Hamro Nepal हाम्रो नेपाल

Hamro Nepal हाम्रो नेपाल Hamro Nepal (हाम्रो नेपाल) - a community to connect Nepalis & Nepal lovers worldwide.
(1)

News, culture, stories & events that keep you close to Nepal, wherever you are. Hamro Nepal (हाम्रो नेपाल) is your digital space to experience Nepal in one place. We share news, stories, photos, videos, culture, and events – keeping you connected with Nepal wherever you are. Our mission is to unite Nepalis and Nepal lovers worldwide through authentic and engaging content.
👉 Follow us to explore Ne

pal’s heartbeat and be part of the Hamro Nepal community.


हाम्रो नेपाल (Hamro Nepal) तपाईंलाई एउटै स्थानमा नेपालको अनुभव गराउने डिजिटल माध्यम हो।
यहाँ तपाईंले समाचार, कथा, फोटो, भिडियो, संस्कृति र कार्यक्रमहरू पाउनुहुनेछ – जसले तपाईंलाई जहाँ भए पनि नेपालसँग जोडिराख्छ। हाम्रो उद्देश्य सत्य र आकर्षक सामग्रीमार्फत विश्वभरिका नेपाली र नेपालप्रेमीलाई एकताबद्ध गर्नु हो।
👉 नेपालको धड्कन महसुस गर्न र हाम्रो नेपाल समुदायको हिस्सा बन्न हामीलाई फलो गर्नुहोस्।

निर्वाचन आयोगले ‘नेपाली कम्युनिस्ट पार्टी’लाई आधिकारिक दल दर्ता प्रमाणपत्र प्रदान👉 निर्वाचन आयोगले नवगठित नेपाली कम्युनि...
14/11/2025

निर्वाचन आयोगले ‘नेपाली कम्युनिस्ट पार्टी’लाई आधिकारिक दल दर्ता प्रमाणपत्र प्रदान

👉 निर्वाचन आयोगले नवगठित नेपाली कम्युनिस्ट पार्टीलाई आधिकारिक रूपमा दल दर्ताको मान्यता प्रदान गरेको छ।

👉 आयोगले शुक्रबार राजनीतिक दलसम्बन्धी ऐन २०७३ को दफा १० अनुसार एकीकृत पार्टीलाई दर्ता प्रमाणपत्र दिएको हो।

👉 विभिन्न १० वाम दल र समूहहरू एकीकृत भएर २० कात्तिकमा आयोगमा दर्ता निवेदन दिएका थिए।

👉 साविकका नेकपा माओवादी केन्द्र, नेकपा एकीकृत समाजवादी लगायतका दलहरूको एकतापछि बनेको पार्टीलाई अब पूर्ण वैधानिक दलको हैसियत प्राप्त भएको छ।

👉 पार्टीले ‘पाँचकुने तारा’लाई आफ्नो आधिकारिक चुनाव चिह्नका रूपमा पाएको छ।

👉 एकता घोषणा भएको भोलिपल्टै दर्ता प्रक्रियामा पुगेको यो दल देशको वाम राजनीति पुनःसंरचना गर्ने दावा गर्दै अघि बढेको छ।

#हाम्रोनेपाल

दुर्गा प्रसाईँको मागपत्र : प्रदेश खारेज, पाँच विकास क्षेत्र–१४ अञ्चल पुनःस्थापना गर्न सरकारलाई आग्रह👉 व्यवसायी दुर्गा प्...
14/11/2025

दुर्गा प्रसाईँको मागपत्र : प्रदेश खारेज, पाँच विकास क्षेत्र–१४ अञ्चल पुनःस्थापना गर्न सरकारलाई आग्रह

👉 व्यवसायी दुर्गा प्रसाईँले देशको वर्तमान प्रदेश संरचना असफल भएको दाबी गर्दै पाँच विकास क्षेत्र र १४ अञ्चलको पुरानो संरचना पुनःस्थापित गर्न सरकारसँग माग गरेका छन्।

👉 बुधबार गृह मन्त्रालयमा ‘राष्ट्र, राष्ट्रियता, धर्म संस्कृति तथा नागरिक बचाउ महाअभियान’ ले २७ बुँदे मागपत्र बुझाउँदै प्रदेश प्रणालीले देशलाई कमजोर बनाएको आरोप लगायो।

