Review Nepal, Kathmandu (2026)

14/06/2026

बजेटमार्फत सरकारले 'राहतको भ्रम' दिएर आर्थिक भार थपेको पत्तै नपाएका हुन् त नेपाली जनताले !?

#गगनथापा ***n

14/06/2026

बालेन सरकारका संस्कृति, पर्यटन तथा नागरिक उड्डयन मन्त्री खडक राज पौडेल (गनेस)ले सुशासनका नाममा योग्यताक्रम मिचेर गरेका नियुक्ति अदालतको आदेशले खारेज भए । गत वैशाख ३१ गते नेपाल वायु सेवा निगमको सञ्चालक समिति सदस्य (पूर्व सैनिक अधिकारी) डा. दीपक प्रसाद बाँस्तोला लगायतलाई नियुक्ति गरिएकोमा सर्वोच्च अदालतले त्यसलाई बदर गरिदिएको हो ।

वर्तमान सरकारले पहिलो पटक सार्वजनिक नियुक्तिमा पूर्व सैनिक अधिकारीहरूलाई प्राथमिकता दिने नीतिअनुसार सेनाका पूर्व उपरथी बाँस्तोलालाई निगममा र अर्का एक पूर्व सैनिकलाई बागमती सभ्यता एकीकृत विकास समितिमा नियुक्त गरेको थियो । योग्यताक्रमको पहिलो नम्बरमा रहेका उपेन्द्र बहादुर कार्कीले सर्वोच्चमा रिट दायर गरेका थिए ।

मन्त्रालयले डा. बाँस्तोलासहित प्रविन भट्टराई, महेश्वरभक्त श्रेष्ठ, रूपा लामिछाने र लिलाराज ढकाललाई निगमको सञ्चालक नियुक्त गरेको थियो ।

***n #बालेनसरकार

14/06/2026

अर्थमन्त्री डा. स्वर्णिम वाग्लेले देश विगत १०–१५ वर्षदेखि निहित स्वार्थ समूहहरूको कब्जामा रहेको दाबी गर्दै सरकार त्यसलाई तोड्ने अभियानमा रहेको बताएका छन् ।

आईतवार राजधानीमा आयोजित कार्यक्रममा बोल्दै उनले विगतमा राजनीतिक नेतृत्वदेखि राज्यका विभिन्न अंगहरु समेत स्वार्थ समूहको कब्जामा रहेको तथ्यहरु खुलिरहेको बताए ।

उनले मुलुकको इतिहासकै सबैभन्दा ठूलो वित्तीय घोटालाको फाइल एक खर्बभन्दा बढी बिगो मागसहित प्रक्रियामा रहेको जिकिर गरे । सरकार अहिले मुलुकको अर्थव्यवस्थामा देखिएको बेथितिलाई सफा गर्ने अभियानमा रहेको उनको दाबी छ ।

#अर्थमन्त्री #बालेनसरकार

14/06/2026

काठमाडौं महानगरपालिकाद्वारा 'मानवीयताको शहर' बनाउने दूरगामी सङ्कल्पसहित नीति तथा कार्यक्रम सार्वजनिक
----
काठमाडौं महानगरपालिकाकी कार्यवाहक प्रमुख सुनिता डंगोलले नगरसभाको १९ औँ अधिवेशनमा आगामी आर्थिक वर्ष २०८३/०८४ को नीति तथा कार्यक्रम सार्वजनिक गर्दै महानगरलाई भौतिक संरचनाको चक्रव्युहबाट बाहिर निकालेर एक सहृदयी, समावेशी र पर्यावरणमैत्री 'मानवीयताको शहर' को रूपमा विकास गर्ने दूरगामी सङ्कल्प अघि सारेकी छन् ।

कंक्रिटको शहरभन्दा माथि उठेर सामाजिक न्याय र नागरिक संवेदनालाई प्राथमिकता दिइएको यस कार्यक्रम अन्तर्गत 'ज्येष्ठ तथा अशक्त नागरिकसँग महानगर अभियान' सञ्चालन गरी वृद्धवृद्धा र अशक्तहरूको घरदैलोमै चिकित्सक, स्वास्थ्य प्राविधिक र औषधिको व्यवस्था गरिनेछ। साथै, महानगरले ७५ वर्ष पूरा गरेका वरिष्ठ ज्येष्ठ नागरिक र पूर्ण अपाङ्गता भएका अशक्त नगरवासीहरूको पोषण सुरक्षाका लागि नियमित पोषण भत्ता उपलब्ध गराउने ऐतिहासिक घोषणा समेत गरेको छ।

डंगाेलले अव्यवस्थित बसोवासी तथा नदी किनारका जोखिमपूर्ण बस्ती व्यवस्थापनका लागि बल प्रयोगको साटो संघीय र प्रदेश सरकारसँगको समन्वयमा 'सामूहिक आवास' को नयाँ दृष्टिकोण अघि सारेकी छन् ।

