Films Santosh, Baneshwor, Kathmandu (2026)

08/09/2026

रसुवामा आएको विनाशकारी बाढीपछि प्रभावित परिवारको उद्धार तथा राहतका लागि गायक तथा अभिनेता दुर्गेश थापा पनि सक्रिय भए । उनले बाढीपीडितका लागि व्यक्तिगत रूपमा विभिन्न राहत सामग्री उपलब्ध गराउँदै आफ्नो तर्फबाट सक्दो सहयोग गरे ।

दुर्गेशले प्रभावित परिवारका लागि आफैं खाना पकाएर खुवाउनुका साथै घरायसी सामानदेखि तत्काल आवश्यक पर्ने विभिन्न सामग्रीसमेत वितरण गरे । बाढीका कारण प्रभावित परिवारको अवस्था कठिन बनेपछि उनी राहत तथा उद्धार अभियानमा प्रत्यक्ष रूपमा जोडिएका हुन्।

दुर्गेशले व्यक्तिगत रूपमा करिब १० लाख रुपैयाँसम्मको राहत तथा सहयोग गरेको उनी निकट एक व्यक्तिले बताएका छन्। उनले आफ्नो क्षमताअनुसार प्रभावित परिवारलाई सहयोग गर्ने उद्देश्यले राहत सामग्री वितरण गरेको बताइएको छ।

केहि दिन राहत तथा सहयोग वितरण गरेपछि दुर्गेश आज लण्डन प्रस्थान गरेका छन्। लण्डनमा केही व्यक्तिगत तथा व्यावसायिक काम सकेर उनी छोटो समयमै नेपाल फर्किने तयारीमा रहेको बताइएको छ। नेपाल फर्किएपछि पुनः रसुवा, नुवाकोटका बाढीपीडितका लागि राहत वितरण तथा सहयोग अभियानमा सहभागी हुने उनको तयारी रहेको उनी निकट स्रोतले जनाएको छ।

08/09/2026

नेपाली फिल्म क्षेत्रमा यस्ता केही अभिनेता छन्, जसको अभिनयमाथि प्रश्न उठाउने ठाउँ नै कम हुन्छ। अर्पण थापा त्यस्तै अभिनेता हुन्।

पात्र जस्तोसुकै होस्, पर्दामा उनको उपस्थिति फरक देखिन्छ। अभिनयमा गहिराइ छ, संवाद बोल्ने शैलीमा आफ्नैपन छ र पात्रलाई जीवन्त बनाउने क्षमता पनि छ। त्यसैले अर्पणले काम गरेका फिल्ममा उनको अभिनयको प्रशंसा गर्ने दर्शक र समीक्षकको कमी छैन।

तर यहाँ एउटा रोचक प्रश्न उठ्छ— यति राम्रो अभिनय गर्ने अभिनेता अर्पण थापाका फिल्महरू किन व्यावसायिक रूपमा सोचेजस्तो चल्दैनन्?

अर्पणले अहिलेसम्म थुप्रै फिल्ममा अभिनय गरिसकेका छन्। फिल्म बनिरहेका छन्, उनी काम पाइरहेका छन्, लगातार पर्दामा देखिइरहेका छन्। तर उनले एकल रूपमा नेतृत्व गरेका वा उनको अभिनयलाई मुख्य आधार बनाएका धेरै फिल्मको व्यापार हेर्दा ठूलो व्यावसायिक सफलता भने निकै कम देखिन्छ।

हामीले यो सामग्री तयार पार्दासम्म अर्पण थापाको फिल्मोग्राफीमा ‘यो फिल्मले उनलाई ठूलो स्टार बनायो’ भनेर ठोकुवा गर्न मिल्ने ठूलो व्यावसायिक सफल फिल्म भेट्टाउन निकै कठिन भयो।

पछिल्लो समय केही बढी चर्चा र कमाइ गरेको फिल्मका रूपमा ‘बलिदान’लाई लिन सकिन्छ। तर फिल्मको निर्माण लागत र व्यापारलाई सँगै राखेर हेर्दा, यसलाई पनि पूर्ण व्यावसायिक सफलता मान्न कठिन हुन्छ।

