12/10/2025
MNO बाग्मती प्रान्तीय सभाको नियमित बैठक सम्पन्न।
काठमाण्डौ,October 11th, 2025 (असोज २५, २०८२)
मंगोल नेशनल अर्गनाइजेसन (एमएनओ) बाग्मती प्रान्तीय सभाको नियमित बैठक शनिबार, काठमाण्डौको सामाखुसीस्थित क्वालिटी क्याफेको सभाहलमा सम्पन्न भएको छ।
बैठकको अध्यक्षता एमएनओ बाग्मती प्रान्तीय सभाका अध्यक्ष शालिकराम थापा मगरले गर्नुभएको थियो भने संगठनका मूलसचिव सन्तोष तामाङ प्रमुख अतिथिको रुपमा उपस्थित हुनुहुन्थ्यो।
कार्यक्रममा विशेष अतिथि रूपमा संगठनका प्रवक्ता रिन्चेन तामाङ र प्रचार सचिव श्याम लिम्बू सहभागी हुनुहुन्थ्यो। साथै केन्द्रिय सभाका प्रतिनिधिहरू चन्द्र राई, राजेन्द्र तामाङ, बिकेन बान्तवा, कुमार तामाङ, टेकबहादुर तामाङ, श्रीषा तामाङ, सन्तोष कुमार तामाङ, प्रदिक्षा तामाङ र याम श्रेष्ठ लगायतको उपस्थिति उल्लेखनीय रहेको थियो।
बैठकमा संगठनको हालको अवस्था, प्रगतिका रिपोर्ट तथा आगामी कार्ययोजना सम्बन्धी विषयमा विस्तृत छलफल गरिएको थियो। साथै संगठनलाई अझ सुदृढ र प्रभावकारी बनाउनका लागि विभिन्न सुझाव र प्रस्तावहरू प्रस्तुत गरिँदै आवश्यक निर्णयहरू पनि गरिएका छन्।
कार्यक्रमको अन्त्यमा अध्यक्ष थापा मगरले बैठकका सबै सहभागीहरूलाई धन्यवाद ज्ञापन गर्दै मंगोल एकताको भावना र संगठनप्रतिको निष्ठालाई अझ सशक्त बनाउँदै अघि बढ्ने प्रतिवद्धता व्यक्त गर्नुभएको थियो।
