05/11/2025
तपाईँको आजको दिन कस्तो रहनेछ ? यस्तो छ आजको राशिफल:
मेष: व्यवसायिक क्षेत्रबाट राम्रो लाभ प्राप्त हुनेछ। छोराछोरीबाट सन्तोष प्राप्त हुनेछ। दाजुभाइको प्रगतिको समाचार सुन्न पाइन्छ। प्राविधिक र सृजनात्मक सफलता मिल्नेछ। साथीहरूसित बौद्धिक र तार्किक विषयमा छलफल हुनेछ।
बृष: धैर्यले काम लिने समय छ। मातृधनबाट लाभ प्राप्त हुने सम्भावना छ। धनागमको सङ्केत छ। शरीर फूर्तिलो भएको महसुस हुनेछ। परिणाममुखी काममा लगानीको समय छ। चुनौतीका बाबजुद नसोचेको काम बन्न सक्छ।
मिथुन: साथीभाइले पनि राम्रै सहयोग जुटाउनेछन्। नयाँ उद्योग वा रचनात्मक काममा जुट्ने समय छ। नयाँ काम सुरु गर्ने समय छ। व्यापारमा मनग्ये धनलाभ हुनेछ। परिश्रमअनुसार उपलब्धि पनि राम्रै पाइएला। रोकिएका काम पुनः सुरु हुन सक्छन्।
कर्कट: मिष्ठान्न भोजनको अवसर प्राप्त हुने योग छ नयाँ काममा हात हाल्ने समय छ।आम्दानी बढ्ने र उठ्नुपर्ने रकम हातलागी हुने समय छ। गरेका कामबाट राम्रै लाभ हुनेछ। श्रमको उचित मूल्याङ्कन हुनेछ। पढाइमा प्रगति हुनेछ।
सिंह: व्यवसायिक क्षेत्र लाभप्रद रहने छ। पारिवारिक सुख मिल्नुका साथै अध्ययन–अध्यापनको क्षेत्रमा प्रगतिको खबर सुन्न पाउनु हुनेछ। आर्थिक पक्ष सुदृढ बन्नेछ। कानुनी वा प्रतियोगितात्मक क्रियाकलापमा विजय प्राप्त हुनेछ। मनमा दोधारको अवस्था सिर्जना हुनसक्छ।
कन्या: परिश्रमको प्रतिफल ढिलो गरी प्राप्त हुनेछ। सामान्य कुरामा रुमलिनु राम्रो हुँदैन। जिम्मेबारी वहन गर्नु पर्नेछ, उत्साहपूर्वक काम गर्नुहोला। कामका क्षेत्रमा भने सोचेअनुसार लाभ हुनेछैन, धनसङ्ग्रहका क्षेत्रमा बाधा भए पनि आम्दानीमा कमी हुनेछैन।
तुला: अरुको हीतका लागि गरिएको कामबाट लाभ लिन सकिने छैन। राज्यपक्ष र सरकारी काममा विलम्ब हुनेछ। घरपरिवारमा सामान्य छ। मनमा उत्साह र उमङ्गको कमी देखिने छ। शत्रुहरूको गतिविधिले आत्मबल घटाउन सक्छ, सचेत रहनु होला। मातापिता र अभिभावक वर्गसँग सामीप्यता राख्न सके राम्रो हुन्छ।
वृश्चिक: पारिवारिक सम्बन्ध सुदृढ बन्नेछ। हाकिम, मातापिता वा विशिष्ट व्यक्तिको विचारले प्रभावित तुल्याउन सक्छ। पेसाव्यवसायका क्षेत्रमा उन्नति प्रगतिको वातावरण बन्नेछ। जग्गाजमिनको कारोबार गर्दा राम्रो प्रतिफल आउन सक्छ। सामाजिक क्षेत्र र नोकरीबाट मानसम्मान मिल्नेछ।
धनु: परिवारजनको साथले नयाँ आशा पलाउनेछ। मित्रताको बन्धन कसिनुका साथै दाम्पत्य सुखमा रमाउने समय छ। अतिथिका रूपमा सम्मान पाइने छ। रमाइलो यात्रा गर्ने अवसर प्राप्त हुनेछ। विगतको श्रमबाट राम्रै लाभ हुनेछ। सानो प्रयत्नले ठूलो काम सम्पादन हुनेछ।
मकर: सङ्कटको सामना गर्दै उपलब्धी हासिल गर्नु पर्नेछ। सवारी साधन हाँक्दा अपनाएको सचेतताका कारण चोटपटकबाट जोगिनु हुनेछ। गर्नैपर्ने व्यवहारिक काममा लामो यात्राको सम्भावना छ। दीर्घकालिक योजना कार्यान्वयन गर्न वा दूरगामी प्रतिफल प्राप्त हुने क्षेत्रमा लगानी गर्नु राम्रो हुन्छ।
कुम्भ: ठूलो लाभ लिन नसकिए पनि व्यावसायिक यात्राको सम्भावना छ। घरमा विवाद, तनाव र असमझदारी बढ्नाले निर्णयमा पुग्न सकिंदैन। घरायसी परिबन्दका लागि चाहिने धनको जोहो हुनेछ। दाम्पत्य जीवनमा एक किसिमको निरसता आउन सक्छ। आज काममा ढिलासुस्ती देखिन सक्छ। तर आम रूपमा बेफाइदा हुँदैन।
मीन: तर्क, विवाद र प्रतिस्पर्धामा पकड भएको राम्रो दिन छ। अधिकार प्राप्तिका लागि गरिएको प्रतिस्पर्धामा विजयी भइनेछ। कार्यक्षेत्रमा अरुले गरेभनेका कुरामा चित्त नबुझ्न सक्छ। रमाइलो यात्राको सम्भावना छ र त्यसबाट दीर्घकालिक फाइदा पुग्नेछ। आर्थिक र व्यवसायिक समस्या समाधान हुनेछन्।
राशिफल जे जस्तो भएपनि तपाईंको दिन शुभ रहोस् ।