त्यसो भए समस्या कहाँ छ? अर्पण थापाको अभिनयमा हो? पक्कै होइन।

सायद समस्या उनको अभिनयभन्दा बाहिर छ—फिल्मको कथा छनोट, स्टारको बजार, फिल्मको प्रचार, दर्शकसँगको कनेक्ट, व्यावसायिक प्याकेजिङ वा उनीप्रतिको निर्माताको दृष्टिकोणमा।

अभिनेता थापा ‘अभिनेता राम्रो तर फिल्म नचल्ने’ विरोधाभासका एउटा रोचक उदाहरण बनेका छन्। किनकि नेपाली दर्शकले उनको अभिनयलाई स्वीकार गरेका छन्। आलोचकले प्रशंसा गरेका छन्। निर्माताले उनलाई लगातार काम दिएका छन्। तर बक्स अफिसले भने अहिलेसम्म उनलाई त्यही अनुपातमा पुरस्कृत गरेको देखिँदैन।

अब प्रश्न अझै गम्भीर हुन्छ— के अर्पण थापा गलत फिल्मका सही अभिनेता हुन्?
वा, उनीसँग अभिनयको क्षमता त छ, तर त्यसलाई ठूलो व्यावसायिक सफलतामा बदल्ने ‘स्टार पावर’ अझै निर्माण हुन बाँकी छ? सायद यही प्रश्नको जवाफ खोज्नु अहिले अर्पण थापाको करिअर बुझ्ने सबैभन्दा रोचक विषय हो।

The Celebrity Times

08/09/2026

अभिनेत्री दिव्या रायमाझी आगामी एक फिल्ममा आफ्नै पिता तथा अभिनेता दिलीप रायमाझीको लुक्समा देखिने भएकी छन्। फिल्मको एक विशेष दृश्यका लागि दिव्याको गेटअपलाई दिलीपको लुक्ससँग मिल्ने गरी परिवर्तन गरिएको हो।

उक्त दृश्यको छायांकनका क्रममा दिव्यालाई मेकअप तथा प्रोस्थेटिकमार्फत परिवर्तन गरिँदै गरेको पर्दापछाडिको एउटा भिडियो समेत सार्वजनिक भएको छ। भिडियोमा फिल्मको टिम दिव्याको लुक्स तयार गर्न व्यस्त देखिन्छ।

स्रोतका अनुसार दिव्यालाई उक्त गेटअपमा तयार पार्न औसतमा करिब तीन घण्टा समय लागेको थियो। अनुहारको बनावटदेखि कपाल र अन्य गेटअपसम्ममा विशेष ध्यान दिइएको बताइएको छ।

यद्यपि, फिल्ममा दिव्या कुन सन्दर्भमा दिलीप रायमाझीको लुक्समा देखिनेछिन् भन्ने कुरा भने निर्माण टिमले खुलाएको छैन। आगामी फिल्मका लागि गरिएको यो विशेष रूपान्तरणले भने दिव्याको नयाँ अवतारलाई लिएर दर्शकमाझ उत्सुकता बढाएको छ।

The Celebrity Times

08/09/2026

टिकटकबाट ठूलो फ्यान फलोइङ बनाएका ‘कुल ब्वाइ’ पछिल्लो समय मा ब्यस्त छन् । तर, त्यो भन्दा धेरै आफ्नो अनलाइन प्रभावका कारण चर्चामा छन्। टिकटकमा उनको यति ठूलो क्रेज छ कि, आफूलाई फिल्म रोज्ने कि टिकटक भन्ने प्रश्न सोध्दा उनले टिकटक नै रोज्ने बताउँदै आएका छन्।

कुल ब्वाइले अहिलेसम्म ‘होस्टेल ३’ र ‘बेहुली’ गरी दुई फिल्ममा काम गरिसकेका छन्। तर, अहिले उनको चर्चा भने फरक प्रसंगले भइरहेको छ।

