Shikhar Khabar, Chabel-7, Ganeshthan, Kathmandu (2026)

09/06/2026

प्रतिनिधि सभा बैठक, २०८३ जेठ १२ गते, मंगलबार

06/06/2026

काठमाडौंमा घरायसी विवादले लियो दुःखद मोड, श्रीमतीको हत्या आरोपमा ४२ वर्षीय “नेपाली ब्रो” भनिने कुमार थापा पक्राउ !!

काठमाडौंको तारकेश्वर नगरपालिका–०६ लोलाङ पैँयुटारमा घरायसी विवादका क्रममा एक महिलाको मृत्यु भएको छ। प्रहरीले दिएको जानकारी अनुसार सोही स्थानका ४२ वर्षीय कुमार थापा, जो “नेपाली ब्रो” नामले परिचित छन्, ले आफ्नी ४२ वर्षीया श्रीमती ईश्वरी भुजेलमाथि फलामको रड प्रहार गरेका थिए।

शुक्रबार राति करिब १०:१० बजे भएको उक्त घटनामा गम्भीर घाइते भएकी भुजेललाई तत्काल उपचारका लागि त्रिभुवन विश्वविद्यालय शिक्षण अस्पताल लगिएको थियो। उपचारकै क्रममा उनको मृत्यु भएको प्रहरीले जनाएको छ।

घटनापछि प्रहरीले कुमार थापालाई नियन्त्रणमा लिई प्रहरी वृत्त बालाजु मा राखेको छ। घटनाको कारण र अन्य विवरणबारे थप अनुसन्धान भइरहेको प्रहरीले जनाएको छ।

यस घटनाले पुनः घरायसी हिंसाको गम्भीर पक्षलाई उजागर गरेको छ। पारिवारिक विवादलाई हिंसात्मक रूप दिनु कानुनी तथा मानवीय दुवै दृष्टिले गम्भीर अपराध भएकाले यस्ता घटनाको न्यूनीकरणका लागि समाज, परिवार र सम्बन्धित निकायको सक्रिय भूमिका आवश्यक देखिन्छ।

05/06/2026

कसैका लागि त्यो मोबाइल केवल एउटा उपकरण थिएन, त्यो त विदेशमा पसिना बगाइरहेका मामाले मलेशियाबाट पठाएको मायाको चिनो थियो। कसैले ऋण खोजेर, ब्याज तिर्दै किनेको थियो भने कसैले बिहानदेखि बेलुकासम्म मकै पोलेर, मजदुरी गरेर वा सानो व्यापार गरेर आफ्नो छोराछोरीको अनुहारमा खुसी देख्नका लागि किनिदिएको थियो। ती मोबाइलमा आमाबुवाको सपना थियो, परिवारको संघर्ष थियो र बालबालिकाको भविष्यप्रतिको आशा थियो।

SEE परीक्षा दिन पुगेका ती कलिला विद्यार्थीहरूले गल्ती गरे होलान्, नियम उल्लंघन गरे होलान्। तर उनीहरू अपराधी थिएनन्। गल्ती गर्ने उमेरमा रहेका ती बालबालिकालाई सिकाउने, सम्झाउने र सुधारको अवसर दिने जिम्मेवारी पनि समाजकै हो। एक क्षणको भूलका कारण उनीहरूका परिवारले वर्षौंको मेहनतबाट जुटाएको सम्पत्ति यसरी नष्ट गरिनु धेरै अभिभावकका लागि पीडादायी विषय बनेको छ।

सिरहामा जफत गरिएका ७ वटा iPhone, ४८९ वटा Android फोन र ५ वटा स्मार्ट घडी पानीमा डुबाएर नष्ट गरिएको दृश्यले धेरै मानिसको मन छोएको छ। विशेष गरी वाटरप्रुफ फोनहरूलाई समेत फुटाएर पानीमा फालिएको खबरले धेरै प्रश्नहरू उठाएको छ। अनुमानित एक करोड रुपैयाँभन्दा बढी मूल्यका ती सामग्री नष्ट हुँदा कतिपयले यसलाई कानुन कार्यान्वयनभन्दा पनि अत्यधिक कठोर कदमका रूपमा हेरेका छन्।

