https://www.facebook.com/100952888895915/

Beautiful Actress, Kathmandu (2026)

02/09/2026

मध्यरातमै बाढीपी*डितको उद्धारमा निस्किए पत्रकार विश्व लिम्बू, राहत बोकेर नुवाकोट र रसुवा पुगे

बाढी तथा पहिरोबाट प्र*भावित परिवारहरूको पी*डामा साथ दिन पत्रकार विश्व लिम्बू मध्यरातमै राहत सामग्री बोकेर नुवाकोट र रसुवा पुगेका छन्। राहत पुग्न नसकेका प्रभावित बस्तीहरूमा समेत खाद्यान्न, लत्ताकपडा लगायत आवश्यक सामग्री पुर्‍याएर वितरण गर्ने आफ्नो टोलीको योजना रहेको विश्व लिम्बूले बताएका छन्।

उनका अनुसार विप*द्का कारण स*मस्यामा परेका परिवारसम्म सकेसम्म आवश्यक राहत पुर्‍याउने उद्देश्यले टोलीले निरन्तर काम गरिरहेको छ। विश्व लिम्बूसँगै २बी गेमर तथा गायक एकदेव लिम्बू पनि राहत अभियानमा सहभागी हुँदै प्रभावित क्षेत्र पुगेका छन्।

राहतको प्रतीक्षामा रहेका पी*डित परिवारसम्म आफैं पुगेर सहयोग गर्ने उनीहरूको प्रयासले विपद्को समयमा मानवीय सेवाको उदाहरण प्रस्तुत गरेको छ।

02/09/2026

'रत्यौली'को शुभ मुहर्तमा पूजा शर्मा, के गर्नु कर्म गर्नैपर्यो...

02/09/2026

मुस्कान ढकालको निर्देशनमा तयार हुने चलचित्र ‘रत्यौली’ को छायांकन सुरु भएको छ। पशुपति क्षेत्रमा आज पूजा गर्दै चलचित्रको औपचारिक छायांकन सुरु गरिएको हो। एक महिनाको सेड्युल रहेको चलचित्रको २ दिन काठमाडौंमा छायांकन गरेर टिम दोलखाको जिरी जानेछ।
जिरीमा एक महिना चलचित्रको छायांकन हुने निर्माणपक्षले जानकारी दिएको छ ।

नाइटेङ्गल इन्टरटेनमेन्ट प्रा.लि र पूजा शर्मा प्रोडक्सनको संयुक्त व्यानरमा निर्माण हुने चलचित्रमा विजय बराल, पूजा शर्मा, लक्ष्मी बर्देवा, अर्जुन देवसन, सम्रान्त थापा, निर्भिक भण्डारी, अल्बिन श्रेष्ठ, कायरा कार्की, सुनिल तामाङ, माया थामी, सन्ध्या नेपाल, संगीता थापा मगर, सानू पाण्डेय, एभोन राज उप्रेती, कल्पना थापा लगायतका कलाकारहरुको अभिनय रहनेछ । नायिका पूजा शर्माको प्रस्तुतिमा तयार हुन लागेको चलचित्रका निर्माता सुरज आचार्य हुन् । नेपाली समाज, सम्बन्ध र संस्कृतिलाई मुख्य केन्द्रमा राखेर तयार हुन लागेको चलचित्र फागुन २१ गतेबाट रिलिज हुने निर्माण टिमले घोषणा गरिसकेको छ।

02/09/2026

रसुवा बाढ़ीपिडितहरुको लागि जन्मदिनको अवसर पारेर रेस्लर, गायिका तथा मोडेल अस्मिता जुरेलीले पाँच लाखको खाद्यान्न सहयोग गरेकी छन ।

02/09/2026

पूर्वमिस नेपाल आश्मा केसी र अभिनेत्री नीति शाहले रसुवाका बाढी पीडितलाई आर्थिक सहयोग र राहत सामग्री उपलब्ध गराएका छन्। उनीहरूले करिब १० लाख रुपैयाँ संकलन गरी ५१ वटा टेन्ट सहयोग गरेका हुन् ।

साथै २०० कार्टुन चाउचाउ र अन्य अतिआवश्यक सामग्रीसमेत वितरण गरिएको छ।

उनीहरूले टेन्ट, खाद्यान्न तथा अन्य राहत सामग्रीसहित कुल १२ देखि १५ लाख रुपैयाँ बराबरको सहयोग गरेका छन्।

एउटा टेन्टमा करिब १० देखि १५ जनासम्म बस्न सक्ने भएकाले ५१ वटा टेन्टबाट करिब ५०० देखि ६०० जनालाई अस्थायी आश्रय उपलब्ध गराउन सकिनेछ।

