Page Turner

28/05/2025

🌊✨ Let your soul walk along the shoreline of emotions…
“The Lost Pebbles” by Baikuntha R. Acharya is a tender, poetic journey through memories, moments, and the beauty of the forgotten.
Now available at Page Turner Bookshop for just Rs. 250!
📚 Rediscover the magic in every line.
📦 Delivery available worldwide!
📞 Call us to order: +977-1-5913771, 985-1236623
🛍️ Shop now and hold poetry in your hands.
❤️😍

23/05/2025

21/05/2025

निमन्त्रणा !

13/05/2025

‘अन्धकूप’ नामक प्रयोगशील र विज्ञान–आधारित उपन्यास प्रकाशित गरेर आख्यान लेखनमा प्रवेश गरेका सर्जक झम्क तिमल्सिना आफ्ना रचनाहरूमा विषयको क्रमभङ्गता र शैलीको नवीनताका लागि परिचित छन् । आफ्नो दोस्रो उपन्यास ‘विमुक्ति’ मा उनले पुस्तान्तरसँगै सतहमा आउने मूल्यहरूको घर्षण, प्राथमिकताहरूको पृथकीकरण र सम्बन्धको ह्रासलाई विषय बनाएका छन् । बढ्दो उमेरसँगै एक्लिँदै गएका बाआमा, र जति नै वैभव र सम्पन्नता भए पनि जीवनको गोधूलिमा उनीहरूले अनुभव गर्ने गरेको एक्लोपन यस उपन्यासको मूल विषय हो । घरघरमा देखिने मूल्य–घर्षण र प्रथमिकताहरूको टकरावका कारण एक्लिँदै गएको बाआमाको पुस्ता, र कमजोर हुँदै गएको पारिवारिकताको जग आजको एउटा ज्वलन्त र सार्विक कथा हो । सम्बन्ध, उमेर र पारिवारिकताका यिनै पाटा समेटिएको समाजिक–पारिवारिक उपन्यास ‘विमुक्ति’ लाई पेज टर्नरले छिटै बजाउरमा ल्याउँदै छ । कृपया प्रतीक्षा गर्नु होला ।

24/04/2025

नेपाली साहित्यको फाँटमा ‘मानसाग्नि’ को नामबाट परिचित सर्जक, योग तथा ध्यानका साधक तथा पूर्वीय दर्शनका ज्ञाता डा. हरिप्रसाद पोख्रेल आफ्ना कविता र निबन्धहरूमा पूर्वीय सभ्यताका मानविन्दुहरूको सटीक विश्लेषण गर्ने र आफ्ना गहन दृष्टिकोणहरूलाई सरल अभिव्यक्ति दिने सर्जकका रूपमा चिनिन्छन् । उनको लेखकको जग नेपाली सभ्यताको आदिमदेखि आधुनिक इतिहाससम्मको प्रवाह हो । उनी आफ्ना सिर्जनाहरूमा जीवन्त मानवको खोजी, सत्य, निष्ठा र अहिंसाको सन्धान, तथा आरोग्य, प्रकृतिप्रेम तथा समस्त सृष्टिको हितको कल्पना गर्दछन् । ‘चैतन्यबोध’ उनको आध्यात्मिक, सांस्कृतिक तथा संस्कारगत चिन्तनहरूको एउटा निनादपूर्ण अभिव्यक्ति हो । उनको यस वैदिक निबन्ध सङ्ग्रहलाई पेज टर्नरले छिटै नै बाजारमा ल्याउँदैछ । कृपय प्रतीक्षा गर्नुहोला ।