👉 हिन्दु राज्य पुनःस्थापनाबारे जनमत सङ्ग्रह गर्नुपर्ने माग पनि प्रमुख रूपमा उठाइएको छ।

👉 बैंक तथा वित्तीय संस्थाहरूलाई राष्ट्रियकरण गर्नुपर्ने, निजामतीकर्मी, प्रहरी र सेनाको न्यूनतम तलब एक लाख रुपैयाँ तोक्नुपर्ने माग समावेश छ।

👉 खाडी मुलुकका जेलमा परेका झण्डै सात हजार नेपाली कामदारलाई तत्काल उद्धार गरी स्वदेश ल्याउनुपर्ने मागसमेत गरिएको छ।

👉 युवालाई स्वदेशमै रोजगारी सिर्जना गर्न सरकारले आपतकालीन योजना ल्याउनुपर्ने प्रसाईं पक्षको आग्रह छ।

👉 अभियानका केन्द्रीय प्रवक्ता माधव कल्पितको नेतृत्वमा गृह मन्त्रालय पुगेको टोलीले देश, धर्म, संस्कृति र नागरिकको सुरक्षाका लागि तत्काल कदम चाल्न सरकारलाई अनुरोध गरेको जनाएको छ।

#हाम्रोनेपाल

धरानका मेयर हर्क साम्पाङ सुनसरी–१ बाट प्रतिनिधिसभा चुनाव लड्ने तयारीमा👉 मेयर साम्पाङले आफ्नै नेतृत्वमा गठन गरिएको श्रम स...
14/11/2025

धरानका मेयर हर्क साम्पाङ सुनसरी–१ बाट प्रतिनिधिसभा चुनाव लड्ने तयारीमा

👉 मेयर साम्पाङले आफ्नै नेतृत्वमा गठन गरिएको श्रम संस्कृति पार्टी दर्ता गराइसकेका छन् र अब प्रतिनिधिसभा चुनावमा उम्मेदवारी दिन तयारीमा छन्।

👉 श्रम संस्कृति पार्टीका महासचिव आरएन राई र केन्द्रीय सदस्य समिर तामाङले साम्पाङले सुनसरी–१ बाट उम्मेदवारी दिने पुष्टि गरेका छन्।

👉 साम्पाङ उम्मेदवारी दर्ता गर्नु अघि मेयर पदबाट राजीनामा दिने तयारीमा छन्।

👉 पार्टीले देशभर सबै निर्वाचन क्षेत्रबाट उम्मेदवारी दिने तयारी गरिरहेको जानकारी दिइएको छ।

👉 साम्पाङ २०७९ को स्थानीय तह निर्वाचनमा स्वतन्त्र उम्मेदवार बनेर २० हजार ८२१ मत प्राप्त गरी धरान उपमहानगरको मेयर बनेका थिए।

👉 उनले मेयर बनेपछि श्रमदान अभियान चलाएर खानेपानीको समस्या समाधान गरेका थिए, जसले उनलाई लोकप्रिय बनायो।

👉 सुनसरी–१ क्षेत्र एमालेको परम्परागत गढ मानिन्छ, जहाँ पछिल्ला चुनावमा अशोक राई विजयी भएका थिए।

#हाम्रोनेपाल

कोशीमा दुर्घटना– नेता इन्द्रबहादुर आङ्बोका सचिवले चलाएको गाडीले ठक्कर दिँदा एकजनाको मृत्युकोशी प्रदेशमा नेकपा माओवाद...
14/11/2025

कोशीमा दुर्घटना– नेता इन्द्रबहादुर आङ्बोका सचिवले चलाएको गाडीले ठक्कर दिँदा एकजनाको मृत्यु

कोशी प्रदेशमा नेकपा माओवादी केन्द्रका संसदीय दलका नेता इन्द्रबहादुर आङ्बो चढ्ने गाडी दुर्घटनामा परेर एक व्यक्तिको मृत्यु भएको छ। ग्रामथान–५ कखरमारीमा विराटचोकतर्फ गइरहेको को ९ प ७५ नम्बरको सेतो नम्बर प्लेट भएको गाडीले मोटरसाइकललाई ठक्कर दिएको प्रहरीले जनाएको छ।