डंगोलका अनुसार मानवीयताको दायरालाई पशुपंक्षी र प्रकृतिको सहअस्तित्वसम्म फराकिलो बनाउँदै शहरी पर्यावरण सुधारका लागि पार्क, टोल र विद्यालयहरूमा हजारौँको सङ्ख्यामा पंक्षीमैत्री ‘पानी पात्र’ स्थापना गरिनेछ भने सडकका कुकुर र बाँदर नियन्त्रणमा पशु कल्याणका मानवीय र वैज्ञानिक उपाय मात्र अपनाइनेछ। यसका साथै, रैथाने कालीगढहरूको मौलिक सीप प्रमाणीकरण गरी प्रमाणपत्र दिने, नवयुवा पुस्ता (जेन जेड र जेन अल्फा) का लागि विशेष विमर्श कार्यक्रम चलाउने, साँगुरा सडकका लागि ‘बाइक एम्बुलेन्स’ सञ्चालन गर्ने, अस्पतालहरूमा १० प्रतिशत विपन्न उपचारको कडा अनुगमन गर्ने, वृद्धहरूलाई निमोनिया खोप दिने र मानसिक तनाव व्यवस्थापनका लागि कल सेन्टर स्थापना गर्ने जस्ता जनमुखी योजनाहरू समेत नीति तथा कार्यक्रममा समेटिएका छन्।

#नीति ***n

13/06/2026

प्रधानमन्त्री B***n शाहले api base camp को तस्वीर फेसबुकमा हालेपछि हुँदै छ !
यो चाहिँ AI generated हो है ! #हल्का रमाइलो !

***n #अपि

12/06/2026

अमेरिकी राष्ट्रपति डोनाल्ड ट्रम्पको ८०औँ जन्मदिन र अमेरिकी स्वतन्त्रताको २५०औँ वार्षिकोत्सवको अवसरमा ह्वाइट हाउसको साउथ लनमा आयोजना हुन लागेको ‘युएफसी फ्रिडम २५०’ नामक विशाल केज फाइट कार्यक्रमले तीव्र राजनीतिक बहस जन्माएको छ ।

ह्वाइट हाउसको इतिहासमै पहिलोपटक हुन लागेको यस रक्तपातपूर्ण १४ खेलाडीहरूबीचको प्रतिस्पर्धाका लागि ‘द क्लाउ’ नामक विशाल पिँजडा अखाडा निर्माण गरिएको छ । जसको लागत करिब ६ करोड अमेरिकी डलर अनुमान गरिएको छ ।

युद्ध र आर्थिक चुनौतीका बीच यस्तो खर्चिलो र हिंसात्मक शैलीको कार्यक्रम गरिएको भन्दै आलोचना चर्किए पनि राष्ट्रपति ट्रम्पले यसको सम्पूर्ण खर्च युएफसीले व्यहोर्ने दाबी गर्दै यसलाई अमेरिकी शक्तिको प्रदर्शन भनेका छन् भने विदेशमन्त्री मार्को रुबियोले यसलाई ’अमेरिकी जनताका लागि उपहार’ भनी स्वागत गरेका छन् ।

डाना ह्वाइटका अनुसार ह्वाइट हाउस भित्र सेनाका सदस्यसहित ४ हजार दर्शकले प्रत्यक्ष रूपमा र बाहिर राखिने विशाल स्क्रिनमार्फत थप सवा लाख दर्शकले यो खेल अवलोकन गर्नेछन् ।

12/06/2026

तत्कालीन जनयु'द्धका नायक पुष्पकमल दाहाल (प्रचण्ड) र डा. बाबुराम भट्टराईविरुद्धकाे रिटमा सर्वाेच्च अदालतले एक परमादेश जारी गरेको छ।

आफूहरूलाई बालसेनाका रूपमा प्रयोग गरेर 'यु*द्ध अपराध' गरेको आरोप लगाउँदै लेनिन विष्टसहितले २०८२ वैशाख ११ गते दायर गरेको रिटमा सर्वोच्चले यो आदेश दिएको हो ।

न्यायाधीशत्रय सपना प्रधान मल्ल, सुनिलकुमार पोखरेल र शान्तिसिंह थापाको पूर्ण इजलासले उक्त परमादेश जारी गरेकाे हाे । १८ वर्षमुनिका बालबालिकालाई सैन्यबलमा समावेश गर्ने कामलाई गम्भीर मानव अधिकार उल्लङ्घनको परिभाषाभित्र समावेश हुने गरी कानुन बनाउन सरकारका नाममा आदेश जारी छ । यसले तत्कालीन नेतृत्वमाथि अनुसन्धान र सजायकाे ढाेका खुल्न सक्ने देखिन्छ ।

