https://www.facebook.com/109551877065387/

𝐖𝐡𝐚𝐭’𝐬 𝐆𝐨𝐢𝐧 𝐎𝐧 𝐍𝐞𝐩𝐚𝐥

Home
Nepal
Kathmandu
𝐖𝐡𝐚𝐭’𝐬 𝐆𝐨𝐢𝐧 𝐎𝐧 𝐍𝐞𝐩𝐚𝐥

Contact information, map and directions, contact form, opening hours, services, ratings, photos, videos and announcements from 𝐖𝐡𝐚𝐭’𝐬 𝐆𝐨𝐢𝐧 𝐎𝐧 𝐍𝐞𝐩𝐚𝐥, Digital creator, Thapathali, Kathmandu.

WGONepal नेपालमा हुने महत्त्वपूर्ण घटनाक्रम हरूबारे जानकारी दिने प्लेटफर्म हो।हाम्रो लक्ष्य-नेपाली नागरिकलाई
✓ नेपालमा हुने महत्त्वपूर्ण घटनाक्रम
✓ प्रविधि,शिक्षा, राजनीति र स्वास्थ्यको अपडेट
✓ नागरिक जागरूकताको अभियान
बारे जागरूक, सूचित गर्नु हो!

26/09/2025

भदौ २३ गते सुरु भएको जेनजी आन्दोलनले देशको राजनीतिक दिशालाई नै बदल्ने संकेत दिएको थियो। भ्रष्टाचार अन्त्य र प्रत्यक्ष निर्वाचित कार्यकारी राष्ट्रपतिको मागसहित उठेको आन्दोलनले भदौ २४ मा प्रहरीको गोली लागेर विद्यार्थीको मृत्यु भएपछि क्रान्तिको स्वरुप लियो। त्यसको दबाबमा तत्कालीन प्रधानमन्त्री केपी ओलीको सरकार ढल्यो र संसदमार्फत संविधान संशोधन गर्ने सम्भावना एकाएक उजागर भयो।

जेनजेको मुख्य लक्ष्य प्रत्यक्ष निर्वाचित राष्ट्रप्रमुखको व्यवस्था थियो। यो दुई तरिकाले मात्र सम्भव थियो— आन्दोलनकै बलमा सत्ता कब्जा गरेर नयाँ संविधान बनाउने, वा संसदबाट दुई-तिहाइ बहुमत जुटाएर संशोधन गर्ने। नेतृत्वविहीन जेनजी आन्दोलनले सत्ता कब्जा गर्ने सम्भावना न्यून थियो, तर संसदमार्फत संशोधन गरेर प्रत्यक्ष राष्ट्रप्रमुखको निर्वाचन घोषणा गर्ने अवसर भने वास्तविक थियो।

तर यही संवेदनशील क्षणमा काठमाडौं महानगरका मेयर बालेन शाहले सामाजिक सञ्जालमार्फत संसद विघटनको माग गर्दै स्टाटस लेखे। उनको उक्त अभिव्यक्तिलाई आन्दोलनकारीहरूले निर्देशनजस्तै मान्दा संसद भंग भयो। संसद नभएपछि संविधान संशोधन गर्ने बाटो स्वतः बन्द भयो र प्रत्यक्ष निर्वाचित राष्ट्रप्रमुख ल्याउने ऐतिहासिक अवसर हातबाट चिप्लियो।

चार दिनसम्म निरन्तर चर्किएको आन्दोलनकै रापमा तत्कालीन संसदले संघीयताको पुनरावलोकन, अन्तरिम सरकार गठन, र जेनजी प्रतिनिधिहरूलाई संसदमा प्रवेश गराउनेजस्ता विषयमा छलफल गर्न सक्थ्यो। यदि त्यतिबेला संविधान संशोधन भएको भए आज जनप्रतिनिधिहरू प्रत्यक्ष निर्वाचित राष्ट्रपतिको निर्वाचनको तयारीमा हुने थिए। तर बालेनको एक स्टाटसले त्यो सम्भावनालाई ध्वस्त पारिदियो।