👉 ठक्करबाट एक व्यक्तिको घटनास्थलमै मृत्यु भएको छ। मृतकको पहिचान भने खुलेको छैन।

👉 दुर्घटनामा परेको गाडी नेता आङ्बोको निजी सवारी भए पनि उनी घटनाको समयमा सवार थिएनन्।

👉 गाडी गम्भीरमान मग्रातीले चलाइरहेका थिए, जो आङ्बोका स्वकीय सचिव हुन्।

👉 ‘म सुन्दरहरैंचामा थिएँ। मलाई लिन आउँदै गरेको गाडी दुर्घटनामा परेको खबर पाएको छु। मानिसको मृत्यु भएको सुन्दा दुःख लाग्यो,’ नेता आङ्बोले प्रतिक्रिया दिए।

घटनाबारे थप अनुसन्धान भइरहेको प्रहरीले जनाएको छ।

#हाम्रोनेपाल

बक्यौता विवादपछि सोनापुरले सुरु गर्यो भुक्तानीपहिलो किस्तामा ८६ लाख ३० हजार बुझायपछि लाइन पुनः जडानसोनापुर मिनरल एण्ड आय...
14/11/2025

बक्यौता विवादपछि सोनापुरले सुरु गर्यो भुक्तानी
पहिलो किस्तामा ८६ लाख ३० हजार बुझायपछि लाइन पुनः जडान

सोनापुर मिनरल एण्ड आयल लिमिटेडले आज विद्युत प्राधिकरणलाई पहिलो किस्ता बुझाउँदै लामो समयको बक्यौता तिर्न सुरुवात गरेको छ। यसअघि बक्यौता नतिरेर उद्योगको लाइन काटिएको थियो।

👉 कम्पनीले पहिलो किस्ताका रूपमा ८६ लाख ३० हजार रुपैयाँ बुझाएको प्राधिकरणले जनाएको छ।

👉 सोनापुरले डेडिकेटेड तथा ट्रंक लाइनमार्फत उपभोग गरेको विद्युतबापत २४ करोड २९ लाख ९९ हजार रुपैयाँ तिर्न बाँकी थियो।

👉 २८ किस्तामा भुक्तानी गर्ने सहमति अनुसार पहिलो किस्ता तिरिएको हो।

👉 कार्तिक ७ गते प्राधिकरणले बक्यौता नतिरेको भन्दै कम्पनीको लाइन काटेको थियो। पहिलो किस्ता बुझाएपछि लाइन पुनः जडान गरिएको छ।

👉 प्राधिकरणले बाँकी सबै किस्ता समयमै तिर्न अनुरोध गरेको छ।

#हाम्रोनेपाल

डॉ. मीनेन्द्र रिजालको कडा प्रस्ताव:कांग्रेस नेतृत्वले विश्राम लिएर जिम्मेवारी गगन र विश्वप्रकाशलाई दिनुहोस्👉 केन्द्रीय स...
13/11/2025

डॉ. मीनेन्द्र रिजालको कडा प्रस्ताव:
कांग्रेस नेतृत्वले विश्राम लिएर जिम्मेवारी गगन र विश्वप्रकाशलाई दिनुहोस्

👉 केन्द्रीय समिति बैठकमा बोल्दै रिजालले पार्टी नेतृत्वप्रति जनविश्वास घटेको भन्दै नयाँ ढंगले अघि बढ्नुपर्ने माग राखे।

👉 आगामी फागुन २१ गते हुने निर्वाचनका लागि सम्पूर्ण चुनावी जिम्मेवारी दुई महामन्त्री गगन थापा र विश्वप्रकाश शर्मालाई दिन प्रस्ताव।

👉 “४ महिनाका लागि कमान देऊ। जिते नेतृत्व हस्तान्तरण, नसके पुराना नेताहरू फर्कून्,” रिजालको भनाइ।

👉 पार्टीभित्रको गुटबन्दी, सत्ता स्वार्थ र दोहोरो चरित्रले कांग्रेस कमजोर बनेको आरोप।

👉 विशेष महाधिवेशन तत्काल सुरु गर्न नेतृत्वलाई आग्रह।

👉 “कांग्रेस पहिले जस्तो थियो, त्यस्तै बनाउनु पर्छ। ऐना पुछेर होइन, अनुहारको दाग पुछ्नुपर्छ,” रिजालको व्यङ्ग्यात्मक टिप्पणी।

