07/06/2026
नेपाल राष्ट्रिय शिक्षक संगठनले आ.व. २०८३/८४ को वार्षिक बजेटमा राहत शिक्षक, प्राविधिक धारका शिक्षक, संघीय अनुदान शिक्षक र विद्यालय नर्स लगायतका शिक्षक-कर्मचारीहरूको पेशागत सुरक्षा, सेवा स्थायित्व र योगदानमा आधारित सामाजिक सुरक्षाका लागि ठोस नीति तथा कार्यक्रम नआएकोमा गम्भीर चिन्ता व्यक्त गरेको छ।
त्यसैगरी बालविकास शिक्षक तथा विद्यालय कर्मचारीहरूको सेवा, सुविधा र भविष्य सुनिश्चित गर्न कुनै ठोस व्यवस्था नहुनु दुःखद र निराशाजनक रहेको उल्लेख छ। उनीहरूलाई विद्यालय संरचनाभित्र स्थायी दरबन्दीको व्यवस्था गरी सम्मानजनक पारिश्रमिक सुनिश्चित गर्न माग गरिएको छ।
