01/02/2026
कास्की कारागारबाट भागेका नामुद च्याङ्ग्रा चो'र फेरि ठ'गी ध'न्दा गर्दै गर्दा फेरि प'क्राउ ः प्रहरीमा मु'द्दाका ओइरोे
पोखरा , १९ माघ २०८२ ।
जेन जी आन्दोलनका क्रममा कास्की जिल्ला कारागारबाट भागेका एक जना नामुद च्याङ्ग्रा चोर झन्डै साढे चार महिनापछि फेरि पक्राउ परेका छन्।
गएको भदौ २३ र २४ गते भएको जेन जी आन्दोलनमामा कास्की जिल्ला कारागारबाट भागेका रुपन्देहीको शुद्धोधन गाउँपालिका वडा नम्बर ४ घर भइ हाल पोखरा–७ मासबारमा बस्दै आएका नामुद ‘च्याङ्ग्रा चोर’ ५० वर्षीय मुन्ना भनिने मोहम्मद फकिर चितवनको भरतपुरबाट फेरी पक्राउ परेका हुन्।
प्रहरीका अनुसार , उनी गएको दशैंमा भेडाच्यांग्रा ब्यापारी जयलाल रोकायासंग असोज २३ गते १०३ वटा च्यांग्रा किनेर अर्कैको नाममा रहेको नासटिने चेक दिएर बेपत्ता भएका थिए । सोही आरोपमा पक्राउ परेका फकिर गएको भदौ २३ र २४ गते भएको जेन जी आन्दोलनमामा कास्की जिल्ला कारागारबाट भागेका थिए।
नेपाल प्रहरी प्रदेश प्रहरी कार्यालय र जिल्ला प्रहरी कार्यालय कास्कीको संयुक्त टोलीले भरतपुरबाट पक्राउ गरेर पोखरा ल्याई मुन्नालाई जेनजी आन्दोलनका क्रममा भुक्तान गर्न बाँकी रहेको नौ महिना १२ दिन कैद सजायं भुक्तान गर्नकास्की जिल्ला कारगार पठाइएको जिल्ला प्रहरी कार्यालय कसिका सूचना अधिकारी डिएसपी हरिबहादुर बस्नेतले जानकारी दिए । २०८१ दशैंलगत्तै उनलाई कास्की जिल्ला अदालतले उनलाई कारागार चलान गर्न आदेश दिएको कास्की प्रहरीले जनाएको छ ।
कास्की जिल्ला कारागारबाट भागे पछि पनि अभियुक्त मुन्ना भनिने मोहम्मद फकिरले फेरि चार वटा चोरी गरेको फेला परेको छ । मुन्नाविरुद्ध त्योभन्दा अगाडि नै १४ वटा चोरी, बैंकिङ कसुर, स्वास्थ्य–सुरक्षापविरुद्धको कसुरमा मुद्धा दायर भएको थियो ।
गाडी खरिद गर्ने भन्दै भरतपुरमा पनि नक्कली ब्यापारी बनेर अर्को ठगी गर्न लागिरहेको अवस्थामा १५ गते मुन्नालाई पक्राउ गरी पोखरा ल्याएर अनुसन्धान अगाडि बढाइएको छ । मुन्नाको मुख्य उद्देश्य नै विभिन्न आवरणमा चोरी तथा ठगी गर्ने र रासलिला गर्ने देखिएको प्रहरीको अनुसन्धानबाट खुलेको छ ।
भदौ २४ गते फरार भएपछि पोखराका विभिन्न ठाउँमा अवैध रुपमा यौनधन्दा चल्ने रेस्टुरेन्टहरु पुगेको पाइएको र त्यही रेस्टुरेन्टहरुमाथि निगरानी राखेर पछ्याउँदै जाँदा उनको थप विवरण र लुकेर बसेको ठाउँ फेला पार्नसमेत सहयोगी बनेको प्रहरी स्रोतको भनाइ छ ।
ठगि, आपराधिक, बिश्वासघात तथा आपराधिकलाभ सम्बन्धी कसूरमा यसअघि २०८१ असोज ६ गते पक्राउ परी कारागार चलान गरिएको थियो । भदौ २४ गते फरार मुन्ना फेरि दसैंमा पोखरा याम्दीमा पुगेर अर्को ठगी गरेका थिए । मुस्ताङका ताक्ला गुरुङले दसैंका लागि बिक्री गर्न तयार पारिएको १०३ वटा च्यांग्रा ट्रकसहित नै चोरेर भागेका थिए । उनलाई प्रहरीले चितवनबाट पक्राउ गरी मुद्दा चलाएको थियो ।
४२ लाख रुपैयाँ मूल्य छिनेर मुन्नाले ताक्लालाई चेक उपलब्ध गराएका थिए । जोमसोममै साट्ने भनिएको चेक पोखरामै साट्ने नत्र रकम पनि त्यही उपलब्ध गराउने योजनासहित उनीहरु पोखराको याम्दी आइपुगेका थिए ।
याम्दीमा च्यांग्राको ब्यवस्थापन गरेर हिसाब मिलान गर्ने बताएपछि ताक्ला राति सुत्न गए, त्यही राति ग १ ख ५१७४ नम्बरको ट्रकसहित मुन्ना फरार भएका थिए ।
पोखरा र पृथ्वीराजमार्गका विभिन्न मासु पसमा च्यांग्रा बिक्री गर्दै चितवन पुगेका मुन्नालाई प्रहरीले पक्राउ गरी मुद्धा चलाएपछि उनी कारागार चलान भएका थिए ।
जेनजी आन्दोलनका क्रममा फरार भएका मुन्नाले यो दसैंमा पनि त्यही शैलीमा भेडाच्यांग्रा उछिट्याएका हुन् । हिमाली जिल्लाबाट दसैंका लागि पोखरामा भेडाच्यांग्रा बिक्री गर्न ल्याएका जयलाल रोकायालाई अर्कैको नामको चेक दिएर असोज २३ गते ३२ वटा च्यांग्रा भ्यानमै हालेर उनी फरार भएको प्रहरीको भनाइ छ ।
