TV1 Media

24/06/2026

🚨🚇 Mega Project Alert 😮

काठमाडौंमा सडकमाथि र जमिनमुनि कुद्ने ‘हाइब्रिड मेट्रो’को तयारी!

बैंकक र क्वालालम्पुर मोडलमा राजधानीमा ७७ किमि लामो मेट्रो सञ्जाल बनाइने

काठमाडौंको दशकौँ पुरानो ट्राफिक जाम समाधान गर्न सरकारले ठूलो कदम अघि बढाएको छ। राजधानीमा सडकमाथि (Elevated) र जमिनमुनि (Underground) दुवै प्रणालीमा चल्ने हाइब्रिड मेट्रो रेल निर्माणको प्रक्रिया अगाडि बढाइएको हो।

प्रस्तावित योजनाअनुसार काठमाडौं उपत्यकाभित्र ५ वटा मुख्य रुट सहित ७७ किलोमिटर लामो मेट्रो नेटवर्क निर्माण गरिनेछ। यसको अनुमानित लागत ५ खर्ब ५३ अर्ब रुपैयाँ रहेको छ।

सरकारले परियोजनाको विस्तृत अध्ययन तथा डीपीआर (Detailed Project Report) तयार गर्न ३२ करोड ३३ लाख रुपैयाँ बजेट समेत विनियोजन गरिसकेको छ।
यो परियोजना सफल भएमा काठमाडौंको ट्राफिक जाम, सार्वजनिक यातायातको समस्या र प्रदूषण न्यूनीकरणमा ठूलो सहयोग पुग्ने अपेक्षा गरिएको छ। साथै दैनिक लाखौं यात्रुलाई छिटो, सुरक्षित र आधुनिक यातायात सुविधा उपलब्ध हुनेछ।

बैंकक र क्वालालम्पुरजस्तै आधुनिक मेट्रो प्रणाली अब काठमाडौंमा पनि सम्भव हुने संकेत देखिएको छ।

24/06/2026

असार १५ देखि सुकुमवासीलाई लालपुर्जा वितरण सुरु!

बर्दियाबाट सुरुवात, वास्तविक सुकुमवासीले आफ्नै जिल्लामा ४ आना सरकारी जग्गा पाउने 😮

वर्षौँदेखि समाधान हुन नसकेको सुकुमवासी समस्या अब समाधानतर्फ उन्मुख भएको छ।

प्रधानमन्त्री बालेन शाह नेतृत्वको सरकारले असार १५ गतेदेखि बर्दियाबाट सुकुमवासीलाई लालपुर्जा वितरण गर्ने तयारी गरेको छ।

बर्दियापछि तनहुँ, बाँके, झापा र मकवानपुर (हेटौँडा) मा पनि क्रमशः जग्गा वितरण गरिने बताइएको छ।

सरकारले गठन गरेको विशेष समितिले देशभरका सुकुमवासीको विवरण डिजिटल प्रणालीमा संकलन गरिरहेको छ, जहाँ हालसम्म २ लाखभन्दा बढी व्यक्तिको विवरण प्रविष्ट भइसकेको छ।

वास्तविक सुकुमवासी प्रमाणित भएका प्रत्येक परिवारले आफ्नै जिल्लाभित्र ४ आना सरकारी जग्गा प्राप्त गर्नेछन्।

🔎 सुविधा दुरुपयोग नहोस् भनेर लाभग्राहीको तीनपुस्ते विवरण तथा देशभर कतै जग्गा भए/नभएको कडा परीक्षण गरिनेछ।

02/06/2026

28/05/2026

रविन्द्र ढाँट Road to UFC मा सानदार जित निकाल्दै सिजन ५ को सेमिफाइनलमा प्रवेश !!

20/05/2026

भाटभटेनीका सञ्चालक मीनबहादुर गुरुङले काठमाडौंमा निर्माण हुन लागेको बाल अस्पताल भवनका लागि ७१ करोड रुपैयाँ सहयोग गरेका छन्। 😮 डा. भगवान कोइरालालगायत विज्ञहरूको पहलमा स्थापना भएको ‘काठमाडौँ इन्स्टिच्युट अफ चाइल्ड हेल्थ’ (KIOCH (Kathmandu Institute of Child Health) ले नेपालमै विश्वस्तरीय बाल स्वास्थ्य सेवा उपलब्ध गराउने लक्ष्य लिएको छ।

14/05/2026

मन्त्री Sunil Lamsal नेतृत्वको भौतिक पूर्वाधार तथा यातायात तथा सहरी विकास मन्त्रालय निर्माण व्यवसायीमाथि थप कडा रूपमा प्रस्तुत हुने तयारीमा रहेको चर्चा सुरु भएको छ।

