12/05/2026
आजको पञ्चाङ्ग र राशिफल
आज मिति २०८३ साल वैशाख २९ गते मङ्गलबार, तदनुसार मे १२ तारिख २०२६, नेपाल संवत् ११४६ वछलागा, रौद्र नामक संवत्सर, सूर्य उत्तरायण, वसन्त ऋतु, शुद्ध ज्येष्ठ कृष्णपक्षको दशमी तिथि बिहान १० ः १२ बजेसम्म त्यसपछि एकादशी तिथि, पूर्वभाद्रा नक्षत्र, आनन्दादि योगमा काण योग, बव करण, सूर्योदय बिहान ५ ः १८ र सूर्यास्त साँझ ६ ः ४४ मा हुनेछ । चन्द्रमा मीन राशिमा छन् भने बृहस्पति मिथुन राशिमा रहेका छन् ।
मेष : नयाँ अवसर र व्यापारिक सफलताले आम्दानीका स्रोतहरू बढ्नेछन्। यद्यपि, साँझदेखि खर्चमा वृद्धि हुनाले आर्थिक दबाब र यात्रामा केही कठिनाइ महसुस हुन सक्छ।
वृष : मिहिनेतले लक्ष्य प्राप्ति हुनुका साथै गरिएका कामको प्रशंसा र नयाँ अवसरहरूले मनमा उत्साह जगाउनेछ। आम्दानीका नयाँ स्रोतहरू फेला पर्नेछन् भने साँझतिर व्यापारमा फाइदा भई बक्यौता रकम समेत हातलागी हुनेछ।
मिथुन : थपिएको जिम्मेवारी र कमजोर स्वास्थ्यका कारण दिनको सुरुवाती समय केही संघर्षमय रहे पनि साँझदेखि स्थितिमा सुधार आउनेछ। परिश्रमले धेरैको मन जित्दै नयाँ र दिगो काम प्रारम्भ हुनेछ, जसले अन्ततः फाइदा र लोकप्रियता दिलाउनेछ।
कर्कट : स्वास्थ्यमा कमजोरी र जिम्मेवारीको दबाबले सुरुमा केही चुनौती देखिए पनि संयमित भई मिहिनेत गर्दा फाइदाका ढोकाहरू खुल्नेछन्। साँझतिर विभिन्न अवसर र सुखद नतिजाहरू प्राप्त हुनाले मनमा नयाँ उत्साह जाग्नेछ।
सिंह : प्रियजनसँगको भेटघाट र व्यापारिक लाभले दिन रमाइलो रहे पनि प्रेम र मित्रताको बन्धन अझ कसिलो हुनेछ। साँझदेखि भने काम बिग्रने डर र स्वास्थ्यमा कमजोरी देखा पर्न सक्ने भएकाले सजग रहँदै न्यून उपलब्धिमा चित्त बुझाउनुपर्ने स्थिति आउन सक्छ।
कन्या : साहस र मिहिनेतले प्रतिस्पर्धीहरूलाई पछि पार्दै रोकिएका कामबाट मनग्य लाभ उठाउने अवसर मिल्नेछ। साँझको समय प्रियजनसँगको भेटघाटले रमाइलो रहनेछ भने आम्दानीका नयाँ र दिगो कामहरूको जग बसाल्ने मौका प्राप्त हुनेछ।
तुला : जिम्मेवारी बढे पनि अरूका लागि समय खर्चनुपर्ने र आर्थिक मन्दीका कारण सुरुमा केही व्यावहारिक चुनौतीहरू देखा पर्न सक्छन्। स्वास्थ्य र कार्यक्षमतामा केही कमजोरी रहे पनि साँझदेखि परिस्थिति सुध्रिनेछ र नयाँ कामको थालनीसँगै प्रतिस्पर्धामा सफलता मिल्नेछ।
वृश्चिक : सुरुमा परिस्थिति केही प्रतिकूल रहनाले अरूको स्वार्थका लागि उपयोग भइने र साझेदारहरूसँग असमझदारी बढ्ने देखिन्छ। साँझदेखि स्वास्थ्यमा कमजोरी र खर्च बढ्न सक्ने भएकाले सजग रहनुहोला, यद्यपि निरन्तरको मिहिनेतले सामान्य उपलब्धि भने प्राप्त हुनेछ।
धनु : नयाँ कामको थालनी र सोचेजस्तै सफलताले मनमा उत्साह जगाउनुका साथै प्रेम र मित्रताको बन्धन अझ कसिलो हुनेछ। साँझतिर केही घरेलु समस्या देखिए पनि साथीभाइको सहयोग र आफ्नै प्रयत्नले ती समस्या सुल्झनेछन् र व्यवसायबाट मनग्य लाभ मिल्नेछ।
मकर : आफ्ना कमजोरीमाथि अरूले टिप्पणी गर्न सक्ने र बिनासोच चुनौती लिँदा काम रोकिन सक्ने भएकाले आज विशेष सजग रहनुहोला। साँझदेखि भने समय अनुकूल बन्नेछ, जसले गर्दा नयाँ काममा सफलता, व्यापारमा लाभ र मनग्य धन आर्जन हुने योग छ।
कुम्भ : आफन्तबाट टाढा रहन मन लाग्ने र खानपानको असावधानीले स्वास्थ्य बिग्रन सक्ने समय रहेकाले विशेष सतर्कता अपनाउनुहोला। परिस्थिति केही चुनौतीपूर्ण देखिए पनि बुद्धिको सही उपयोग र पुराना कमजोरी सुधार्ने प्रयत्न गरेमा अवस्थालाई सहज बनाउन सकिनेछ।
मीन : बढ्दो खर्च र आर्थिक अभावले केही दबाब सिर्जना गरे पनि वैदेशिक यात्राको प्रयास गर्नेहरूका लागि समय अनुकूल रहनेछ। साँझतिर भने आफन्तसँगको भेटघाट र स्वादिष्ट भोजनको आनन्द मिल्नुका साथै व्यापारमा सुधार भई आर्थिक अवस्था सुदृढ हुनेछ।
#राशिफल
#संस्कार
゚