जेनजी आन्दोलनको ऊर्जा इतिहासमै अद्वितीय थियो, तर नेतृत्व र संयोजनको कमीमा अवसर गुम्यो। अब संविधान संशोधन गर्ने बाटो फेरि आउन चुनावी प्रक्रियामार्फत दुई-तिहाइ म्यान्डेट जुटाउनु पर्ने बाध्यता कायम भएको छ। त्यसैले धेरैले भन्छन्— बालेनको एक फेसबुक स्टाटसले मात्र होइन, त्यसलाई आँखा बन्द गरेर पत्याउने आन्दोलनकारीहरूको हतारले पनि नेपालले प्रत्यक्ष निर्वाचित राष्ट्रप्रमुख पाउने सम्भावना गुमायो।

25/09/2025

WhatsApp-ले मेसेज ट्रांस्लेशन सुबिधा ल्याएको छ। यसबाट तपाईं ले साथी, परिवार र अरू कसैसंग पनि, तिनीहरूले कुनै पनि भाषा बोले पनि, सजिलैसँग च्याट गर्न सक्नुहुन्छ।

कसरी प्रयोग गर्ने?
कुनै पनि मेसेज लाई लोङ्ग long-press गर्नुहोस्, त्यसपछि ट्रांस्ल्य्त मा ट्याप गर्नुहोस् र आफ्नो भाषा सेलेक्ट गर्नुहोस्। यो फिचर private chats, groups र Channels मा smooth रूपमा काम गर्छ।एन्द्रोइद युजर्स ले शुरुमा ६ भाषा (English, Spanish, Hindi र Arabic) पाउँछन्, जबकि iPhone users ले १९+ भाषा मा ट्रांस्ल्यत गर्न पाउँछन्।

25/09/2025

अर्थ मन्त्रालयले आन्दोलनका क्रममा क्षतिग्रस्त सार्वजनिक र सरकारी संरचनाको तत्काल र प्रभावकारी पुनर्निर्माण, मर्मत, आर्थिक पुनरुत्थान तथा राहत कार्यका लागि भौतिक पूर्वाधार पुनर्निर्माण कोष स्थापना गरेको छ। मन्त्रालयका संयुक्त सचिव तथा प्रवक्ता टंक प्रसाद पाण्डेका अनुसार आवश्यक वित्तीय स्रोतको व्यवस्था गरेर यी कामहरू छिटो र प्रभावकारी ढंगले सम्पन्न गरिनेछ।

नेपाल सरकारले संघीय, प्रदेश र स्थानीय सरकार, निजी क्षेत्र, देश–विदेशका नागरिक, गैर–आवासीय नेपाली समुदाय, मित्र राष्ट्र, विकास साझेदार र अन्तर्राष्ट्रिय संस्थाहरूलाई यस राष्ट्रिय पुनर्निर्माण अभियानमा सहभागिता जनाउन आह्वान गरेको छ। व्यक्तिगत योगदानको रकम चालु आर्थिक वर्षको करयोग्य आम्दानीबाट कटौती गर्न सकिने व्यवस्था पनि रहेको छ।

योगदान भौतिक पूर्वाधार पुनर्निर्माण कोष को खाता नम्बर 1960100102070004, सिंहदरबार शाखा, राष्ट्रिय वाणिज्य बैंकमा जम्मा गर्न सकिन्छ।

25/09/2025

नेपालकी पहिलो महिला प्रधानमन्त्री आदरणीय सुशीला कार्की आज साँझ ६ बजे राष्ट्रका नाममा विशेष सम्बोधन गर्ने तयारीमा हुनुहुन्छ। प्रधानमन्त्री कार्कीको सम्बोधनअघि दिउँसो ४ बजे मन्त्रिपरिषद् बैठक बस्नेछ । जेन-जेड आन्दोलनपछि भदौ २७ गते प्रधानमन्त्रीको जिम्मेवारी सम्हाल्नुभएकी कार्कीले देशको वर्तमान राजनीतिक अवस्था, आगामी प्रतिनिधिसभा निर्वाचन र सरकारको प्राथमिकताबारे महत्वपूर्ण सन्देश दिने अपेक्षा गरिएको छ। उनका निकट स्रोतका अनुसार यो सम्बोधनले देशभित्र स्थिरता, विकास र सहकार्यको सन्देश प्रवाह गर्नेछ।

24/09/2025

सांसद र राजनीतिक पदाधिकारीको स्वकीय सचिवको सुविधा खारेज, प्रदेश तथा स्थानीय तहमा सल्लाहकार पनि राख्न नपाइने

Photo: Nepal Press

22/09/2025

केपी सरकारले गरेका सबै राजनीतिक नियुक्ति बदर गर्ने प्रधानमन्त्री सुशीला कार्कीको बोल्ड निर्णय !

