https://www.youtube.com/@samjhanamedia/featured

Saaramsha News, Baneshwor/10, Kathmandu (2026)

11/06/2026

आज शुक्रबार- "महालक्ष्मी" माताको दर्शन गरि दिनको शुभारम्भ गर्नुहोस् ।

11/06/2026

🌹 शुभप्रभात 🌹

"सूर्य उदाउनुअघि आकाश सबैभन्दा अन्धकारमय हुन्छ। त्यसैले कठिन समयलाई अन्त्य होइन, नयाँ सुरुवातको संकेत सम्झनुहोस्।"

Saaramsha News

11/06/2026

कांग्रेस क्रियाशील सदस्यता अद्यावधिकको अन्तिम दिन आज, अद्यावधिक नगर्ने महाधिवेशनबाट बाहिरिने

काठमाडौं । नेपाली कांग्रेसको क्रियाशील सदस्यता अद्यावधिक गर्ने अन्तिम समयसीमा आज मध्यरातबाट सकिँदै छ।

पार्टीले जेठ २८ गते राति १२ बजेसम्म मात्रै अनलाइनमार्फत सदस्यता अद्यावधिक गर्न सकिने जनाएको छ। समयसीमा नजिकिँदै जाँदा कांग्रेस नेतृत्वले छुटेका सदस्यलाई तत्काल प्रक्रिया पूरा गर्न आग्रह गरेको छ।

महामन्त्री तथा सदस्यता व्यवस्थापन केन्द्रीय समितिका संयोजक प्रदीप पौडेलले अन्तिम समयमा अत्यधिक चाप पर्दा प्राविधिक समस्या आउन सक्ने भएकाले ढिलाइ नगर्न अनुरोध गरेका छन्। उनका अनुसार कांग्रेसको वेबसाइटमार्फत प्रत्येक सदस्यले आफ्नै मोबाइलबाट सहज रूपमा सदस्यता अद्यावधिक गर्न सक्ने व्यवस्था गरिएको छ।

कांग्रेसका तथ्यांकअनुसार अद्यावधिकका लागि योग्य ७ लाख ८२ हजार २०९ क्रियाशील सदस्यमध्ये जेठ २७ गते साँझसम्म ४ लाख ५७ हजार ३६६ जनाले एसीआईडी प्राप्त गरिसकेका छन् भने १ लाख २४ हजार ७४८ जनाले अनलाइन फाराम भरिसकेका छन्।

पार्टीले यस अभियानलाई सदस्यता प्रणालीलाई डिजिटल, व्यवस्थित र पारदर्शी बनाउने प्रयासका रूपमा लिएको छ। नेतृत्वको दाबी छ कि यसले विगतमा देखिने फर्जी सदस्यताको समस्या घटाएर वास्तविक सदस्य संख्या र विवरण अभिलेखीकरण गर्न मद्दत गर्नेछ।

केन्द्रीय सदस्य अजयबाबु शिवाकोटीले विगतमा नेताहरूले अरूको नाममा समेत फाराम भरिदिने अभ्यासका कारण सदस्य संख्या अस्वाभाविक रूपमा बढ्ने गरेको उल्लेख गर्दै अहिले सदस्य स्वयंले अनलाइन प्रणालीमार्फत विवरण भर्दा वास्तविक अवस्था देखिएको बताए।

उनले तोकिएको समयभित्र सदस्यता अद्यावधिक गर्नेहरू मात्रै आगामी १५औँ महाधिवेशनमा सहभागी हुन पाउने स्पष्ट गर्दै समयसीमा सकिएपछि कुनै पनि दबाब वा विरोधले काम नगर्ने चेतावनी दिए।

कांग्रेसले १५औँ महाधिवेशनलाई निष्पक्ष, पारदर्शी र प्रविधिमैत्री बनाउने लक्ष्यसहित सञ्चालन गरेको सदस्यता अद्यावधिक अभियान आज रातिसँगै औपचारिक रूपमा सम्पन्न हुँदैछ।

11/06/2026

सभामुखको कमजोरीले संसद्को गरिमा खस्कियो : साम्पाङ

काठमाडौं । श्रम संस्कृति पार्टीका संसदीय दलका नेता हर्कराज राई (साम्पाङ)ले प्रधानमन्त्री वालेन्द्र शाहको सीमा सम्बन्धी अभिव्यक्तिलाई ‘राष्ट्रघाती’ र ‘तथ्यहीन’ भन्दै कडा आपत्ति जनाएका छन्।

बिहीबार जारी विज्ञप्तिमार्फत साम्पाङले राष्ट्रिय सार्वभौमसत्ता र भूगोलभन्दा माथि कुनै विकास वा राजनीतिक एजेन्डा हुन नसक्ने उल्लेख गर्दै नेपाल–भारत सीमा विवादका विषयमा प्रधानमन्त्रीको अभिव्यक्तिले राष्ट्रिय स्वाभिमानमा चोट पुगेको बताएका हुन्।

