http://www.dainiknewsnepal.com/

Dainik News Nepal, Kathmandu (2025)

15/10/2025

सहरिया नवधनाढ्य र युवाहरू एमालेबाट टाढिँदै गएः शंकर पोखरेल

15/10/2025

केपी शर्मा ओलीले भने- बिग्रिएकै छैन म, किन सप्रिनुपर्‍यो ?

15/10/2025

बैठकमै ओलीलाई केन्द्रीय सदस्यहरुले गरे बहिस्कार !

नेकपा एमालेको केन्द्रीय कमिटिकै बैठकमा अध्यक्ष केपी शर्मा ओलीलाई केन्द्रीय सदस्यहरुले बहिस्कार गरेका छन् । ओलीले सम्बोधन गरिरहेको बेला भाषण नसुनी हल्ला गरेर केन्द्रीय सदस्यहरुले सांकेतिक रुपमा बहिस्कार गरेका हुन् ।

ओलीले आफूबाट कुनै गल्ती नभएको बरु पार्टी भित्रबाटै आफूलाई असफल गर्न षड्यन्त्र भएको भन्दै भाषण गरेपछि केही केन्द्रीय सदस्यहरुले हल्ला गरेर बैठकमै बहिस्कार गरेका हुन् । पछाडिको लाइनमा बसेका केन्द्रीय सदस्यहरुले आफ्नो भाषण नसुनी हल्ला गर्न थालेपछि ओली आफैंले पसल ससल छ कि क्या हो रु भन्दै हल्ला नगर्न भन्दै हप्काएका थिए । ओलीले हलो भन्दै केन्द्रीय सदस्यहरुलाई सम्झाउँन केही समय लागेको थियो । केन्द्रीय कमिटिका सदस्यहरुलाई हलभित्र नबोल्न आग्रह गर्दै अन्य व्यक्तिहरुलाई बाहिर जान सुझाब दिएका थिए ।

15/10/2025

राजेन्द्र लिङदेनलाई धवलशम्शेरको काउन्टर- कार्यसम्पादन बैठक बहिस्कार गर्ने

राष्ट्रिय प्रजातन्त्र पार्टीका अध्यक्ष राजेन्द्र लिङदेनलाई महामन्त्री डा।धवलशम्शेर राणाले कार्यसम्पादन बैठक बहिस्कार गरेर काउन्टर दिने भएका छन् । महामन्त्री धवलशम्शेरले आफ्नो पक्षका कार्यसम्पादन सदस्यलाई बैठक बहिस्कार गर्न लगाएर राप्रपा अध्यक्ष राजेन्द्रलाई साइजमा ल्याउन काउन्टर दिने तयारी थालेका छन् । राणासँगै अर्का महामन्त्री कुन्ती शाहीले अध्यक्ष राजेन्द्र लिङ्देनलाई पत्र लेखेर कार्यसम्पादन समितिमा उपस्थित नहुने जानकारी गराएका हुन्। अध्यक्ष लिङ्देनले आजका लागि कार्यसम्पादन समितिको बैठक बोलाएका छन्।

15/10/2025

देशलाई एमाले र मेरो नेतृत्व चाहिन्छः केपी शर्मा ओली

पूर्वप्रधानमन्त्री केपी शर्मा ओलीले देशलाई आफ्नो नेतृत्व चाहिएको दाबी गरेका छन् । ओलीले केन्द्रीय कमिटिको बैठकमा सम्बोधन गर्दै देशलाई एमाले र आफूलाई नेतृत्वमा चाहेको बताएका हुन् । नेकपा एमाले सधैँका लागि सरकारबाट हट्यो भन्ने भ्रम नपाल्न पनि आग्रह गरेका छन् । आफूहरुमाथि निरन्तर षड्यन्त्र भइरहेको तर आफू नडराउँने बताएका छन् ।

