Broad FM 94.9

28/05/2024

Happy republic day 🇳🇵

31/03/2023

ब्रोड एफ ९४.९ कि सहकर्मी पुजा लामिछाने लाई जन्मदिनको शुभकामना 💐🎂

19/01/2023

प्रतिनिधिसभाको सभामुखमा एमालेका देवराज घिमिरे निर्वाचित

काठमाडौं । प्रतिनिधिसभाको सभामुखमा नेकपा एमालेका देवराज घिमिरे निर्वाचित भएका छन् । बिहीबार प्रतिनिधिसभामा भए....

27/09/2022

काठमाडौं । बढ्दै गएको पेट्रोलियम पदार्थको मूल्य असोजपछि घट्ने बताइएको छ । अन्तर्राष्ट्रिय बजारमा कच्चा तेलको मूल्य घट्दो क्रममा रहेको छ । युक्रेन युद्ध सुरु भएदेखि बढेको थियो । अब नेपालमा नयाँ मूल्यसूची आउँदा भाउ घट्नेमा आसावादी हुन सकिने धेरै सम्भावना देखिएको नेपाल आयल निगमका प्रवक्ताले बताएका छन्।

नियमित प्रक्रिया अन्तर्गत असोज १६ गते इन्डियन आयल कर्पोरेशन आईओसीले नेपाल आयल निगम (एनओसी)लाई नयाँ मूल्य सूची पठाउँदैछ । आयल निगमका प्रवक्ता विनीतमणि उपाध्यायका अनुसार अन्तर्राष्ट्रिय बजारको पछिल्लो क्रम घट्दो छ र अबको मूल्य सूची घटेर आउने अवस्थामा छ ।

आयल निगमले आईओसीलाई ३० अर्ब रुपैयाँ तिर्न बाँकी रहेको बताइएको छ । यसअघि पनि आईओसीबाट पेट्रोल र डिजेलका मूल्य केही घट्दै आए पनि आयल निगमले घटाउन सकेको छैन । अहिले अन्तर्राष्ट्रिय बजारमा कच्चा तेलको मूल्य करिब ८६ डलर प्रतिब्यारल रहेको छ।

27/09/2022

काठमाडौं । पूर्व प्रधानमन्त्री तथा एमाले अध्यक्ष केपी शर्मा ओलीले बालिका बलात्कारको अभियोगमा जेल काटेका व्यक्तिलाई आफ्नै पार्टी प्रवेश गरकाएका छन् । उनले आफ्नै निवास बालकोटमा भव्य स्वागत गरेका हुन् ।

पाँच वर्ष जेल बिताएका धादिङ ज्वालामुखि गाउँपालिका–२ का लालबहादुर कार्कीलाई अध्यक्ष ओलीले आफ्नै निवासमा बोलाएर सोमबार स्वागत गरेका हुन् ।

कार्की स्थानीय एक बालिकालाई बलात्कार गरेको अभियोगमा जिल्ला अदालत धादिङको फैसलाको आधारमा पाँच वर्ष जेल जीवन विताएर निस्केका हुन् । जिल्ला कारागार धदिङको अभिलेखमा कार्कीले पाँच वर्ष जेल जीवन विताएको उल्लेख छ ।

बलात्कार अभियोगमा पक्राउ पर्दा उनी माओवादीमा थिए । त्यतिबेला माओवादी नेताहरुले उनलाई जोगाउन प्रयास गर्दा पनि बलात्कार गरेको प्रमाणित भएपछि उनलाई ५ वर्ष जेल सजाय भएको हो ।

26/09/2022

१० असोज, काठमाडौं । नेपाली क्रिकेटर सन्दीप लामिछानेविरुद्ध अन्तर्राष्ट्रिय प्रहरी संगठन इन्टरपोलले डिफ्युजन नोटिस जारी गरेको छ ।

नेपाल प्रहरीको आग्रह अनुसार इन्टरपोलले सन्दीपविरुद्ध डिफ्युजन नोटिस जारी गरेको प्रहरी प्रधान कार्यालय स्रोतले जनाएको छ ।

25/09/2022

प्रत्येक वर्ष आश्विन शुक्ल प्रतिपदादेखि सुरु हुने नेपालीको महान् पर्व बडादशैँ आज घर घरमा घटस्थापना गरेसँगै सुरु हुन्छ । दिन विधिपूर्वक घट अर्थात् घडा स्थापना गरी त्यही घडामाथि शक्तिस्वरुपा दुर्गाको पूजा आराधना गरिने भएकाले आजको दिनलाई घटस्थापना भन्ने गरिएको हो ।

आज स्थापना गरिएको पूर्ण कलशको जलले अभिषेक गरी विजया दशमीका दिनमा दुर्गा देवीको प्रसाद ग्रहण गर्ने गरिन्छ । आज घटस्थापनाको साइत बिहान १०- २३ बजे रहेको नेपाल पञ्चाङ्ग निर्णायक विकास समितिका अध्यक्ष श्रीकृष्ण अधिकारीले बताए ।

सूर्योदयकालमा प्रतिपदा भएका दिनमा घटस्थापना गर्नुपर्छ भन्ने शास्त्रीय मान्यता अनुसार नै समितिले आजको दिनलाई घटस्थापना भनी निर्णय गरेको उनले बताए ।

