https://www.facebook.com/iamkeshab.bist

Siddharthkeshab BiSt, Kathmandu (2026)

22/03/2026

४० वर्षको उमेरमा लोकसेवा आयोगको खरीदार पदमा नाम निकाल्न सफल।।।
जागिर खानेलाई बिहे कसैले रोक्दैनन बरु झन साहस आत्मविश्वास र हिम्मत आट दिन्छ भन्ने सबैभन्दा उत्कृष्ट उदाहरण 😊🌻❤️
विवाह गरेपछि, छोराछोरी भएपछि जीवनका सपना सकिन्छन् भन्ने सोच हाम्रो समाजमा अझै पनि गहिरो छ। तर यस्ता मान्यतालाई चुनौती दिँदै दिक्तेलकी ४० वर्षीया मन्जु आचार्यले आफ्नो मेहनत, धैर्य र दृढ इच्छाशक्तिले प्रेरणादायी उदाहरण प्रस्तुत गरेकी छिन्।

मन्जुको विवाह २०५९ साल मात्र १७ वर्षको उमेरमा भयो। सानै उमेरमा वैवाहिक जिम्मेवारी सम्हाल्नुपरेको, घरपरिवार र सन्तानको हेरचाह गर्नुपर्ने अवस्था — यी सबैले धेरैका सपना अधुरै रहन्छन्। तर मन्जुले भने जीवनलाई यहीँ रोकिइनन्। उनका तीन जना छोराछोरी छन्, छोराछोरी हुर्काउदै ,

परिवारको जिम्मेवारी पूरा गर्दै , उनले आफ्नो पढाइ र लक्ष्यलाई निरन्तरता दिइन्। श्रीमानको साथ र सासुको प्रेरणाले उनलाई अघि बढ्न ठूलो हौसला दियो। यही समर्थनले उनलाई “अब केही गर्न सकिँदैन” भन्ने सोच तोड्न बल प्रदान गर्‍यो।

२०७५ सालमा, ३३ वर्षको उमेरमा — जब उनका जेठा सन्तान कक्षा १० मा अध्यनरत थिए — उनले गेम स्काउटमा नाम निकाल्न सफल भइन्। त्यो सफलता उनको यात्राको महत्वपूर्ण मोड थियो। यसले उनलाई अझ ठूलो लक्ष्यतर्फ अघि बढ्ने आत्मविश्वास दियो।

लगातार मेहनत, समय व्यवस्थापन र दृढ संकल्पका साथ तयारी गर्दै उनले अन्ततः ४० वर्षको उमेरमा लोकसेवा आयोगको खरीदार पदमा नाम निकाल्न सफल भइन्। यो उपलब्धि केवल व्यक्तिगत सफलता मात्र होइन, परिवार, समाज र विशेष गरी विवाहपछि आफ्ना सपना त्याग्न बाध्य ठान्ने धेरै महिलाका लागि आशाको किरण हो।

उहाका सन्तान ३ जना छ्न
छोरा bachelor 4th yr
जेठि छोरि Bbs second yr
कान्छी छोरि कक्षा १२ मा अध्यानरत छ्न।।

मन्जुको कथा हामीलाई के सिकाउँछ भने — उमेर, वैवाहिक अवस्था वा पारिवारिक जिम्मेवारी सफलता हासिल गर्न बाधा होइनन्। सही समर्थन, मेहनत र आत्मविश्वास भए जीवनको जुनसुकै चरणमा पनि नयाँ सुरुवात सम्भव हुन्छ।

उनको यात्रा एउटा सन्देश हो:
👉 सपना देख्न ढिलो हुँदैन।
👉 जिम्मेवारीसँगै लक्ष्य पनि पूरा गर्न सकिन्छ।
👉 परिवारको साथ र आफ्नै दृढता भए असम्भव भन्ने केही हुँदैन।

मन्जु आचार्य आज धेरैका लागि प्रेरणाको स्रोत बनेकी छिन् — जसले देखाइन् कि “भोलि” सधैं सम्भावनाले भरिएको हुन्छ, चाहे जीवनको जुनसुकै मोड किन नहोस्।
उनको भनाई अनुसार उन्को यो सफलाता हात पार्न सबैभन्दा ठुलो साथ श्रीमान र सासु को पायको र उहाहरुकै प्रेरणाले गर्दा पढेर सफल हुन सकेको भनाई छ्।

