17/05/2026
सडक सञ्जालसँग बल्ल जोडियो किमाथाङ्का
उत्तर–दक्षिण कोशी राजमार्ग अन्तर्गतको सडक अन्ततः किमाथाङ्का पुगेको छ। भोटखोलाको च्याम्ताङदेखि घुङ्गाप्पाको भीर छिचोलिएपछि जिल्ला सदरमुकाम खाँदबारीबाट हिँडेको ट्याक्टर पहिलो पटक किमाथाङ्का गाउँ पुगेको हो।
शुक्रबार दुई वटा ट्याक्टर किमाथाङ्का पुगेको पत्रकार गंगा विष्टले जानकारी दिनुभयो। पहिलो पटक गाउँ पुगेका ट्याक्टर चालक, एक्सकाभेटर चालक तथा किमाथाङ्का सडक अभियानसँग सम्बन्धित टोलीलाई स्थानीयवासीले स्वागत गरेका छन्।
यस सडक खण्डअन्तर्गत बरुण नदीभन्दा माथिको भाग भने अझै अप्ठ्यारो र जोखिमपूर्ण रहेको छ। उक्त क्षेत्रमा हाल सडक स्तरोन्नतिको काम जारी छ।
तस्बिर : गंगा विष्ट