हालै TikTok Live मा बोल्दै कुल ब्वाइले आफूले '५ मिनेटमै ८ लाख रुपैयाँ कमाएको' रहस्य खोलेका छन् । आफ्नो मासिक आम्दानीबारे स्पष्ट रकम नबताए पनि उनले एकैपटक यति ठूलो रकम कमाएको प्रसंग सुनाउँदै TikTok बाट हुने आफ्नो आम्दानीको संकेत दिएका हुन्।

उनको यो दाबीले कुल ब्वाइको TikTok आम्दानीलाई लिएर चासो बढाएको छ। उनले दिएको संकेतअनुसार, TikTok बाट उनको मासिक आम्दानी लाखौं रुपैयाँसम्म पुग्ने अनुमान गर्न सकिन्छ।

आम्दानीसँगै कुल ब्वाइ आफ्नो कमाइको केही हिस्सा सामाजिक सेवामा खर्च गर्ने कलाकारका रूपमा पनि देखिएका छन्। उनले विभिन्न समयमा आर्थिक सहयोग तथा राहतमार्फत लाखौं रुपैयाँ सहयोग गरिसकेको देखिन्छ।

यसरी हेर्दा, TikTok बाट ठूलो कमाइसँगै त्यसको केही हिस्सा सामाजिक सेवामा लगाउँदै आएका कुल ब्वाइ अहिले फिल्ममा पनि आफ्नो यात्रा अघि बढाइरहेका छन्। अब उनको TikTok क्रेज र फिल्मी यात्राले उनलाई कहाँसम्म पुर्‍याउँछ भन्ने चासोको विषय बनेको छ।

The Celebrity Times

08/09/2026

नेपाली फिल्मका दुई चर्चित अभिनेता अनमोल केसी र पल शाहलाई एउटै पर्दामा हेर्न चाहने दर्शक तथा फ्यानहरूको चाहना लामो समयदेखि रहँदै आएको छ। दुवैको आफ्नै बलियो फ्यान फलोइङ भएकाले अनमोल र पलले सँगै सहकार्य कहिले गर्लान् भन्ने उत्सुकता सुरुदेखि नै दर्शकमाझ थियो।

तर, अहिलेसम्म यी दुई अभिनेता एउटै फिल्ममा देखिने अवसर भने बनेको थिएन। अब भने निर्माता रोहित अधिकारीले अनमोल र पल दुवैलाई आफ्नो ब्यानरमा भित्र्याउँदै फ्यानहरूको त्यो पुरानो अपेक्षालाई थप नजिक ल्याइदिएका छन्।

रोहितले अनमोललाई आफ्नो सफल फिल्म ‘फर्की फर्की’को सिक्वेल ‘फर्की फर्कीः बियोन्ड टाइम’मा अनुबन्ध गरिसकेका छन्। सुयोग गुरुङको निर्देशनमा बन्ने फिल्ममा अनमोलसँगै जसिता गुरुङको पनि अभिनय रहनेछ।

यता, रोहितले पल शाहलाई लिएर पनि नयाँ फिल्म निर्माणको तयारी अघि बढाएका छन्। पलसँग फिल्मका विषयमा मौखिक सहमति भइसकेको र औपचारिक सम्झौता हुन बाँकी रहेको बताइएको छ। पल हाल ‘यानीमाया’मा व्यस्त छन्। उक्त फिल्मको छायांकन सकिएपछि पुसको पहिलो साताबाट रोहितको नयाँ फिल्ममा काम सुरु गर्ने तयारी छ।

यससँगै एउटा रोचक संयोग भने बनेको छ—अनमोल र पल एउटै फिल्ममा नभए पनि अब एउटै ब्यानरका कलाकार बन्ने भएका छन्। अर्थात्, फ्यानहरूले लामो समयदेखि चाहेको अनमोल–पल सहकार्यतर्फ जाने पहिलो आधार तयार भएको छ।