21/03/2026

"अपराधलाई उमेरले नछोप”

अचम्म लाग्छ मलाई
मेरो देशको कानुन देख्दा
जहाँ रगतले लेखिएको अपराधलाई
उमेरको पर्दाले ढाकिन्छ।
कसैको छोरीको इज्जत लुटिन्छ,
कसैको जीवन निर्ममतापूर्वक टुट्छ,
बलात्कारपछि हत्या गरिन्छ,
तर अदालतमा भनिन्छ
“ऊ त नाबालक हो।”
के हत्या सानो हुन्छ उमेरले?
के बलात्कार खेलौना हो बालकको?
के निर्दोषको रगत जन्ममितिले सुक्छ?
के क्रूरता उमेरले मापन हुन्छ?
होइन!
हत्यारा कहिल्यै नाबालक हुँदैन,
बलात्कारी कहिल्यै बालक हुँदैन।
जब अपराधीलाई
“नाबालक” भन्दै जोगाइन्छ,
त्यो दिन न्याय मारिन्छ,
अपराधी अझै बलियो भएर जन्मिन्छ।
आजका कतिपय केटाहरू
यही सोचले अघि बढिरहेका छन्
“जे गरे पनि छुट पाइन्छ,
नाबालक त छौँ नि!”
त्यही सोचले
उनीहरू हिंस्रक बन्दैछन्,
त्यही सोचले
अपराधका बाटोमा हिँड्दैछन्।
उनीहरूको हातमा दया छैन,
आँखामा डर छैन,
मनमा मानवता छैन।
यस्तो क्रूर मन उमेरले सानो हुँदैन
यस्तो मानिस
समाजका लागि जहर हुन्छ।
हत्यारा त हत्यारा हो,
अपराधी त अपराधी हो।
उमेरले उसको हात सफा बनाउँदैन,
नाबालक भन्दै उसको पाप पवित्र हुँदैन।
त्यसैले अब
नाबालक भन्दै अपराध नछोप।
हत्यालाई हत्या भन,
अपराधीलाई अपराधी भन।
कानुनको काम
सुरक्षा दिनु हो निर्दोषलाई,
अपराधीलाई जोगाउनु होइन।
किनकि
न्याय त्यही दिन जन्मिन्छ
जब पीडितको आँसु सुन्ने हिम्मत हुन्छ,
र अपराधलाई उमेरले होइन
सत्यले नाप्ने साहस हुन्छ।

21/03/2026

सुरज सिंह ठकुरीको Inside the Bu'nker मा मिरा ले सुनाएको बयानले स्त'ब्ध बनाएको छ । यसरी सुनाउँछिन् उनले भोगेका पी'डा'दा'यी क्षण," जब म सानो थिएँ मात्र ६ वर्षको ...तब केही पनि थाहा हुँदैन राम्रोसँग ...त्यतिबेलादेखि नै म ब!ल'त्कृ'त भए आफ्नै बुबाबाट भ'क्का'निँदै उनी सुनाउँछिन् 😥😥😥
म यस्तो बच्चा थिए सानैदेखि मलाई सबैभन्दा छुट्टै हुन मन लाग्थ्यो.. साथीहरूले एप्पल मनपर्छ भन्यो भने मैले म्याङ्गो भन्दिन्थे ....कसैले यो मनपर्छ भन्छन् भने त्यो मनपर्छ भन्दिन्थे.. मलाई सबै ठाउँमा अलग हुनु मनपर्थ्यो.. त्यस्तो हुनु अघि सबैभन्दा प्रिय मेरो बुबा हुनुहुन्छ भन्थे ...तर अहिले त शब्द सुन्दा पनि शब्द नै हटा'उन पाए हुन्थ्यो यो जीवनबाट . ...😭😭 म ६ वर्षको हुँदा सुरु भयो। स्कुलमा टिचरहरूले ब्या'ड ट'च र गुड ट'च सिकाउनुहुन्थ्यो.. तर मेरो शिक्षक हरुले गुड ट'च ब्'याड ट'च सिकाउँदा मेरो बुवाले यौ'नां'गमा छु'ने, सु'म्सु'मा'उने, कि'स गर्ने गर्नुहुन्थ्यो। मलाई लाग्थ्यो त्यो एक प्रकारको माया हो ...मलाई लाग्थ्यो अरूको बुवाले हात समातेर हिँड्नुहुन्छ, मेरो बुवाले काखमा बसालेर माया गर्नुहुन्छ....😭😭😭पछि ८ वर्षको उमेरमा पहिलो पटक घरमा कोही नभएको बेला बुवा मेरो नजिक आउनुभयो..मा'या गर्न थाल्नुभयो ... कि'स गर्दै, छा'तीमा हात राख्न थाल्नुभयो... अनि एकाएक मेरो कपडा उ''ता'र्न थाल्नुभयो.. मलाई लाग्यो ओहो आज त शनिबार को दिन थियो सधैँ ममीले नुहाउनुहुन्थ्यो आज बाबाले नुहाइदिनु हुन्छ कति खुसी थिए म ....तर त्यो खुसी अब ठूलो कहिल्यै नमेटिने घा'उ विगत बनेको छ।

