14/07/2025
पूर्व प्रधानमन्त्री प्रचण्डज्यू,
बिगतमा ३२ सिटको असहज सन्तुलनबाट नेतृत्व सम्हाल्नुभयो, तर असम्भव जस्तै देखिने कामलाई सम्भव बनाउनुभयो। आर्थिक संकटतर्फ लम्किरहेको मुलुकलाई तपाईंको नेतृत्वमा सम्हालिँदै इतिहासकै उच्च विदेशी मुद्रा सञ्चिति — १२.७५ अर्ब अमेरिकी डलर — सम्म पुर्याउनुभयो।
सन् २०२३ मा १.९% मा थलिएर बसेको अर्थतन्त्रलाई २०२४ मा ३.३% मा उकास्नुभयो। २०२५ मा ४.६% को आर्थिक वृद्धि प्रक्षेपण बनाउनुभएको नीतिगत स्थायित्वको प्रमाण हो।
विद्युत् निर्यातबाट मासिक ३०० करोड रुपैयाँभन्दा बढी राजस्व सुनिश्चित गर्नुभयो। ३२ सिटकै आधारमा शक्तिशाली भ्रष्टहरूलाई कारवाही गर्ने साहस देखाउनुभयो — गिरिबन्धु र भुटानी शरणार्थी काण्डमा कठोर कदम चाल्दा कुर्सी हल्लियो र अन्ततः ढल्यो।
तर राजनीति जित्नुभयो।
पद गुमाएर पनि नेतृत्वको गरिमा उचाल्नुभयो।
तर अहिले सत्तामा छन् ती, जसको चौतर्फी आलोचना छ —
भ्रष्टाचार, तस्करी, भिजिट भिसाको नाममा मानव बेचबिखन, ठूला निर्णयहरू सेटिङमा हुने, फाफिया र नातावादको हावी — यस्तो सरकारसँग अब जनताले आशा गर्न कठिन भएको छ।
स्वरोजगारको नाममा कार्यकर्तामार्फत ढुकुटी रित्याउने काम फेरि नहोस्। अनुत्पादक 'सेता टावर' फेरि नबनुन्। 'पानीजहाज कार्यालय'को नाममा बजेट दुरुपयोग गर्ने दिनहरू नफर्कुन्।
कुल्मानको घाँटी समात्ने काम भयो। न्यायालयमा कार्यकर्ता भर्ने काम भयो। भिजिट भिसामा सेटिङ गरेर कमिसन खाने काम भयो — देशलाई फेरि श्रीलंका बनाउने संकेतहरू देखिन थालेका छन्।
पूर्व प्रधानमन्त्रीज्यू, तपाईंको नेतृत्व साँच्चिकै सम्झन लायक रह्यो।
जति गर्नुभयो, त्यो अत्यन्त प्रशंसनीय छ।
धन्यवाद। कुर्सी गुमाएर पनि राजनीति जित्नुभयो।
प्रचण्डलाई सम्मान – अहिलेको सत्तालाई चेतावनी।
\