विपद्का कारण घरबाहिर बस्न बाध्य भएका तथा तत्काल आश्रयको आवश्यकता रहेका परिवारलाई लक्षित गरी गरिएको उक्त सहयोगले प्रभावितहरूलाई तत्काल राहत उपलब्ध गराएको उनीहरूले बताएका छन्।

01/09/2026

राजेश हमालद्वारा अस्ट्रेलियाबाटै प्रधानमन्त्री राहत कोषमा २१ लाख रुपैयाँ सहयोग। बाढीपीडितलाई सहयोग नगरेको भन्दै हमालमाथी विभिन्न टिप्पणी भइरहेका बेला, राजेश हमालको यो सहयोगले सकारात्मक सन्देश दिएको छ।

01/09/2026

भारतीय सञ्चार माध्यमहरुका अनुसार, चर्चित र्यापर वादशाहको दोस्रो बिहे पनि टुटेको छ । यसभन्दा अघिको बिहे ८ वर्षसम्म टिकेको थियो।

01/09/2026

बाढी पीडितका लागि २५ हजार रुपैयाँ सहयोग गरेको विषयलाई लिएर सामाजिक सञ्जालमा चर्को आलोचना खेपिरहेकी चर्चित गायिका एलिना चौहान निकै मर्माहत बनेकी छिन् । आफूमाथि आएका गालीले परिवारका सदस्यहरूलाई समेत असर गरेको उनको गुनासो छ ।

कन्टेन्ट क्रियटर तथा व्यवसायी दीपा सिम्खडाले एलिनासँग डेढ घण्टा लामो टेलिफोन कुराकानी भएको जानकारी दिँदै उनको कारुणिक अवस्थाबारे एउटा भावुक स्टाटस लेखेकी छिन् । दीपाका अनुसार एलिना फोनमा रोइरहेकी थिइन् र उनले आफूलाई देशप्रति सच्चा हुँदा पनि अपराधीको जस्तो व्यवहार गरिएकोमा दुःख व्यक्त गरिन् ।

एलिनालाई उद्धृत गर्दै दीपाले लेखेकी छिन्, ‘म त सहयोग गर्दा पनि गाली खान्छु भने अब अरू के काम गर्ने मैले यो पृथ्वीमा बसेर ? गाली खानै जन्मेकी रैछु ।’

आफूले रकम ब्लर गरेर १० रुपैयाँ मात्र राखेर पोष्ट गरेको भए कसैले केही नभन्ने तर आफ्नो मनले देशप्रति सच्चा हुन सिकाएको एलिनाले सुनाएकी थिइन् ।

अहिले सांगीतिक कार्यक्रमका लागि अष्ट्रेलियामा रहेकी एलिनाले आफू टाढा हुँदा नेपालमा रहेका आमाबुबाले सामाजिक सञ्जालका नकारात्मक कमेन्टहरू हेरेर औषधि खानुपर्ने अवस्था आएको बताइन् ।

एलिनाको भनाइ उद्धृत गर्दै दीपा लेख्छिन्, ‘मलाई आएका गालीहरू हेर्न नसकेर मेरा बाउआमा औषधि खान बाध्य हुनुभएको छ । म संसार नै किन नजितूँ, तर मैले गर्दा मेरा बाउआमाले औषधि खानुपर्ने हो भने त्यो जितको के अर्थ ?’

दीपाले एलिना अहिले एउटा यस्तो व्यक्तिगत पीडाबाट गुज्रिरहेको खुलासा गरेकी छिन् जुन कुरा उनले अहिले बाहिर ल्याउन चाहेकी छैनन् । आफ्नो व्यक्तिगत दुःखभन्दा देशको दुःख ठूलो ठानेर उनले ती कुराहरू गोप्य राखेको दीपाको दाबी छ ।

दीपाले लेखेकी छिन्, ‘सायद केही समयपछि तपाईँहरूले आफैँ थाहा पाउनुहुनेछ । त्यतिबेला मात्र थाहा होला, अहिले हामीले नदेखेको कति ठूलो कुरा ऊ आफैँभित्र बोकेर हिँडिरहेकी रहिछे भनेर ।’

