http://Www.shankharapur.com.np/

Shankharapur onlinetv, Shankharapur, Kathmandu (2026)

29/12/2025

शंखरापुर–१ कुवापानीमा योदा गाडी अनियन्त्रित भई सडकबाट तल खस्यो, मानवीय क्षति छैन
हिजो मिति २०८२–०९–१३ गते बेलुका करिब ९:३६ बजे मेलम्चीबाट काठमाडौं जाँदै गरेको योदा गाडी शंखरापुर नगरपालिका–०१ कुवापानीस्थित सडकबाट करिब ५ मिटर तल खसेर दुर्घटना भएको छ।
दुर्घटनामा मानवीय क्षति भने नभएको प्रहरीले जनाएको छ।
तर वर्ष ४६ का कृष्णबहादुरको पक्की एकतले घरमा क्षति पुगेको छ भने घरमा रहेका भैंसी र बाख्रालाई सामान्य चोटपटक लागेको छ।
स्थानीयवासी र सुरक्षाकर्मीको सहयोगमा स्थिति नियन्त्रणमा लिइएको छ।

23/04/2025

शंखरापुरमा दुई प्रशासकको झमेलाः पन्थी अलपत्र, धितालले कुर्सी नछाड्दा हंगामा!

शंखरापुर नगरपालिका अहिले विवादको केन्द्रमा छ। संघीय मन्त्रालयबाट नयाँ प्रमुख प्रशासकीय अधिकृत चुरामणि पन्थी आउँदा पनि काम सुरु गर्न सकेका छैनन्। कारण हो—अघिल्ला अधिकृत अमृतकुमार धितालले ठाउँ नछाड्नु।

पन्थीलाई मन्त्रालयले आधिकारिक रूपमा शंखरापुर पठाए पनि धिताल अझै कुर्सीमा छन्। यसले गर्दा पन्थी एक महिनादेखि अलपत्र छन्। नगरभित्र जनप्रतिनिधिदेखि कर्मचारीसम्म धितालको व्यवहार र कामप्रति असन्तुष्ट छन्।

धिताल मेलम्चीमा पनि विवादमा तानिएका थिए। अहिले शंखरापुरमा फेरि त्यही अवस्था दोहोरिएको छ।

अब प्रश्न उठेको छ—सरकारी नियम कानुनभन्दा शक्तिशाली को? अनि नयाँ अधिकृत कहिले काम गर्न पाउने?

भाइरल ह्यासट्यागहरू:
#प्रशासकविवाद #धितालVsपन्थी #भाइरलसमाचार

28/03/2025

तीनकुनेमा आगलागी : राजावादी प्रदर्शनपछिको तनाव

काठमाडौंको तीनकुनेस्थित एक भवनमा आज अपराह्न भीषण आगलागी भएको छ। आगो दन्किएपछि चारैतिर धुँवाको मुस्लो फैलिएर आतंकको माहोल सिर्जना भएको छ।

प्रत्यक्षदर्शीहरूका अनुसार आगलागीको केही समयअघि मात्र राजावादीहरूको प्रदर्शन र सभा सम्पन्न भएको थियो। प्रदर्शनपछि स्थिति तनावपूर्ण बन्दा केही व्यक्तिहरूले भवनमा आगो लगाएको आशंका गरिएको छ।

दमकल र सुरक्षाकर्मीहरूको टोलीले आगो नियन्त्रणमा लिन प्रयास गरिरहेको छ भने स्थानीय बासिन्दाहरू त्रसित छन्। आगलागीको कारण र क्षतिको पूर्ण विवरण आउन अझै बाँकी छ।

यो समाचार शंकरापुर अनलाइन टीभीमा अपडेट भइरहनेछ। थप विवरणको लागि हामीलाई अनुसरण गर्नुहोस्।

#राजावादीप्रदर्शन

#राजावादीआन्दोलन

18/03/2025

ब्रेकिङ न्यूज!
२५ करोड नगदसहित एक जना पक्राउ! काठमाडौं टोखा झोरबाट सनसनीपूर्ण पक्राउ

काठमाडौं, ५ चैत। राजधानीमा ठूलाे रकमसहित एक व्यक्ति पक्राउ परेको छ। २५ करोड नगदसहित पक्राउ परेका व्यक्तिको विस्तृत विवरण प्रहरीको अनुसन्धानपछि सार्वजनिक गरिने जनाएको छ। काठमाडौं उपत्यका अपराध अनुसन्धान कार्यालयका एसएसपी रमेश बस्नेतले पक्राउ पुष्टि गरेका छन्। उनले भने, "एक जनालाई २५ करोडसहित नियन्त्रणमा लिएका छौं। अनुसन्धान जारी छ।"

टोखा झोर क्षेत्रबाट पक्राउ परेका व्यक्तिको शंकास्पद गतिविधिको आधारमा प्रहरी टोलीले निगरानी गर्दै आएको थियो। प्रहरी स्रोतका अनुसार प्रारम्भिक अनुसन्धानपछि सबै विवरण सार्वजनिक गरिनेछ। यस घटनाले राजधानीमा ठूलो चर्चा सिर्जना गरिसकेको छ।

#२५करोडकाण्ड

17/03/2025

बाख्रा चोर्न आएका चोर समातिए! सिन्धुपाल्चोकका रबिन्द्र राउतलाई नाग्ले भारे प्रहरीको जिम्मा!

