KP Oli Update

21/10/2024

सवारी चालक अनुमतिको लागि ट्रायल पास गरेपछि अब लाइसेन्स कार्ड आवश्यक नपर्ने व्यवस्था गरिएको छ। नागरिक एप मार्फत सम्बन्धित व्यक्तिको मोबाइलमा लाइसेन्स उपलब्ध हुने छ। सवारी नियम उल्लंघनमा ट्राफिक प्रहरीले चिट काट्दा सम्बन्धित ठाउँमै डिजिटल पेमेन्ट गर्ने व्यवस्था गरिएको छ। यसले सवारी लाइसेन्स छपाइ नहुँदा परेको समस्या अन्त्य भएको छ भने सवारी नियम उल्लंघनमा जरिवाना तिर्दा हुने झन्झट हटेको छ। भोलिदेखि बागमती प्रदेश यातायात व्यवस्था कार्यलयबाट परीक्षणका रूपमा यो व्यवस्था सुरु हुने छ। नागरिक एपमा अरु सेवा पनि थप्ने तयारी गरिएको छ। कुनै पनि कामको लागि लाइन बस्नु पर्ने समस्याबाट मुक्त गर्ने तयारीमा हामी लागेका छौं। राज्यले नागरिकलाई छिटो सेवा प्रवाहमा यसले सहयोग पुग्नेछ भन्ने हामीले आशा राखेका छौँ।

03/10/2024

आज घटस्थापना, आजबाट हाम्रो महान पर्व बडादशैंको नवरात्र सुरु भएको छ। आज जमरा राखिन्छ। यसपाली अविरल वर्षाका कारण हाम्रो दशैं खल्लो हुन पुग्यो। बाढी पहिरोले दुईसय भन्दा बढीको ज्यान गयो, कयौं घाइते हुनु भएको छ, घरबार बिहीन हुनुभएको छ। उहाँहरूको तत्कालका लागि राहत र दीर्घकालका लागि पुनर्बासको काम गरिरहेका छौँ।
घटस्थापनाको सबैलाई शुभकामना!!
तस्बिर स्रोत - गूगल

29/09/2024

लगातारको वर्षा र बाढी पहिरोले सडक यातायात अवरुद्ध हुँदा अत्यावश्यक यात्रामा पनि अप्ठेरो परेको छ। हवाई भाडा अरु बेला भन्दा महंगो भएको गुनासो सामाजिक सञ्जालमा सुनिएको छ। हवाई सेवा दिँदै आएका एयरलाइन्सहरूलाई यस्तो विपत्तिको समयमा यात्रुहरुसँग पहिले भन्दा सहुलियत मूल्यमा या पहिलेकै दरमा भाडा लिएर सहयोग गर्नुहुन अनुरोध छ। नेपाल सरकार पर्यटन मन्त्रालयले पनि हवाई यात्रुको लागि र उद्धार उडानको लागि विशेष निर्णय गरेको छ। हामीमाथि परेको प्राकृतिक विपत्ति हामी सबै मिलेर सामना गर्नु पर्छ।

28/09/2024

आज पनि देशैभर अविरल बर्षा भइरहेको छ। बाढी, पहिरोले जनधनमा क्षति भएका खबर आइरहेका छन्। अघि भर्खरै गृहमन्त्री रमेश लेखकजीसँग टेलिफोनका कुरा गरेर यस सम्बन्धी सबै विवरण लिएको छु। नेपाली सेना, नेपाल प्रहरी, सशस्त्र प्रहरी बलका विपद् उद्धार टोलीलाई पूर्ण क्षमताका साथ, उद्धार साधन सहित खटाइएको छ। केही ठाउँमा उद्धारमा ढिलाइ भएको पनि आएको छ। सम्बन्धित जिल्लाका प्रमुख जिल्ला अधिकारीले पनि जिम्मेवारी पूर्वक उद्धारको काम अघि बढाउनु होला । मौसमविद्हरुका अनुसार आज पनि वर्षा हुने छ। उद्धारका लागि सरकारले परिचालन गरेका सुरक्षाकर्मीलाई सहयोग गरौं, भेल, बाढी र पहिरोको जोखिम नहुने ठाउँमा सतर्कता अपनाएर बसौं। विपत्ति सबैको साझा चुनौती हो, मिलेर सामना गरौं।

28/09/2024

बाढी पहिरोको विपत्तिबाट आज साँझ ५ बजेसम्म दुई हजार पाँचसय जना भन्दा बढी नागरिकको उद्धार गरेकोमा नेपाली सेना, नेपाल प्रहरी र सशस्त्र प्रहरी बलका सुरक्षाकर्मी साथीहरुलाई धन्यवाद !
सुरक्षाकर्मीको यो टोली निरन्तर खटिरहेको छ। सबैले सहयोग गरौँ

26/09/2024

Sometimes your value isn’t seen until your absence is felt. 🙏

23/09/2024

यस वर्ष दशैंको साइत बिहान ११ः३६ बजे पछी परेको छ !

23/09/2024

20/09/2024

'शाम्बाला' फिल्म मेरो हेर्ने लिस्टको पहिलो नम्बरमा छ। प्रतिभाशाली र धेरै रुचाइएका निर्देशक मीन भाम निर्देशित फिल्म शाम्बाला ९७ औं ओस्कार अवार्डको लागि नेपालबाट नोमिनेसनमा परेको सुनेर खुसी लाग्यो । बर्लिन फिल्म फेस्टिभल जस्तो प्रतिष्ठित अन्तर्राष्ट्रिय मञ्च गोल्डेन बियरमा प्रतिस्पर्धा गरिसकेको यस सिनेमालाई बधाई ! यस फिल्मले नेपालको हिमाली जीवनको प्रतिनिधित्व गरेको छ भन्ने समीक्षाहरुमा पढेको छु। शाम्बालाका निर्देशक मीन भाम र निर्माण टिमलाई बधाई !