अनमोल र पल एउटै ब्यानरमा त आए, एउटै फिल्ममा कहिले देखिएलान् ? तत्कालका लागि भने दुवै अभिनेता फरक–फरक फिल्ममा देखिँदैछन्। तर एउटै निर्मातासँग दुवैको सहकार्य सुरु भइसकेकाले भविष्यमा कुनै उपयुक्त कथा र प्रोजेक्टमा अनमोल र पललाई एकसाथ ल्याउने सम्भावना भने पूर्ण रूपमा खुला छ।

विशेषगरी दुवै कलाकारको स्टारडम र आ–आफ्नो ठूलो फ्यान बेसलाई हेर्दा अनमोल र पललाई एउटै फिल्ममा उतार्ने निर्णय आफैंमा ठूलो प्रोजेक्ट बन्न सक्छ। त्यसैले अहिले रोहित अधिकारीले दुई स्टारलाई एउटै ब्यानरमा ल्याउनु मात्र होइन, भविष्यमा उनीहरूलाई एउटै पर्दामा ल्याउने सम्भावनाको जगसमेत तयार गरिरहेका छन् कि भन्ने चर्चा हुनु स्वाभाविक छ।

The Celebrity Times

08/09/2026

प्रधानमन्त्री बालेन शाह र उनकी श्रीमती सबिनाको नाचिरहेको भिडियो अहिले सामाजिक सञ्जालमा चर्चामा आएको छ। भिडियोमा शाह र सबिनालाई आफ्नै निजी जीवनमा खुसी हुँदै रमाइलो गरिरहेको देख्न सकिन्छ।

भिडियो कहिलेको हो भन्ने यकिन नभए पनि पछिल्लो समय विपक्षी दलका कार्यकर्ताहरूले यसलाई सामाजिक सञ्जालमा व्यापक रूपमा सेयर गरिरहेका छन्। त्यससँगै प्रधानमन्त्री शाहको व्यक्तिगत जीवनलाई लिएर विभिन्न टिप्पणी र आलोचनासमेत भइरहेका छन्।

तर, आफ्नै श्रीमतीसँग नाचेको र पारिवारिक समय बिताएको विषयलाई राजनीतिक आलोचनाको आधार बनाउनु उचित नभएको भन्दै सामाजिक सञ्जालमा प्रश्न उठेका छन्। प्रधानमन्त्री भए पनि बालेन शाहको आफ्नै निजी र पारिवारिक जीवन हुने भन्दै सामान्य पारिवारिक खुसीलाई राजनीतिक विवादको विषय बनाउन नहुने धेरैको धारणा छ।

कतिपयले राजनीतिक रूपमा असन्तुष्ट समूहहरूले प्रधानमन्त्री शाहका निजी गतिविधिलाई समेत आलोचनाको विषय बनाइरहेको देखिन्छ । लामो समयदेखि सत्ताको पहुँच र लाभमा रहेका समूहहरू आफूअनुकूल परिस्थिति नपाएपछि यस्तो गतिविधि बढेको हुनसक्ने घेरैको बुझाइ छ।

The Celebrity Times

08/09/2026

रसुवामा आएको बाढीका कारण धेरै परिवार प्रभावित भएका छन्। घर, सम्पत्ति र दैनिक जीवन गुमाएका पीडितहरू अहिले तत्काल राहत र सहयोगको प्रतीक्षामा छन्। यहीबीच नेपाली फिल्म क्षेत्रका सुपरस्टार भुवन केसी भने बाढीपीडितलाई सहयोग नगरेको भन्दै सामाजिक सञ्जालमा आलोचित भएका छन्।

भुवन केसी अहिले आफ्नो आगामी फिल्म ‘बाटुलो जुन’ को पोस्ट–प्रोडक्सनको काम अन्तिम चरणमा पुर्‍याउने तयारीमा रहेको बुझिएको छ। फिल्मको काम सकिएपछि, सम्भवतः फिल्म तयार भएपछि, बाढीपीडितका लागि केही गर्ने योजनामा उनी रहेको चर्चा छ।