उनले भारतले दशकौँदेखि नेपाली भूमि अतिक्रमण गर्दै आएको दाबी गर्दै प्रधानमन्त्रीले ‘नेपालले पनि धेरै ठाउँमा भारतको सीमा मिचेको छ’ भन्ने आशयको अभिव्यक्ति दिएको आरोप लगाए। साम्पाङका अनुसार यस्तो भनाइले नेपालको वैधानिक दाबी कमजोर बनाउने काम गरेको छ।

प्रधानमन्त्रीको उक्त भनाइ सच्याउनुपर्ने माग राख्दै आफूहरूले संसद्मा विरोध जनाएको स्मरण गराउँदै उनले त्यसक्रममा सरकारको तर्फबाट आएको प्रतिक्रिया पनि अस्वीकार्य रहेको बताए।

साम्पाङले परराष्ट्रमन्त्री शिशिर खनालले संसद्मा प्रधानमन्त्रीको अभिव्यक्तिको बचाउ गर्ने प्रयास गरेको आरोप लगाउँदै त्यसले लोकतान्त्रिक संसदीय अभ्यासमाथि नै प्रश्न उठाएको टिप्पणी गरेका छन्।

संसद्को गरिमा र मर्यादा लगातार खस्कँदै गएको दाबी गर्दै उनले त्यसका लागि सभामुखको भूमिका समेत जिम्मेवार रहेको आरोप लगाए। श्रम संस्कृति पार्टीले संसद्मा विपक्षी आवाजलाई बेवास्ता गर्ने प्रवृत्तिप्रति गम्भीर असहमति रहेको पनि जनाएको छ।

11/06/2026

दुई रुपैयाँ अनियमितता प्रमाणित भए सार्वजनिक जीवन छोड्छु : अर्थमन्त्री वाग्ले

काठमाडौं । अर्थमन्त्री स्वर्णिम वाग्लेले विद्युतीय सवारीसाधन (ईभी) मा कर निर्धारणको आधार परिवर्तन गर्नुको उद्देश्य ‘पिक पावर’ को नाममा भइरहेको कर छली र विकृति अन्त्य गर्नु रहेको बताएका छन्।

बिहीबार प्रतिनिधिसभाअन्तर्गतको लेखा समितिको बैठकमा सांसदहरूले उठाएका प्रश्नको जवाफ दिँदै वाग्लेले अहिले सवारीसाधनहरू पनि ग्राहकको आवश्यकता अनुसार ‘कस्टुमाइज’ भएर आउन थालेकाले केवल पावर क्षमताका आधारमा कर लगाउने पुरानो प्रणाली व्यवहारिक नरहेको बताए।

उनले ईभी कर संरचनामा गरिएको परिवर्तनलाई कुनै व्यक्ति वा व्यवसायलाई लक्षित नभई दीर्घकालीन सुधारको कदम भएको दाबी गरे। उनका अनुसार नयाँ व्यवस्थाले महँगा र उच्चस्तरीय सवारी प्रयोग गर्ने वर्गबाट तुलनात्मक रूपमा बढी कर संकलन हुने सुनिश्चित गर्नेछ।

बैठकमा केही सांसदहरूले बजेट सार्वजनिक हुनुअघि नै करसम्बन्धी सूचना चुहावट भएको र त्यसबाट निश्चित समूहले लाभ लिएको आरोपबारे प्रश्न उठाएका थिए। त्यसको जवाफमा वाग्लेले आफूविरुद्ध लगाइएका आरोप पुष्टि गर्न चुनौती दिँदै प्रमाण भए सार्वजनिक गर्न आग्रह गरे।

‘करको दर चुहावट भएको कुनै प्रमाण छ भने ल्याउनुस्, म जवाफ दिन तयार छु,’ उनले भने, ‘दुई अर्ब त परको कुरा, दुई रुपैयाँ अनियमितता गरेको प्रमाणित भए सार्वजनिक जीवनबाटै अलग हुन तयार छु।’

11/06/2026

फिफा विश्वकप २०२६ आजदेखि : ४८ टोली सहभागी

काठमाडौं । अफ्रिकी भूमिमा भएको सन् २०१० को विश्वकप उद्घाटन खेलमा १–१ को बराबरी खेलेका मेक्सिको र दक्षिण अफ्रिका १६ वर्षपछि फेरि विश्वकपको पहिलो खेलमै भिड्दै छन्। आज मध्यराति मेक्सिको सिटीस्थित एस्टाडियो अज्टेकामा हुने खेलबाट विश्वकप २०२६ को औपचारिक सुरुआत हुनेछ।

