेला झनै गम्भीर बन्यो जब टोकियोले चाइनीज J–15 लडाकु विमानहरूले ओकिनावा नजिक जापानी सैन्य विमानमा राडार ‘लक’ लगाएको दाबी गर्‍यो, जसलाई जापानले “अत्यन्त खतरनाक गतिविधि” भनेको छ। चीनले भने यी आरोपहरू अस्वीकार गर्दै उल्टै जापानी विमानहरूले चिनियाँ नौसेनाको घोषित अभ्यासमा अवरोध पुर्‍याएको आरोप लगाएको छ।

तनाव चुलिँदै जाँदा चीनले जापानी समुद्री खाद्य आयात पुनः सुरु गर्ने योजनालाई रोकेको छ, जुन दुई देशबीचको आर्थिक कूटनीतिक सम्बन्धमा थप असर पर्ने संकेत हो।

कूटनीतिक विवादको मूल कारण प्रधानमन्त्री ताकाइचीको संसदमा गरिएको एउटा टिप्पणी हो। उनले ताइवानलाई चीनद्वारा सैन्य बल प्रयोग गरी नियन्त्रणमा लिन खोज्ने परिस्थिति जापानका लागि ‘survival-threatening situation’ (अस्तित्वमाथिको खतरा) हुनसक्ने बताएका थिए। यो शब्दावली जापानको २०१५ को सुरक्षा ऐनमा प्रयोग गरिएको कानुनी परिभाषासँग जोडिन्छ, जसअनुसार जापानसँग निकट सम्बन्ध भएको देशमाथि भएको हमलाले जापानको अस्तित्वलाई खतरा पुर्‍याएमा जापान सामूहिक सुरक्षा कदम चाल्न सक्छ।

चीनले यो अभिव्यक्तिलाई आफ्नो तैवान सम्बन्धी नीतिमाथिको ‘गम्भीर हस्तक्षेप’ भन्दै तत्काल खारेज गर्न माग गरेको छ।

तनावको श्रृंखलामा चीनले जापानलाई संयुक्त राष्ट्रसंघमा समेत उजुरी गरेको छ। बीजिङले महासचिव एन्टोनियो गुटेर्रेसलाई पत्र पठाउँदै यदि जापानले ताइवान जलडमरूमध्यमा कुनै सैन्य गतिविधि गर्‍यो भने त्यसलाई आक्रमणको कार्य मानिने चेतावनी दिएको छ।

यता जापानले चीनको प्रतिक्रियालाई “अत्यधिक र अनावश्यक” बताउँदै आफ्नो सुरक्षा नीतिमा कसैको दबाब नमानेको स्पष्ट गरेको छ। टोकियोले ताइवान नजिकको योनागुनी टापुमा क्षेप्यास्त्र प्रणाली तैनाथ गर्ने तयारी तीव्र पारेको छ, जसले क्षेत्रीय सुरक्षा वातावरण झनै संवेदनशील बनेको छ।

एशिया–प्रशान्त क्षेत्रमा यिनै गतिविधिहरूले सम्भावित सैन्य द्वन्द्वको आशङ्का बढाएको विशेषज्ञहरूको मूल्यांकन छ।

09/12/2025

एमाले केन्द्रीय सदस्यमा दाबेदारहरूको भीड, जीवन घिमिरे पुनः दोहोरिने संकेत

बिराटनगर
पूर्वको राजनीतिक उर्वरभूमि मानिने मोरङमा नेकपा एमालेको ११ औँ महाधिवेशन नजिकिँदै जाँदा केन्द्रीय कमिटीमा को–को प्रवेश पाउने भन्ने विषयले जिल्लामा राजनीतिक तरङ्ग पैदा गरेको छ। महाधिवेशनका लागि मोरङका छवटै संघीय क्षेत्रबाट ४६ जना प्रतिनिधि चयन भइसकेका छन्।

हाल मोरङबाट जीवन घिमिरे, रामलाल शाह, युवराज बास्कोटा, नैनकला ओझा, नरेन्द्रकुमार श्रेष्ठ र मोतीलाल दुगड केन्द्रीय सदस्य छन्। आगामी महाधिवेशनमा उनीहरू सबैलाई पुनः दाबी गर्ने आधार बलियो मानिन्छ। घिमिरे, दुगड र श्रेष्ठ अध्यक्ष केपी शर्मा ओली निकट मानिन्छन् भने बाँकी नेताहरू इश्वर पोखरेल समूहमा रहेका छन्।

