Page Turner, Bagbazar, Kathmandu (2026)

01/07/2026

आज लेखक JN Dahal दाहालको जन्मदिन । उहाँलाई जन्मदिवसको लाखौलाख शुभकामना ।

'लेखककी छोरी' तथा 'प्रहेलिका' जस्ता लोकप्रिय आख्यानकृति जन्माएर तथा विभिन्न पुरस्कार विजेता, नेपाली आख्यानका क्षेत्रमा ख्याति कमाइसकेका सर्जक जे.एन. दाहाल चिनाइरहनु पर्ने सर्जक होइनन् । सानै उमेरमा पाठकको अपार माया आर्जन गर्न सफल आख्यानकार दाहालका रचनामा नेपालीभाषी भूटानीको कथाव्यथा, पलायनको विभिषिका, तेस्रो मुलुकमा पुनरार्वास र अपरिचित सांस्कृतिक परिवेशमा भोग्नुपरेको आनुकूलन र पहिचानको सङ्घर्षले मूल अंश ओगटेको पाइन्छ ।
'दोमा' उनको तेस्रो आख्यानकृति हो । यसमा समेटिएका अधिकांश कथाको मूल पृष्ठभूमि भूटान नै हो, र कथालाई भूटान छोडेर पलायनको बाटो रोज्न बाध्य पात्रका स्मृति, अनुभव र अनुभूतिको जगमा उभ्याइएको छ । कल्पनाको कलेवर पनि यथेष्ठ भए पनि कथा यथार्थको निकट छन् र पात्रहरू जीवन्त लाग्छन् । छुट्टाछुट्टै भएर पनि समान कथ्यको धागोले बुनिएका यी कथामा एउटा क्रमिकता पाइन्छ, एउटा अविछिन्न प्रवाह र योग पाइन्छ । पात्रको पीडालाई नजिकाबाट देखेका, भोगेका, सुनेका र केही हदसम्म अनुभूत गरेका सर्जक दाहालको यस कृतिमा, त्यसैले, आंशिक मात्रै भनिएको वा लेखिएको एउटा विराट् कथाले पूर्णता पाएको अनुभव गर्न सकिन्छ । कृतिलाई पेज टर्नरले चाँडै नै बजारमा ल्याउँदैछ । प्रतीक्षा गर्नुहोला ।

Dahal

05/05/2026

तिलक पोखरेल म्यान्मारमा जन्मेर हाल बैङ्ककलाई आफ्नो कर्मथलो बनाई कविता साधनामा लागिरहेका नेपालीभाषी सर्जक हुन् । सन् २०२१ मा ‘शब्दरङ्गी’ कवितासङ्ग्रहसहित साहित्यजगतमा देखा परेका उनी छोटा आकारका गहन र दार्शनिक कविता लेख्ने कविको रूपमा परिचित छन् । ‘आनन्द उपहार’ उनका यस्तै सूक्ष्म र गहन १०८ कविताको सँगालो हो, जसमा उनले मानवीय सम्बन्धका विविध तह र आयामलाई तीक्ष्ण र सघन अभिव्यक्तिको माध्यमबाट सतहमा ल्याएका छन् । शब्दसङ्ख्याको दृष्टिले अत्यन्त मितव्ययी कवि तिलक कवितामा जेनचेत सहित उभिएको पाइन्छ । यस पुस्तकलाई पेज टर्नरले चाँडै नै बजारमा ल्याउँदै छ । प्रतीक्षा गर्नुहोला ।

15/04/2026

‘गाँस, वास र जिन्दगी’ फगत एउटा आत्मकथा होइन । यो अभावमा जन्मिएको जीवनले सम्भावनासम्म पुग्नका निमित्त अपनाएको एउटा साहसिक यात्राको सूक्ष्म र सजीव साक्ष्य हो । नेपालका दुर्गम पहाडमा गाँस र वासकै अनिश्चितताबीच हुर्किएको एक बालक कसरी शिक्षाको उज्यालो समाएर जीवनको दिशा बदल्छ, आमाको मौन त्यागले कसरी पुस्तौँदेखिको गरिबीको घेरा चिर्छ, र सङ्कल्पले कसरी सुदूरका दुई भिन्नभिन्न संसारलाई जोड्छ – यस पुस्तकले ती सबै प्रश्नको उत्तर दिन्छ । जहाँ एक संसारमा जिन्दगी अधिकांश अवस्थामा पेट पाल्ने सङ्घर्ष हो, त्यहीँ अर्को संसारमा जिन्दगी अर्थ, अवसर, र उत्तरदायित्वको खोज बन्छ । पीडा, परिश्रम र असफलताका निजी अनुभव र पुनर्जन्मका विश्वासधाराहरूमा टेकेर लेखिएको ‘गाँस, वास र जिन्दगी’ ती सबैका लागि हो जसले जीवनलाई केवल बाँचाइमा सीमित नराखी अर्थपूर्ण यात्रामा रूपान्तरण गर्न चाहन्छन् । यो पुस्तकले सम्झाउँछ – शिक्षा केवल रोजगारीको साधन होइन, यो गरिबी तोड्ने शक्ति हो, आत्मसम्मान निर्माण गर्ने आधार हो, र जिन्दगीलाई गाँस र वासभन्दा माथि उठाउने बाटो हो । यो पुस्तक लघुताभास र अकर्मण्यताका दलदलमा फसेकाहरूका लागि एउटा उत्प्रेरक हो, र सङ्कल्प–यात्रीहरूका लागि एउटा बलियो सहयात्री पनि हो ।
लेखक जीत बरालको संस्मरणात्मक कृति पेज टर्नर प्रा‍.लि.ले यही बजारमा ल्याउँदै छ । प्रतीक्षा गर्नुहोला !