#हाम्रोनेपाल

विद्युत् बक्यौता असुलीमा ठूलो सफलता – २५ मध्ये २२ उद्योगले तिरे पहिलो किस्ता, १८ करोड ३० लाख प्राधिकरणले उठायोनेपाल विद्...
13/11/2025

विद्युत् बक्यौता असुलीमा ठूलो सफलता – २५ मध्ये २२ उद्योगले तिरे पहिलो किस्ता, १८ करोड ३० लाख प्राधिकरणले उठायो

नेपाल विद्युत् प्राधिकरणले डेडिकेटेड र ट्रंक लाइनमार्फत वर्षौंसम्म बक्यौता नतिरेका ठूला उद्योगहरूबाट पहिलो किस्ता उठाउँदै बक्यौता असुलीलाई नयाँ चरणमा अघि बढाएको छ। कुल ५ अर्ब ८४ करोडभन्दा बढी बक्यौतामध्ये १८ करोड ३० लाख रुपैयाँ पहिलो किस्ताका रूपमा उद्योगहरूले बुझाएका छन्।

👉 २५ उद्योगको लाइन काटेपछि २२ उद्योगले पहिलो किस्ता तिरे
👉 करीब ७ वर्ष पुरानो विवाद समाधानतर्फ
👉 केवल ३ उद्योग – औद्योगिक क्षेत्र व्यवस्थापन, बुटवल सिमेन्ट र निगाले सिमेन्टले अझै तिरेनन्
👉 कुल बक्यौता: ५ अर्ब ८४ करोड ८८ लाख

उद्योगहरूको ‘यू–टर्न’

वर्षौँदेखि टीओडी मिटरको प्रमाण नदिएसम्म बक्यौता तिर्न अस्वीकार गर्दै आएका उद्योगहरू जेनजी आन्दोलनपछि प्राधिकरणले कडाइ गर्दै कात्तिक ४ र ७ गते दुई पटक गरी २५ उद्योगको लाइन काटेपछि बक्यौता तिर्न बाध्य बने।

कुन उद्योगले कति तिरे?

केही मुख्य उद्योगले तिरेको पहिलो किस्ता:
👉 जगदम्बा स्टील्स – ५ करोड ७२ लाख
👉 रिलायन्स स्पिनिङ मिल्स – २ करोड ७५ लाख
👉 शिवम् सिमेन्ट – २ करोड ३८ लाख
👉 घोराही सिमेन्ट – १ करोड ८१ लाख
👉 अर्घाखाँची सिमेन्ट – १ करोड ६० लाख
👉 त्रिवेणी स्पिनिङ मिल्स – १ करोड १४ लाख
👉 सोनापुर मिनरल एन्ड आयल – ८६ लाख ३० हजार

अन्य धेरै उद्योगले ५० हजारदेखि १५ लाखसम्म किस्ता बुझाएका छन्।

कुन उद्योग अझै बाँकी?

👉 बुटवल सिमेन्ट – फ्याक्ट्री नै बन्द गर्ने तयारी, असुली सम्भावना कमजोर
👉 औद्योगिक क्षेत्र व्यवस्थापन – तिर्न बाँकी
👉 निगाले सिमेन्ट – ट्रान्सफर्मर बिग्रेको कारण विद्युत् आपूर्ति नै बन्द

कुलमान घिसिङ: ‘बक्यौता असुली नयाँ चरणमा प्रवेश गर्‍यो’

ऊर्जा मन्त्री कुलमान घिसिङले सामाजिक सञ्जालमा लेखे:
‘वर्षौँदेखि ढिला भइरहेको बक्यौता असुलीले नयाँ गति पाएको छ। उद्योगी व्यवसायीलाई धन्यवाद। अब सबैले जिम्मेवारीबोधका साथ बाँकी रकम तिर्नुपर्छ।’

किन विवाद चुलियो?

डेडिकेटेड र ट्रंक लाइनमार्फत विशेष सुविधा लिएर विद्युत् उपभोग गर्ने उद्योगहरूले प्रिमियम महसुल तिर्न नचाहेको र राजनीतिक हस्तक्षेपका कारण असुली रोकिएको प्राधिकरणको ठहर छ।

अब के हुन्छ?