४८ टोली सहभागी यस संस्करणलाई विश्वकप इतिहासकै सबैभन्दा ठूलो प्रतियोगिता मानिएको छ। अमेरिका, मेक्सिको र क्यानडाले संयुक्त रूपमा आयोजना गरेको प्रतियोगितामा कुल १०४ खेल हुनेछन्।

घरेलु मैदान र समर्थकको साथका कारण मेक्सिकोलाई बलियो टोली मानिएको छ। फिफा वरीयतामा १४औँ स्थानमा रहेको मेक्सिको पछिल्ला आठ खेलमा अपराजित छ। यता ६०औँ स्थानको दक्षिण अफ्रिका भने १६ वर्षपछि विश्वकपमा फर्किएको हो।

समूह ‘ए’ मा रहेका मेक्सिको, दक्षिण अफ्रिका, चेक रिपब्लिक र दक्षिण कोरियामध्ये शीर्ष दुई टोली तथा उत्कृष्ट आठ तेस्रो स्थानका टोली नकआउट चरणमा पुग्नेछन्।

हेड–टु–हेडमा मेक्सिको अगाडि छ। दुवै टोलीबीच भएका चार खेलमध्ये मेक्सिकोले दुई जितेको, दक्षिण अफ्रिकाले एक जितेको र एक खेल बराबरीमा सकिएको छ।

11/06/2026

आजको राशिफल : २०८३ साल जेठ २८ गते बिहीबार

♈ मेष
कार्य क्षेत्रमा नयाँ अवसर प्राप्त हुन सक्छ। रोकिएका कामहरू अगाडि बढ्नेछन्। परिवारका सदस्यसँगको सम्बन्ध अझ सुमधुर बन्नेछ। आर्थिक पक्षमा सुधार आउने संकेत छ।
🍀 शुभ अंक: ९
🎨 शुभ रङ: रातो
✅ शुभ संकेत: महत्वपूर्ण निर्णयले भविष्यमा राम्रो परिणाम ।

♉ वृष
परिश्रमको उचित प्रतिफल प्राप्त हुने दिन छ। व्यापार तथा पेशामा लाभ मिल्नेछ। आफन्तजनसँग भेटघाट हुन सक्छ। स्वास्थ्यमा सामान्य सावधानी अपनाउनु राम्रो हुनेछ।
🍀 शुभ अंक: ६
🎨 शुभ रङ: सेतो
✅ शुभ संकेत: आर्थिक लाभ वा उपहार प्राप्तिको सम्भावना।

♊ मिथुन
नयाँ योजना बनाउनका लागि दिन उपयुक्त छ। अध्ययन, लेखन तथा सञ्चार क्षेत्रका व्यक्तिहरूलाई विशेष सफलता मिल्नेछ। मित्रहरूको साथले आत्मबल बढाउनेछ।
🍀 शुभ अंक: ५
🎨 शुभ रङ: हरियो
✅ शुभ संकेत: नयाँ सम्बन्ध वा सहकार्यको सुरुवात हुन सक्छ।

♋ कर्कट
मन प्रसन्न रहनेछ। पारिवारिक वातावरण सुखद रहनेछ। सामाजिक सम्मान बढ्ने संकेत छ। अधुरा काम पूरा गर्न आजको दिन फलदायी रहनेछ।
🍀 शुभ अंक: २
🎨 शुभ रङ: सेतो
✅ शुभ संकेत: परिवारबाट शुभ समाचार प्राप्त हुन सक्छ।

♌ सिंह
नेतृत्व क्षमता प्रदर्शन गर्ने अवसर मिल्नेछ। कार्यक्षेत्रमा प्रशंसा प्राप्त हुनेछ। आत्मविश्वास उच्च रहने भएकाले कठिन काम पनि सहज बन्नेछन्।
🍀 शुभ अंक: १
🎨 शुभ रङ: सुनौलो
✅ शुभ संकेत: पद, प्रतिष्ठा वा जिम्मेवारीमा वृद्धि हुन सक्छ।

♍ कन्या
बौद्धिक तथा सिर्जनात्मक कार्यमा सफलता मिल्नेछ। अध्ययन-अध्यापन र अनुसन्धानमा संलग्न व्यक्तिहरूका लागि दिन उत्कृष्ट रहनेछ। खर्च नियन्त्रणमा राख्नुपर्छ।
🍀 शुभ अंक: ५
🎨 शुभ रङ: हल्का हरियो
✅ शुभ संकेत: नयाँ ज्ञान वा सीप हासिल गर्ने अवसर।

