24/12/2025
त्रिभुवन विश्वविद्यालयको दिक्षान्त समारोहसम्बन्धि भ्रम र यथार्थ
१) यसपटक फाराम भर्न छुट्यो, अब अर्को पटक फाराम भरेर सहभागी हुन पाइन्छ कि पाइँदैन?
→ हाल प्रचलित नियमअनुसार पाइँदैन।
२) अर्को वर्ष दीक्षान्त समारोहका लागि फाराम कहिले खुल्छ?
→ सामान्यतया साउन–भदौ महिनामा अनलाइन फाराम खुल्ने गर्दछ।
३) कति प्रतिशत ल्याएर उत्तीर्ण भएको हुनुपर्छ?
→ न्यूनतम ‘जस्ट पास’ भएको भए पनि सहभागी हुन सकिन्छ।
४) मार्कसिटमा स्टार लागेको वा ब्याक लागेर पछि पास भएको भए सहभागी हुन मिल्छ कि मिल्दैन?
→ मिल्छ।
५) कुन–कुन तह (लेभल) उत्तीर्ण भएकाहरू सहभागी हुन सक्छन्?
→ स्नातक (Bachelor’s), स्नातकोत्तर (Master’s), एम.फिल (M.Phil) तथा पीएच.डी. (PhD) तह उत्तीर्ण भएकाहरू सहभागी हुन सक्छन्।
६) दीक्षान्त समारोहमा सहभागी नभए पनि ओरिजिनल प्रमाणपत्र बनाउन मिल्छ कि मिल्दैन?
→ मिल्छ। यसका लागि त्रिभुवन विश्वविद्यालयको कार्यालय, बल्खुमा गएर आवश्यक प्रक्रिया पूरा गरी निवेदन दिनुपर्छ।
७) कहिले पासआउट भएकाले कहिलेसम्म फाराम भर्न मिल्छ?
→ दीक्षान्त समारोहमा सहभागी हुन पासआउट मितिभन्दा पनि ट्रान्सक्रिप्ट बनाएको मिति निर्णायक हुन्छ। उदाहरणका लागि, यदि तपाईँ २०८३ सालको दीक्षान्त समारोहमा सहभागी हुन चाहनुहुन्छ भने, २०८२ असार १ देखि २०८३ जेठ ३१ भित्र उत्तीर्ण भई ट्रान्सक्रिप्ट तयार गरिसकेको हुनुपर्छ।
तपाईँहरूका अन्य कुनै जिज्ञासा छन्?
fans
