Kalika Media, Kathmandu (2026)

28/08/2026

🚨 रसुवा बाढीमा उद्धारका लागि १२ भन्दा बढी देशले मागे अनुमति!

रसुवामा गएको भीषण बाढीपछि आपतकालीन सहायता र उद्धारका लागि भारत, चीन, अमेरिका, बेलायतसहित १२ भन्दा बढी राष्ट्रले प्रस्ताव गरेका छन्। सरकारले मेडिकल र आर्थिक सहयोग स्वीकार गरे पनि जटिल भूगोल र आफ्नै सुरक्षा निकायको दक्षतालाई प्राथमिकता दिँदै विदेशी उद्धार टोली ल्याउन भने तत्काल अनिच्छा देखाएको छ। यद्यपि, सुरुङभित्र फसेकाहरूको उद्धारका लागि भारत र चीनसँग प्राविधिक सहयोग मागिएको छ।

विपद्को यस घडीमा विदेशी उद्धार टोली ल्याउने विषयमा सरकारको यो निर्णयलाई तपाईं कसरी हेर्नुहुन्छ? आफ्नो विचार कमेन्ट गर्नुहोस्।

28/08/2026

काठमाडौ को टंगाल स्थित नजिक रहेको बिजुली को पोलमा आगलागी

28/08/2026

केरुङमा चिनियाँ प्रधानमन्त्री ली छियाङको निर्देशन : ‘बेपत्ताको खोजीमा कुनै कसर नरहोस्’

काठमाडौं । नेपाल–चीन सीमा क्षेत्रमा आएको विनाशकारी बाढी तथा पहिरोपछि उद्धार तथा राहत कार्यको निरीक्षण गर्न केरुङ पुगेका चिनियाँ प्रधानमन्त्री Li Qiang ले बेपत्ता नागरिकको खोजी तथा उद्धारमा कुनै कसर बाँकी नराख्न निर्देशन दिएका छन्।

प्रधानमन्त्री लीले आपतकालीन प्रतिकार्यमा उपलब्ध सम्पूर्ण शक्ति र स्रोतसाधन परिचालन गर्न आह्वान गर्दै मानिसको जीवनलाई सबैभन्दा पहिलो प्राथमिकतामा राख्न निर्देशन दिएका हुन्। केरुङ क्षेत्रमा ठूलो क्षति भएपछि चिनियाँ उद्धार टोलीले कठिन भौगोलिक अवस्थाबीच खोज तथा उद्धारलाई तीव्र बनाइरहेका छन्।

बाढीपछि बनेको जोखिमपूर्ण ताल र थप बाढी तथा पहिरोको सम्भावनाका कारण उद्धार कार्यमा चुनौती देखिएको थियो। जोखिमको मूल्याङ्कनपछि चीनतर्फ उद्धार कार्य पुनः अघि बढाइएको छ।

प्रधानमन्त्री लीको केरुङ भ्रमणले विपद्को गम्भीरता र उद्धार कार्यलाई चीनले दिएको उच्च प्राथमिकतालाई समेत स्पष्ट पारेको छ। चिनियाँ पक्षले बेपत्ता नागरिकको खोजी, घाइतेको उद्धार तथा प्रभावित क्षेत्रमा राहत सामग्री पुर्‍याउने कामलाई तीव्रता दिएको छ।

यस विपद्ले नेपाल र चीन दुवैतर्फ ठूलो मानवीय क्षति पुर्‍याएको छ। त्यसैले अहिलेको मुख्य प्राथमिकता जीवन बचाउने, बेपत्ताको खोजी गर्ने र थप क्षति हुन नदिने रहेको छ।

28/08/2026

रसुवा बाढीपीडितका लागि पूर्व प्रहरी अधिकारीहरूको सहयोग

काठमाडौं । रसुवामा आएको बाढी तथा प्राकृतिक विपद्का कारण सयौँ नागरिकको जनजीवन प्रभावित भइरहेका बेला पीडितहरूको उद्धार, राहत र पुनःस्थापनाका लागि देशभरबाट सहयोगको आवश्यकता बढेको छ। विपद्को यो कठिन घडीमा नागरिक, संघसंस्था, व्यवसायी तथा विभिन्न क्षेत्रका व्यक्तिहरूले आफ्नो क्षमताअनुसार सहयोग गरिरहेका छन्।

