07/06/2025
अल्विदा पृथी मुखिया ।
मंगोल नेशनल अर्गनाइजेशनका ऐतिहासिक मंगोल गायक #पृथी_मुखिया अब हामी माझ रहनु भएन । आज शनिबार बिहान ३ बजे झापाको B&C हस्पिटलमा वहाको दुखद निधन भएको
छ । शुक्रबार दिउँसो २ बजे इलाम को सूर्योदय नगर पालिका-९ ढोडेमा घर जाने क्रममा उहाँ भिर बाट लड्नु भएको थियो । ढाडको करङ भाचिएकाले उपचारको क्रममा वहाँलाई हिजो बेलुकी स्पाइन हस्पिटलमा लगिएको थियो भने अवस्था गम्भीर बनेपछी B&C मा सारिएको थियो ।
पृथी मुखिया २०४७-२०५६ साल सम्म निरन्तर रुपमा इलाम र झापाको एमएनओ को प्रत्येक कार्यक्रमहरुमा आफ्नो जादुमयी स्वरबाट मंगोल दर्शन बाड्ने गायक हुनुहुन्थ्यो । त्यस्ताका झापा र इलामका मूलबासी मंगोलहरुले मंगोल दर्शनलाई बुझे, वहाँले गाउँनुभएका मर्मस्पर्शी शब्दहरुमा आँसु खसाले र संगठित पनि बने । मुलुकको विषम राजनैतिक परिवेशको बिचमा पनि मंगोल नेशनल अर्गनाइजेशनको बीउँ रोप्ने, यसको वृद्धि र विकासमा एक दशकसम्म महामानव ड. गोपाल गुरुङ ज्युको सहयात्री बनेर निस्वार्थ ढंगले साथ र सहयोग दिइराख्नुभयो ।
वहाँको अन्त्येष्टि आजै इलामको सुर्योदय, ढोडेमा गरिने जानकारी भएको छ । वहाँले संगठन प्रति पुर्याउनु भएको योगदान एमएनओ को इतिहासमा सधैँभरी अज्जर अमर बनिरहने छ । वहाँको यस दुखद निधनले मंगोल नेशनल अर्गनाइजेशन सिंगो परिवार स्तब्ध बनेका छौँ। अन्तमा पृथी मुखियाप्रती भावपूर्ण श्रद्धाञ्जली अर्पण गर्दछौँ ।
Source : मंगाेल भिजन पत्रिका fans Gurkhas Online Television