08/04/2026

नेपाल प्रहरीप्रतिको आम मान्छेको बुझाइ र आकर्षण कुनै स्थिर चित्र होइन— यो त समय, अनुभव र विश्वासका रेखाले कोरिएको जीवित आकृति हो। यही संवेदनशील आकृतिलाई “मिसन” पुस्तकले शब्दरूपी सूक्ष्म कुचीले छुँदै गएको छ।
नेपालका पहाडी छेउबाट उठेको एक साधारण प्रहरी जवान, जब हाइटीको अपरिचित भूगोलमा टेक्छ, ऊ केवल एउटा व्यक्ति रहँदैन— ऊ शान्तिको दूत, भरोसाको दीपक र अनुशासनको मौन सङ्गीत बनेर उभिन्छ। उसको उपस्थितिले त्यहाँको सरकारको संरचना, अव्यवस्थित समय र त्रस्त जनजीवनबिच एउटा नदेखिने तर अनुभूत हुने सुरक्षा–वृत्त कोर्छ।
यसै क्रममा, सुडानका धूलाम्मे गल्ली, बहुरङ्गी संस्कृतिह र राज्य–व्यवस्थाका जटिल तहलाई लेखकले मिहिन दृष्टिले केलाएका छन्— जसले पाठकलाई केवल तथ्य मात्र होइन, अनुभूतिको गहिराइसम्म डुबाउँछ। अनि यात्रा केवल दूरीको नाप मात्र होइन भन्ने अनुभूति दिलाउँदै, अमेरिका, बेलायत, सिङ्गापुर, मलेसिया र भारतजस्ता देशहरूको कला, संस्कृति र भाषालाई एक यात्रु–मनले कसरी टिप्छ, कसरी आत्मसात् गर्छ र अन्ततः शब्दमा रूपान्तरण गर्छ— त्यो सबै “मिसन” भित्र सजीव भएर बोलिरहेको छ।
श्रीहरि क‍ेसीको संस्मरणात्मक निवन्धसङ्ग्रह पेज टर्नर प्रा‍.लि.ले यही हप्ता बजारमा ल्याउँदै छ । प्रतीक्षा गर्नुहोला !

01/01/2026

एस्पी काेइरालाकाे गीतिकारिता कसैलाई चिनाइरहनु पर्दैन । उनकाे लाेकप्रियता सर्वविधित छ । "आमा भन्दै रुन पाऊँ", " धडकनभित्र लुकाइदेऊ न" तथा "आधा जिन्दगी रित्तिसक्याे" जस्ता जनजनकाे जिब्राेमा बसिसकेका दर्जनाैँ कालजयी गीतका सर्जक समयक्रममा नेेपाली सङ्गीत र कविताका अनिवार्य स्तम्भ बनिसकेका छन् । आफैँ पनि शालीन, विनम्र र मृदुभाषी व्यक्तित्व काेइरालाका गीत सुललित, हृदयस्पर्शी र मधुर छन् । राष्ट्रभकति, प्रम-प्रणय र मानवीय सम्बन्ध उनकाे गीतका प्रमुख विषय हुन् । उनकाे अर्काे गीतसङ्ग्रह "आधा-जिन्दगी" पेेज टर्नरले छिटै नै बजारमा ल्याउँदै छ । प्रतीक्षा गर्नुहाेला ।

Address

Bagbazar
Kathmandu
44600

Telephone

+9779851236623

Website

http://www.pageturnernepal.com.np/

Alerts

Be the first to know and let us send you an email when Page Turner posts news and promotions. Your email address will not be used for any other purpose, and you can unsubscribe at any time.

Contact The Business

Send a message to Page Turner:

Page Turner