24/04/2025

पूर्वी नेपालको मोरङमा रहेर नेपाली गीत र कविताको क्षेत्रमा आफूलाई एउटा बेग्लै परिचयका साथ उभ्याउन सफल युवा सर्जक कृष्ण उदासीको नवीनतम कविताकृति हो ‘पानीको पर्खाल ।’ गीतमा जस्तै यी कवितामा पनि उनी कोमल, हृदयसम्प्रेष्य र मर्मस्पर्शी शब्द र मृदु सङ्गीतका साथ आफूले बाँचिरहेको समयसँगको गहन संवाद लिएर उभिएका छन् । यिनमा उनले निजी अनुभूति, आपसी सम्बन्ध, प्रकृति, प्रेम र प्रणयदेखि, जनपक्षीय कुरा, मजदुर र तल्लो तप्काका मानिसहरूको न्यायको वकालत तथा आजको राजनीतिसम्मलाई विषय बनाएका छन् । रुमानी, स्वच्छन्द भावदेखि समाजिक–राजनीतिक सरोकारसम्मका विषय उठाएर उनले यस कृतिको विषयगत रेञ्जलाई निकै ठूलो आयतन दिएका छन् । कृतिमा पूर्वी नेपालमा चलनचल्तीमा रहेका शब्दहरूको प्रयोग र प्रसङ्गहरूको सान्दर्भिक उल्लेखले कृतिलाई क्षेत्रगत मौलिकता पनि दिएको छ । कृतिलाई पेज टर्नरले छिटै बजारमा ल्याउँदैछ । कृपया प्रतीक्षा गर्नुहोला ।

14/04/2025

आज २०८२ को पहिलो विहानी हाम्रा समस्त पाठकवृन्दमा हार्दिक मङ्गलमय शुभकामना व्यक्त गर्दछौँ ।

यस अवसरमा नेपाली भाषा-साहित्यमा गहिरो अभिरुचि भएका युवा लेखक लक्ष्मण वियोगीको कथासङ्ग्रह 'सत्यम्' प्रकाशनको खबर साझा गर्न पाउँदा हामी हर्षित छौँ । विशेषतः पश्चिम नेपाल गण्डकी पानीढलो, त्यसभित्र पनि स्याङ्जा जिल्लाभित्र प्रचलित भाषिक सौन्दर्यका साथ कुँदिएका यी कथामा लेखकले माओवादी द्वन्द्वको पृष्ठभूमिमा सिर्जित नेपाली समाजका अनेक पाटालाई उत्खनन् गरेका छन् । यथार्थवादी धारका यी कथामा सामाजिक विभेद, असमानता तथा जनयुद्धका त्रासदी समेटिएका छन् । बालवयका स्वरलहरीमा मिसिएर आएका अनेक लोकभाकाका मुर्च्छना र लोकसंस्कृतिको सुगन्ध पनि पाइन्छ । स्याङ्जाको टाकुरामा टेकेर उडेका भावना मध्यपश्चिम, सुदूरपश्चिम र पूर्वतिरसमेत डुल्न भ्याएका छन् । पर्यावरणीय चेत र वस्तुवादी धार कथाका मुख्य सार हुन् ।
मानिसले भोगेको समय र समाज सत्य हो, सत्यका अनेक परिभाषा र दृष्टिकोण हुन सक्छन् । त्यही एक र अनेक परिवेशको धुरीमा टेकेर रचिएका कथाहरूले कुनै न कुनै रूपमा समाजभित्रका विसंगति, विद्रोह र प्रेमप्रणयलाई जोडेका छन् । प्रकृति र जीवनबीचको निकटता चिहाउने प्रयास गरेका छन् । वैदिक सनातन धर्मदर्शनको आँखाबाट हेर्ने हो भने सत्यम्- सत्यम्, शिवम्, सुन्दरम्‌को एक अंश हो । अर्थात् सत्यम् भनेको ईश्वर हो । मानव सभ्यता ईश्वरको सिर्जना मानिन्छ । ईश्वरले सिर्जना गरेका अनेक रङहरूको कलापूर्ण चेतना पनि हो समाज । यही समाजका आरोहअवरोहको विम्बको रूपमा पनि सत्यम् कथासङ्ग्रहलाई लिन सकिन्छ ।
करिब दुई दशकदेखि पत्रकारितामा क्रियाशील वियोगी ऊर्जा खबरका सम्पादक हुन् ।
नयाँ पुस्ताका पाठकका अनेक रुचिभित्र यो कथासङ्ग्रहले आफ्नो दरिलो स्थान ओगट्ने कुरामा हामी विश्वस्त छौँ ।