06/03/2026
मतगणना मा कुन उम्मेद्वार अगाडि?
युनिक खवर
प्रतिनिधिसभा निर्वाचनको मतगणना जारी रहँदा विभिन्न दलका उम्मेदवारहरू देशका विभिन्न क्षेत्रमा अग्रता लिइरहेका छन्। पछिल्लो विवरण अनुसार राष्ट्रिय स्वतन्त्र पार्टी (रास्वपा) सबैभन्दा धेरै क्षेत्रमा अगाडि देखिएको छ।
हालसम्मको गणनाअनुसार रास्वपाका उम्मेदवारहरू ४१ निर्वाचन क्षेत्रमा अग्रस्थानमा छन्। काठमाडौं उपत्यकामा मात्रै रास्वपाले उल्लेख्य अग्रता बनाएको छ। काठमाडौं १ मा रञ्जु न्यौपाने, काठमाडौं २ मा सुनिल केसी, काठमाडौं ३ मा राजुनाथ पाण्डे, काठमाडौं ४ मा पुकार बम, काठमाडौं ५ मा सस्मित पोखरेल, काठमाडौं ६ मा शिशिर खनाल, काठमाडौं ७ मा गणेश पराजुली, काठमाडौं ८ मा विराजभक्त श्रेष्ठ, काठमाडौं ९ मा डीपी अर्याल र काठमाडौं १० मा प्रदीप विष्ट अगाडि छन्।
त्यसैगरी भक्तपुर १ मा रुकेश रञ्जित, भक्तपुर २ मा राजीव खत्री, ललितपुर २ मा जगदीश खरेल र ललितपुर ३ मा तोसिमा कार्की अग्रस्थानमा छन्। चितवन २ मा रवि लामिछाने, चितवन ३ मा सोविता गौतम तथा झापा ५ मा बालेन्द्र शाह (बालेन) र झापा २ मा इन्दिरा राना मगर पनि अगाडि छन्।
रास्वपाले मोरङका चार क्षेत्रमा समेत अग्रता कायम गरेको छ। मोरङ १ मा यज्ञमणि न्यौपाने, मोरङ ३ मा गणेश कार्की, मोरङ ४ मा सन्तोष राजवंशी र मोरङ ५ मा आशा झा अगाडि छन्। तनहुँ १ मा स्वर्णिम वाग्ले, महोत्तरी १ मा प्रमोदकुमार महतो, बाँके १ मा सुरेशकुमार चौधरी र बाँके ३ मा खगेन्द्र सुनार पनि अग्रस्थानमा छन्।
यस्तै कास्की १ मा खड्कराज पौडेल, कास्की २ मा उत्तमप्रसाद पौडेल, कास्की ३ मा बिना गुरुङ, कञ्चनपुर १ मा जनक सिंह धामी, कञ्चनपुर २ मा दिपकराज बोहरा र कञ्चनपुर ३ मा ज्ञानेन्द्र सिंह महता अग्रता कायम गरेका छन्। दाङ १ मा देवराज पाठक, स्याङ्जा १ मा धनञ्जय रेग्मी, रौतहट ४ मा गणेश पौडेल, रूपन्देही २ मा सुलभ खरेल, रूपन्देही ३ मा डा. लेखजंग थापा र रूपन्देही ५ मा तौफिक अहमद खान अगाडि छन्।
त्यसैगरी बारा १ मा गणेश धिमाल, बर्दिया २ मा श्रीधर पोख्रेल, धादिङ १ मा आसिका तामाङ र पाल्पा १ मा विमल पन्त पनि रास्वपाबाट अग्रस्थानमा छन्।
यसैबीच नेकपा (एमाले) पाँच क्षेत्रमा अगाडि रहेको छ। रूपन्देही ४ मा प्रमोदकुमार यादव, बाँके २ मा मोहम्मद इश्तियाक राई, स्याङ्जा १ मा मीनप्रसाद गुरुङ, तेह्रथुम १ मा भानुभक्त ढकाल र चितवन १ मा दावा दोर्जे लामा अग्रस्थानमा छन्।
नेपाली कांग्रेस चार क्षेत्रमा अगाडि छ। ललितपुर १ मा उदयशमशेर राणा, कपिलवस्तु ३ मा अभिषेकप्रताप शाह, कैलाली १ मा जनकराज चौधरी र रसुवा १ मा मोहन आचार्य अग्रता कायम गरेका छन्।
त्यसैगरी नेकपा (माओवादी केन्द्र) दुई क्षेत्रमा अगाडि देखिएको छ। रुकुम पूर्व १ मा पुष्पकमल दाहाल ‘प्रचण्ड’ र कालीकोट १ मा महेन्द्रबहादुर शाही अग्रस्थानमा छन्।
राप्रपा जुम्ला क्षेत्रमा ज्ञानेन्द्रबहादुर शाही अगाडि छन्।देशभर मतगणना जारी रहेकाले अन्तिम परिणाम आउन भने बाँकी नै छ। निर्वाचन आयोगले विभिन्न स्थानबाट आउने परिणाम क्रमशः सार्वजनिक गरिरहेको छ।