१० वर्षे माओवादी युद्धका बेला बालसेना बनाएर प्रवेश गराएको र ‘अयोग्य’ बिल्ला भिराएर शिविरबाट निकालिएको कार्यले आत्मसम्मानमा चोट पुगेको तथा अन्तर्राष्ट्रिय मानवीय कानुनको उल्लंघन भएको विष्टसहितको रिट निवेदनमा उल्लेख छ । बालसेना भर्ती गर्ने तत्कालीन नेतृत्वमा रहेका दाहाल र भट्टराईलाई अन्तर्राष्ट्रिय मानवीय कानुनबमोजिम फौजदारी कसुरमा अनुसन्धान र कारबाही गर्न माग पनि रिटमा गरिएको छ ।

सर्वोच्चको फैसलापछि मुद्दा दायरकर्ता विष्टले न्यायको लडाइँ जितेको भन्दै सामाजिक सञ्जालमार्फत खुसी व्यक्त गरेका छन् भने यसै विषयलाई लिएर उनले नेदरल्याण्डको हेगस्थित अन्तर्राष्ट्रिय न्यायालयमा समेत मुद्दा दायर गरिसकेका छन्।

#जनयुद्ध #प्रचण्ड

12/06/2026

नेकपा (एमाले) का नेता एवं पूर्व गृहमन्त्री रामबहादुर थापा ‘बादल’ले प्रधानमन्त्री बालेन भारतकाे राेजाइमा नरहेकाे बताएका छन् ।

एमाले बागमती प्रदेश कमिटीको कार्यक्रममा बोल्दै उनले रास्वपा लगायत नयाँ पार्टीहरूको वर्तमान सफलतालाई 'अस्थायी' संज्ञा दिँदै भदौ २४ को परिघटनालाई प्रतिगमन र फागुन २१ पछि बनेको वर्तमान सरकारलाई स्वेच्छाचारी एवं अधिनायकवादीको आरोप लगाए।

नागरिकको मौलिक अधिकार कुण्ठित गर्ने र सुकुम्बासीलाई दमन गर्ने कार्यमा सरकार उद्यत रहेको भन्दै उनले राष्ट्रपतिले संसद्‌मा सम्बोधन गरिरहँदा प्रधानमन्त्री बीचमै उठेर हिँड्नुले वर्तमान सत्ताको गणतन्त्रप्रतिको उपेक्षा र कूटनीतिक मर्यादाहीनतालाई छताछुल्ल पारेको दाबी गरे।

सीमा विवादको सन्दर्भमा प्रधानमन्त्री बालेन्द्र शाहले संसद्‌मा दिएको अभिव्यक्तिलाई नेता बादलले सत्ता टिकाउनका लागि गरिएको ‘राष्ट्रिय आत्मसमर्पणवाद’ को संज्ञा दिएका छन्। प्रधानमन्त्रीको भनाइमा भारत खुसी पार्न जमिनै फिर्ता दिनेसम्मको आशय लुकेको आरोप लगाउँदै उनले राष्ट्रियताको सवालमा सरकार चुकेको बताए।

साथै, हालै रास्वपा सभापति रवि लामिछानेले गरेको भारत भ्रमण र त्यहाँ उनलाई मिलेको असामान्य एवं उच्चस्तरीय भव्य स्वागतप्रति संशय व्यक्त गर्दै बादलले बाह्य शक्तिहरू नेपालको वर्तमान नेतृत्व (बालेन)सँग सन्तुष्ट नरहेको र नेपालमा नयाँ विकल्प (रवि) स्थापित गर्न चाहेको स्पष्ट सङ्केत मिलेको रूपमा व्याख्या गरे ।

#बालेन ***nshah #एमाले

12/06/2026

संसदले मन नपरेको खण्डमा प्रधानमन्त्रीलाई पनि फ्याँक्ने अधिकार राख्छ : अर्थमन्त्री वाग्ले
----
अर्थमन्त्री डा. स्वर्णिम वाग्लेले संसदले प्रधानमन्त्रीलाई पनि फाल्ने अधिकार राख्ने बताएका छन् । शुक्रवार बजेटमाथिको छलफलका क्रममा अर्थमन्त्री वाग्लेले सरकार बनाउने र ढाल्ने अधिकार संसदलाई भएकाले संसदले सरकारलाई आवश्यक निर्देशन दिन सक्ने पनि बताए । राप्रपाकी प्रमुख सचेतक खुश्वु ओलीले ‘स्थानीय तहलाई पनि नियन्त्रणमा राख्ने गरी बजेट विनियोजन गरेको’ टिप्पणी गरेपछि वाग्लेले उक्त कुरा बताएका हुन् ।

12/06/2026

जनताको करले रास्वपाका सांसदलाई तालिम दिनुपर्ने विचार तपाईंलाई कस्तो लाग्यो त?

#रास्वपा #घण्टी

Review Nepal

14/06/2026

14/06/2026

14/06/2026

14/06/2026

13/06/2026

12/06/2026

12/06/2026

12/06/2026

12/06/2026

12/06/2026

Address

Telephone

Website

Alerts

Contact The Business

Shortcuts

Share

Category