भुवनका छोरा तथा अभिनेता अनमोल केसीले केही सहयोग गरिसकेको जानकारी पाएपछि अहिले भुवन भावुक भएर तत्कालै केही गर्नुपर्ने अवस्था नरहेको बुझाइ पनि बाहिर आएको छ। तर अहिलेसम्म भुवन केसीले स्वयं बाढीपीडितका लागि कुनै ठोस सहयोग गरेको सार्वजनिक जानकारी आएको छैन। यही कारण सामाजिक सञ्जालमा उनलाई प्रश्न गर्दै आलोचना गर्ने क्रम बढेको छ।

भुवनले फिल्म रिलिज भएपछि बाढीपीडितलाई के सहयोग गर्न सकिन्छ भन्ने विषयमा सोचिरहेको बुझिए पनि विपद्को समयमा राहत भोलि होइन, आजै आवश्यक हुन्छ। पीडितहरूलाई अहिले खाना, कपडा, औषधि, सुरक्षित बसोबास र आर्थिक सहयोग चाहिएको छ।

फिल्म रिलिजपछि सहयोग गर्ने योजना राम्रो हुन सक्छ। तर तत्काल राहतको आवश्यकता भएको अवस्थामा योजना मात्र पर्याप्त हुँदैन। भुवन केसीजस्तो प्रभावशाली कलाकारले अहिले नै आफ्नो तर्फबाट सहयोग सुरु गरे त्यसले पीडितलाई राहत मात्र होइन, अन्य कलाकार र सर्वसाधारणलाई पनि सहयोगका लागि प्रेरित गर्न सक्छ।

पुराना सुपरस्टार केसीको सहयोग कहिले आउँछ? फिल्म रिलिजपछि कि पीडितलाई सबैभन्दा बढी आवश्यकता परेको यही समयमा? प्रश्न यहि आएर अडिएको छ ।

#भुवनकेसी #रसुवाबाढी #बाढीपीडित #अनमोलकेसी #बाटुलोजुन #नेपालीफिल्म #नेपालीसिनेमा #सामाजिकउत्तरदायित्व The Celebrity Times

08/09/2026

आफ्नै बुबा दिलीप रायमाझीको गेटअपमा प्रस्तुत हुनु अभिनेत्री दिव्या रायमाझीका लागि सहज थिएन। बुबाकै हाउभाउ, लुक र व्यक्तित्वलाई पर्दामा उतार्नुपर्ने भएकाले यो उनका लागि चुनौतीपूर्ण थियो। तर, मेहनतपछि तयार भएको गेटअपमा दिव्या ठ्याक्कै बुबाजस्तै देखिएपछि उनको अभिनय र रूपको चर्चा चुलिएको छ।

फिल्म ‘बेहुली’को ट्रेलरमा देखाइएको उक्त दृश्य अहिले दर्शकको चासोको विषय बनेको छ। दिव्याको यो फरक अवतारले ट्रेलरलाई समेत विशेष बनाएको छ।

तीजको छेको पारेर भदौ २६ गतेदेखि प्रदर्शनमा आउन लागेको फिल्मलाई सशान कँडेलले निर्देशन गरेका हुन् भने माधव शर्माको लेखन रहेको छ। फिल्ममा दिव्यासँगै पारस बम ठकुरी (कुल ब्वाय), सुशान्त कार्की, पदम तामाङ, सन्तोष बानियाँ, सरिता गिरी, विशाल पहारीलगायत कलाकारको अभिनय छ।

प्रेम, वियोग, एक्सन र सुन तस्करीको कथालाई समेटिएको ‘बेहुली’बाट सुशान्त कार्कीले करिब आठ वर्षपछि अभिनयमा कमब्याक गरेका छन्।

ुली ुलीTrailer The Celebrity Times

07/09/2026

अभिनेत्री दिव्या रायमाझी पछिल्लो समय नेपाली फिल्म क्षेत्रमा चर्चामा छिन्। दिव्याले छोटो समयमै आधा दर्जनजति फिल्ममा काम गरिसकेकी छन्।