यदि उद्देश्य विद्यार्थीलाई अनुशासन सिकाउनु नै थियो भने जरिवाना, चेतावनी वा पुनः यस्तो गल्ती नगर्ने प्रतिबद्धतासहित सामान फिर्ता गर्ने विकल्प पनि हुन सक्थ्यो भन्ने धेरैको धारणा छ। किनकि एउटा मोबाइल फुट्दा केवल एउटा उपकरण नष्ट हुँदैन, त्यससँग जोडिएको परिवारको संघर्ष, आमाबुवाको मिहिनेत र बालबालिकाको खुसी पनि चकनाचुर हुन्छ। आखिर गल्ती सुधार्ने अवसर दिनु ठूलो कुरा हो कि संघर्षको मूल्य नै नष्ट गरिदिनु?

04/06/2026

टिकटकर तुलसी अधिकारीलाई आज थुनछेक बहसका लागि अदालत लगिँदै

काठमाडौं । सामाजिक सञ्जाल टिकटकमार्फत परिचित टिकटकर तुलसी अधिकारी (तुलसा कलेक्सन) लाई थुनछेक बहसको सुनुवाइका लागि आज जिल्ला अदालत ललितपुर लगिने भएको छ।

अधिकारीविरुद्ध दर्ता गरिएको मुद्दामा अदालतले थुनामा राखेर अनुसन्धान गर्ने वा धरौटी तथा तारेखमा रिहा गर्ने भन्ने विषयमा आज थुनछेक बहस हुने जनाइएको छ।

बहसपछि अदालतले उनको हकमा आवश्यक आदेश जारी गर्नेछ। यस घटनालाई लिएर सामाजिक सञ्जालमा पनि व्यापक चर्चा भइरहेको छ।

31/05/2026

प्रतिनिधि सभा बैठक, २०८३ जेठ १७ गते, आइतबार

27/05/2026

प्रतिनिधि सभा बैठक, २०८३ जेठ १३ गते, बुधबार, विहान ११ : ०० बजे

24/05/2026

भ्याट नतिर्ने टिकटकको अडान, सरकार फेरि पत्राचारको तयारीमा, प्रतिबन्ध फुकुवापछि पनि टिकटकमाथि कर छलिको आरोप

काठमाडौँ– छोटो भिडियो साझेदारी मञ्च टिकटकले नेपाल सरकारलाई तिर्नुपर्ने मूल्य अभिवृद्धि कर (भ्याट) तिर्न आनाकानी गरिरहेको पाइएको छ। नेपालबाट करोडौं रुपैयाँ आम्दानी गर्दै आएको टिकटकले चालु आर्थिक वर्षको फागुनमै तिरिसक्नुपर्ने कर हालसम्म नतिरेको ठूला करदाता कार्यालयले जनाएको छ।

ठूला करदाता कार्यालयका प्रमुख प्रशासक केदारनाथ शर्माका अनुसार टिकटकलाई पटकपटक पत्राचार तथा प्रतिनिधि बोलाएर कर तिर्न ताकेता गरिए पनि कम्पनीले विभिन्न बहाना बनाउँदै भुक्तानी गर्न नमानेको हो। उनका अनुसार यसअघि लगातार दुई आर्थिक वर्षमा टिकटकले करिब ३६ लाख रुपैयाँ भ्याट तिरेको थियो। तर चालु आर्थिक वर्ष ०८२/०८३ मा भने कुनै पनि भुक्तानी गरेको देखिएको छैन।

महालेखा परीक्षकको ६३औँ वार्षिक प्रतिवेदनले समेत टिकटकसहित केही विद्युतीय सेवा प्रदायक कम्पनीहरूले तिर्नुपर्नेभन्दा कम कर तिरेको उल्लेख गर्दै असुलउपर गर्न सरकारलाई सुझाव दिएको छ।