शंखरापुर, २०८१-१२-०४ गते
शंखरापुर नगरपालिकामा वडा नम्बर ०१ मा पछिल्लो समय चोरीका घटनाहरू दिनानुदिन बढ्दै गइरहेका छन्। विशेष गरी रातको समयमा घरमा राखिएको मटरसाइकल घरपालुवा जनावर चोर्ने गिरोह सक्रिय बन्दै गएको देखिन्छ। यस्तै, आज राति ठीक १२/०१ बजे तिर फेरी अर्को सनसनीपूर्ण घटना सार्वजनिक भएको छ।

२/४ जना चोरको समूहले गाउँको एक गोठबाट बाख्रा चोरी गरेर लैजाँदै गर्दा स्थानीय बासिन्दाहरूको सूचनाको आधारमा उनीहरूलाई रंगेहात समात्ने प्रयास गरियो। बाख्रा चोरलाई समात्न स्थानीय सफल भए पनि, अधिकांश चोरहरू अँध्यारोको फाइदा उठाएर भाग्न सफल भए। तर, सिन्धुपाल्चोक जिल्ला घर भएका रबिन्द्र राउत नाम गरेका एक जना चोरलाई स्थानीयले साहसिक ढंगले समात्न सफल भएका छन्। समातिएको राउतलाई तत्कालै नाग्ले भारे प्रहरी चौकीमा बुझाइएको छ।

स्थानीय बासिन्दाका अनुसार, पछिल्लो केही हप्तायता मटरसाइकल,बाख्रा, गाई, र कुखुरा समेत चोरी हुने घटनाहरू पटकपटक भइरहेको बताइएको छ। चोरीको घटना बढ्दै जानु निकै चिन्ताजनक भएको र सुरक्षाको थप प्रवन्ध गर्नुपर्ने स्थानीयवासीहरूको माग छ र अनुसन्धान गर्नु पर्छ भन्दा उल्टैं प्रहरी स्थानीय बासिन्दाहरु माथी आइलागेको छ निकै दबाब पछि ।

प्रहरी प्रशासनले अनुसन्धानलाई तीव्रता दिइसकेको जनाएको छ। बाँकी फरार चोरहरूको खोजी भैरहेको र यस्ता अपराधमा संलग्नलाई कारवाहीको दायरामा ल्याइने प्रहरीको भनाइ छ।

स्थानीयको आवाज:

राति निदाउँदा नि डर लाग्छ। हामी पालैपालो पालो मिलाएर बारी, गोठ हेर्नु पर्ने अवस्था आएको छ। यस्तो अवस्था कहिलेसम्म रहने हो? - एक स्थानीय बासिन्दाको गुनासो।

समुदायको अपिल:

स्थानिय जनताको सक्रियता र प्रहरी प्रशासनको बिना सहयोगमा यस्ता घटना नियन्त्रणमा नआउने भन्दै सबैले सतर्क रहन आह्वान गरिएको छ।

#शंखरापुरचोरीकाण्ड
#रंगेहातपक्राउ
#जनताकोसाहस

05/02/2025

काठमाडौं साँखु प्रहरी प्रभागमा महिला प्रहरी जवान मृत अवस्थामा फेला

शंखरापुर —काठमाडौंको साँखु प्रहरी प्रभागमा कार्यरत महिला प्रहरी जवान निशा चौधरी पंखामा झु'ण्डिएको अवस्थामा मृत फेला परेकी छन्। प्रारम्भिक अनुसन्धानका आधारमा यो घटना देहत्याग जस्तो देखिएको भए पनि कुनै सु'सा'इड नोट वा शंका उत्पन्न गर्ने वस्तु फेला नपरेको प्रहरीले जनाएको छ।

प्रहरी स्रोतका अनुसार घटनास्थल सुरक्षित राखेर आवश्यक अनुसन्धान प्रक्रिया अघि बढाइएको छ। फरेन्सिक टोली र अनुसन्धान विभाग घटनास्थलमा खटाइएको छ।