समय बित्दै गयो मलाई अरुभन्दा छुट्टै बन्नु थियो अरु डाक्टर इन्जिनियर बन्छु भन्थे... म पाइलट बन्छु भन्ने सोच्थे... कयौको सपनाको उडानहरू म आफ्नो जहाजमा बोकेर गन्तव्य दिन्छु भनेर पाइलट बन्छु भन्ने सोचेको थिए... सायद एउटा उपायको रूपमा तिमी पाइलट बन्ने हो.. एकचोटि जहाज चढी हेर भनेर म जब कक्षा आठमा थिए त्यतिबेला आफ्नो कामको सिलसिलामा तिमीलाई पनि लान्छु म कतै भनेर मलाई लानुभयो त्यतिबेला पनि म कति खुसी थिए मलाई लाग्थ्यो कि मेरो सपनातिर मेरो पाइला लम्किँदै छ... तर त्यो पाइला लम्किनु भन्दा पनि म कताकता हराए म... यस्तो अवस्थामा पुगे कि म आफैलाई अपनाउन गा'ह्रो भइसकेको थियो .. त्यो समयमा पहिले आफैले गरेको त्यो ठाउँमा लगेर कोही अनजान व्यक्तिलाई मसँग सु'त्न पठाउनुभयो...😥😥😥 सुरुमा परिचय गराउँदा अंकल भनेर चिनाउनुभयो...पछि यस्तो अवस्था सृजना भयो कि होटलमा को रूपमा जम्मा दुईवटा बेड थियो... बाबा भन्ने व्यक्ति हुनुहुन्छ उहाँले मलाई यसरी होइन यसरी सु'ते'र ग!र भनेर सिकाउँथ्यो... मेरो होशै हरायो। म पर्खिँदै थिए बाबातिर हेर्दै थिए लाग्थ्यो बाबा उठेर आउनुहुन्छ मेरो छोरीलाई यस्तो ग'र्न पाउँदैनस् भन्नुहुन्छ भन्ने लागेको थियो .. तर उहाँको मुखबाट त्यस्तो शब्द कहिले आएन 😭😭😭😭 त्यो मान्छे गयो चार पाँच घण्टा बित्यो त्यतिबेला म उठेर हिँड्न पनि सकिन म म'हि'नावा'री पनि नहुँदैमा यस्तो गर्नुभएको ...पछि यतिसम्म आँट गर्नुभयो घरमै मान्छे बोलाएर यो मान्छेसँग भोलि यो मान्छेसँग सु'त है भन्न थाल्नुभयो म सानो हुँदा मलाई थाहा थियो ममीलाई पनि त्यस्तै गर्नुहुन्छ भनेर बाहिरबाट अनजान मान्छेहरु घरमा आउँथे अनि ममीलाई रूममा थु'ने'र हामी बाहिर घुम्न जाम भनेर लानु हुन्थ्यो हामीलाई... घर आइपुग्दा ममी सधै रो'इ'र'हनुहुन्थ्यो। मलाई थाहा थिएन भित्र त्यो अंकलले के गर्थे तर पछि ममीले भन्नुभयो कि बाबाले पैसाको लागि ममीलाई आफ्नो साथीहरूसँग सु!त्न लगाउनुहुन्थ्यो। पछि मलाई आफै मनोरञ्जनको सामग्री बनाइयो। मेरो सपना सपनामै सिमित रह्यो....😭😭😭
सुरज सिंह ठकुरी स्त'ब्ध हुँदै भने अब यहाँभन्दा बढी सुन्न सक्दिन....र लाग्छ कुनै पनि छोरीको बाबाले यो सुन्न सक्दैन😭😭😭😭