दुर्गा देवीका तीनवटा रुप महाकाली, महालक्ष्मी र महासरस्वतीको नवरात्रभर विधिपूर्वक आह्वान गरी पूजा आराधना गरिन्छ । महाकाली शक्तिको प्रतीक, महालक्ष्मी धनधान्य, ऐश्वर्यको प्रतीक र महासरस्वतीलाई विद्या र बुद्धिको प्रतीकको रुपमा पूजा आराधना गर्ने वैदिककालदेखिको परम्परा छ ।

दुर्गाले आसुरी प्रवृत्तिको प्रतीकको रुपमा रहेका चण्ड, मुण्ड, शुम्भ, निशुम्भ र रक्तवीज लगायतका राक्षसलाई वध गर्न लिएका नौवटा रुपको दुर्गा पक्षका अवसरमा बिशेष पूजा, आजा र आराधना गर्ने गरिन्छ । यो आराधनाले वर्षभर गलत प्रवृत्तिविरुद्ध लड्ने शक्ति प्राप्त हुने विश्वास गरिन्छ । आश्विन शुक्ल प्रतिपदादेखि पूर्णिमासम्मको १५ दिनलाई दुर्गा पक्ष पनि भनिन्छ ।

25/09/2022

सन्दीप भन्छन् : मानसिक तनावले आइसोलेसनमा बसेको छु, नेपाल फर्किने तरखरमा छु

काठमाडौं। बलात्कार आरोप लागेका राष्ट्रिय क्रिकेट टोलीका निलम्बित कप्तान सन्दीप लामिछानेले आफू मानसिक तनावमा रहेका कारण स्वदेश फर्कन नसकेको बताएका छन्। साथै ‘प्रतिवाद गर्न नेपाल फर्किने तरखर’मा रहेको बताएका छन्।
सामाजिक सञ्जाल फेसबुकमा आइतबार राति स्ट्याटस लेख्दै उनले आफ्नो नाउँमा वारेन्ट जारी भएको समाचार र आफूविरुद्द परेको जाहेरी सार्वजनिक हुनुले मानसिक रुपमा विक्षिप्त बनाएको बताएका हुन्।

सञ्चार माध्यम र सामाजिक सञ्जालमा एकलौटी तरिकाले, सत्य तथ्य नबुझी झुट्टा जाहेरी मात्रको आधारमा आफ्नो चरित्रमा गम्भीर आँच आउने गरी समाचारहरू आएको भन्दै उनले गुनासो गरेका छन्।

भक्तपुरमा घुमाउन लगेर मध्यरात काठमाडौँस्थित एक होटेलमा उनले पटक पटक बलात्कार गरेको भन्दै २१ भदौमा प्रहरी वृत्त गौशालामा किटानी जाहेरी दर्ता भएको थियो। त्यसपछि उनले सामाजिक सञ्जालमा फेसबुकमा स्ट्याटस लेख्दै उनले आफू निर्दोष रहेको र कानुनको सम्मान गर्दै नेपाल आउन लागेको बताएका थिए।
तर हालसम्म सम्पर्कविहीन छन्। उनी नफर्किएपछि प्रहरी अन्तर्राष्ट्रिय अपराध प्रहरी सङ्गठन (इन्टरपोल) सँग समन्वय गरेर नेपाल ल्याउने प्रक्रिया अघि बढाउने तयारी गरिरहेको छ। नगरकोटमा लगेर घुमाएको र फर्किएपछि काठमाडौंको गौशालास्थित एक होटलमा आफूमाथि जवरजस्ती गरेको भन्दै किशोरीले जाहेरीमा उल्लेख गरेको छ ।
नगरकोटबाट काठमाडौं फर्किँदा राति अवेर भइसकेकाले होस्टल जान नसकेको र सन्दीपसँग होटलमा बस्नुपरेको किशोरीको तर्क छ। राति होटलमा मादक पदार्थ खुवाएर आफूलाई करणी गरेको उनले बताएकी छन्।

14/08/2022

राष्ट्रपतिद्वारा विवादास्पद नागरिकता विधेयक फिर्ता ।

03/08/2022

पब्लिक कम्पनी बन्यो ब्रोडलिङ्क, चाँडै आईपीओ जारी गर्ने

काठमाडौं । इन्टरनेट सेवा प्रदायक ब्रोडलिंक पब्लिक कम्पनीमा परिणत भएको छ । ब्रोडलिंकले कम्पनी रजिष्ट्रार कार्यालयबाट पब्लिक कम्पनीको रुपमा कारोबार गर्ने अनुमति पाएको हो ।

योसँगै कम्पनीले अबदेखि ब्रोडलिंक नेटवर्क एन्ड कम्युनिकेसन लिमिटेडको रुपमा सेवा प्रवाह गर्नेछ

पब्लिक कम्पनीमा रूपान्तरण भएपछि आवश्यक मापदण्ड पुर्‍याएर चाँडै सर्वसाधारणका लागि शेयर जारी गर्ने तयारी भइरहेकाे ब्रोडलिंकका उपकार्यकारी प्रबन्ध निर्देशक सुजन थापाले बताए ।

कम्पनी ऐन, २०६३ (संशाेधन, २०७४) अनुसार पाँच करोड रुपैयाँभन्दा बढी चुक्ता पूँजी भएका दूरसञ्चार कम्पनीहरू पब्लिकमा जानुपर्ने व्यवस्था छ । सोही व्यवस्थाका आधारमा ब्रोडलिंकले आफ्नो संरचना परिवर्तन गरेको हो ।