कर तिर्न आनाकानी गरेपछि ठूला करदाता कार्यालयले टिकटकलाई लिखित रूपमा कारण खुलाउन निर्देशन दिएको थियो। त्यसपछि संयुक्त अरब इमिरेट्सस्थित टिकटकको क्षेत्रीय कार्यालयले शुक्रबार पत्र पठाउँदै आफूहरूले छुट्टै भ्याट तिर्नुनपर्ने दाबी गरेको छ।

पत्रमा टिकटकले एप्पलको एपस्टोर र गुगलको प्लेस्टोरमार्फत हुने कारोबारमा तिर्ने भ्याटमै आफ्नो कर समावेश हुने भएकाले नेपाल सरकारलाई अलग्गै कर तिर्न आवश्यक नभएको उल्लेख गरेको छ। कम्पनीले एप्पल र गुगलसँग भएको सम्झौताअनुसार उतै कर तिर्ने व्यवस्था रहेको जनाएको छ।

तर अर्थ मन्त्रालयका अधिकारीहरूले भने फरक कम्पनीले तिरेको करमा टिकटकको दायित्व स्वतः समावेश भएको मान्न नसकिने बताएका छन्। मन्त्रालयका एक सहसचिवका अनुसार टिकटक र अन्य कम्पनीबीच भएको सम्झौता नेपाल सरकारका लागि बाध्यकारी नहुने स्पष्ट पारेका छन्।

प्रमुख प्रशासक शर्माले टिकटकको दाबीबारे अहिले अध्ययन भइरहेको जानकारी दिए। यदि अध्ययनपछि कर तिर्नुनपर्ने देखिए त्यसअनुसार निर्णय गरिने, तर तिर्नुपर्ने निष्कर्ष आए फेरि पत्राचार गरेर कर असुली प्रक्रिया अघि बढाइने उनले बताए।

तीन वर्षअघि सामाजिक सद्भाव खलल पारेको आरोपमा नेपाल सरकारले टिकटकमाथि प्रतिबन्ध लगाएको थियो। करिब १० महिनापछि ०८१ भदौमा टिकटकले नेपालको कानुन पालना गर्ने प्रतिबद्धता जनाएपछि ससर्त प्रतिबन्ध फुकुवा गरिएको थियो। त्यसपछि टिकटक सञ्चार तथा सूचना प्रविधि मन्त्रालयको सामाजिक सञ्जाल व्यवस्थापन इकाइमा सूचीकृत समेत भएको थियो।

24/05/2026

Harka Craze: धरानमा Harka Sampang को शालिक देख्दा समेत भावुक बनेका एक जना Harka समर्थक !

22/05/2026

काठमाडौँमा उवर (Uber) को परीक्षण सेवा सुरु, चालक दर्ताका लागि पनि आवेदन खुला

विश्वव्यापी रूपमा प्रयोग हुँदै आएको राइड सेवा प्रदायक कम्पनी उवर (Uber) ले काठमाडौँ उपत्यकामा आफ्नो सेवा परीक्षणका रूपमा सुरु गरेको छ। यात्रुले अब उवर एपमार्फत काठमाडौँ उपत्यकाभित्र मोटरसाइकल तथा ट्याक्सी/कार सेवा बुक गर्न सक्ने भएका छन्। उवर ले बुधबारदेखि काठमाडौँ उपत्यकामा “टेस्ट लन्च” सुरु गरेको हो।

कम्पनीले नेपालमा सेवा सञ्चालनका लागि स्थानीय राइड–हेलिङ सेवा प्रदायक ‘ट्याक्सीमान्डु’सँग रणनीतिक साझेदारी गरेको बताइएको छ।

हाल सेवा परीक्षण चरणमा रहेकाले सबै स्थान, सबै समय वा सबै प्रकारका सवारी साधन तत्काल उपलब्ध नहुन सक्छन्। तर प्रयोगकर्ताले उवर एप डाउनलोड गरेर आफ्नो मोबाइल नम्बरमार्फत खाता खोली उपलब्ध सवारी खोज्न सक्नेछन्।