अन्तरिम सरकारका प्रधानमन्त्री सुशीला कार्कीले केपी शर्मा ओली नेतृत्व सरकारले गरेका सबै राजनीतिक नियुक्तिशरु खारेज गर्ने तयारी गरेको छ । विभिन्न संवैधानिक निकाय तथा राजदूत नियुक्तिहरूमा सरकारले बोल्ड निर्णय गर्न लागेको हो ।

प्रधानमन्त्री सुशीला कार्कीनिकट स्रोतले दिएको जानकारीअनुसार अघिल्लो सरकारले नियुक्त गरेका राजदूतहरू फिर्ता बोलाउने र संवैधानिक नियुक्तिहरू पनि बदर गर्ने तयारी भएको हो । तर, त्यसका लागि केही समय लाग्ने पनि बताइएको छ । मन्त्रिपरिषद्ले पूर्णता पाएलगत्तै उक्त विषयले प्राथमिकता पाउने पनि स्रोतको भनाइ छ ।

तत्कालीन प्रधानमन्त्री केपी शर्मा ओलीले नियुक्त गरेका व्यक्तिहरूलाई फिर्ता बोलाउने बारेमा गृहमन्त्री ओमप्रकाश अर्यालले आफूनिकटसँग पहिला नै बताइसकेका थिए । अर्यालले दलले नियुक्त गरका व्यक्तिलाई निरन्तरता दिए चुनाव निष्पक्ष नहुने सुनाउँदै आएका छन् । सोहीकारण सरकार राजनीतिक नियुक्तिहरू बदर गर्ने तयारीमा रहेको स्रोतको दाबी छ ।

संवैधानिक निकायहरू निर्वाचन आयोग, अख्तियार दुरुपयोग अनुसान्धान आयोग, राष्ट्रिय मानवअधिकार आयोग, समावेशी आयोग, थारु आयोग, मधेशी आयोग, दलित आयोग, मुस्लिम आयोगलगायत रहेका छन् । ती आयोगमा ओलीले चार वर्षअघि अध्यादेशमाफर्त नियुक्ति गरेका थिए । ती नियुक्तिको विषयमा सर्वोच्च अदालतमा मुद्दा समेत परेको थियो । उक्त मुद्दाको फैसला गत २८ जेठमा भएको थियो । संवैधानिक निकायमा भएको नियुक्ति बदर गर्न माग गर्दै मुद्दा दायर गर्ने अहिलेका गृहमन्त्री ओमप्रकाश अर्याल नै थिए ।

22/09/2025

‘म थाकेँ हौ… हितेन्द्र शाक्य

आफ्ना चिरप्रतिस्पर्धी कुलमान घिसिङ अचानक ऊर्जामन्त्री बनेपछि हितेन्द्रको पद संकटमा परिसकेको थियो । कुलमानले कुनै धैर्यता नराखिकन तत्कालै हितेन्द्रलाई कार्यकारी निर्देशकबाट बर्खास्त गरिदिएका छन् । हितेन्द्र कुलमानसँग मिलेर काम गर्ने मुडमा थिए । तर, कुलमानले आफू अनुकूलको कार्यकारी निर्देशक ल्याउन चाहे । फलतः हितेन्द्रलाई जल तथा ऊर्जा आयोगको विशेषज्ञ पदमा थान्को लगाइएको छ ।

नेपाल प्रेससँग संक्षिप्त फोन सम्वादमा हितेन्द्रले चरम नैराश्यता व्यक्त गरे । अब फेरि कानूनी लडाइँ लड्नुहुन्छ कि लड्नु हुन्न भन्ने जिज्ञासामा खुइय गर्दै भने, ‘म थाकेँ हौ… अहिले त केही सोचेकै छैन ।’
Source: Nepal Press

21/09/2025

अब सुरु भयो !