यसैबीच, ‘सेवा नै धर्म हो’ भन्ने भावनासहित पूर्व प्रहरी अधिकारीहरूबाट पनि विपद् प्रभावित नागरिकका लागि सहयोगको अपेक्षा गरिएको छ। जीवनको महत्वपूर्ण समय देश र नागरिकको सुरक्षामा समर्पित गरेका पूर्व प्रहरी अधिकारीहरूले समेत प्रधानमन्त्री दैवी प्रकोप उद्धार कोषमार्फत आफ्नो तर्फबाट सक्दो सहयोग गरे पीडित परिवारका लागि ठूलो राहत पुग्ने अपेक्षा गरिएको हो।

विपद्का बेला आर्थिक सहयोग रकम ठूलो वा सानोभन्दा पनि त्यसले दिने आशा, भरोसा र मानवीय साथ महत्वपूर्ण हुने गर्दछ। अहिले रसुवाका बाढीपीडित परिवारहरूलाई खाद्यान्न, कपडा, आवास तथा पुनःस्थापनालगायत विभिन्न सहयोगको आवश्यकता छ।

पूर्व प्रहरी अधिकारीहरूबाट यस विपद्मा उल्लेखनीय सहयोग भएको सार्वजनिक रूपमा खासै सुनिन नपाएको भन्दै उनीहरूबाट पनि मानवीय सहयोगको पहल हुनुपर्ने आवाज उठेको छ। यद्यपि, व्यक्तिगत वा संस्थागत रूपमा भएका सहयोगहरू सार्वजनिक जानकारीमा नआएको हुन सक्ने भएकाले यस विषयमा सम्बन्धित सबै पक्षको योगदानलाई सम्मान गर्नुपर्ने देखिन्छ।

देश संकटमा परेको बेला एकता, सहकार्य र मानवता नै सबैभन्दा ठूलो शक्ति हो। राष्ट्र र नागरिकको सुरक्षामा जीवन समर्पण गरेका पूर्व प्रहरी अधिकारीहरूबाट पनि विपद्मा परेका नागरिकका लागि एउटा सानो सहयोग र मलमपट्टीको अपेक्षा गरिएको छ।

आज पीडितलाई हाम्रो साथ चाहिएको छ। सक्नेले सहयोग गरौँ, नसक्नेले सहयोगका लागि आवाज उठाऔँ—किनकि विपद्मा मानवता नै सबैभन्दा ठूलो धर्म हो।

28/08/2026

रसुवा बाढीपीडितका लागि वीरगञ्ज हेल्थ केयर अस्पतालद्वारा १० लाख सहयोग

वीरगञ्ज । रसुवामा गएको विनाशकारी बाढीबाट प्रभावित नागरिकको राहत तथा पुनःस्थापनामा सहयोग पुर्‍याउने उद्देश्यले वीरगञ्ज महानगरपालिका–१४ स्थित वीरगञ्ज हेल्थ केयर अस्पतालले १० लाख रुपैयाँ आर्थिक सहयोग गरेको छ।

अस्पतालले सहयोगस्वरूपको १० लाख रुपैयाँको चेक पर्सा जिल्ला क्षेत्र नम्बर १ का माननीय सांसदलाई हस्तान्तरण गरेको हो। विपद्को कठिन घडीमा बाढीपीडितको साथमा उभिँदै अस्पतालले गरेको यो सहयोगप्रति स्थानीयस्तरबाट समेत प्रशंसा गरिएको छ।

रसुवामा बाढीका कारण ठूलो जनधनको क्षति भएको अवस्थामा राहत र उद्धारका लागि विभिन्न व्यक्ति, संस्था तथा निजी क्षेत्रबाट सहयोग जुटिरहेको छ। यही मानवीय अभियानमा हातेमालो गर्दै वीरगञ्ज हेल्थ केयर अस्पतालले पनि पीडित परिवारको राहतका लागि आर्थिक सहयोग उपलब्ध गराएको हो।

विपद्को समयमा पीडित नागरिकका लागि सहयोगको हात बढाएकोमा वीरगञ्ज हेल्थ केयर अस्पताल परिवारप्रति हार्दिक धन्यवाद तथा आभार व्यक्त गरिएको छ।

28/08/2026

चौधरी फाउन्डेसनद्वारा बाढीपीडितका लागि १५ करोडभन्दा बढी सहयोग घोषणा

काठमाडौं । चौधरी फाउन्डेसन तथा नबिल बैंकका अध्यक्ष निर्वाण चौधरीले बाढी तथा अन्य प्राकृतिक विपद्बाट प्रभावित नागरिकको उद्धार, राहत र पुनःस्थापनाका लागि १५ करोड रुपैयाँभन्दा बढी सहयोग गर्ने घोषणा गरेका छन्।