सरकार, उद्योग महासंघ र प्राधिकरणबीच भएको सहमति अनुसार:
👉 पहिलो किस्ता ‘किस्ता’ नभई ‘विवादित रकम’ मानिने
👉 लाइन तुरुन्त जडान गरिने
👉 बाँकी रकम पुनरवलोकन र न्यायिक प्रक्रियाबाट समाधान गरिने

#हाम्रोनेपाल

एलिजा गौतम ‘जनादेश पार्टी’ की उपाध्यक्ष- मोडल तथा अभिनेत्रीबाट सक्रिय राजनीतिमार्फत नयाँ यात्रा सुरुमोडल तथा अभिनेत्री ए...
13/11/2025

एलिजा गौतम ‘जनादेश पार्टी’ की उपाध्यक्ष

- मोडल तथा अभिनेत्रीबाट सक्रिय राजनीतिमार्फत नयाँ यात्रा सुरु

मोडल तथा अभिनेत्री एलिजा गौतम अब औपचारिक रूपमा राजनीतिमा प्रवेश गरेकी छन्। उनी ‘जनादेश पार्टी’ की उपाध्यक्ष बनेकी छन्। रमणकुमार कर्ण नेतृत्वको सो पार्टीले मंगलबार निर्वाचन आयोगमा दर्ताका लागि निवेदन बुझाएको छ।

👉 ७५ सदस्यीय केन्द्रीय समिति सहितको पदाधिकारी सूची आयोगमा पेस गरिएको छ।

👉 एलिजाले आफ्नो उपाध्यक्ष पदको जानकारी सामाजिक सञ्जालमार्फत सार्वजनिक गर्दै आयोगमा पुगेको फोटो पनि सेयर गरेकी छन्।

👉 “भ्रष्टाचार नियन्त्रण र सुशासन हाम्रो मुख्य उद्देश्य हो,” एलिजाले भनिन्।

👉 फिल्म ‘अनुराग’ की निर्मात्री तथा अभिनेत्री एलिजा पछिल्ला वर्षहरूमा म्युजिक भिडियो र केही फिल्म परियोजनामा सक्रिय रहे पनि ती प्रोजेक्टहरू पूर्ण रूपमा बन्न सकेका थिएनन्।

👉 “अब मेरी प्राथमिकता राजनीतिक काम हो। कलाकारितामा छिट्टै फर्किने योजना छैन,” उनले भनिन्।

#हाम्रोनेपाल

एमालेसँग प्रतिस्पर्धा गर्न कुनै दल सक्षम छैनमहेश बस्नेतको दाबी – ‘कम्युनिस्ट आन्दोलनको सिंह एमाले हो’नेकपा (एमाले) का पो...
13/11/2025

एमालेसँग प्रतिस्पर्धा गर्न कुनै दल सक्षम छैन
महेश बस्नेतको दाबी – ‘कम्युनिस्ट आन्दोलनको सिंह एमाले हो’

नेकपा (एमाले) का पोलिटब्यूरो सदस्य महेश बस्नेतले देशको कम्युनिस्ट राजनीतिमा एमाले सबैभन्दा शक्तिशाली र अग्रणी दल बनेको दाबी गरेका छन्। उनले कुनै पनि दलले एमालेसँग प्रतिस्पर्धा गर्न नसक्ने ठोकुवा गरे।

👉 दाङको तुलसीपुरमा राष्ट्रिय युवा संघ नेपाल लुम्बिनी प्रदेशद्वारा आयोजित जागरण सभामा उनले सम्बोधन गर्दै एमालेलाई ‘सिंह’ र अन्य दलहरूलाई ‘स्याल, कुकुर, बिरालो’ सँग तुलना गरे।

👉 बस्नेतले भने, “माथिल्लो घाटमा सिंह (एमाले) पानी खाइरहेको छ, त्यसैले अन्य कुनै पशु (दल)ले त्यहाँ पानी खान हिम्मत गर्दैनन्।”

👉 उनले एमाले अध्यक्ष केपी शर्मा ओलीविरुद्ध राज्य संयन्त्र प्रयोग गरिएको आरोप लगाउँदै यस्तो व्यवहार सहन नसक्ने चेतावनी दिए।

👉 कुनै एमाले नेता बयानका नाममा दु:ख पाएको खण्डमा “एक लाख युवा सिंहदरबार घेराउ गर्न तयार हुने” चेतावनी बस्नेतले दिए।