प्रहरीको भनाइ
हामी यस घटनालाई गम्भीरतापूर्वक लिइरहेका छौं र विस्तृत अनुसन्धान गरिरहेका छौं। हालसम्म कुनै शंका उत्पन्न गर्ने प्रमाण फेला परेको छैन," अनुसन्धान अधिकृतले जानकारी दिएका छन्।

घटनाले प्रहरी परिवार र स्थानीय समुदायमा शोकको छायाँ पारेको छ। निशाको पारिवारिक पृष्ठभूमि र मानसिक अवस्थाबारे थप जानकारी संकलन भइरहेको जनाइएको छ।

शंखरापुर अनलाइन टीभीसँगै यस विषयमा अपडेटका लागि हाम्रो साथमा रहनुहोस्।

22/01/2025

शंखरापुरमा सवस्टेशन विवाद: कांग्रेसको ध्यानाकर्षण

शंखरापुर नगरपालिका वडा नं. ३, बोजिनीस्थित लप्सेफेदी–चाँगुनारायण सवस्टेशन आयोजनाको क्रममा स्थानीय बासिन्दालाई धरपकड र थुनामा राखिएको घटनाले जनमानसमा त्रास फैलाएको छ। नेपाली कांग्रेस काठमाडौं क्षेत्र नं. २, नगर समिति र वडा नं. ३ समितिले यसप्रति गम्भीर ध्यानाकर्षण जनाउँदै विकासका नाममा जनतालाई विस्थापित गर्ने कार्यलाई खारेज गर्न माग गरेको छ।

कांग्रेसले स्थानीय जनताको हकहितलाई प्राथमिकतामा राख्दै, वार्ताबाट समस्या समाधान गर्न अपिल गरेको छ। आन्दोलनमा घाइते भएकाहरूको निःशुल्क उपचार र थुनामा रहेका बासिन्दाको निशर्त रिहाइको माग पनि गरिएको छ।

"विकास जनताको लागि हो, जनताको डर र त्रासको कारण होइन," कांग्रेसले जोड दिएको छ।

#शंखरापुर_विरोध #जनताको_न्याय
@

06/01/2025

शंखरापुर नगरपालिकाद्वारा सलम्बुदेवी मन्दिर जाने बाटो ढलान कार्यको अवलोकन, नगरप्रमुख रमेश नापित ज्यु स्थलगत निरीक्षण

शंखरापुर नगरपालिका-१ अन्तर्गत सलम्बुदेवी मन्दिर जाने बाटोको बाँकी रहेको ढलान कार्यको स्थलगत निरीक्षण नगरप्रमुख रमेश नापितज्यूको नेतृत्वमा सम्पन्न भएको छ। आर्थिक वर्ष २०८१/०८२ को नगरस्तरीय बजेटबाट उक्त बाटोको स्तरोन्नति र ढलानको कामलाई प्रभावकारी रूपमा सम्पन्न गराउने उद्देश्यले नगरप्रमुखको टोलीले स्थलगत अवलोकन गरेको हो।

उक्त निरीक्षणका क्रममा नगरप्रमुखले बाटो निर्माणले स्थानिय बासिन्दाको दैनिक जीवनमा सहजता ल्याउने विश्वास व्यक्त गर्दै, निर्धारित समयमै काम सम्पन्न गर्न सम्बन्धित निकायलाई निर्देशन दिनुभयो।

शंखरापुर अनलाइन टिभीलाई फलो र शेयर गरी स्थानीय विकासका यस्ता महत्वपूर्ण जानकारीहरू प्राप्त गर्दै साथ दिनुहोस्।

#शंखरापुर_नगरपालिका #सलम्बुदेवी_मन्दिर #नगरप्रमुख_रमेश_नापित #शंखरापुरOnlineTV #स्थानीयविकास #नगरस्तरीय_बजेट #अवलोकन_निरीक्षण

06/01/2025

गगन पोखरा पुगेपछि बबण्डर: रा.स्व.पा. कार्यकर्ताको नाराबाजी र गाली-गलौज

नेपाली कांग्रेसका प्रभावशाली नेता गगन थापा पोखरा भ्रमणका क्रममा विवादको घेरामा परेका छन्। पोखरामा आयोजित कार्यक्रममा थापाको उपस्थितिप्रति असन्तुष्टि जनाउँदै राष्ट्रिय स्वतन्त्र पार्टी (रा.स्व.पा.) का कार्यकर्ताहरूले गाली-गलौज र नाराबाजी गरेका छन्।

प्राप्त जानकारी अनुसार, गगन थापाको केही पछिल्ला अभिव्यक्ति र पार्टीगत निर्णयले रा.स्व.पा. कार्यकर्ताहरूलाई असन्तुष्ट बनाएको अनुमान गरिएको छ। कार्यक्रम स्थलमा सुरक्षा व्यवस्था कडा पारिएको भए पनि केहीबेर तनाबपूर्ण अवस्था सिर्जना भएको थियो।

