08/01/2026
मुस्कान मेरो बानी बनेको छ,
तर त्यो खुशी होइन,
त्यो त केवल संसारसँग लुकाउने मुखौटा हो।
कसैले सोध्दैन,
"तिमी साँच्चै ठीक छौ?"
किनकि
बलियो देखिने मान्छे
कहिल्यै कमजोर हुँदैन भन्ने भ्रम छ।
रातहरू साक्षी छन्,
म कति चोटि
आफैसँग लडें,
आफैसँग हारेँ,
आफैसँग जितें।
आँसु झार्दा पनि
चुपचाप झार्छु,
किनकि
मेरो पीडा
मेरो जिम्मेवारी हो।
म टुटेको छु,
तर भाँचिएको छैन।
म थाकेको छु,
तर रोकेको छैन।
किनकि
मेरो आँखा भित्र
अझै सपना बाँकी छन्… ✨💔
