31/01/2026
चीन - अल्जेरिया अन्तरिक्ष सहकार्य : ' नयाँ उपग्रह प्रक्षेपण '
डेमाे खबर
शनिवार , माघ १७, २०८२
22
Shares
जियुचुआन, माघ । चीनले शनिबार अल्जेरियाका लागि एक उपग्रह सफलतापूर्वक प्रक्षेपण गरेको छ ।
उक्त प्रक्षेपण उत्तरपश्चिम चीनको जियुचुआन उपग्रह प्रक्षेपण केन्द्रबाट बिहान १२ : १ बजे (बिजिङ समय) लङ मार्च- २ सी क्यारियर रकेटमार्फत सम्पन्न भएको हो ।
रकेटले अल्जेरियाली उपग्रहलाई निर्धारित कक्षमा राख्न सफल भएको छ । यस उपग्रहको मुख्य उद्देश्य भूमि योजना, प्राकृतिक प्रकोपको रोकथाम, जोखिम मूल्याङ्कन र प्रकोप व्यवस्थापनमा सहयोग गर्नु हो ।
यो प्रक्षेपण चीनको लङ मार्च रकेट श्रृङ्खलाको ६२९ औँ मिशनको रूपमा पनि चिनिन्छ, जसले चीनको अन्तरिक्ष प्राविधिक क्षमतामा निरन्तर उन्नति भएको सङ्केत गर्छ ।
यो प्रक्षेपण चीन र अल्जेरियाबिचको अन्तरिक्ष सहकार्यको पनि उदाहरण हो, जसले दुवै देशलाई विज्ञान र प्रविधिको क्षेत्रमा नयाँ अवसर प्रदान गर्ने अपेक्षा गरिएको छ । सिन्ह्वा