15/10/2025

विश्वविद्यालयमा दलीयकरण अन्त्य नगरेसम्म शैक्षिक वातावरण सुधार हुँदैनः महावीर पुन

शिक्षामन्त्री महावीर पुनले विश्वविद्यालयमा दलीयकरण अन्त्य नगरी शैक्षिक वातावरण सुधार हुन नसक्ने स्पष्ट पारेका छन्। प्रधानमन्त्री कुलपति हुने व्यवस्था संशोधन गरी सक्षम कुलपति निष्पक्ष तरिकाले चयन गरेमा मात्र विश्वविद्यालयमा पठनपाठन हुन सक्ने उनको भनाई छ । प्राज्ञहरूले यस्तो सुझाव दिने गरेको उल्लेख गर्दै मन्त्री पुनले ‘त्यसो गर्न अहलेको ऐनले दिँदैन’ भनेका छन्।

मन्त्री पुनले सामाजिक सञ्जालमा लेखेका छन्-
‘प्राज्ञहरूको सुझावः विश्वविद्यालयहरूमा राजनीतिकरणको अन्त्य नगरी नहुने देखियो। त्यसो नगरेसम्म पठनपाठनको स्वच्छ वातावरण सृजना हुँदैन र विद्यार्थीहरूले गुणस्तर शिक्षा आर्जन गर्न सक्दैनन्। त्यसको लागि विश्वविद्यालयको कुलपति प्रधानमन्त्री हुने व्यवस्था अन्त्य गरी सक्षम कुलपति निष्पक्ष तरिकाले चयन गर्ने व्यवस्था नगरी हुँदैन। त्यसो गर्न अहिलेको सरकारले ऐन संशोधन गर्न सक्दैन। मलाई प्राज्ञहरूले दिएको सुझाव यहि हो।’

15/10/2025

सुदन गुरुङको प्रश्न- विद्यार्थी र युवामाथि गोली बर्साउँदा विद्यार्थी र युवा संगठन कता थिए ?

हामी नेपालका संस्थापक सुदन गुरुङले जेनजी आन्दोलनका बेला विद्यार्थी र युवामाथि अन्धाधुन्ध गोली बर्साउँदा राजनीतिक दलका विद्यार्थी र युवा स‌गठन कहाँ थिए भनेर प्रश्न गरेका छन्। एमालेको अनेरास्ववियु र कांग्रेसको नेविसंघले भदौ २४ मा भएका तोडफोड र आगजनीमा दोषी ठहर गर्दै आफूविरुद्ध प्रहरी कार्यालयमा जाहेरी दिइरहँदा सुदनले उनीहरू कसको हितका लागि खुलेका हुन् भनेर टिप्णी गरेका हुन्।

सुदन गुरुङले फेसबुकमा लेखेका छन-
आफ्नो देशमा शु-शासन काएम होस्, देश मै बस्ने बाताबरण बनोस् भनी
शान्तिपुर्ण आन्दोलनमा जादा देशको भविष्यका कर्णधार बिद्यार्थी र युवाहरु माथी अन्धाधुन्ध गोलि बर्षाउदा यिनै बिद्यार्थी र युवाका नाममा खुलेका बिद्यार्थी र यूवा संगठन का हर्ताकर्ता कता लुकेका थिए ?
अबोध बालबालिका माथी गोलि बर्साएर 75 जना बिद्यार्थी र यूवाहरु को हत्या गर्दा चुपचाप बस्ने बिद्यार्थी र यूवा संगठनका नेताहरु तिनै बालबालिका माथी गोलि बर्साउने आदेश दिने नेताहरुको बचाऊमा निर्लज्ज रुपमा उत्रेको देख्दा प्रमाणित भएन र तथाकथित बिद्यार्थी र यूवा संगठनहरु कस्को हकहित लागि खुलेका रहेछन् भनेर !
भोलि बिद्यार्थी र युवाहरु माझ राजनीति गर्न जादा सबैले यो प्रश्न गरौ हाम्रा साथीहरु सहिद हुदै गर्दा तपाईहरुकुन नेताको चाकडी गर्दै हुनुहुन्थ्यो ?

