RatnanagarOnline

07/06/2026

‘चितवनका ९८ वटै वडा नजिती संख्या पुग्दैन’ : सांसद हरि ढकाल

रत्ननगर, २४ जेठ ।
राष्ट्रिय स्वतन्त्र पार्टी (रास्वपा) का केन्द्रीय सदस्य एवं चितवन क्षेत्र नम्बर १ का प्रतिनिधि सभा सदस्य हरि ढकालले जिल्लाका सबै ९८ वटै वडामा पार्टीले जित हासिल नगर्दासम्म वास्तविक 'संख्या' नपुग्ने बताएका छन्। आइतबार भरतपुरमा आयोजित रास्वपा चितवनको प्रथम जिल्ला अधिवेशनलाई सम्बोधन गर्दै सांसद ढकालले आगामी स्थानीय तहको निर्वाचनमा पार्टीले जिल्लाका सबै पालिका र वडामा बलियो उपस्थिति जनाउनुपर्नेमा जोड दिए।

सम्बोधनका क्रममा उनले भने 'हामी केन्द्रमा सरकार गठनका लागि झण्डै दुई तिहाइको संख्यामा पुगे पनि चितवनको हकमा जबसम्म ९८ वटै वडामा हाम्रा वडाध्यक्ष, मेयर र उपमेयरका उम्मेदवारहरूले जित हासिल गर्दैनन्, तबसम्म हाम्रो संख्या पुगेको मान्न सकिँदैन।'

सांसद ढकालले केन्द्रको अङ्कगणितले मात्रै जनताको तल्लो तहसम्म परिवर्तनको अनुभूति गराउन नसक्ने उल्लेख गर्दै स्थानीय सरकारमा रास्वपाको पूर्ण नेतृत्व आवश्यक रहेको दाबी गरे। आगामी निर्वाचनमा चितवनका ९८ वटै वडामा उत्कृष्ट उम्मेदवार उठाएर जित्ने रणनीतिमा लाग्न उनले नेता तथा कार्यकर्ताहरूलाई निर्देशन समेत दिएका छन्।

05/06/2026

https://ratnanagaronline.com/news/2026/06/05/10153/

रामु आचार्य । २२ जेठ, रत्ननगर — शान्तिकुञ्ज सामाजिक उद्यमी महिला सहकारी संस्था लि. ले आजदेखि १० दिने दुग्धजन्य वस्...

05/06/2026

https://ratnanagaronline.com/news/2026/06/05/10152/ कुवेत र ओमानमा महिलालाई अवैध रूपमा खाडी पठाउने ६ जना पक्राउ

05/06/2026

रत्ननगरमा विद्यालयको नयाँ समय: साढे ९ देखि साढे ४, हप्तामा दुई दिन बिदा

रत्ननगर, जेठ २२ ।
रत्ननगर नगरपालिका क्षेत्रभित्रका सम्पूर्ण विद्यालयहरू अबदेखि बिहान ९:३० बजेदेखि बेलुका ४:३० बजेसम्म सञ्चालन हुने भएका छन्। सरकारले शनिबार र आइतबार सार्वजनिक बिदा दिने निर्णय गरेसँगै घट्न जाने पाठ्यघण्टा र कार्यघण्टालाई पूरा गर्न नगरपालिकाले विद्यालयको समय बढाएको हो ।

नगरपालिकाको शिक्षा शाखाले एक सूचना जारी गर्दै नगर शिक्षा समितिको मिति २०८३ जेठ १३ गतेको निर्णयअनुसार नयाँ समयतालिका तय गरिएको जनाएको छ। रत्ननगर नगरपालिकाका नगर शिक्षा अधिकारी नारायण प्रसाद वाग्लेका अनुसार विद्यालय सञ्चालनमा एकरूपता ल्याउन र विद्यार्थीहरूको सिकाइ अवधि घट्न नदिन यो कदम चालिएको हो।
सरकारले २०८२ चैत २३ गतेदेखि नै सरकारी कार्यालय तथा शैक्षिक संस्थाहरूमा दुई दिन बिदा दिने निर्णय गरेको भए तापनि शिक्षा मन्त्रालय र संघीय मामिला मन्त्रालयको पत्र प्राप्त भएपछि नगरपालिकाले यो विस्तृत कार्यतालिका सार्वजनिक गरेको हो। नयाँ नियमसँगै सबै विद्यालयहरूलाई सोही बमोजिम पठनपाठनको व्यवस्था मिलाउन समेत शिक्षा शाखाले निर्देशन दिएको छ।

