Nepal Aaja

Call Directions Website Contact the business

Nepal Aaja Where facts meet courage. Nepal Aaja – journalism with purpose.

भोटेकोशी नदीमा आएको बाढीले क्षति पुर्‍याएका १८ वटा झोलुङ्गे पुल मर्मत गरी पुनः सञ्चालनमा ल्याइएको छ। पूर्वाधार विकास मन्...
16/10/2026

भोटेकोशी नदीमा आएको बाढीले क्षति पुर्‍याएका १८ वटा झोलुङ्गे पुल मर्मत गरी पुनः सञ्चालनमा ल्याइएको छ। पूर्वाधार विकास मन्त्रालयले त्रिशूली करिडोर अन्तर्गतका ११ वटा ठूलो क्षति र ७ वटा सामान्य क्षति पुगेका पुलहरूको मर्मत सम्पन्न गरेको हो। पुलहरू सञ्चालनमा आएसँगै बाढीबाट प्रभावित नुवाकोट, धादिङ, गोरखा र चितवनलगायत जिल्लाका नागरिकलाई आवतजावतमा सहज हुनुका साथै प्रभावित क्षेत्रको जनजीवन सामान्य अवस्थामा फर्कन सहयोग पुगेको छ।

नेपाल प्रिमियर लिग (एनपीएल)को तेस्रो संस्करणले अन्तर्राष्ट्रिय क्रिकेट परिषद (आईसीसी)बाट आधिकारिक मान्यता पाएको छ। नेपाल...
16/10/2026

नेपाल प्रिमियर लिग (एनपीएल)को तेस्रो संस्करणले अन्तर्राष्ट्रिय क्रिकेट परिषद (आईसीसी)बाट आधिकारिक मान्यता पाएको छ। नेपाल क्रिकेट संघ (क्यान)का सचिव पारस खड्काले यसबारे जानकारी दिँदै सहयोग र विश्वासका लागि आईसीसीलाई धन्यवाद व्यक्त गर्नुभएको छ। वर्षौँदेखिको अथक प्रयास, विश्वास र समर्पणको प्रतिफलस्वरूप नेपाल क्रिकेट जगतमा फर्कन सफल भएको र क्षमताभन्दा माथि उठेर नयाँ इतिहास रच्न तयार रहेको उहाँले बताउनुभएको छ। एनपीएलको तेस्रो संस्करण आगामी अक्टोबर २६ देखि नोभेम्बर २१ सम्म सञ्चालन हुनेछ।

हास्यकलाकार हिमेश पन्तले पत्रकार किशोर श्रेष्ठले अर्कैको जग्गा विवादको मुद्दालाई आफ्नो परिवारको मुद्दा भनी भ्रम फैलाएको ...
16/10/2026

हास्यकलाकार हिमेश पन्तले पत्रकार किशोर श्रेष्ठले अर्कैको जग्गा विवादको मुद्दालाई आफ्नो परिवारको मुद्दा भनी भ्रम फैलाएको आरोप लगाउनुभएको छ। बुवा लोकनाथ पन्त र आफ्नो नाम नजोडिएको 'तिलक बिडारी' र 'सेते पन्त' बीचको मुद्दालाई गलत तरिकाले प्रस्तुत गरी चरित्रहत्या गर्न खोजिएको भन्दै उहाँले उजुरी दर्ता गराउनुभएको जानकारी दिनुभएको छ।

विज्ञान, प्रविधि तथा नवप्रवर्तनमन्त्री महावीर पुनले नदी कटान, बाढी र पहिरोको उच्च जोखिममा रहेको म्याग्दीको सदरमुकाम बेनी...
16/10/2026

विज्ञान, प्रविधि तथा नवप्रवर्तनमन्त्री महावीर पुनले नदी कटान, बाढी र पहिरोको उच्च जोखिममा रहेको म्याग्दीको सदरमुकाम बेनी बजारलाई सुरक्षित र उपयुक्त ठाउँमा स्थानान्तरण गर्न प्रस्ताव गर्नुभएको छ। जिल्ला प्रशासन कार्यालय म्याग्दीमा जनप्रतिनिधि तथा कार्यालय प्रमुखहरूसँगको छलफलमा म्याग्दीबाट निर्वाचित सांसदसमेत रहनुभएका मन्त्री पुनले प्राकृतिक विपद्को स्थायी रोकथाम कठिन हुने भएकाले विकल्प सोच्नुपर्ने धारणा राख्नुभयो। सो क्रममा बेनी नगरपालिकाका प्रमुख सुरत केसीले तत्काल संरक्षण र तटबन्धका लागि बजेट माग गर्नुभएको थियो भने मन्त्री पुनले राष्ट्रिय विपद् जोखिम न्यूनीकरण तथा व्यवस्थापन प्राधिकरणमार्फत कालीगण्डकी, भोटेकोशी र बुढीगण्डकी बेसिनमा तीनै तहका सरकारको सहकार्यमा पुनःनिर्माण तथा पुनःस्थापना अघि बढाइएको र प्रभावित स्थानीय तहलाई राहत बजेट पठाइसकिएको जानकारी दिनुभयो।