अहिले उनी ब्याचलर्समा साइकोलोजी लिएर पढिरहेकी छिन्। जीवनलाई जिउने कोसिस गर्दै छिन्।

बालबालिका सुरक्षित हुनुपर्ने ठाउँ नै कहिलेकाहीँ सबैभन्दा अ'सुर'क्षित बन्नु हाम्रो समाजको सबैभन्दा ठूलो वि'डम्बना हो। बालबालिकालाई सुरक्षा, विश्वास र सम्मान दिनु प्रत्येक परिवार र समाजको कर्तव्य हो। ग'ल'त व्य'वहार देखेमा बोल्ने सा'हस, पी'डितलाई दो'ष नदिने सोच, र समयमै का'नुनी तथा सामाजिक सहयोग उपलब्ध गराउने संस्कार विकास गर्नैपर्छ।

Source: Inside the Bunker (YouTube Program )

19/03/2026

"जति फोर्स गरेपनि अरुको मनको ढोका बाहिरबाट कहिल्यै खोल्न नसकिने रहेछ। मनको ढोका भित्रबाटै खोलिनु पर्नेरहेछ"..🌻😊

19/03/2026

RSP's party high command held a discussion today about upcoming government's schedule & future works. It mainly focused on Good Governance (सुशासन).

19/03/2026

बालेन शाहले चैत १३ गते (शुक्रबार) प्रधानमन्त्रीको शपथ लिने तय भएको छ ।💚

18/03/2026

यदि भगवानले दिनु भयो भने कसैले खोस्न सक्दैन र
यदि भगवानले खोस्नु भयो भने कसैले दिन सक्दैन।🙏🏼🌻❤️
Siddharthkeshab BiSt

18/03/2026

हालत जस्तोसुकै किन नहोस, जबसम्म तिम्रो सोच सकारात्मक र बलियो हुन्छ, तबसम्म तिमीलाइ कसैले पनि हराउन सक्दैन।❤️🦚

17/03/2026

Good Start रास्वपा:
रास्वपाबाट जितेका सांसदहरुलाई सुरुमै प्रशिक्षण दिईनु उदाहरणीय छ । सदन पस्नु अघि नै सांसदको काम देखि जिम्मेवारीसम्म बुझेर जाँदाको प्रभाव नै छुट्टै पर्नेछ ।
यस्ता राम्रा कामको सिको र निरन्तरता अरु दलहरुले पनि दिन आवश्यक छ ।

अनि आशा छ रास्वापले यहि प्रशिक्षण मार्फत आफ्ना केहि सांसदहरुलाई "Control Uday Control" पनि भन्ने छ । ताकि उनीहरु अब पनि आफुलाई One man Army मान्दै क्यामेरा बोकेर जहिकहिँ नपुगन् । फेसबुक र मिडियाबाट आदेश दिन होईन । निति बनाउन बढि फोकस गरुन् ।

अनि न देशको न तपाईहरुको, कसैको पनि पुरानो शैलीले काम हुदैन । किनभने अब त तपाईहरुको भुमिका नै फेरिएको छ । र जिम्मेवारी ठुलो छ । समय छोटो ।

विवेक पुर्याएर काम गरे नतिजा केहि ढिलो आउला तर दिगो हुने गरि आउनेछ ।

शुभकामना !