01/09/2026

कुनै समय नेपाली मनोरञ्जन क्षेत्रमा आफ्नो सुन्दरता, अभिनय र ग्ल्यामरस व्यक्तित्वका कारण चर्चामा रहेकी झरना बज्राचार्य आज पनि धेरै दर्शकको सम्झनामा ताजा नाम हुन्। सन् १९९७ मा ‘मिस नेपाल’को ताज जितेपछि चर्चामा आएकी झरनाले त्यसपछि चलचित्र क्षेत्रमा प्रवेश गरिन्। ‘हतियार’ लगायतका चलचित्रमा अभिनय गर्दै उनले नेपाली दर्शकमाझ आफ्नो छुट्टै पहिचान बनाइन्। नेपाली चलचित्रसँगै उनले भारतीय चलचित्रमा समेत काम गरिन्।
तर समयसँगै झरनाको जीवनको बाटो पनि बदलिँदै गयो। चलचित्र र ग्ल्यामरको दुनियाँबाट विस्तारै टाढिँदै उनले योग, ध्यान र आध्यात्मिक जीवनशैलीलाई प्राथमिकता दिन थालिन्। अहिले उनी आध्यात्मिक जीवनसँग सम्बन्धित विभिन्न भिडियोहरू पनि बनाउने गर्छिन्। उनको युट्युब च्यानलमा जीवन, ध्यान, योग र सकारात्मक सोचसँग जोडिएका मिठा र अर्थपूर्ण भिडियोहरू हेर्न पाइन्छन्, जहाँ उनको जीवनलाई हेर्ने दृष्टिकोण पहिलेभन्दा निकै फरक देखिन्छ।
कुनै समय पर्दामा उनको सुन्दरताले लाखौं दर्शकको ध्यान खिच्थ्यो, आज भने उनी शान्त र आध्यात्मिक जीवनशैलीका कारण चर्चामा छिन्। ग्ल्यामरको चमकबाट आत्मिक शान्तिको खोजीसम्म आइपुगेको झरनाको यात्रा आफैंमा रोचक छ। पर्दाबाट टाढा भए पनि उनी आफ्ना विचार र अनुभवमार्फत दर्शकमाझ जोडिइरहेकी छन्। झरनाको यो बदलिएको जीवनले एउटा कुरा भने देखाउँछ—समयसँगै मानिसको प्राथमिकता बदलिन्छ, तर आफ्नै पहिचान खोज्ने यात्रा कहिल्यै रोकिन्न।
#झरना_बज्राचार्य

01/09/2026

एलिनाको ‘ट्रोल’ भएपछि बचाउमा उभिए प्रताप र अर्जुन
‘चर्चित सेलिब्रिटी भएर थोरै पैसा दिएको’ भन्दै एलिना ट्रोलरको निशानामा परेकी हुन् । उनीमाथि आलोचना र गालीगलौज भएपछि दुईजना गायक प्रताप दास र अर्जुन सापकोटा उनको बचाउमा उत्रिएका छन् । सहयोग ठूलो र सानो नहुने भन्दै उनीहरुले एलिनालाई व्यक्तिगत आक्रमण नगर्न आग्रह गरेका हुन् ।

प्रताप दासले एलिनासँगको तस्बिर हाल्दै लेखेका छन्, ‘यो सुन्दर आत्मामाथि किन यति धेरै व्यक्तिगत प्रहार ? मैले कहिल्यै बुझ्न सकिनँ । कसैको विचार, काम वा विषयसँग असहमति हुँदैमा किन व्यक्तिमाथि नै यति धेरै प्रहार गर्नुपर्छ ?

उनले असहमति राख्न र आलोचना गर्न पाइने भए पनि व्यक्तिगत रूपमा कसैको अपमान नगर्न आग्रह गरेका छन् ।

गायक अर्जुन सापकोटाले सहयोग १ रूपैयाँको होस् वा लाखौँको, महत्त्व उस्तै हुने टिप्पणी गरेका छन् ।

उनले लेखेका छन्, ‘सहयोग १ रुपैयाँको होस् वा लाखौँको, सहयोग सहयोग नै हो । मान्छेले आफ्नो परिस्थिति र हैसियत अनुसार जे जति सक्छ, त्यो स्वच्छ मनले समर्पित गर्ने हो । कसैले कति दियो भनेर अंकसँग मनको भावना तुलना गर्नु र नकारात्मक टिप्पणी गर्नु जायज होइन ।’

सापकोटाले एलिनाको यो सहयोग कुनै देखावटी प्रतिस्पर्धा नभएर मनदेखिको निस्वार्थ साथ भएको जिकिर गरेका छन् । उनले यस्तो कठिन परिस्थितिमा सहयोग गर्ने हातहरूलाई निरुत्साहित नगर्न पनि सबैलाई अनुरोध गरेका छन् ।

हाल एलिना, प्रताप र अर्जुन तीनैजना अष्ट्रेलिया भ्रमणमा छन् ।

Beautiful Actress

02/09/2026

02/09/2026

02/09/2026

02/09/2026

02/09/2026

01/09/2026

01/09/2026

01/09/2026

01/09/2026

01/09/2026

Address

Website

Alerts

Shortcuts

Share

Category

Listing takedown request