KRANTI FM

27/02/2026

काभ्रेमा आज राति १२ बजेदेखि कडा प्रतिबन्ध!

मतपरिणाम घोषणा नभएसम्म काभ्रेपलाञ्चोकमा मादक पदार्थको बिक्री,वितरण र सेवन पूर्णरूपमा बन्द।निर्वाचनको संवेदनशील घडीमा प्रशासनको कडाइ-'उल्लंघन गरे कडा कारबाहीको चेतावनी!
अब राति १२ बजेदेखि काभ्रे ‘ड्राइ जोन’ मा रूपान्तरण!

27/02/2026

काभ्रेको शैक्षिक आकाशमा उज्यालो तारा झैँ चम्किँदै आएको ईशा मेमोरियल स्कुलको २० औँ वार्षिकोत्सव, अभिभावक दिवस तथा पुरस्कार वितरण कार्यक्रम हर्षोल्लासका साथ सम्पन्न भएको छ।
ईशा मेमोरियल स्कुल परिवारको यो ऐतिहासिक क्षण बिहीबार भव्य समारोहबीच मनाइएको हो। कार्यक्रममा प्याब्सन का केन्द्रीय उप–महासचिव भिमसेन केसी प्रमुख अतिथिको रूपमा उपस्थित हुनुहुन्थ्यो भने विद्यालयका संस्थापक अध्यक्ष सुर्यप्रभा शाक्य को सभापतित्वमा कार्यक्रम सम्पन्न भएको थियो।
दुई दशकको निरन्तर शैक्षिक यात्रा केवल समयको गणना मात्र होइन, हजारौँ सपना, संघर्ष र सफलताको कथा पनि हो। अभिभावक, शिक्षक र विद्यार्थीहरूको उपस्थितिले विद्यालय प्रांगण भावनाले भरिएको थियो। पुरस्कार वितरणको क्रममा मेहनती तथा उत्कृष्ट विद्यार्थीहरूलाई सम्मान गर्दा हलभरि तालीको गडगडाहटले उत्साह थपेको थियो।
विशेष क्षण त तब आयो, जब ६८ जना साना नानीहरू UKG बाट दिक्षित हुँदै नयाँ शैक्षिक यात्रातर्फ अग्रसर भए। उनीहरूको मासुम अनुहारमा देखिएको आत्मविश्वास, अभिभावकका आँखामा झल्किएको खुशी र शिक्षकहरूको गर्विलो मुस्कानले कार्यक्रमलाई अझै भावुक बनायो।
प्रमुख अतिथि केसीले गुणस्तरीय शिक्षासँगै नैतिक मूल्य, अनुशासन र संस्कारको महत्वमा जोड दिँदै विद्यालयले समाज निर्माणमा महत्वपूर्ण भूमिका खेलिरहेको बताउनुभयो। अध्यक्ष शाक्यले विद्यालयको सुरुवाती दिनहरू सम्झँदै अहिलेको उपलब्धि सबैको सामूहिक मेहनतको परिणाम भएको उल्लेख गर्नुभयो।
२० वर्षको सफल यात्रापछि पनि ईशा मेमोरियल स्कुल अझै उचाइतर्फ अग्रसर रहने प्रतिबद्धतासहित कार्यक्रम सम्पन्न भएको छ।
शिक्षाको ज्योति बाल्दै, सपनालाई पंख लगाउँदै, भविष्य निर्माणको यात्रामा विद्यालय अझै दृढतापूर्वक अघि बढोस् — यही शुभकामना।

30/01/2026

30/01/2026

विर शहिद अमर रहुन
"हुदैन बिहान मिरमिरे तारा झरेर नगए
बन्दैन देश दुई-चार सपुत मरेर नगए
अोठमा हाँसो,गालामा लालि तब अाउँछ जगतको
देशको पिरले बेटि जब वीरले चढाँउछ रगतको
घाँटीमा फाँसीको माला गाँसी विरले हाँस्ता
मातृभुमिको चरण ढोगी भाग्दछ दासता
उम्रन्न बोट कसैले बीउ छरेर नगए"|
शहिद दिवसको शुभकामना।

15/01/2026

आदरणीय प्रिय मित्रहरू प्रति नेपालीहरुको महान चाड माघे संक्रान्तीको हार्दिक मंगलमय शुभकामना ।