यता, टिकटकबाट चर्चामा आएका कुल ब्वाइ पनि अहिले फिल्म क्षेत्रमा सक्रिय छन्। उनको डेब्यु फिल्म ‘होस्टेल ३’ पछि दोस्रो फिल्म ‘बेहुली’ प्रदर्शनको तयारीमा छ। यो फिल्ममा दिब्या र कुललाई सँगै देख्न पाइनेछ ।

यसैबीच, एक अन्तर्वार्तामा कुल ब्वाइलाई दिव्यासँगको सम्बन्ध र उनीप्रतिको धारणाबारे प्रश्न गरिएको थियो। कुराकानीका क्रममा उनले दिव्याबारे आफ्नी आमाको धारणा पनि सुनाए।

कुलका अनुसार दिव्या र उनीसँग सम्बन्धित गीत, पोस्टर तथा प्रमोसनल सामग्री हेरेपछि उनकी आमाले दिव्यालाई निकै रुचाएकी छन्। ‘राम्री रहिछिन्, सुशील रहिछिन्, यस्तै बुहारी चाहियो’ भनेर आमाले भन्ने गरेको उनले बताए।

कुलले भने, ‘दिव्या र मेरो गीतदेखि पोस्टर र प्रमोसनल कन्टेन्ट आएपछि मम्मीले उहाँ राम्री रहिछिन्, सुशील रहिछिन्, हेर्दा पनि पोजेटिभ खालकी रहिछिन् भन्नुहुन्छ।’

यद्यपि, दिव्यासँग विवाहको सम्भावनाबारे भने कुलले कुनै निश्चित जवाफ दिएका छैनन्। ‘लेखान्तमा कसको भाग्यमा को पर्छ भन्न सकिँदैन,’ भन्दै उनले तत्कालै विवाह गर्ने आफ्नो योजना नरहेको स्पष्ट पारे।

कुलका अनुसार अहिलेको अवस्थामा कम्तीमा चार वर्षसम्म विवाह गर्ने योजना छैन। त्यसपछि मात्रै जीवनसाथीका रूपमा को आउँछन् भन्नेबारे भन्न सकिने उनको भनाइ छ।

The Celebrity Times

07/09/2026

कुनै समय बलिउडको चर्चित जोडी मानिने अक्षय कुमार र शिल्पा शेट्टीबीच विवाह हुने चर्चा निकै चलेको थियो। ‘धड्कन’, ‘मै खिलाडी तु अनाडी’, ‘जानवर’ र ‘इन्साफ’ जस्ता फिल्ममा उनीहरूको जोडीलाई दर्शकले पनि निकै रुचाएका थिए।

हालै ‘जानवर’का निर्देशक सुनील दर्शनले पुराना दिन सम्झँदै सुटिङका क्रममा अक्षय र शिल्पा निकै नजिक रहेको र विवाहको तयारीसमेत भइरहेको खुलासा गरेका छन् । आफूलाई पनि उनीहरूको विवाह हुने विश्वास रहेको तर अचानक सम्बन्ध टुटेको उनको भनाइ छ।

त्यही ‘जानवर’ अक्षयको करिअरको टर्निङ पोइन्टसमेत बन्यो। लगातार फ्लपपछि संघर्ष गरिरहेका अक्षयलाई फिल्मको सफलताले स्टारडमको नयाँ उचाइमा पुर्‍यायो। तर, शिल्पासँगको प्रेम भने टिक्न सकेन। केही समयपछि अक्षयले ट्विन्कल खन्नासँग विवाह गरे।

The Celebrity Times

Films Santosh

08/09/2026

08/09/2026

08/09/2026

08/09/2026

08/09/2026

08/09/2026

08/09/2026

08/09/2026

07/09/2026

07/09/2026

Address

Telephone

Website

Alerts

Contact The Business

Shortcuts

Share

Listing takedown request