उवरको औपचारिक सुरुआत २०२६ जुन १ मा गर्ने तयारी छ। करिब १ हजार चालक उवर एप प्लेटफर्ममा आबद्ध भइसकेको छन्। तर सरकारी अधिकारीहरूले उवर को नाममा नेपालमा विदेशी लगानी वा कम्पनी दर्तासम्बन्धी औपचारिक आवेदन नआएको पनि बताएका छन्।

यससँगै काठमाडौँको राइड–शेयरिङ बजारमा Pathao, inDrive, Yango लगायतका प्लेटफर्मसँग उवरको प्रतिस्पर्धा बढ्ने देखिएको छ। उवर को प्रवेशले यात्रुलाई थप विकल्प दिने अपेक्षा गरिएको छ। विशेषगरी विदेशमा उवर प्रयोग गरिरहेका पर्यटक तथा नेपाली प्रयोगकर्ताका लागि एउटै एपबाट काठमाडौँमा पनि राइड बुक गर्न सहज हुने देखिन्छ।

चालकले Uber मा कसरी दर्ता गर्ने?
उवरमा चालक पार्टनरका रूपमा जोडिन चाहने मोटरसाइकल, ट्याक्सी वा कार चालकले उवर ड्राईभर एप डाउनलोड गरेर दर्ता प्रक्रिया सुरु गर्न सक्नेछन्। ट्याक्सीमान्डु’को वेबसाइटमा उवर नेटवर्कमा जोडिन चाहने चालकका लागि नाम, WhatsApp नम्बर, सवारी नम्बर र अन्य विवरण पठाउने व्यवस्था गरिएको छ। दर्तापछि बिलबुकका आवश्यक पृष्ठ, सवारी स्वामित्व पृष्ठ र सवारी नम्बर देखिने पृष्ठ WhatsApp मार्फत पठाउनुपर्ने उल्लेख गरिएको छ। चालक सहयोगका लागि +977 9700004408 नम्बर पनि उल्लेख छ।

UberNepal.co नामको चालक दर्ता पेजमा पनि “Technology Testing Phase – Kathmandu” भनेर उल्लेख गरिएको छ। उक्त पेजमार्फत चालकले आफ्नो पूरा नाम, WhatsApp नम्बर, सवारी नम्बर र सवारी प्रकार — बाइक वा ट्याक्सी — भरेर WhatsApp मार्फत activation request पठाउन सक्ने व्यवस्था देखिन्छ।

तर चालकहरूले आफ्नो नागरिकता, सवारी कागजात, लाइसेन्स वा बिलबुक पठाउँदा विशेष सावधानी अपनाउन आवश्यक छ। सेवा अझै परीक्षण चरणमा रहेको र सरकारी दर्ता/लगानी प्रक्रियाबारे थप स्पष्टता आउन बाँकी रहेको रिपोर्ट आएका कारण आधिकारिक एप, पुष्टि भएको साझेदार र विश्वसनीय सम्पर्क माध्यमबाट मात्र प्रक्रिया अघि बढाउनु उपयुक्त हुन्छ।

यात्रुले कसरी सेवा लिन सक्छन्?
यात्रुले Uber App डाउनलोड गरेर आफ्नो मोबाइल नम्बरबाट खाता बनाउन सक्छन्। त्यसपछि एपमा गन्तव्य राखेर उपलब्ध सवारी हेर्न र राइड बुक गर्न सकिन्छ। हाल सेवा काठमाडौँ उपत्यकाभित्र परीक्षणका रूपमा उपलब्ध भएकाले सबै क्षेत्रमा सेवा उपलब्ध नहुन सक्छ।

22/05/2026

काठमाडौबाट जनकपुर पुगिन उपसभामुख रुवि रुमारी ठाकुर । स्थानीयले गरे स्वागत ।

Shikhar Khabar

09/06/2026

06/06/2026

05/06/2026

04/06/2026

31/05/2026

27/05/2026

24/05/2026

24/05/2026

22/05/2026

22/05/2026

Address

Website

Alerts

Shortcuts

Share

Category