23/06/2025
अरुणोदय प्रा. वि .गौरादह ८ र अमर मा. वि . गौरादह २ मा सन्तानका लागि आमा कार्यक्रम सम्पन्न ।
गौरादह नगरपालिकाको सहयोगमा सामुदायिक विद्यालयमा आफ्ना छोराछोरी पढाउने परिवारका आमा (अभिभावक )हरूलाई सन्तानको उज्जवल भविष्यका लागि उत्प्रेरित गर्ने एफएम प्लस ८९.१ मेगाहर्जको कार्यक्रम "सन्तानका लागि आमा " मार्फत आज गौरादह ८ मा अवस्थित अरुणोदय प्राथमिक विद्यालय तथा गौरादह २ मा अवस्थित अमर माध्यामिक विद्यालयमा उपस्थित आमाहरूलाई उत्प्रेरित गर्नेकाम सम्पन्न सम्पन्न भएको छ ।
घरको सबैकाम छोडेर विद्यालयमा भेला हनुभएका सन्तानको भविष्य प्रति चिन्तित आमाहरूले करिब २ घण्टा ३० मिनेट सम्म धैर्यता पुर्वक बस्दै सन्तानको उज्जल भविष्यलागि ध्यान दिनुपर्ने कुराहरुको जानकारी लिनुभयो ।
अरुणोदय प्राथमिक विद्यालयमा सम्पन्न कार्यक्रममा गौरादह नगारपालिका वडा नम्बर ८ का वडा सदस्य हेमन सरी राजवंशी , ब्यवस्थापन समिति अध्यक्ष सितामाया गुरुङ ,प्रधानाध्यापक झगेन्द्र खडका , गुरुआमा तिलावती राजवंशी सहित सन्तानको उज्जवल भविष्यवका लागि आमाहरूलाई उत्प्रेरणा प्रदान गर्दै आउनु भएका अभियन्ता एवं पत्रकार युवराज भट्टराईले आमाहरूलाई उत्प्रेरित गर्नुभयो ।
आजै अमर माध्यामिक विद्यालय गौरादह २ मा सम्पन्न कार्यक्रममा पनि आमाहरूको सक्रिय सहभागिता रहयो । कार्यक्रममा वडा सदस्य विमला बास्तोला , ब्यवस्थापन समिति अध्यक्ष भोला पोख्रेल , शिक्षक अभिभावक संघका सदस्य राजन खनाल, प्रधानाध्यापक श्याम वस्ती ,गुरु आमा तारादेवी सिटौला सहित आमा उत्प्रेरणा अभियान कर्मी युवराज भट्टराईले आमाहरूलाई उत्प्रेरणा प्रदान गर्नुभयो ।
कार्यक्रममा आमाहरू(अभिभावक )लाई उत्प्रेरित गर्ने काम सम्पन्न भएपछि अभिभावक मात्र होइन ब्यावस्थापन समितिका पदाधिकारी देखि शिक्षकहरु कार्यक्रमले अभिभावकमा उत्साह थपिएको भन्दै खुशी प्रकट गर्नुभएको छ । कार्यकमको अन्त्यमा आमाहरू सहित उपस्थित अभिभावकहरुले आफुले बुझेका कुरा सुनाउदै कार्यक्रम सम्बन्धमा प्रतिक्रिया पनि दिनु भएको छ ।दुबै बिद्यालयमा उपस्थित आमाहरुले सन्तानका लागि घर देखिनै उचित वातावरण निर्माणका लागि आजैदेखि लागि पर्ने प्रतिक्रिया बाचा समेत गर्नुभएको छ ।
दुबै कार्यक्रममा सहभागिता जनाउनुहुने सम्पुर्ण आमाहरू , विद्यालय परिवार , जनप्रतिनिधि सहित कार्यक्रममार्फत झुपडीका आमाहरू सम्म पुग्ने कुरामा सहयोग एवं हौसला प्रदान गर्ने गौरादह नगरपालिका परिवार प्रति एफएम प्लस ८९.१ मेगाहर्ज परिवारका तर्फबाट आभार प्रकट गर्दछौ ।
सन्तान्का लागि आमा सामुदायिक विद्यालयका प्राथमिक तहमा छोराछोरी पढाउने आमाहरूलाई उत्प्रेरित गर्दै नानिहरुको उज्जवल भविष्यका लागि जगै देखि मजबुती कसरी ल्याउने अनि त्यसका लागि आमाहरूले के कस्ता कुरामा ध्यानदिने भन्ने कुरामा केन्द्रित कार्यक्रम हो। कार्यक्रमलाई एफएम प्लस ८९ .१ मेगाहर्ज बाट पनि क्रमशः प्रसारण गरिने कुरा अनुरोध छ । धन्यवाद