🇳🇵🇳🇵💐💐Happy Maghe Sankranti - २०७९🇳🇵🇳🇵🇳🇵

माघे संक्रान्ती अर्थात माघ महिनाको प्रथम दिन ।
आजको दिनलाई आ - आफ्नै विशषता र संस्कृतिक महत्वको साथ मनाईने गरिन्छ ।

हजूरहरु सबैले तरूलफसक्करखण्डा,पिड़ालु, घर तरूल, कुसुमे तरूल,सिमल तरूल,तिल मिठाई,मुरईको डल्ला अनि खीर खानु भयो होला । आज पनि मिठो खानु होस सबैको भलो चिताउँनु होस ।

हाम्रो संस्कृति, हाम्रो पहिचान ।🇳🇵🇳🇵🇳🇵

सबैको जय होस ।।। 🙏🙏🙏💐💐💐

अध्यक्ष
क्रान्ति लामा
Kranti FM 90.4MHz

03/01/2026

कोसीपारी मानेडाँडा–सल्लेमा मानवता झल्काउने नि:शुल्क स्वास्थ्य शिविर सम्पन्न
कोसीपारि मानेडाँडा–सल्लेमा शुक्रबार आयोजित एकदिने बृहत् नि:शुल्क स्वास्थ्य शिविर मानव सेवाको अनुपम उदाहरण बनेर भव्यताका साथ सम्पन्न भएको छ। भुम्लु दुवार बोम्जन परिवारको आयोजनामा, भुम्लु गाउँपालिका स्वास्थ्य शाखा र काठमाडौँ मेडिकल कलेजको समन्वयमा तथा उज्यालो नेपाल र लायन्स क्लब अफ काभ्रेपलाञ्चोकको सहकार्यमा सम्पन्न शिविरले ग्रामीण बस्तीमा आशा, भरोसा र उज्यालो स्वास्थ्यको सन्देश फैलाएको छ।
शिविरमा महिला, पुरुष, ज्येष्ठ नागरिक, बालबालिका गरी जम्मा ५४० जना सेवाग्राहीले विभिन्न स्वास्थ्य सेवा प्राप्त गरेका छन्। लामो समयदेखि उपचारको पहुँचबाट टाढा रहेका नागरिकका लागि यो शिविर केवल उपचार मात्र नभई जीवनप्रतिको नयाँ भरोसा बनेको सहभागीहरूले बताएका छन्।
दुर्गम भूगोल, सीमित साधन र आर्थिक अभावका बीच पनि निःस्वार्थ भावनाले जुटेका चिकित्सक, स्वास्थ्यकर्मी, स्वयंसेवक तथा आयोजक संस्थाहरूको समर्पणले शिविरलाई अर्थपूर्ण बनाएको थियो। बिरामीका आँखामा देखिएको सन्तोष, मुस्कान र धन्यवादका शब्दहरूले स्वास्थ्य सेवा भनेको केवल औषधि होइन—मानवताको स्पर्श पनि हो भन्ने सन्देश दिएको छ।
स्थानीय समुदाय, आयोजक परिवार, सहकार्य गर्ने संस्थाहरू र समन्वयकारी निकायप्रति सेवाग्राहीहरूले हार्दिक आभार व्यक्त गरेका छन्। यस्ता शिविरहरूले ग्रामीण क्षेत्रमा स्वास्थ्य सचेतना बढाउँदै, राज्य र समाज मिलेर गर्न सक्ने सकारात्मक परिवर्तनको मार्ग प्रशस्त गरेको विश्वास गरिएको छ।
मानवता, सेवा र सहकार्यको सुन्दर संगम बनेको यो नि:शुल्क स्वास्थ्य शिविरले कोसीपारि मानेडाँडा–सल्लेलाई मात्र होइन, सम्पूर्ण भुम्लु क्षेत्रलाई स्वस्थ र उज्यालो भविष्यतर्फ अघि बढ्ने प्रेरणा दिएको छ।

01/01/2026

अङ्ग्रेजी नयाँ वर्ष २०२६ तथा राष्ट्रिय टोपी दिवसको अवसरमा सम्पूर्ण ईष्टमित्र, दाजुभाइ, दिदीबहिनी र आमाबुबाहरूमा हार्दिक शुभकामना व्यक्त गर्दछु।