फाउन्डेसनका अनुसार उक्त सहयोगबाट बाढी तथा विपद् प्रभावित क्षेत्रमा तत्काल खाद्यान्न, स्वास्थ्य सामग्री वितरण तथा राहत शिविर सञ्चालन गरिनेछ। साथै, प्रभावित परिवारका लागि ५०० वटा अस्थायी घर निर्माण गर्ने योजना समेत रहेको जनाइएको छ।

विपद्का कारण समस्यामा परेका नागरिकलाई तत्काल राहत उपलब्ध गराउनुका साथै दीर्घकालीन पुनःस्थापनामा सरकारलाई सहयोग पुर्‍याउने उद्देश्यले सहयोग घोषणा गरिएको फाउन्डेसनले जनाएको छ।

चौधरी समूहले यसअघि पनि नेपालमा विभिन्न समयमा आएका प्राकृतिक विपद्का बेला उद्धार, राहत तथा पुनःस्थापनाका कार्यक्रम सञ्चालन गर्दै आएको छ। पछिल्लो सहयोगले बाढीपीडित नागरिकलाई तत्काल राहतसँगै सुरक्षित अस्थायी आवासको व्यवस्था गर्न महत्वपूर्ण योगदान पुग्ने अपेक्षा गरिएको छ।

28/08/2026

दुःखद घडीमा सहयोगी हातहरु अघि बढ्दै छन्

28/08/2026

रसुवाको बाढीले बङ्गुर पनि बगाएको भेटिएको छ ।

28/08/2026

बाढी आउनुअघि प्रशासनको चेतावनी बेवास्ता, ‘भ्यूज’का लागि पुल पुगेपछि ज्यान गुमाए

काठमाडौं । रसुवाको त्रिशूली क्षेत्रमा आएको विनाशकारी बाढीअघि प्रशासनले सुरक्षित स्थानतर्फ जान सचेत गराए पनि कतिपय स्थानीयले चेतावनी बेवास्ता गरेको स्थानीयले बताएका छन्।

स्थानीय दिपेश डंगोलका अनुसार बाढीको घटना हुनुभन्दा करिब २० मिनेटअघि नै प्रशासनले बाढी आउन सक्ने भन्दै सुरक्षित स्थानतर्फ, विशेषगरी विदुरतिर जान आग्रह गरेको थियो। तर, चेतावनीका बाबजुद धेरै मानिस पसल बन्द गरेर त्रिशूली पुलतिर गएको उनको भनाइ छ।

डंगोलका अनुसार बाढीको जोखिम स्पष्ट देखिँदै गर्दा समेत केही मानिसले ‘भिडियो बनाऔँ, धेरै भ्यूज आउँछ’ भन्दै पुलमा पुगेर सेल्फी तथा भिडियो खिचिरहेका थिए।

> “उनीहरूले बच्न सोचेको भए बच्न सक्थे। बाढीको भयावह रूप देखिँदै गर्दा त्रिशूली जलविद्युत् केन्द्र, बजारका घर तथा पुलसमेत हाम्रै आँखाअगाडि बगे,” डंगोलले भने।

उनले विपद्को समयमा प्रशासनले दिएको सुरक्षा निर्देशनलाई गम्भीरतापूर्वक पालना गर्नुपर्ने बताए। सामाजिक सञ्जालमा भिडियो बनाएर ‘भ्यूज’ बटुल्ने होडले जोखिमलाई झन् बढाएको उनको भनाइ छ।

“अहिलेका मान्छे नै अटेरी हुन्, न प्रशासनले भनेको मान्छन्, न आफूभन्दा ठूला र आफन्तले भनेको मान्छन्,” डंगोलले भने, “यस्तै लापरबाही र भिडियो खिच्ने होडले गर्दा धेरैले अनाहकमा ज्यान गुमाए।”

बाढी तथा पहिरोजस्ता विपद्का बेला केही मिनेटको ढिलाइसमेत ज्यानका लागि घातक बन्न सक्ने भएकाले सुरक्षाकर्मी तथा प्रशासनले जारी गर्ने पूर्वसूचनालाई बेवास्ता नगर्न स्थानीय प्रशासनले आग्रह गर्दै आएको छ।

28/08/2026

रबिन्द्र ले देश सम्झेर यो फाइट जितेका थिए आफ्नो खुशी भन्दा नि आफ्नो देशको अहिले को अबस्थामा सबैले सहयोग गरिदिन अनुरोध गरे !
Breaking: Rabindra Dhant enters the Final of Road to UFC season 5. ❤️🇳🇵

Kalika Media

28/08/2026

28/08/2026

28/08/2026

28/08/2026

28/08/2026

28/08/2026

28/08/2026

28/08/2026

28/08/2026

28/08/2026

Address

Website

Alerts

Shortcuts

Share

Category

Listing takedown request