Sherpa Media Group Nepal

16/07/2026

सार्वजनिक सूचना ।
ऐतिहासिक बौद्ध महांकाल जात्रा–२०८३
सहयोग संकलन केन्द्र सञ्चालन सम्बन्धी सूचना
ऐतिहासिक बौद्ध महांकाल जात्रा–२०८३ को सफल तथा भव्य आयोजनाका लागि सहयोग संकलन केन्द्र सञ्चालन गरिएको जानकारी सम्पूर्ण श्रद्धालु स्थानीय बासिन्दा शुभेच्छुक तथा दातृ महानुभावहरूमा हार्दिक अनुरोध गरिन्छ । स्थान: बौद्ध महांकाल चौर मन्दिर प्राङ्गण मिति: २०८३ श्रावण १६ गतेदेखि जात्राको संरक्षण प्रवर्द्धन तथा सफल आयोजनाका लागि आफ्नो इच्छाअनुसार आर्थिक वा अन्य सहयोग प्रदान गरी पुण्य कार्यमा सहभागी हुन हार्दिक अनुरोध गर्दछौं । आयोजक बौद्ध महांकाल जात्रा मूल समारोह समिति काठमाडौ ।

25/06/2026

शेर्पा सञ्चार समूह नेपालको सम्पन्न बैठकबाट संस्थाका केन्द्रिय कोषाध्यक्ष दावा जाङबु शेर्पालाई सर्वसम्मत रूपमा कार्यवाहक अध्यक्ष पदमा चयन गरिएकोमा हार्दिक बधाई तथा सफल कार्यकालको शुभकामना व्यक्त गर्दछौं । उहाँको नेतृत्व अनुभव जिम्मेवारीबोध र संस्थाप्रतिको समर्पणले शेर्पा सञ्चार समूह नेपाललाई अझ सशक्त व्यवस्थित र प्रभावकारी बनाउने विश्वास लिएका छौं । सञ्चार भाष संस्कृति तथा समुदायको हितमा उहाँको कार्यकाल उपलब्धिमूलक रहोस् भन्ने कामना गर्दछौं । नवनियुक्त कार्यवाहक अध्यक्षज्यूलाई पुनः हार्दिक बधाई तथा सफल कार्यसम्पादनको शुभकामना । शेर्पा सञ्चार समूह नेपाल केन्द्रिय कार्यलय नाराणटार काठमाडौं ।

21/05/2026

हार्दिक बधाई तथा शुभकामना।
शेर्पा संघ अमेरिकाका संरक्षक आदरणीय श्री डोल्मा शेर्पा ज्युले अमेरिकाको प्रतिष्ठित New York Law School बाट कानुन विषयमा जुरिस डाक्टर (Juris Doctor – JD) उपाधि सफलतापूर्वक हासिल गर्नुभएको सुखद एवं गौरवपूर्ण समाचारले सम्पूर्ण नेपाली समुदायलाई अत्यन्त हर्षित तथा गौरवान्वित बनाएको छ। उहाँको यो उल्लेखनीय शैक्षिक उपलब्धि केवल व्यक्तिगत सफलता मात्र नभई विश्वभर रहेका नेपाली तथा शेर्पा समुदायका लागि प्रेरणादायी उदाहरणका रूपमा स्थापित भएको छ। न्याय, मानवअधिकार, समानता तथा सामाजिक उत्तरदायित्वप्रति समर्पित कानुनी चेतनाले समाजका उत्पीडित, आवाजविहीन तथा न्यायको खोजीमा रहेका नागरिकहरूको पक्षमा महत्वपूर्ण योगदान पुर्‍याउनेछ भन्ने दृढ विश्वास व्यक्त गर्दछौँ।शिक्षा, संघर्ष र समर्पणको माध्यमबाट अन्तर्राष्ट्रिय स्तरमा नेपाली पहिचानलाई सम्मानित बनाउँदै प्राप्त गर्नुभएको यस ऐतिहासिक उपलब्धिका लागि हार्दिक बधाई ज्ञापन गर्दै आगामी दिनहरू अझ प्रगतिशील, सफल तथा समाजसेवामुखी रहून् भन्ने शुभकामना व्यक्त गर्दछौँ।