23/05/2026

तातो हावाको लहर (लु) सम्बन्धी विशेष सतर्कता
जल तथा मौसम विज्ञान विभाग ले लुम्बिनी र सुदूरपश्चिमका केही जिल्लामा अत्यधिक गर्मी र तातो हावाको लहरको जोखिम भएकाले विशेष सावधानी अपनाउन आग्रह गरेको छ।
अगामी ३ दिनमा
अधिकतम तापक्रम ३८°C देखि ४०°C वा सोभन्दा माथि पुग्न सक्ने
तराई क्षेत्रमा मध्यम तातो लहर (लु) को सम्भावना
पहाडी क्षेत्रमा पनि तातो दिन रहने सम्भावना
बढी प्रभावित जिल्लाहरू
कञ्चनपुर
कैलाली
डोटी
बर्दिया
बाँके
दाङ
सतर्क रहनुपर्ने अन्य जिल्लाहरू
बैतडी
डडेलधुरा
अछाम
सुर्खेत
सल्यान
रोल्पा
प्युठान
पाल्पा
अर्घाखाँची
रुपन्देही
कपिलवस्तु
लु लाग्दा देखिन सक्ने समस्या
धेरै तिर्खा लाग्ने
थकान/कमजोरी
टाउको दुख्ने
चक्कर आउने
खुट्टा बाउँडिने
वान्ता हुने
बेहोस हुने
बच्ने उपाय
✅ दिउँसोको चर्को घाममा बाहिर कम निस्किने
✅ घरभित्र वा चिसो ठाउँमा बस्ने
✅ प्रशस्त पानी, जुस, सर्बत वा झोल पदार्थ पिउने
✅ हल्का र सुतीका कपडा लगाउने
✅ बाहिर जाँदा टोपी वा टाउको छोप्ने
✅ असहज महसुस भए तुरुन्त स्वास्थ्यकर्मीसँग सम्पर्क गर्ने
चितवन/भरतपुरतिर पनि अहिले गर्मी धेरै भएकाले सकेसम्म दिउँसो ११ बजेदेखि ४ बजेसम्म बाहिरको काम कम गर्नु राम्रो हुन्छ। विशेषगरी बालबालिका, ज्येष्ठ नागरिक र बाहिर काम गर्नेहरू अझ सतर्क रहनुहोस्।

05/05/2026

रत्ननगर खानेपानी तथा सरसफाइ उपभोक्ता संस्थाको अध्यक्ष पदमा दीपकराज पौडेल विजयी भएका छन् । अन्य पदमा पनि पौडेल प्यानल विजयी ।

28/04/2026

https://ratnanagaronline.com/news/2026/04/28/10148/

चितवन । राष्ट्रिय लोक भजन चुड्का संरक्षण प्रतिष्ठान जिल्ला शाखा चितवनको प्रथम जिल्ला अधिवेशन सम्पन्न भएको छ। तद....

19/04/2026

https://ratnanagaronline.com/news/2026/04/19/10146/

काठमाडौं — राष्ट्रिय स्वतन्त्र पार्टी (रास्वपा) ले आगामी वैशाख १५ गतेदेखि देशभर जिल्ला अधिवेशन सुरु गर्ने निर्णय...

19/04/2026

https://ratnanagaronline.com/news/2026/04/19/10144/

रत्ननगर । पूर्वी चितवनको रत्ननगरमा भोली सोमबार देखि कृषि, विज्ञान तथा प्राविधिक कलेज सञ्चालनको लागि श्रीमद्भाग.....

18/04/2026

रत्ननगरका रमेश नेपाल ब्लड डोनर्स सोसाइटी नेपालको वरिष्ठ कार्यकारी उपाध्यक्षमा निर्विरोध चयन

रत्ननगर, वैशाख ५ ।
रत्ननगरका रमेश नेपाल ब्लड डोनर्स सोसाइटी नेपालको पाँचौं साधारण सभा तथा दोस्रो अधिवेशनबाट केन्द्रीय वरिष्ठ कार्यकारी उपाध्यक्षमा निर्विरोध चयन भएका छन् ।

नारायणी रिसोर्ट, गैंडाकोटमा सम्पन्न उक्त अधिवेशनले अञ्जन दवाडीको नेतृत्वमा नयाँ कार्यसमिति चयन गरेको छ । रत्ननगर नगर कमिटीका संस्थापक अध्यक्ष रमेश नेपाललाई केन्द्रीय वरिष्ठ कार्यकारी उपाध्यक्षको जिम्मेवारी दिइएको हो ।

कार्यकारी उपाध्यक्ष चयन भएपछि रमेश नेपालले बिप्स मिडियासँग प्रतिक्रिया दिँदै भने, '२०६० सालमा बाटोमा हिँड्दै गर्दा रगत नपाएर छटपटाइरहेका बिरामीहरूको आँखाबाट आँसु झरेको देखेर म आफैंले पहिलोपटक रक्तदान गरेको थिएँ । त्यसपछि रक्तदानप्रतिको चासो, चिन्तन र अभियानमा जोडिँदै आज २०८२ सालसम्म आइपुग्दा एउटा लामो यात्रा पूरा भएको छ ।'

उनले थपे, 'कलेज जीवनमा सर्कलको प्रतिनिधित्व गर्दै विभिन्न कालखण्ड पार गर्दै रूपन्देहीमा रहेर युवा रेडक्रस सर्कलको प्रतिनिधित्व गरे । रक्त सञ्चार केन्द्र रूपन्देहीमा काम गर्दै आफ्नो अनुभव सेयर गर्दै नियमित रक्तदान कार्यक्रम सञ्चालन गरे । अरूलाई पनि रक्तदान गर्न प्रेरित गरेँ । त्यसपछि ब्लड डोनर्स सोसाइटी रत्ननगरको स्थापना गरी सफल बनाएँ । केन्द्रीय सदस्य हुँदै अहिले यो अधिवेशनबाट निर्विरोध वरिष्ठ कार्यकारी उपाध्यक्षमा चयन भएको छु । यस अवसरमा साथ र सहयोग गर्नुहुने सम्पूर्णलाई हार्दिक धन्यवाद दिन चाहन्छु ।'

अधिवेशनले चयन गरेको नयाँ कार्यसमितिमा उपाध्यक्षहरूमा सुरेन्द्र धिताल र मनरुपा पौडेल, महासचिवमा अञ्जन तिवारी रहेका छन् । यसैगरी सदस्यहरूमा पवन भूर्तेल, नारायण शर्मा, रामचन्द्र लम्साल, प्रवल केसी, सुवास चन्द आचार्य, माया भण्डारी र कुमार लामिछाने चयन भएका छन् ।