26/10/2025
जेनजी आन्दोलनका मागहरु माओवादी केन्द्रकै मागहरुको निरन्तरता हो : संयोजक दाहाल
गोरखा ९ कात्तिक : नेकपा माओवादी केन्द्र गोरखाको आयोजनामा आइतबार जिल्ला पाटी कार्यकर्ताको भेटघाट तथा प्रशिक्षण कार्यक्रम सम्पन्न गरेको छ । पार्टीका केन्द्रीय महाधिबेशन आयोजक समितिका संयोजक पुष्पकमल दाहाल ‘प्रचण्ड’ को प्रमुख आतिथ्यतामा भएको कार्यक्रमको आयोजा गरिएको जिल्ला इन्र्चाज अमर तुमले जानकारी दिनुभयो । प्रशिक्षण कार्यक्रमलाई सम्बोधन गर्नुहुँदै माओवादी केन्द्रका संयोजक एवं पूर्वप्रधानमन्त्री पुष्पकमल दाहाल ‘‘प्रचण्ड’ ले देशमा फेरी अर्को दुर्घटना हुन नदिने जिम्मेवारी सवैको रहेको भन्दै उहाँले तोकिएको समयमा निर्वाचन हुनुपर्ने उल्लेख गर्नुभयो । ‘‘जेनजी आन्दोलनका मागहरु माओवादी केन्द्रकै मागहरुको निरन्तरता हो, संयोजक दाहालले भन्नुभयो, ‘‘प्रत्यक्ष निर्वाचित कार्यकारी प्रमुख र पूर्णसमानुपातिक निर्वाचन प्रणालीको एजेण्डा उठाउदैँ आएका थियौँ भने सरकारमा रहदा र सरकार बाहिर रहदा पनि भ्रष्टाचार र सुशासनको पक्षमा काम गर्दै आएको स्पष्ट नै छ ।’’ माओवादीले उठाउदै आएका माग र जेनजी आन्दोलनले उठाएका मागमा समानता रहेको भन्दै उहाँले त्यसले माओवादीलाई गर्व लागेको बताउनुभयो ।