15/10/2025

सभामुखले संसद् पुनर्स्थापनाको विषयमा छलफल गर्नु ठिक होइनः मनिष झा

राष्ट्रिय स्वतन्त्र पार्टीका प्रवक्त मनिष झाले प्रतिनिधि सभाका सभामुख देवराज घिमिरेले संसन पुनःस्थापनाको विषयमा छलफल गर्नु ठिक भएको बताएका छन् । आफ्नो पार्टी संसद पुनःस्थापना गर्न नहुने स्पष्ट भएकाले गर्दा सभामुखले बोलाएको बैठकमा पनि जान नहुने मनिषले बताएका छन् । सभामुख देवराजले बेलाएको बैठकमा रास्वपाले सहभागिता जनाएको छैन् । जेनजी आन्दोलन लगत्तै रास्वपाका सांसदले सामूहिक राजीनामा दिएको घोषणा गर्दै नयाँ जनादेशका लागि निर्वाचनको माग गरेको थियो ।

15/10/2025

जेनजीको माग ६ वर्षपछि मात्र पूरा हुन्छः राजेन्द्र पाण्डे

नेकपा एकीकृत समाजवादीका वरिष्ठ उपाध्यक्ष राजेन्द्रप्रसाद पाण्डेले जेनजीका मागहरु पूरा हुन अझै ५ वर्ष लाग्ने बताएका छन् । संसद पुनःस्थापना गर्नेबारे सभामुख देवराज घिमिरेसहितको बैठकपछि सञ्चारकर्मीहरुसँग कुरा गर्दै राजेन्द्रले संसद विभटन नभएका भए वर्तमान संसदबाटै संविधान संशोधन गरी जेनजीको मागहरु सम्बाधन गर्न सकिने अवस्था रहेको तर अहिले त्यो सम्भावना नरहेको स्पष्ट पारेका छन् । पाण्डेले अब निर्वाचित हुने सांसदहरूले पनि आफ्नो कार्यकालको अन्तिमतिर मात्र संविधान संशोधन गर्ने र त्यसैले ‘जेन(जी’ का मागहरू पूरा हुन करिब ६ वर्ष लाग्ने बताए।

15/10/2025

जेनजीका माग पूरा नभएसम्म संसद् पुनर्स्थापना नगरौँः ज्ञानेन्द्र शाही

प्रतिनिधि सभाका सभामुख देवराज घिमिरेले संसद् पुनर्स्थापनाको विषयमा राष्ट्रिय सहमति जुटाउनका लागि बोलाएको प्रमुख राजनीतिक दलहरूको बैठकमा राष्ट्रिय प्रजातन्त्र पार्टीका प्रवक्ता ज्ञानेन्द्र शाहीले कठोर सर्तसहित सुझाव राखेका छन् । उनले देशमा गहिरिँदै गएको राजनीतिक अस्थिरता र जनअसन्तुष्टिको मूल कारण संरचनागत त्रुटिहरू भएको भन्दै जेनजीका माग पूरा गर्ने सुनिश्चितता भएपछि मात्र संसद् पुनर्स्थापनाको मुद्दा लिएर अघि बढ्न सभामुखलाई आग्रह गरे । सभामुख घिमिरेले राजनीतिक दललाई बोलाएर संसद् पुनर्स्थापनाको आवश्यकता र प्रक्रियाबारे छलफल गरेका थिए । सोही क्रममा राप्रपाका तर्फबाट सहभागी भएका प्रवक्ता शाहीले सांसदलाई निरन्तरता दिने वा पुनर्स्थापना गर्नेभन्दा पनि देशलाई सही दिशा दिनका लागि आधारभूत सुधार आवश्यक रहेको धारणा राखे ।

