11/06/2026
विश्वकप उपाधिको भविष्यवाणी : स्पेन र फ्रान्स मुख्य दाबेदार, कसरी गरियो अनुमान ?
फुटबल जगतकै सबैभन्दा ठूलो महोत्सव ‘फिफा विश्वकप २०२६’ बिहीबारदेखि सुरु हुँदैछ । चार वर्षअघि कतारमा सम्पन्न रोमाञ्चक फाइनलमा फ्रान्सलाई पाखा लगाउँदै अर्जेन्टिनाले उपाधि जितेपछि सुरु भएको प्रतिक्षाको घडी सकिएको छ । संयुक्त राज्य अमेरिका, मेक्सिको र क्यानडाको संयुक्त आयोजनामा हुन लागेको यस संस्करणको उद्घाटन खेलमा बिहीबार मेक्सिको र दक्षिण अफ्रिका आमनेसामने हुँदैछन् ।
नेपाली समय अनुसार राति पौने १ बजे सुरु हुने यस खेलसँगै आगामी केही सातासम्म चल्ने १०४ खेलको महाकुम्भको औपचारिक सुरुवात हुनेछ । विश्वकपको माहोल तातिरहेका बेला खेलकुद सञ्चारमाध्यम इएसपिएनका विश्वभरका पत्रकार तथा विज्ञले प्रतियोगिताको विजेता, उपविजेता र अन्य सम्भावित नतिजाबारे आफ्नो प्रक्षेपण सार्वजनिक गरेका छन् ।
सह-आयोजक राष्ट्र (अमेरिका, मेक्सिको र क्यानडा) मध्ये कुन टोली सबैभन्दा अगाडि बढ्ला र आगामी जुलाई १९ मा कसले स्वर्ण ट्रफी उचाल्ला भन्ने विषयमा १९ जना खेल विज्ञले आ-आफ्नो मत राखेका छन् । स्पेन र फ्रान्स मुख्य दाबेदार विज्ञको मतलाई हेर्दा यस पटक युरोपेली पावरहाउस स्पेन र फ्रान्सलाई उपाधिको मुख्य दाबेदार मानिएको छ । १९ मध्ये १६ जना विज्ञले यी दुई टोलीमध्ये एकले विश्वकप जित्ने अनुमान गरेका छन् । विशेष गरी स्पेन यस्तो एक मात्र टोली बनेको छ, जसलाई सबै १९ जना विज्ञले शीर्ष चारभित्र समेटेका छन् ।
विज्ञको ‘शीर्ष चार’ प्रक्षेपण:
इएसपिएनका १९ जना खेल विज्ञले यस पटकको विश्वकपमा शीर्ष चार स्थान हासिल गर्ने टोलीबारे गरेको प्रक्षेपण:
लिजी बेचेरानो: विजेता– स्पेन, उपविजेता– अर्जेन्टिना, तेस्रो– फ्रान्स, चौथो– इङ्गल्याण्ड
लुइस बुउ (इएसपिएन डिपोर्टस): विजेता– स्पेन, उपविजेता– पोर्चुगल, तेस्रो– नेदरल्याण्ड्स, चौथो– इङ्गल्याण्ड
बिल कोनेली: विजेता– इङ्गल्याण्ड, उपविजेता– स्पेन, तेस्रो– कोलम्बिया, चौथो– जर्मनी
रब डसन: विजेता– स्पेन, उपविजेता– अर्जेन्टिना, तेस्रो– पोर्चुगल, चौथो– ब्राजिल
डामियान डिडोनाटो (इएसपिएन अर्जेन्टिना): विजेता– जर्मनी, उपविजेता– अर्जेन्टिना, तेस्रो– स्पेन, चौथो– इङ्गल्याण्ड
एड डोभ: विजेता– फ्रान्स, उपविजेता– पोर्चुगल, तेस्रो– स्पेन, चौथो– इङ्गल्याण्ड
ओमार फ्लोरेस (इएसपिएन मेक्सिको): विजेता– फ्रान्स, उपविजेता– मोरक्को, तेस्रो– पोर्चुगल, चौथो– ब्राजिल
टम ह्यामिल्टन: विजेता– फ्रान्स, उपविजेता– अर्जेन्टिना, तेस्रो– स्पेन, चौथो– जापान
सेसर हर्नान्डेज: विजेता– फ्रान्स, उपविजेता– अर्जेन्टिना, तेस्रो– स्पेन, चौथो– ब्राजिल
एलेक्स किर्कल्याण्ड: विजेता– स्पेन, उपविजेता– इङ्गल्याण्ड, तेस्रो– फ्रान्स, चौथो– अर्जेन्टिना
जुलियन लरेन्स: विजेता– फ्रान्स, उपविजेता– इङ्गल्याण्ड, तेस्रो– पोर्चुगल, चौथो– स्पेन
बेथ लिन्डोप: विजेता– फ्रान्स, उपविजेता– स्पेन, तेस्रो– ब्राजिल, चौथो– इङ्गल्याण्ड
ग्याब मार्कोटी: विजेता– ब्राजिल, उपविजेता– फ्रान्स, तेस्रो– पोर्चुगल, चौथो– स्पेन
अर्मान्डो नेरिया (इएसपिएन मेक्सिको): विजेता– फ्रान्स, उपविजेता– स्पेन, तेस्रो– अर्जेन्टिना, चौथो– इङ्गल्याण्ड
मार्क ओग्डेन: विजेता– स्पेन, उपविजेता– ब्राजिल, तेस्रो– फ्रान्स, चौथो– पोर्चुगल
कोनर ओ’ह्यालोरन: विजेता– फ्रान्स, उपविजेता– इङ्गल्याण्ड, तेस्रो– स्पेन, चौथो– नेदरल्याण्ड्स
जेम्स ओली: विजेता– स्पेन, उपविजेता– पोर्चुगल, तेस्रो– फ्रान्स, चौथो– ब्राजिल
रोड्रा: विजेता– स्पेन, उपविजेता– फ्रान्स, तेस्रो– अर्जेन्टिना, चौथो– ब्राजिल
लियोनार्ड सोल्म्स (इएसपिएन अफ्रिका): विजेता– स्पेन, उपविजेता– फ्रान्स, तेस्रो– इङ्गल्याण्ड, चौथो– पोर्चुगल