14/03/2026

खगेन्द्र सुनुवारको अभिव्यक्ति: आक्रोश कि बाल्यकालको त्यो नमीठो घाउको ऐना?
- सन्तोष कार्की 'मौसुफ'
हालै नवनिर्वाचित सांसद खगेन्द्र सुनुवारको एउटा भिडियो क्लिपलाई लिएर चौतर्फी आलोचना भइरहेको छ। शिक्षकमाथि "भौतिक कारबाही" को भाषा प्रयोग गरेको भन्दै उनलाई विवादमा तानिएको छ। तर, के हामीले उनले बोलेका शब्दका पछाडि लुकेको त्यो गहिरो चोट र विगतको 'स्कुलिङ' प्रणालीलाई बुझ्ने कोसिस गर्यौ?
कुनै पनि व्यक्तिको अभिव्यक्तिलाई बुझ्न उसको पृष्ठभूमि र उसले भोगेको परिवेशलाई हेर्नु जरुरी हुन्छ। खगेन्द्र सुनुवारले जे बोले, त्यो कुनै शिक्षकप्रतिको व्यक्तिगत शत्रुता होइन, बरु वर्षौदेखि मनमा दबिएर रहेको त्यो पीडाको विस्फोट हो, जुन धेरै नेपाली विद्यार्थीहरूले भोग्दै आएका छन्।
१. अनुशासनको नाममा भएको 'यातना' विरुद्धको आवाज
हाम्रो समाजमा एउटा समय यस्तो थियो जहाँ 'हाड मासु शिक्षकको, छाला मात्र अभिभावकको' भन्ने मान्यता थियो। डस्टरले टाउकोमा हान्नु, कन्चटको रौँ तान्नु वा पैतालामा भाटा हान्नुलाई 'अनुशासन' मानिन्थ्यो। खगेन्द्र सुनुवारले आफ्नो अभिव्यक्तिमा त्यही बर्बरताको स्मरण गरेका हुन्। उनले भन्न खोजेको तात्पर्य यो हो कि- शिक्षा दिने ठाउँ मन्दिर हुनुपर्छ, टर्चर सेन्टर होइन।

२. बाल मनोविज्ञानमा परेको गहिरो असर
एउटा सानो बालक, जसले स्कुलमा माया र ज्ञान पाउनुपर्ने थियो, उसले जब डस्टर र भाटाको चोट पाउँछ, त्यो घाउ शरीरमा भन्दा बढी मस्तिष्कमा बस्छ। आज सांसदको गरिमामय ओहोदामा पुग्दा पनि उनले त्यो क्षण बिर्सन सकेका छैनन् भने बुझ्नुहोस्, त्यो हिंसा कति भयानक थियो होला। उनको अभिव्यक्ति कुनै व्यक्तिलाई पिट्नुपर्छ भन्ने सन्देश होइन, बरु विगतका ती गलत शिक्षण पद्धतिप्रतिको चर्को असहमति हो।

३. 'प्रतिकात्मक' विद्रोह
राजनीतिमा र भावुक क्षणमा मानिसले कहिलेकाहीं उग्र शब्दहरू प्रयोग गर्छन्। खगेन्द्र सुनुवारले प्रयोग गरेका शब्दहरूलाई शाब्दिक अर्थमा लिएर "हिंसा भड्काएको" भन्नु भन्दा पनि त्यसलाई एउटा 'प्रतिकात्मक विद्रोह' को रूपमा हेर्न सकिन्छ। उनले ती शिक्षकलाई भौतिक रूपमा हान्न खोजेका होइनन्, बरु त्यो 'प्रवृत्ति' लाई प्रहार गर्न खोजेका हुन् जसले विद्यार्थीको आत्मसम्मानलाई कुल्चिन्थ्यो।

४. अबको बाटो: बहस र सुधार
अहिले उनीमाथि भइरहेको विरोधले एउटा सकारात्मक बहसको ढोका पनि खोलेको छ। के अझै पनि हाम्रा विद्यालयहरू पूर्ण रूपमा बालमैत्री छन् त? के शिक्षकहरूले विद्यार्थीलाई दिने व्यवहार सम्मानजनक छ? खगेन्द्र सुनुवारको आक्रोशले हामीलाई यो प्रश्न सोध्न बाध्य बनाएको छ।

निष्कर्ष:
खगेन्द्र सुनुवार आज जनताको मत जितेर आएका प्रतिनिधि हुन्। उनको अभिव्यक्तिमा आक्रोश देखिए पनि त्यसको मूल जरो 'न्याय' र 'विगतको अन्यायको प्रतिवाद' मा जोडिएको छ। कुनै पनि कुरालाई नकारात्मक चश्माले मात्र हेर्नुभन्दा, उनले कुन पीडाबाट गुज्रेर यो शब्द बोलेका हुन् भन्ने कुराको संवेदनशीलता बुझिदिनु आजको आवश्यकता हो।
विवाद गरेर कसैको व्यक्तित्व खुइल्याउनु भन्दा, यस्ता भोगाइहरू अबका पुस्ताले भोग्न नपरोस् भन्ने तर्फ ध्यान दिनु नै बुद्धिमानी हुनेछ।।

