24/03/2025
༈བཀའ་དྲིན་གསུམ་ལྡན་གྱི་དྲིན་ཆེན་རྩ་བའི་བླ་མ་དམ་པའི་འཁྲུངས་སྐར་དགའ་བ་འབུམ་གྱིས་བསུ། Happy birthday to you H. H 4th Adzom Namtrul Jurmey Jamtso Rinpoche. 🎂🪷🥳
དེ་ཡང་དཔལ་ལྡན་བླ་མ་དམ་པའི་རང་བཞིན་ནི།
༸རྒྱལ་དབང་ཐམས་ཅད་མཁྱེན་པའི་ཞལ་སྔ་ཉིད་ནས།
རྒྱལ་བསྟན་སྤྱི་དང་སྔ་འགྱུར་རྙིང་མའི་བསྟན། །
བཤད་དང་སྒྲུབ་པས་ཕྱོགས་ཀྱི་མཐར་སྤེལ་བའི། །
འཇའ་ལུས་སྒྲུབ་པའི་པདྨའི་རྗེས་སྐྱོང་བ། །
འགྱུར་མེད་རྒྱ་མཚོའི་ཞབས་པད་ཡུན་བརྟན་ཤོག །
ཅེས་གསུངས་པ་ལྟར་རྒྱལ་བ་དོན་ཀུན་གྲུབ་པའི་ལུང་རྟོགས་ཀྱི་བསྟན་པ་རིན་པོ་ཆེ་སྤྱི་དང་། བྱེ་བྲག་ཏུ་ཆེ་བ་དྲུག་གིས་མངོན་པར་འཕགས་པ་གསང་ཆེན་སྔ་འགྱུར་བཀའ་གཏེར་དག་སྣང་གི་བརྒྱུད་པའི་ཆུ་བོ་བྱིན་རླབས་ཀྱི་ཚན་ཁ་མ་ཉམས་པ་འདི་ཉིད་དང་། ཁྱད་པར་དུ་ཐེག་རྩེ་འོད་གསལ་རྫོགས་པ་ཆེན་པོའི་བསྟན་པ་རིན་པོ་ཆེ་བཤད་པ་དང་སྒྲུབ་པ་གཉིས་ཀྱིས་འཛམ་གླིང་ཕྱོགས་ཀྱི་ཐ་གྲུ་ཀུན་ཏུ་སྤེལ་བའི་སྒོ་ནས་ཟག་མེད་འཇའ་ལུས་ཆོས་སྐུར་སྒྲུབ་པའི་རྒྱལ་དབང་པདྨའི་རིང་ལུགས་དྲི་མ་མེད་པའི་རྗེས་སྐྱོང་བར་མཛད་པའི་སྐྱེས་བུ་ཆེན་པོ། དོན་གྱི་སླད་དུ་མཚན་ནས་ཞུས་ན་༸སྐྱབས་གཅིག་འཁོར་ལོའི་མགོན་པོ་ཨ་འཛོམ་མཆོག་སྤྲུལ་འགྱུར་མེད་རྒྱ་མཚོ་རིན་པོ་ཆེ་གང་ཉིད་བསྟན་འགྲོའི་མགོན་དཔུང་དུ་སྐུ་ཚེ་ཞབས་པད་ཡུན་ནས་ཡུན་དུ་བརྟན་པར་ཤོག་ཅིག་གུ ཞེས་བདེན་ཚིག་གྲུབ་པའི་གསུང་ལ་ཚིག་འགྲེལ་སྙིང་བསྡུས་ཤིག་བྲིས་པའི་སྒོ་ནས་དཔལ་ལྡམ་བླ་མ་དམ་པའི་འཁྲུངས་སྐར་བསུ་བ་ལགསོ།།