शेर्पा सञ्चार समूह नेपाल
केन्द्रीय कार्यालय, काठमाडौं।

17/05/2026

हार्दिक बधाई तथा सम्मान ।।।
सोलुखुम्बु जिल्लाको खुम्बु पासाङल्हामु गाउँपालिका अन्तर्गत थामे गाउँका विश्वप्रख्यात आरोही कामिरिता शेर्पा ले ३२औं पटक सफलतापूर्वक सगरमाथा आरोहण गरी विश्वसामु नेपाल र नेपालीको गौरवलाई अझ उच्च बनाउनु भएकोमा हार्दिक बधाई तथा उच्च सम्मान व्यक्त गर्दछौं । उहाँको अदम्य साहस, निरन्तर समर्पण र विश्व कीर्तिमानी यात्राले सम्पूर्ण नेपाली समुदायलाई प्रेरणा प्रदान गरेको छ । आगामी दिनहरूमा पनि उहाँको यात्रा अझ सफल, सुरक्षित र गौरवमय रहोस् भन्ने शुभकामना व्यक्त गर्दछौं ।
— शेर्पा सञ्चार समूह नेपाल
केन्द्रीय कार्यसमिति काठमाडौ ।।

29/04/2026

पासाङ टी शेर्पाको निधन, नेपाली चलचित्र क्षेत्र शोकमा
काठमाडौं — नेपाली चलचित्र तथा हास्य कला क्षेत्रमा महत्वपूर्ण योगदान पुर्‍याएका वरिष्ठ कला निर्देशक तथा कलाकार पासाङ टी शेर्पाको असामयिक निधन भएको छ। उहाँको निधनको खबरले परिवार, आफन्त तथा सम्पूर्ण कला क्षेत्र स्तब्ध र मर्माहत बनेको छ।
केही दिनअघि मुटुसम्बन्धी समस्याका कारण अस्पतालमा उपचार गराई डिस्चार्ज भएपछि उहाँ घरमै स्वास्थ्य लाभ लिइरहनुभएको थियो। तर स्वास्थ्यमा थप समस्या देखिएपछि उहाँलाई चाबहिलस्थित हेल्पिङ ह्याण्ड्स सामुदायिक अस्पतालमा भर्ना गरिएको थियो। त्यहाँ आईसीयुमा राखेर उपचार भइरहेको अवस्थामा उहाँको निधन भएको जनाइएको छ।
पासाङ टी शेर्पा नेपाली चलचित्र क्षेत्रमा कला निर्देशक तथा हास्य कलाकारको रूपमा परिचित हुनुहुन्थ्यो। उहाँको सिर्जनात्मक काम, हँसिलो स्वभाव र सहकार्यप्रतिको समर्पणले धेरै दर्शक तथा सहकर्मीको मन जितेको थियो। उहाँले आफ्नो कलामार्फत दर्शकलाई हँसाउने र मनोरञ्जन दिने महत्वपूर्ण भूमिका निर्वाह गर्नुभएको थियो।
उहाँको निधनसँगै नेपाली कला क्षेत्रमा ठूलो क्षति पुगेको छ। परिवारजनका अनुसार उहाँको मायालु व्यवहार र साथले परिवारमा गहिरो खालीपन छोडेको छ।
उहाँसँग बिताएका क्षणहरू, विचार र योगदान सधैं स्मरणीय रहनेछन्। दिवंगत आत्माको चिरशान्तिको कामना गर्दै शोकसन्तप्त परिवारजनप्रति समवेदना व्यक्त गरिएको छ।