स्रोतका अनुसार केही निर्माण व्यवसायीलाई प्रहरीमार्फत नियन्त्रणमा लिइसकेपछि अब थप ८०/९० जनाको सूची तयार पारिएको दाबी गरिएको छ। सरकारी ठेक्का, ढिलासुस्ती, अपारदर्शिता र काम नगर्ने प्रवृत्तिविरुद्ध कडा कदम चाल्ने सन्देश दिन खोजिएको बताइएको छ।

Balen Shah नेतृत्वको सरकारले पछिल्लो समय सुशासन, ठेक्का सुधार र विकास निर्माणलाई परिणाममुखी बनाउने अभियानलाई तीव्र बनाइरहेको छ। यही क्रममा निर्माण क्षेत्रमा वर्षौंदेखि जरा गाडेको ढिलासुस्ती र प्रभावशाली समूहविरुद्ध दबाब बढाइएको विश्लेषण भइरहेको छ!

09/05/2026

पुर्व प्रधानमन्त्री सुशीला कार्कीले आफूलाई “आमा” भनेर सम्बोधन गरिएकोमा आक्रोश व्यक्त गरेकी छन्।

काठमाडौंस्थित राष्ट्रिय सभा गृहमा आयोजित कानुन दिवस कार्यक्रममा सहभागी भएर बाहिरिने क्रममा सञ्चारकर्मीले “आमा” भनेर सम्बोधन गर्दा उनले तीव्र प्रतिक्रिया दिएकी हुन्।

प्रधानन्यायाधीश नियुक्ति प्रक्रियालाई लिएर असन्तुष्टि जनाउँदै आएकी कार्कीले संवैधानिक परिषद्ले वरिष्ठता मिचेर निर्णय गरेको भन्दै आलोचना गर्दै आएकी थिइन्। कार्यक्रम सकेर बाहिरिने क्रममा सञ्चारकर्मीले “आमा” भनेपछि उनले “तिमीहरूको आमा फेरिइसक्यो” भन्दै कटाक्ष गरेकी थिइन्।

त्यसपछि उनले आफूलाई होइन, Sabina Kafleलाई “आमा” भन्न आग्रह गर्दै “बालेनको श्रीमतीलाई आमा भन” भन्ने प्रतिक्रिया दिएकी हुन्।

07/05/2026

नेकपा एमालेको च्यासलस्थित पार्टी कार्यालय खाली गर्न सरकारद्वारा निर्देशन जारी गरिएको छ।

भूमि मन्त्रालयले सरकारी जग्गालाई कानुनी रूपमा लिजमा परिणत नगरिएको भन्दै तत्काल कार्यालय खाली गर्न भनेको हो।

यो निर्णयसँगै सरकारी जग्गा प्रयोग, लिज प्रक्रिया र राजनीतिक दलहरूले प्रयोग गरिरहेका सार्वजनिक सम्पत्तिको विषय पुनः चर्चामा आएको छ। सरकारले सार्वजनिक सम्पत्तिको दुरुपयोग रोक्ने र कानुनी प्रक्रिया कडाइका साथ लागू गर्ने संकेत दिएको विश्लेषण गरिएको छ।

03/05/2026

नेपाल सरकारले नेपाली भूमि लिपुलेक हुँदै भारत र चीनबीच कैलाश मानसरोवर यात्रा सञ्चालन गर्न लागेको विषयमा आपत्ति जनाउँदै दुवै देशलाई कूटनीतिक पत्र पठाएको छ।

परराष्ट्र मन्त्रालयका अनुसार १८१६ को सुगौली सन्धिअनुसार महाकाली नदीपूर्वका लिम्पियाधुरा, लिपुलेक र कालापानी नेपालको अभिन्न भूभाग भएको विषयमा नेपाल स्पष्ट र अडिग रहेको स्मरण गराइएको छ।

सरकारले यसअघि पनि उक्त क्षेत्रमा सडक निर्माण, सीमा व्यापार तथा तीर्थयात्रा सम्बन्धी गतिविधिप्रति आपत्ति जनाउँदै आएको थियो। यसपटक सबै राजनीतिक दलसँग परामर्श गरेर नेपालको आधिकारिक धारणा भारत र चीन दुवैलाई पुनः जानकारी गराइएको बताइएको छ।

01/05/2026

रास्वपा(RSP) महामन्त्री Bhupdev Shahले Rabi Lamichhane र Balen Shahबीचको सहकार्यलाई आजको नेपाली राजनीतिमा “आधुनिक राम–लक्ष्मण” जस्तै भएको बताएका छन्। एकले संगठन सम्हाल्ने, अर्काले शासन चलाउने।