15/10/2025

केपी शर्मा ओलीलाई अझै डोज पुगेनछः सिपी मैनाली

नेकपा मालेका महासचिव एवं पूर्वसहकर्मी सिपी मैनालीले नेकपा एमालेका अध्यक्ष केपी शर्मा ओलीलाई अझै डोज नपुगेको बताएका छन् । जेनजी आन्दोलनपछि पनि ओलीको अंहकार र घमण्ड उस्तै भएकाले गर्दा ओलीलाई जनताको डोज नपुगेको टिप्पणी गरेका छन् । बिरामीलाई औषधी दिएपनि त्यसको मात्र अर्थात डोज नपुग्दा काम नगरे जस्तै अ‍ोलीलाई पनि जेनजी आन्दोलनले अझै डोज नपुगेको हो कि भन्ने लागेको एक अन्तर्वार्तामा सिपीले बताएका छन् । जेनजी आन्दोलनबाट पनि ओलीले कुनै पाठ नसिकेको र एउटा रौ जतिको पनि पुनःविचार गर्नुपर्ने नसोचेको बताएका छन् ।

सिपी मैनालीले भनेका छन्-
के लाग्छ भने, त्यो भन्न नहुने हो होला मैले पनि, उनलाई डोज पुगेन कि, हुन्छ नि औषधी, बिरामीलाई औषधी दिँदा, औषधी त दिएपनि त्यसको पूरा मात्रमा डोज पुगेन भने त्यो औषधीले काम गर्दैन, त्यस्तै भए जस्तो लाग्छ के , त्यसो भने मैले फेरि त्यस्तै आओस् भनेको चाही होइन, तर के भने यो जनताले चाही उनलाई पाठ सिकाएनी जुन लेसन दिए, त्यो लेसनको डोज नपुगको जस्तो छ, उनी उनी मलाई लाग्छ एउटा रौं बराबर उनमा कुनै पुनःविचारको कुरा पनि देख्दिन

15/10/2025

संसद पुनःस्थापना गर्न सभामुखले बोलाएको बैठक रास्वपाले गर्‍यो बहिस्कार !

संसद पुनःस्थापनाको पक्षमा सभामुख देवराज घिमिरेले बोलाएको बैठक राष्ट्रिय स्वतन्त्र पार्टीले बहिस्कार गरेको छ । जेनजी आन्दोलनले विघटन गरेको प्रतिनिधि सभा पुनःस्थापना गर्नका लागि सभामुख देवराजले शिर्ष १० दलका प्रमुख सचेतकहरुसँग छलफल गर्न बैठक बोलाएका थिए ।

संसद पुनःस्थापनाका लागि बोलाएको उक्त बैठकमा अन्य दलका प्रमुख सचेतक सहभागि हुँदा रास्वपाले भने बहिस्कार गरेको छ । रास्वपा संसद पुनःस्थापना भन्दा पूर्ण रुपमा चुनाव हुनुपर्ने पक्षमा रहेको छ । सभामुख घिमिरेले प्रतिनिधिसभा विघटन असंवैधानिक भएको भन्दै आएका छन् । नेकपा एमाले र नेपाली काँग्रेससहितका प्रमुख दलहरूले पनि संसद् विघटन संविधानसम्मत नरहेको बताएका छन् । एमालेले पदाधिकारी बैठकबाटै विघटनविरुद्ध अदालत जाने निर्णय गरिसकेको छ भने काँग्रेसले केन्द्रीय समिति बैठकबाट यसबारे आफ्नो धारणा सार्वजनिक गर्ने बताएको छ ।

Dainik News Nepal

15/10/2025

15/10/2025

15/10/2025

15/10/2025

15/10/2025

15/10/2025

15/10/2025

15/10/2025

15/10/2025

15/10/2025

15/10/2025

15/10/2025

Address

Website

Alerts

Contact The Business

Shortcuts

Share

Category