नयाँ वर्ष २०२६ हामी सबैको लागि उमंगमय होस्। सुस्वास्थ्य, दीर्घायु तथा उत्तरोत्तर प्रगतिको कामना गर्दछु।

आउनुहोस्, हाम्रो संस्कृति, परम्परा र राष्ट्रिय पहिचानलाई सम्मान गर्दै नयाँ उत्साहका साथ अघि बढौं।
शुभकामना! ❤️

30/12/2025

🌺हार्दिक शुभकामना🌺
तमु समुदायको महान चार्ड “तमु ल्होसार”को पावन अवसरमा देश तथा विदेशमा बसोबास गर्नुहुने सबै तमु दिदिबहिनी दाजुभाइहरुमा सुख,शान्ति, सम्वृद्धि र उत्तरोत्तर प्रगतिको हार्दिक मंगलमय शुभकामना 🙏🌺❤️

क्रान्ति लामा
अध्यक्ष
Kranti FM 90.4MHz
www.krantikhabar.com

30/11/2025

कोसीपारी सापिङको गौरव— मोहन कुमार तामाङ अन्तर्राष्ट्रिय रेफ्री बने सापिङ कार्तिकेमा खुसियाली

काभ्रे भुम्लु गाउँपालिका–९ सापिङ,कार्तिकेका युवा खेलाडी तथा कराँते प्रशिक्षक मोहन कुमार तामाङले आफू, गाउँ र देशलाई गर्व गर्ने अर्को ऐतिहासिक सफलता हात पारेका छन्।

मात्सुशिमा अन्तर्राष्ट्रिय कराँते महासंघ तथा माछाबासी नगरको आयोजना रहेको The 6th I.K.O. Matsushima World Weight Kyokushiyan Karate Tournament मा सहभागिता जनाउँदै उनले अन्तर्राष्ट्रिय रेफ्रीको रूपमा मान्यता प्राप्त गरेका छन्। ठूलो अन्तर्राष्ट्रिय मञ्चमा नेपाली झण्डा ओढेर उभिएका मोहन तामाङको त्यो क्षणले मात्र होइन, खेलमैदानमा देखाएको अनुशासन, आत्मविश्वास र लगनले पनि सबैलाई अभिभूत बनायो।

उनको यो उपलब्धि केवल व्यक्तिगत सफलता होइन—
यो भुम्लुको पहाडमा पसिना बगाएर हुर्किएको एउटा साधारण युवकले संसारलाई देखाएको सामर्थ्य हो।
यो घर–परिवार, गाउँ–समुदाय र सम्पूर्ण काभ्रेको गौरव हो।
र सबैभन्दा ठूलो कुरा— यो नेपालले पाएको सम्मान हो।

मोहन तामाङले आफ्नो संघर्ष र दृढ इच्छाशक्तिबाट नयाँ पुस्तालाई प्रेरणा दिएका छन्। दैनिक जीवनका कठिनाइ, सीमित स्रोत–साधन र थुप्रै चुनौतीहरूबीच पनि उनले खेललाई निरन्तरता दिए। आज उनी अन्तर्राष्ट्रिय स्तरमा बसेर खेल न्याय दिलाउने जिम्मेवारी सम्हालिरहेका छन्, जुन गर्वको विषय मात्र होइन— नेपाली कराँतेको पहिचानलाई विश्वसामु अझ उचाइमा पुर्‍याउने कदम पनि हो।

उहाँ धर्मगुरु अधोरी बाबा समेत हुनुहुन्छ
मोहनको सफलताले सापिङ कार्तिकेमा सबै जना दंग र भावुक बनेका छन्। गाउँमा खुशीयाली छाएको छ, जहाँका हरेक युवाले अब आफ्नो भविष्यलाई मोहन तामाङको सफलतामा झल्किएको सम्भावनाले हेर्न थालेका छन्।

भनेझैँ— मेहनत, समर्पण र निरन्तरता कहिल्यै खेर जाँदैन।
मोहन कुमार तामाङको मेहनत आज विश्व मञ्चमा टल्किएको छ।

भुम्लुको यो इतिहास अब अझ धेरै पुस्ताका लागि प्रेरणादायी दीप बन्न गइरहेको छ।
मोहन तामाङलाई हार्दिक बधाई तथा उज्ज्वल भविष्यका लागि शुभकामना।

19/11/2025

हार्दिक निमन्त्रणा