♎ तुला
साझेदारी तथा सहकार्यबाट लाभ मिल्नेछ। प्रेम सम्बन्धमा मधुरता बढ्नेछ। पारिवारिक सहयोगले मन प्रसन्न रहनेछ।
🍀 शुभ अंक: ६
🎨 शुभ रङ: गुलाबी
✅ शुभ संकेत: सम्बन्ध सुधार र मेलमिलापको अवसर।

♏ वृश्चिक
साहस र दृढताले सफलता दिलाउनेछ। लामो समयदेखि रोकिएको काम बन्ने सम्भावना छ। यात्राको योग देखिन्छ।
🍀 शुभ अंक: ९
🎨 शुभ रङ: मरुन
✅ शुभ संकेत: शुभ समाचार वा लाभदायक भेटघाट।

♐ धनु
धार्मिक तथा सामाजिक कार्यमा रुचि बढ्नेछ। भाग्यको साथ मिल्ने भएकाले महत्त्वपूर्ण काममा सफलता प्राप्त हुनेछ। नयाँ अवसरलाई नछुटाउनुहोस्।
🍀 शुभ अंक: ३
🎨 शुभ रङ: पहेँलो
✅ शुभ संकेत: मनोकामना पूरा हुने संकेत।

♑ मकर
व्यवसाय तथा जागिरमा प्रगतिको सम्भावना छ। वरिष्ठ व्यक्तिको सहयोग प्राप्त हुनेछ। लगनशीलताले राम्रो नतिजा दिनेछ।
🍀 शुभ अंक: ८
🎨 शुभ रङ: निलो
✅ शुभ संकेत: करियरमा सकारात्मक परिवर्तनको संकेत।

♒ कुम्भ
सिर्जनात्मक सोच र नवीन योजनाले सफलता दिलाउनेछ। मित्र तथा शुभचिन्तकहरूको सहयोग प्राप्त हुनेछ। आर्थिक पक्ष सन्तोषजनक रहनेछ।
🍀 शुभ अंक: ४
🎨 शुभ रङ: आसमानी
✅ शुभ संकेत: नयाँ अवसरको ढोका खुल्न सक्छ।

♓ मीन
मनोकामना पूरा हुने सम्भावना छ। प्रेम, परिवार र सामाजिक सम्बन्धमा खुसीको वातावरण रहनेछ। धार्मिक कार्यमा रुचि बढ्न सक्छ।
🍀 शुभ अंक: ७
🎨 शुभ रङ: बैजनी
✅ शुभ संकेत: शुभ समाचार वा विशेष उपलब्धि प्राप्त हुन सक्छ।
प्रतिक्रिया दिनुहोस

10/06/2026

आज विहीबार- "बंगलामुखी" माताको दर्शन गरि दिनको शुभारम्भ गर्नुहोस् ।

10/06/2026

🌼 शुभप्रभात 🌼

“आफ्नो लक्ष्यतर्फ एक कदम अघि बढ्नुहोस्। गति सुस्त भए पनि निरन्तरता नटुटोस्। समयसँगै साना प्रयासहरूले नै ठूलो सफलता निर्माण गर्छन्।"

🌺 शुभ दिन 🌹✨

Saaramsha News

10/06/2026

संगीत रोयल्टी समाजको नयाँ व्यवस्था : स्रष्टाको खातामै रकम

संगीत रोयल्टी समाजको नयाँ व्यवस्था : स्रष्टाको खातामै रकम
काठमाडौं । संगीत रोयल्टी संकलन समाजले सर्जक तथा स्रष्टालाई रोयल्टी रकम सिधै बैंक खातामार्फत भुक्तानी गर्ने व्यवस्था लागू गरेको छ।
समाजका अध्यक्ष सुरेश अधिकारीका अनुसार सोमबारदेखि यो प्रणाली कार्यान्वयनमा आइसकेको छ। समाजमा अद्यावधिक बैंक विवरण उपलब्ध गराएका सर्जक तथा स्रष्टाको खातामा रोयल्टी रकम जम्मा गर्न थालिएको उनले बताए।

उनले बैंक खाता वा मोबाइल नम्बर अद्यावधिक गर्न बाँकी रहेका सर्जकलाई समाजको कार्यालयमा सम्पर्क गरी विवरण अपडेट गर्न आग्रह गरेका छन्।

नयाँ व्यवस्थासँगै सर्जक तथा स्रष्टाले आफूले पाउने रोयल्टी रकम आफ्नो बैंक खाताबाट जुनसुकै समयमा झिक्न सक्ने समाजले जनाएको छ।

Saaramsha News

11/06/2026

11/06/2026

11/06/2026

11/06/2026

11/06/2026

11/06/2026

11/06/2026

10/06/2026

10/06/2026

10/06/2026

Address

Website

Alerts

Contact The Business

Shortcuts

Share

Category