यसपटक मोरङबाट केन्द्रीय सदस्यमा डेब्यू गर्न चाहनेहरूको संख्या उल्लेख्य छ। एमाले मोरङका पूर्वअध्यक्ष नरेश पोखरेल, नेता ऋषिकेश पोखरेल, सुन्दरहरैँचाका राजकुमार ओझा, लिलाबल्लभ अधिकारी, ज्ञानेन्द्र सुवेदी, दिलीपकुमार बगडिया, मनोज अग्रवाल, सत्यनारायण चौधरी, डिल्ली शर्मा अधिकारी र रमेश पोखरेललगायतका नेताहरू सक्रिय रूपमा केन्द्रीय कमिटी प्रवेशका प्रयासमा देखिन्छन्। महिला कोटाबाट बिमला घिमिरे र धनमाया तामाङ पनि दाबेदार मानिएका छन्।

मोरङमा अध्यक्ष ओलीका विश्वासपात्रमध्ये एक मानिने नेपाल खेलकुद महासंघका केन्द्रीय अध्यक्ष पर्शुराम बस्नेत पनि यसपटक केन्द्रीय सदस्य बन्ने तयारीमा जुटेका छन्।

अन्तर–समूह शक्ति सन्तुलनका आधारमा दाबेदारी पनि स्पष्ट देखिन थालेको छ। राजकुमार ओझा, नरेश पोखरेल, ऋषिकेश पोखरेल र दिलीप बगडिया संस्थापन (ओली) पक्षमा छन् भने ज्ञानेन्द्र सुवेदीले आफू पछिल्लो समय संस्थापन नजिक भएको दाबी गर्दै आएका छन्। लिलाबल्लभ अधिकारी, मनोज अग्रवाल, सत्यनारायण चौधरी र रमेश पोखरेल भने इश्वर पोखरेल पक्षका मानिन्छन्।

एमाले स्रोतका अनुसार अध्यक्ष ओली मोरङबाट पुनः जीवन घिमिरेलाई केन्द्रीय सदस्य कायम राख्ने तयारीमा रहेको बताइन्छ। बाँकी स्थानका लागि भने तीव्र लबिङ, भेटघाट र शक्ति–समिकरण भएको स्रोतले जनाएको छ।

09/12/2025

https://purwakhabar.com/khabar/11934

बिर्तामोड, झापा बिर्तामोड चोकमा अवस्थित ऐतिहासिक तथा धार्मिक महत्व बोकेको दुर्गा मन्दिरलाई ट्राफिक व्यवस्थापन....

09/12/2025

क्षेत्रीय अन्तराष्ट्रिय विमानस्थल पोखरा को भ्रष्टाचार मुद्दामा महानिर्देशक प्रदिप अधिकारीलाई ५ लाख रुपैयाँ र पूर्वनिर्देशक मुरारी भण्डारीलाई १ लाख रुपैयाँ धरौटी लिएर तारेखमा छोड्न विशेष अदालतको आदेश ।

09/12/2025

मोतीराज भण्डारीको नामले प्रारम्भिक जानपहिचान बनाएका मदनकुमार भण्डारीको जन्म बुबा देवीप्रसाद भण्डारी र आमा चन्द्रकला भण्डारीको कोखबाट माहिला छोराको रूपमा विक्रम सम्वत् २००९ साल असार १४ गते भएको थियो । नेपालको पूर्वी पहाडी जिल्ला ताप्लेजुङको ढुङ्गेसाँघु गाउँ विकास समितिमा पर्ने ठोट्ने गाउँमा अवस्थित एउटा सामान्य कृषक परिवारमा जन्मनुभएका मदनले यहीँको भिरालो बस्तीभित्रका चट्टानहरूमा उफ्रिँदै, छेउँछाउमा बग्ने तमोर र मौवा खोलाका नागबेली परेका परिदृश्यहरूमा आँखा नचाउदै, लेकबेंसीहरूमा उकाली—ओराली गर्दै अनि लहलह हुने उत्तिस, चाँप र लालिगुराँसहरूका मनोरम दृश्यहरूमा हराउँदै र रमाउँदै आफ्नो बाल्यकाल बिताउनुभएको थियो ।