त्रिभुवन राजपथअन्तर्गत पर्साको वीरगञ्जस्थित मितेरी पुलदेखि गण्डक चोकसम्मको करिब ८ किलोमिटर सडकको सीमाक्षेत्र खाली गराएसँ...
16/10/2026

त्रिभुवन राजपथअन्तर्गत पर्साको वीरगञ्जस्थित मितेरी पुलदेखि गण्डक चोकसम्मको करिब ८ किलोमिटर सडकको सीमाक्षेत्र खाली गराएसँगै पूर्वाधार विकास मन्त्रालयले असोज ३० गते दुई प्याकेजमा बोलपत्र आह्वान गरेको छ। नयाँ ढाँचा अनुसार बजार क्षेत्र (इदगाह चोकदेखि पावर हाउस) मा साइकल लेन र दरबारमार्ग शैलीको ग्रेनाइट बिछ्याइएको फराकिलो फुटपाथसहित ४ लेन तथा बजार क्षेत्रबाहिर सर्भिस लेनसहित ६ लेनको आधुनिक सडक ३० महिनाभित्र निर्माण सम्पन्न गर्ने लक्ष्य छ। सडक क्षेत्र पन्छाउने क्रममा विद्युत्, खानेपानी तथा इन्टरनेट अवरुद्ध भई सास्ती व्यहोरेका वीरगञ्जवासीप्रति मन्त्रालयले दुःख व्यक्त गर्दै उनीहरूले देखाएको धैर्यता, संयमता र सहयोगका लागि आभार प्रकट गरेको छ।

सर्लाहीको पर्सा गाउँपालिका–२ स्थित बाँके पुलमा बिहीबार दिउँसो भारतीय नम्बर प्लेटको कार अनियन्त्रित भई दुर्घटना हुँदा चाल...
16/10/2026

सर्लाहीको पर्सा गाउँपालिका–२ स्थित बाँके पुलमा बिहीबार दिउँसो भारतीय नम्बर प्लेटको कार अनियन्त्रित भई दुर्घटना हुँदा चालकको मृत्यु भएको छ भने दुई जना घाइते भएका छन्। महोत्तरीबाट मलङ्गवातर्फ आउँदै गरेको बी आर ०६ बी ए एक्स ०४३५ नम्बरको कार दुर्घटना हुँदा महोत्तरी गौशाला–५ का २४ वर्षीय विकल साहको मृत्यु भएको जिल्ला प्रहरी कार्यालय सर्लाहीले जनाएको छ। दुर्घटनामा समान्य घाइते भएका कारमा सवार दुई जनाको उपचार भइरहेको छ भने घटनाबारे प्रहरीले थप अनुसन्धान अघि बढाएको छ।

नेपाली कांग्रेसको १५औँ महाधिवेशनअन्तर्गत केन्द्रीय कार्यसमितिको मधेस प्रदेश महिलातर्फको सदस्य पदमा युवा नेत्री मेघा शाही...
16/10/2026

नेपाली कांग्रेसको १५औँ महाधिवेशनअन्तर्गत केन्द्रीय कार्यसमितिको मधेस प्रदेश महिलातर्फको सदस्य पदमा युवा नेत्री मेघा शाही विजयी हुनुभएको छ। अन्तिम मतपरिणाम अनुसार शाहीले सर्वाधिक २,४६७ मत (३५.७%) प्राप्त गर्दै सुरुङ्गा नगरपालिकाकी बहालवाला प्रमुख गीता चौधरी (२,०५३ मत) लाई ४१४ मतान्तरले पराजित गर्नुभएको हो। प्रतिस्पर्धामा लक्ष्मी बरालले १,२४१ मत र किरण सरकारले ८९५ मत प्राप्त गर्नुभयो। स्थापित जनप्रतिनिधिलाई पराजित गर्दै हासिल भएको शाहीको यो जितले पार्टीभित्र पुस्तान्तरण, रूपान्तरण र 'नेपाली कांग्रेस २.०' को अवधारणाप्रतिको बढ्दो आकर्षणलाई पुष्टि गरेको छ।