👉 बस्नेतले एमालेको इतिहास, संगठन शक्ति र जनसमर्थनका कारण अन्य कुनै दल यसको बराबरीमा उभिन नसक्ने दाबी गरे।

#हाम्रोनेपाल

दिल्ली विस्फोटमा ज्यान गुमाएका अशोकको घर उजाडमेहनती कन्डक्टरको मृत्युले पाँच सदस्यको परिवार बेसाहारादिल्लीमा भएको भीषण ब...
13/11/2025

दिल्ली विस्फोटमा ज्यान गुमाएका अशोकको घर उजाड
मेहनती कन्डक्टरको मृत्युले पाँच सदस्यको परिवार बेसाहारा

दिल्लीमा भएको भीषण बम विस्फोटले ३४ वर्षीय बस कन्डक्टर अशोक कुमारको ज्यान गएपछि उनका परिवारको जीवन पूर्णरूपमा अन्धकारमा डुबेको छ। ड्यूटी सकेर घर फर्किँदै गरेका अशोकका लागि त्यो साँझ अन्तिम बन्न पुग्यो।

👉 अशोकका परिवारमा आमा, पत्नी, दुई छोरी र एक छोरा छन्। उनका बुबा पहिले नै बितिसकेका थिए, र घर चलाउने एक मात्र सहारा अशोक नै थिए।

👉 आमालाई अझै पनि मृ’त्युको खबर सुनाइएको छैन। स्वास्थ्य कमजोर भएकी आमाले यस्तो आघात सहन नसक्ने भन्दै परिवारले सत्य लुकाइरहेको छ।

👉 विस्फोट हुनु केही मिनेटअघि उनले घरमा फोन गरेर भनेका थिए, “केही बेरमै घर पुग्दैछु, बच्चाहरूका लागि बिस्कुट र दूध किनिसकेको छु।”

👉 दिल्लीमा किरायाको सानो कोठामा बस्दै आएका अशोक अत्यन्तै मेहनती र जिम्मेवार थिए। नातेदारका अनुसार, “उनी सधैं परिवारका लागि केही लिएरै घर फर्किन्थे।”

👉 अशोकले जीवनभर परिवारलाई सम्हाल्ने वाचा गरेका थिए, तर एक विस्फोटले त्यो वाचा अधुरै छोडिदियो।

#हाम्रोनेपाल

शिक्षक संगठन विवाद चुलियो - महावीर पुन र शिक्षक महासंघबीच आरोप–प्रत्यारोप शिक्षामन्त्री महावीर पुनले हिजो शिक्षकहरूको सं...
13/11/2025

शिक्षक संगठन विवाद चुलियो - महावीर पुन र शिक्षक महासंघबीच आरोप–प्रत्यारोप

शिक्षामन्त्री महावीर पुनले हिजो शिक्षकहरूको संघ–संगठनलाई मान्यता नदिने संकेत गर्दै गरेको अभिव्यक्तिपछि विवाद चर्किएको छ। त्यसको जवाफमा नेपाल शिक्षक महासंघका अध्यक्ष लक्ष्मी किशोर सुवेदीले पुनलाई “राति सुत्नु अघि संविधानको धारा ३४, श्रम ऐन, शिक्षा ऐन र नियमावली पढेर सुत्न” सुझाएका थिए।

यसैप्रति मन्त्री पुनले पुनः कठोर प्रतिक्रिया दिएका छन्।

मन्त्री पुनको जवाफ यस्तो छ
👉 “संविधानले दिएको अधिकार कसैले खोस्न सक्दैन। तर राजनीतिक दलको संरक्षणमा विद्यालय र विश्वविद्यालयको पठन–पाठन बन्द गर्ने, अव्यवस्था फैलाउने र विद्यार्थीको भविष्यसँग खेलवाड गर्न पाईदैन।”

👉 “विद्यालय, विश्वविद्यालय र सीटीईभीटीमा राजनीतिक हस्तक्षेप र चलखेलका कारण उत्पन्न अस्तव्यस्ततामाथि विद्यार्थी र अभिभावकका हजारौं गुनासो सुनेर नै सूचना जारी गरिएको हो।”

