13/04/2026
पत्रकार महासंघको केन्द्रीय सदस्य बिकास बन्जाडेले महिला सदस्यको संबेदनसिल अंग छोएपछि निलम्बन !
नेपाल पत्रकार महासंघले केन्द्रीय सदस्य विकास बन्जाडेलाई निलम्बन गरेको छ । हेटौंडाको बैठकका क्रममा महिला केन्द्रीय सदस्यलाई दुर्व्यवहार गरेपछि उनलाई रातारात जिल्ला फर्काएर कपिलवस्तु नपुग्दै बाटैमा निलम्बन गरिएको महासंघले जनाएको छ ।
सचिव रमेश खतिवडाले जारी गरेको विज्ञप्तिमा नैतिक आचरणसम्बन्धी गम्भीर प्रश्न उठेकाले केन्द्रीय समितिको हिजोको बैठकले बन्जाडेलाई निलम्बन गरेको उल्लेख छ । हेटौंडामा आयोजित महासंघको पूर्ण बैठक चल्दाचल्दै शुक्रबार रातिको खानपिन कार्यक्रमपछि बन्जाडेले एक जना महिला सदस्यको संवेदनशील अंग छोएको आरोप लागेको थियो ।
उनीमाथि पत्रकारको आवरणमा विभिन्न गतिविधिमा संलग्न हुने गरेको आरोप लाग्दै आएको थियो । गृहजिल्ला कपिलवस्तुमा समेत पत्रकारिताको क्रममा विवादित कार्यमा संलग्न भएका घटनाहरु यसअघि सार्वजनिक भएका थिए ।