20/04/2026

नेपाल आदिवासी जनजाति महासंघ अमेरिकाको दशौँ राष्ट्रिय महाधिवेशनबाट अध्यक्षमा पासाङ दोर्जी शेर्पा निर्वाचित हुनुभएको छ । शेर्पाको अध्यक्षतामा नवनिर्वाचित सम्पूर्ण कार्यसमितिका पदाधिकारीहरूलाई हार्दिक बधाई तथा सफल कार्यकालको हार्दिक शुभकामना ।

शेर्पा संचार समूह नेपाल केन्द्रीय कार्यसमिति, काठमाडौँ ।

20/04/2026

https://sherpasanchar.com.np/news/14991

विश्व शेर्पा संघको अध्यक्ष श्री थेण्डुप शेर्पाको अध्यक्षतामा सम्पन्न बैठकले विभिन्न महत्वपूर्ण निर्णयहरू सार.....

12/04/2026

शेर्पा समुदायका महान् विद्वान् खेन्पो साङ्गे तेन्जीन रिन्पोछेको कृति विमोचनhttps://sherpasanchar.com.np/news/14984

सोलुदुधकुण्ड नगरपालिका वडा नं. २ मा अवस्थित ङग्युर सेर्गोन लुङ रिग शेडुप लिङ (सेर्लो गोन्पा) को आयोजनामा काठमाडौं....

10/04/2026

शेर्पा मातृभाषाकाे पत्रिका ‘ज्योमोलाङ्मा’ लोकार्पण

शेर्पा मातृभाषामा सरकारी निकायबाट पहिलो पटक प्रकाशित पत्रिका ‘ज्योमोलाङ्मा’ को लोकार्पण गरिएको छ। नेपाल प्रज्ञा–प्रतिष्ठानको मातृभाषा साहित्य विभागद्वारा आयोजित ‘मातृभाषा साहित्य सिर्जना तथा विमर्श’ कार्यक्रमका अवसरमा उक्त पत्रिका सार्वजनिक गरिएको हो।

कार्यक्रममा नेपाल प्रज्ञा–प्रतिष्ठानका कुलपति भूपाल राई, सदस्य सचिव डा. धनप्रसाद सुवेदी, मातृभाषा साहित्य विभागका प्रमुख राजन मुकारुङ, नेपाल शेर्पा संघका अध्यक्ष लाक्पा ठिन्ले शेर्पा, उपाध्यक्ष दावा शेर्पा तथा संघका सचिव एवं ‘ज्योमोलाङ्मा’ का कार्यकारी सम्पादक दावा शेर्पा (डीएन) लगायतले संयुक्त रूपमा पत्रिकाको लोकार्पण गर्नुभएको थियो।

सरकारी तहबाट शेर्पा मातृभाषामा पहिलो पटक पत्रिका प्रकाशन हुनु समुदायका लागि ऐतिहासिक उपलब्धिका रूपमा लिइएको छ। कार्यक्रममा वक्ताहरूले मातृभाषाको संरक्षण, प्रवर्द्धन र पुस्तान्तरण आजको प्रमुख आवश्यकता भएकोमा जोड दिनुभएकाे थियोे ।

उहाँहरूले मातृभाषामा सृजना हुने साहित्यले समुदायको पहिचान, इतिहास र संस्कृतिको संरक्षणमा महत्वपूर्ण भूमिका खेल्ने धारणा व्यक्त गर्दै यस्ता पहलहरूले बहुभाषिक समाजमा सहअस्तित्व, सम्मान र समावेशी साहित्यिक वातावरण निर्माणमा टेवा पुग्ने विश्वास व्यक्त गर्नुभएकाे थियोे ।

09/04/2026

हार्दिक निमन्त्रणा ।

नेपाल प्रज्ञा-प्रतिष्ठानबाट प्रकाशन भएको शेर्पा मातृभाषाको पहिलो पत्रिका "ज्योमोलाङमा" को लोकार्पण भाेलि शुक्रबार नेपाल प्रज्ञा प्रतिष्ठानकाे देवकोटा हलमा हुनगईरहेको छ । उपस्थितिका लागि हार्दिक अनुराेध गर्दछौं ।