👉 “अनावश्यक राजनीति र चलखेल पनि भ्रष्टाचार नै हो। सर्वोच्च अदालतका आदेश र ऐन–कानुनका धाराहरू पनि हेर्नु होला।”

चुनाव नजिकिँदै गर्दा चेतावनी
👉 मन्त्री पुनले फागुन २१ गते हुने चुनावलाई लक्षित गर्दै भने,
“चौबिसै घण्टा चुनाव प्रचारमा नलागेर विद्यालयको पढाइ रोक्न नदिनुहोला।”

👉 उनले “नविराउनु, नडराउनु” भन्ने नेपाली उखान उल्लेख गर्दै शिक्षक संगठनको राजनीतिक गतिविधिमा कडाइ चाहिने संकेत गरेका छन्।

#हाम्रोनेपाल

पूर्वप्रधानमन्त्री झलनाथ खनालको आक्रोश‘सरकारले मेरी पत्नीको उपचारबारे एक शब्द सोधेन’पूर्वप्रधानमन्त्री तथा नेपाली कम्युन...
13/11/2025

पूर्वप्रधानमन्त्री झलनाथ खनालको आक्रोश
‘सरकारले मेरी पत्नीको उपचारबारे एक शब्द सोधेन’

पूर्वप्रधानमन्त्री तथा नेपाली कम्युनिस्ट पार्टीका नेता झलनाथ खनालले जेनजी आन्दोलनका क्रममा आफ्नी श्रीमती रविलक्ष्मी चित्रकारमाथि भएको हमलापछि सरकारले देखाएको उदासीन व्यवहारप्रति कडा आपत्ति जनाएका छन्।

चित्रकारको घरमा आगजनी, तोडफोड र हत्या प्रयास भएको थियो। चार दशकभन्दा बढी फिजिक्सकी प्राध्यापक रहिआएकी उनी गम्भीर घाइते अवस्थामा अहिले अस्पतालमा उपचाररत छिन्।

थाहा नभएको, सोधपुछ नगरेको भन्दै खनालले प्रश्न गरे

👉 न्युज एजेन्सी नेपालसँग कुरा गर्दै खनालले भने– “सरकार मेरी श्रीमतीको अवस्थाबारे एक शब्द सोध्नसम्म आएन। यो व्यक्तिगत मात्र होइन, देशका लागि चार दशक काम गरेको प्राध्यापकको सम्मान र उपचारमा बेवास्ता किन?”

👉 सरकारले जेनजी आन्दोलनका घाइतेलाई निःशुल्क उपचार गर्ने घोषणा गरिसके पनि पूर्वप्रधानमन्त्रीकी पत्नी भएकै कारण मौन बसेको खनालको आरोप छ।

घर जल्यो, सम्पत्ति खरानी, बैंक खाता शून्य

👉 आन्दोलनकारीले खनालको घर पूर्ण रूपमा जलेर नष्ट भएको छ।
👉 घरभित्रको सम्पत्ति समेत खरानी बनेको बताइएको छ।
👉 खनालका अनुसार, उनीसँग ठूलो सम्पत्ति छैन भने पनि ७० रोपनीमा रहेको जग्गामध्ये ५५ रोपनी सरकारले लिएर कार्यालय बनाएको तथ्य पनि उनले सार्वजनिक गरेका छन्।

खनालले “यो सिरियस राज्यको बेवास्ता हो” भन्दै सरकारलाई तत्काल जिम्मेवारी लिन आह्वान गरेका छन्।

#हाम्रोनेपाल

Address

Kathmandu

Website

Alerts

Be the first to know and let us send you an email when Hamro Nepal हाम्रो नेपाल posts news and promotions. Your email address will not be used for any other purpose, and you can unsubscribe at any time.

Contact The Business

Send a message to Hamro Nepal हाम्रो नेपाल:

Shortcuts

Share

Category

Promoting Nepal tourism.

This is a page for sharing photos and scene from Nepal or related to Nepal. PHOTOGRAPHERS are always welcome to the page to share their work, ideas and creativity. Please feel free to join us!! You can send us your content with details and description and your content will be published in the page with proper credit to you.

TERMS AND CONDITIONS * Please send us your own content. 1. You will be responsible for the copyright of the content that you send to us. 2. We may use our logo in the content that you send us. 3. We may publish the content to our web page. Note : You agree our terms and conditions by submitting the content to us.