एआईजी मनोज केसीले आफ्नो नेतृत्वमा नक्कली भुटानी शरणार्थीको अनुसन्धान गरेर पुर्वगृहमन्त्री बालकृष्ण खाँण, अर्का पुर्व गृहमन्त्री रामबहादुर थापा 'बादल' का छोरा प्रतीक थापा र बेचन झा लगायतलाई पक्राउ गरेका थिए ।
राम्रो काम गर्दा बारम्बार सरुवा खेपेका उनलाई सरकारले प्रहरी प्रशिक्षण प्रतिष्ठानमै पनि सरुवा गरेर थन्काउन खोजेको थियो ।
(हुन त हिन्दि सिनेमामा यस्तै देखेको थिएँ । जसमा राम्रो काम गर्ने प्रहरी अधिकृतलाई भ्रष्ट नेताले तह लगाउन तालिम केन्द्रमा सरुवा गरिदिन्थ्यो ।)

अब अहिले सरकारले तिनै मनोज केसीलाई केन्द्रीय अनुसन्धान ब्यूरो (सीआईबी) को प्रमुख बनाएर ल्याएको छ ।
सहि मान्छे सहि ठाउँमा आउदा खुसी लाग्ने । शुभकामना !
अब के के सुरु हुने हो हेरौं ।

21/09/2025

पेरिसडाँडामा माओवादी पदाधिकारी बैठक सुरु:
पेरिसडाँडामा माओवादी पदाधिकारी बैठक सुरु भएको छ । बैठकमा मुलुकमा विकसित पछिल्लो राजनीतिक घटनाक्रमका विषयमा छलफल हुने बताइएको छ । जेनजी आन्दोलनपछि पहिलोपटक माओवादीको बैठक बसेको हो ।

तस्बिर: नेपाल फोटो लाइब्रेरी

20/09/2025

हमासको सशस्त्र शाखाले गाजामा राखिएका ४८ इजरायली बन्दीहरूको ‘बिदाई तस्वीर’मा नेपालका विपिन जोशीको पनि तस्वीर समावेश गरेको छ ।

इजरायलले गरेको व्यापक स्थलगत र हवाई आक्रमणबाट गाजा क्षेत्रमा राखिएका बन्दीहरूको सुरक्षालाई खतरा पुर्‍याएको हमासले जिकिर गरेको छ ।

टाइम्स अफ इजरायलले भने हमासले सार्वजनिक गरेको तस्वीरलाई बन्दीका परिवार र इजरायली सरकारमाथि दबाब दिन खोजेको उल्लेख गरेको छ ।

सञ्चार संस्था अल जजिराका अनुसार, इजरायली सेनाले घेरिएको क्षेत्रको सबैभन्दा ठूलो सहरलाई ध्वस्त पार्ने र नियन्त्रणमा लिने अभियान जारी राखेको बेला हमासले यो बिदाई तस्वीर सार्वजनिक गरेको हो ।

20/09/2025

ल है: सरकारी सेवामा कुनै पनि काममा ढिलासुस्ती, घुस माग्ने, दुःख हैरानी दिने र नराम्रो व्यवहार गर्ने कार्य भएमा सिधै प्रधानमन्त्री तथा मन्त्रिपरिषदको कार्यालयको Hotline Number मा सम्पर्क गर्न मिल्ने भएको छ।
Number: 9851145045

20/09/2025

धरान उपमहानगरपालिकाले आर्थिक वर्ष २०८२/८३ को नीति तथा कार्यक्रम र बजेट सार्वजनिक गरेको छ । आज १७ औँ नगरसभामा धरानका उपप्रमुख अइन्द्रविक्रम बेघाले आव २०८२/८३ का लागि रु दुई अर्ब २० करोड ७४ लाख ५९ हजारको बजेट प्रस्तुत गरेका छन् ।

Address

Thapathali
Kathmandu
44600

Website

facebook.com

Alerts

Be the first to know and let us send you an email when 𝐖𝐡𝐚𝐭’𝐬 𝐆𝐨𝐢𝐧 𝐎𝐧 𝐍𝐞𝐩𝐚𝐥 posts news and promotions. Your email address will not be used for any other purpose, and you can unsubscribe at any time.

Shortcuts

Want your business to be the top-listed Media Company in Kathmandu?

𝐖𝐡𝐚𝐭’𝐬 𝐆𝐨𝐢𝐧 𝐎𝐧 𝐍𝐞𝐩𝐚𝐥

26/09/2025

25/09/2025

25/09/2025

25/09/2025

24/09/2025

22/09/2025

22/09/2025

21/09/2025

21/09/2025

20/09/2025

20/09/2025

20/09/2025

Address

Website

Alerts

Shortcuts

Share

Category