प्रधानमन्त्री बालेन्द्र शाह तथा प्रधानमन्त्री र मन्त्रिपरिषद्को कार्यालयको यस साताको कार्यप्रगति विवरण सार्वजनिक भएको छ।...
16/10/2026

प्रधानमन्त्री बालेन्द्र शाह तथा प्रधानमन्त्री र मन्त्रिपरिषद्को कार्यालयको यस साताको कार्यप्रगति विवरण सार्वजनिक भएको छ। सार्वजनिक पदाधिकारीको पदमुक्तिसम्बन्धी विशेष व्यवस्था अध्यादेश, २०८३ पछि विभिन्न ८० वटा निकायमा ६११ जनाको पदपूर्ति गरिएको छ। राष्ट्रिय सतर्कता केन्द्रले अनुगमनका क्रममा समय र पोसाक अनुशासन पालना नगर्ने ७१४ जना कर्मचारीलाई कारबाहीको निर्देशन दिएको छ भने ५ वटा निर्माण कम्पनी कालोसूचीमा परेका छन्। 'हेलो सरकार' मा प्राप्त ७८२ उजुरीमध्ये ९०० भन्दा बढी फछ्र्यौट गरिएको छ भने प्रधानमन्त्री दैवी प्रकोप उद्धार कोषमा रु १७ अर्ब ९४ करोडभन्दा बढी मौज्दात रहेको जनाइएको छ।

संसद् रिपोर्टिङमा सक्रिय पत्रकारहरूसँग राष्ट्रिय प्रजातन्त्र पार्टी (राप्रपा) की प्रमुख सचेतक खुस्बु ओलीले छ महिनाको बर्...
16/10/2026

संसद् रिपोर्टिङमा सक्रिय पत्रकारहरूसँग राष्ट्रिय प्रजातन्त्र पार्टी (राप्रपा) की प्रमुख सचेतक खुस्बु ओलीले छ महिनाको बर्खे अधिवेशनमा आफ्नो संसदीय कार्यसम्पादनबारे छलफल तथा प्रस्तुति गर्नुभएको छ। दसैँको शुभकामना आदानप्रदानसहित आयोजित सो कार्यक्रममा उहाँले संसदीय अभ्यासलाई अझ प्रभावकारी, उत्तरदायी र जनमुखी बनाउन निरन्तर संवाद र रचनात्मक सुझावको अपेक्षा व्यक्त गर्नुभएको छ।

ऊर्जा, जलस्रोत तथा सिँचाइ मन्त्री विराज भक्त श्रेष्ठले अन्तरदेशीय विद्युत् व्यापारको पूर्वतयारी गर्न निजी क्षेत्रलाई सैद...
16/10/2026

ऊर्जा, जलस्रोत तथा सिँचाइ मन्त्री विराज भक्त श्रेष्ठले अन्तरदेशीय विद्युत् व्यापारको पूर्वतयारी गर्न निजी क्षेत्रलाई सैद्धान्तिक सहमति प्रदान गर्दै आशयपत्र जारी गर्ने मन्त्रीस्तरीय निर्णय गर्नुभएको छ। यस निर्णयसँगै नेपालमा पहिलोपटक निजी क्षेत्रका लागि विद्युत् बजार खोज्ने, स्वदेशी तथा विदेशी साझेदार पहिचान गर्ने र खरिद-बिक्री सम्झौताको (PPA) तयारी गर्ने बाटो खुलेको छ। अधिकतम २ वर्षको अवधि रहने उक्त आशयपत्र प्राप्त गर्ने कम्पनीहरूले मन्त्रालयमा अनिवार्य त्रैमासिक प्रगति प्रतिवेदन पेस गर्नुपर्नेछ भने औपचारिक कारोबारका लागि प्रचलित कानुनबमोजिम थप अनुमतिपत्र र प्रसारण प्रणालीको खुला पहुँच स्वीकृति लिनुपर्नेछ।

Address

Panchakumari Marga, Nayabaneshor
Kathmandu
44600

Telephone

+97714482951

Website

Alerts

Be the first to know and let us send you an email when Nepal Aaja posts news and promotions. Your email address will not be used for any other purpose, and you can unsubscribe at any time.

Contact The Business

Send a message to Nepal Aaja:

Shortcuts

Share

Category