22/06/2026
जीवन विज्ञान प्रतिष्ठान र अन्नपूर्ण न्युरो अस्पतालको संयुक्त आयोजनामा २०८३ असार ५ गते 'Medication based Treatment to Preventive + Promotive Wellness' विषयक आरोग्य संवाद सम्पन्न भएको छ ।
गुरुदेवद्वयका मुख्य सन्देशहरू
श्रद्धेय रमेश गुरुदेव
– जीवनको आधार चेतना, चेतनाको प्रयोग गर्ने कला ध्यान र ध्यानलाई प्रयोग गर्ने कला आरोग्य हो ।
– चेतनाको जागरणका लागि सबैले ध्यान गर्नु आवश्यक छ ।
– सचेतना पूर्वको जीवन बाँच्न अभ्यास गर्नु नै आरोग्यको अभ्यास हो ।
श्रद्धेय भानु गुरुदेव
– औषधिले मानिसको जीवन बचाउँछ, आरोग्यले जीवन परिवर्तन गर्दछ ।
– आरोग्य नेपालको मौलिक विज्ञान हो यसलाई संसारभर पुर्याउनु पर्दछ ।
– मानिसले चिकित्सकलाई भगवान् मान्दछन्, ती भगवानरूपी चिकित्सकहरूलाई एकसाथ जीवन विज्ञानमा स्वागत गर्न पाउनु खुसीको क्षण हो ।
कार्यक्रमको विशेषता
– श्रद्धेय भानु गुरुदेव र वरिष्ठ न्युरोसर्जन प्रा.डा. बसन्त पन्तबिच प्रा. डा., दीपक रेग्मीद्वारा प्यानल मन्थन ।
– श्रद्धेय रमेश गुरुदेवले स्वजागरण ध्यानको अभ्यास ।
– प्रा.डा जे.पी अग्रवाल, प्रा.डा. सुनिल कुमार जोशी, डा. विजया पन्त, डा. रविन बस्नेतलगायत विभिन्न स्वास्थ्य संस्थाका सञ्चालक, प्राध्यापक, सर्जन, चिकित्सक, नर्स तथा आरोग्यकर्मीहरूको उल्लेखनीय सहभागिता ।
– औषधिले रोग घटाउँछ, तर आरोग्यमय जीवनशैलीले रोग लाग्न नदिने वातावरण बनाउनेमा सबैको जोड ।
सहभागी तथा विज्ञहरूको सुझाव —
– स्वास्थ्यको उद्देश्य अब रोगको उपचारमा मात्र सीमित नभई रोग लाग्न नदिने जीवनशैली, चेतना र संस्कृतिको विकासतर्फ केन्द्रित हुनु पर्ने ।
– अस्पतालहरू केवल रोग उपचारका केन्द्र नभई आरोग्य निर्माणका केन्द्र बन्नु पर्ने ।
– चिकित्सकहरू उपचारकर्तासँगै आरोग्य अभियन्ताका रूपमा विकास हुनु पर्ने ।
– योग, ध्यान, मानसिक स्वास्थ्य, पोषण, जीवनशैली व्यवस्थापन र निवारणमुखी स्वास्थ्य सेवाहरूलाई स्वास्थ्य प्रणालीको अभिन्न अङ्ग बनाउनु पर्ने ।
– नेपाल आरोग्य वर्ष २०२७ लाई स्वस्थ, सचेत, सुखी र समृद्ध नेपालको राष्ट्रिय अभियानका रूपमा अघि बढाउने प्रतिबद्धता ।