12/03/2026

बालेन-रविलाई मेरा केही सुझाव:
- मिडिया ट्रायलबाट जोगिनुस् । यो देशमा मिडिया ट्रायललाई चिर्दै चिर्दै आएको कोही छ भने तपाईंहरु दुई जना नै हो । आफ्नो रिदमलाई कायम राख्नुस् ।
- पार्टीका अन्य नेतालाई पार्टीको आधिकारिक धारणामा मात्र बोल्न भन्नुस् । केही नेताको जिब्रोमा अलि खुकुलो लगाम छ ।
- पूर्व सहमति जे भएको हो त्यसलाई अक्षरस: पालना गर्नुस्, लोभ नपाल्नुस् ।
- गुटको अभाष कार्यकर्ता र समर्थकलाई हुन नदिनुस् । गुटरहित दलको नमूना बन्नुस् ।
- सामुहिक निर्णयलाई संस्थागत गर्नुस् । ‘दुई नेताको मात्र चल्छ’ भन्ने भाष्यलाई चिर्नुस् ।
- आम मानिसलाई सिधा कनेक्ट गर्ने स-साना कामबाट सुरु गर्नुस् र दीर्घकालीन लक्ष्य लिनुस् ।

बाँकी त दक्ष र विज्ञ व्यक्तिहरु पार्टीभित्र जति पनि हुनुहुन्छ । हामी खुब धेरै सकारात्मक छौं ।✌🏼🙂🤗

08/03/2026

चुनावबारे मेरो तीन बुझाइ

१. नेताहरू गाउँ–गाउँमा गएर भोट मागिरहेका थिए। तर भोटलाई प्रभाव पार्न सक्ने निर्णायक शक्ति विदेशमा थियो। जापान, अष्ट्रेलिया, युरोप, युके, अरब, भारत लगायतका देशमा बस्ने लाखौँ नेपालीहरूले नेताहरू घरमा पुग्नु भन्दा अगाडि नै आफ्ना परिवारका सदस्यहरूलाई कन्भिन्स गरिसकेका थिए। त्यसकारण अब भोटको कोर एरिया नेपाल होइन, विदेशतिर सिफ्ट भएको छ। विदेशमै जन्मिएको, नेपालमा पाइला नै नटेकेको बच्चाले समेत
“अबकी बार बालेन सरकार” भन्दै हिँडेको देखियो।

२. बालेनले लामो भाषण नगरेर , मिडीयामा अन्तर्वार्ता नदिएर, आफूलाई एकपटक पनि भोट नमागेर देशभरि क्लिन स्वीप गरेका छन्। यसको मनोवैज्ञानिक कारण बुझ्दा केपी ओली धेरै बोलेर जनतालाई वाक्कदिक्क भएको थाहा पाएका बालेनले त्यसको ठीक विपरीत Silent Strategy अर्थात् चुपचाप काम गर्ने रणनीति ल्याएका रहेछन्। बालेनको नबोल्ने स्वभाव र “चुपचाप घण्टी छाप” भन्ने नाराले चुनाव जित्नु भन्दा अगाडी नै जनताको दिमाग जितिसकेको रहेछ।

३. बालेन मधेशी समुदायको भए पनि काठमाडौँको संस्कृतिमा हुर्किएकाले उनलाई यसपटक सिंगो देशले नै सजिलैसँग स्वीकार गर्‍यो। यो निर्वाचन हेर्दा संसदीय निर्वाचन भए पनि व्यवहारतः प्रत्यक्ष कार्यकारी राष्ट्रपतिको निर्वाचन हो। रास्वपा लाई प्राप्त ७० प्रतिशत भन्दा घेरै भोट बालेनको नामको हो। अहिले १४ वर्ष उमेर पुगेका बच्चाहरू अर्को चुनावमा भोट हाल्न तयार भइसक्छन्। बालेनले देशको आर्थिक, सामाजिक र राजनीतिक परिस्थितिमा उलेख्य सुधार गरेर परिवर्तनको अनुभूति गराउन सके भने, रूसका नेता भ्लादिमिर पुटिनले जस्तो दशकौ सम्म शासन गर्न सक्ने सम्भावना देखिन्छ।

Siddharthkeshab BiSt

22/03/2026

21/03/2026

21/03/2026

19/03/2026

19/03/2026

19/03/2026

18/03/2026

18/03/2026

17/03/2026

14/03/2026

12/03/2026

08/03/2026

Address

Website

Alerts

Contact The Business

Shortcuts

Share

Category