यस घटनाले सामाजिक सञ्जालदेखि राजनीतिक वृत्तसम्म हलचल ल्याएको छ। गगन थापा समर्थकहरूले यो घटनाको निन्दा गरेका छन् भने रा.स्व.पा. कार्यकर्ताहरूले आफ्नो असन्तुष्टि सार्वजनिक रूपमा पोखेका छन्।

यस घटनाकाे सम्पूर्ण पृष्ठभूमि र कारणहरूबारे अझै थप जानकारी आउन बाँकी छ।

#गगनथापा #पोखरा #रा_स्व_पा

23/11/2024

मणिपुर: हिंसाको ज्वालामा जनप्रतिनिधिहरू, जनता सडकमा

समाचार:

मणिपुरमा डेढ वर्षदेखि बल्झिरहेको हिंसा अहिले नयाँ चरणमा पुगेको छ। जनतामा रहेको आक्रोशले अब राज्यका निर्वाचित जनप्रतिनिधिहरूलाई समेत निशाना बनाएको छ। केही दिनअघि जिरिबाम जिल्लामा छ जनाको शव फेला परेपछि हजारौं मानिसहरू सडकमा उत्रिए। उनीहरूको आक्रोश विधायकहरूको घरमा तोडफोड, आगजनी र लुटपाटमा परिणत भएको छ।

यो हिंसा कुनै साधारण घटना मात्र होइन। यो संकेत हो— मणिपुरमा दीर्घकालीन असन्तुष्टि र बेवास्ताको। जनताका समस्या समाधान गर्न राज्यका जिम्मेवार निकाय असफल देखिएका छन्, जसले गर्दा हिंसाको ज्वाला अब सरकारको ढोकासम्म आइपुगेको छ।

विश्लेषकहरू भन्छन्, यो हिंसा मणिपुरको सामाजिक संरचनामा गहिरो प्रभाव पार्नेछ, यदि तत्काल समाधानको उपाय निकालिएन भने।

(Shankharapur Online TV )

21/11/2024

गाँजा कानुनी बनाउँदा नेपालले के जित्नेछ र के गुमाउनेछ?
काठमाडौ शंखरापुर,गाँजा, जसलाई विश्वका थुप्रै देशहरूले औषधीय र मनोरञ्जनात्मक प्रयोगका लागि कानुनी बनाएका छन्, नेपालजस्तो देशमा यसको कानुनीकरणका लागि बहस चुलिएको छ। समर्थकहरूले गाँजाबाट हुने आर्थिक लाभ र औषधीय महत्वलाई जोड दिएका छन्, भने विरोधीहरूले यसले युवा पुस्तामा नकारात्मक प्रभाव पार्न सक्ने तर्क राखेका छन्।

अमेरिका, क्यानडा, नेदरल्यान्ड्सजस्ता देशमा गाँजाबाट लाखौंको कर राजस्व संकलन हुँदै आएको छ। अनुसन्धान अनुसार, गाँजाको सही प्रयोगले क्यान्सर, अल्जाइमर र डिप्रेसनजस्ता रोगको उपचारमा सहयोग पुर्‍याउन सक्छ। तर, यसको दुरुपयोगले लत, मानसिक समस्या र अपराध वृद्धि गराउन सक्ने डर रहेको विरोधीहरूको भनाइ छ।

अब प्रश्न उठ्छ, नेपालले गाँजा कानुनी बनाउने निर्णय गर्दा यसको सामाजिक, आर्थिक र स्वास्थ्यमा कस्तो असर पर्छ?

तथ्य र प्रमाण:

अर्थतन्त्र: क्यानडाले गाँजा कानुनीकरणपछि 2021 मा 3.8 अर्ब डलरको कर संकलन गरेको थियो।

औषधीय लाभ: अमेरिकाको नेशनल इन्स्टिच्युट अफ हेल्थका अनुसार गाँजाको सही मात्रा मानसिक स्वास्थ्य र दर्द नियन्त्रणका लागि लाभदायक हुन सक्छ।

चुनौती: WHO का अनुसार गाँजाको अत्यधिक सेवनले मानसिक असन्तुलन, एकाग्रता कमी, र दीर्घकालीन लतको समस्या निम्त्याउन सक्छ।

#गाँजा_कानुनीकरण
#नेपालको_भविष्य

#औषधीय_गाँजा

Shankharapur onlinetv

29/12/2025

23/04/2025

28/03/2025

18/03/2025

17/03/2025

05/02/2025

22/01/2025

06/01/2025

06/01/2025

23/11/2024

21/11/2024

Address

Telephone

Website

Alerts

Shortcuts

Share

Category