The Everyday Club

The Everyday Club Contact information, map and directions, contact form, opening hours, services, ratings, photos, videos and announcements from The Everyday Club, Digital creator, Kathmandu.

Our aim is to promote the principles of good government and good citizenship, take an active interest in the civic, cultural, social and moral welfare of the community, unite the clubs in the bonds of friendship, good fellowship and mutual understanding.

19/02/2025

डोरी तान्ने खेल गाउँघरमा लोकप्रिय बन्दै ゚

19/02/2025

झरना, खोला जमे तर, छैन हिमालमा हिउँ ゚

19/02/2025

चिङग्रे ताल कास्की ゚

゚ सिरहाकी रिंकुको शंकास्पद मृत्युबारे छानबिन गर्न समिति गठनजनकपुर । सिरहाको नवराजपुरकी रिंकु सदाय मृत...
19/02/2025

゚ सिरहाकी रिंकुको शंकास्पद मृत्युबारे छानबिन गर्न समिति गठन
जनकपुर । सिरहाको नवराजपुरकी रिंकु सदाय मृत्यु प्रकरणको घटनाको थप अनुसन्धान गर्न मधेश प्रदेश प्रहरी कार्यालयले छानबिन समिति गठन गरेको छ ।
मधेश प्रदेश प्रहरी कार्यालयका प्रहरी वरिष्ठ उपरीक्षक शान्तिराज कोइरालाको नेतृत्वमा पाँच सदस्यीय छानबिन समिति गठन गरेको हो । उक्त समितिमा प्रहरी निरीक्षक तथा मुद्दा शाखाका कर्मचारीसहित पाँच सदस्यहरू रहेको प्रहरीले जनाएको छ ।
सो समितिले आजदेखि घटना स्थलमा गई घटनाको बारेमा बुझ्ने तथा अनुसन्धान कार्य प्रारम्भ गरेको छ । गत माघ ३० गते सिरहाको नवराजपुर गाँउपालिका १ भवगतीपुर टोलका विजुलीया सदायका १७ वर्षीया छोरी रिंकु आफ्नै घरको टिनको छानोमा पासो लगाई झुण्डिएको अवस्थामा फेला परेकी थिइन् ।
घटना हुनुअघि उनीमाथि स्थानीय तीनजना युवकले सामूहिक बलात्कार गरेको, त्यसको पञ्चायत गराएर मिलाउने प्रयास गरेको घटना बाहिर आएको छ ।

゚ बाढी पहिरोबाट क्षति भएका आयोजनाका लागि १८ अर्ब ८८ करोड काठमाडौं । अर्थ मन्त्रालयले गत असोज दोस्रो ...
19/02/2025

゚ बाढी पहिरोबाट क्षति भएका आयोजनाका लागि १८ अर्ब ८८ करोड
काठमाडौं । अर्थ मन्त्रालयले गत असोज दोस्रो साता गएको बाढी पहिरोबाट क्षति भएका सडक तथा पुल गरी २६ वटा आयोजना पुनर्निर्माणका लागि १८ अर्ब ८८ करोड रुपैयाँको स्रोत सहमति प्रदान गरेको छ ।
भौतिक पूर्वाधार तथा यातायात मन्त्रालयबाट फागुन ४ गते माग भइ आएकोमा उपप्रधानमन्त्री एवं अर्थमन्त्री विष्णुप्रसाद पौडेलले आज आयोजनाहरु पुनर्निर्माणका लागि स्रोत सहमति प्रदान गर्ने निर्णय गरेका हुन् ।
२६ वटा आयोजना १३ वटा सडक र १३ वटा पुल पुनर्निर्माणसँग सम्बन्धित आयोजना छन् । सडक पुनर्निर्माणमा बिपी राजमार्ग, मेची राजमार्ग, अरनिको राजमार्ग, कान्ति राजमार्गसहित १३ वटा आयोजना रहेका छन् ।
त्यसैगरी अर्थ मन्त्रालयले जाजरकोट भूकम्पबाट क्षति भएका संरचनाहरुको पुनर्निर्माण अघि बढाउन अस्थायी कार्यालय स्थापनाका साथै दरबन्दी सिर्जना गर्न राष्ट्रिय विपद् जोखिम न्यूनीकरण तथा व्यवस्थापन प्राधिकरणलाई सहमति प्रदान गरेको छ ।

゚ नेपाल स्काउटको प्रमुख आयुक्तमा देवराज घिमिरे नियुक्तकाठमाडौं । नेपाल स्काउटको प्रमुख आयुक्तमा देवरा...
19/02/2025

゚ नेपाल स्काउटको प्रमुख आयुक्तमा देवराज घिमिरे नियुक्त
काठमाडौं । नेपाल स्काउटको प्रमुख आयुक्तमा देवराज घिमिरे नियुक्त भएका छन् ।
लामो समय राष्ट्रिय तथा अन्तराष्ट्रिय स्काउटको विभिन्न जिम्मेवारीमा रहेर काम गरेका घिमिरेलाई युवा तथा खेलकुदमन्त्री एवम् प्रमुख स्काउट तेजुलाल चौधरीले प्रमुख आक्युत नियुक्त गरेका हुन् ।
मन्त्री चौधरीले निवर्तमान प्रमुख आयुक्त महेन्द्रराज रंजितलाई हटाउँदै घिमिरेलााई प्रमुख आयुक्त बनाएका हुन् । रंजितमाथि विभिन्न विवाद सिर्जना गरेको गैरकानूनी रूपमा नियुक्ति लिएर संस्था बिगारेको आरोप थियो ।
यस्तै, राष्ट्रिय सतर्कता केन्द्रले पनि रंजितको नियुक्ति कानुन सम्मत नभएको भन्दै उनको नियुक्ति बदर गर्दै नयाँ व्यक्ति नियुक्त गर्न मन्त्री चौधरीलाई निर्देशन दिएको थियो । सोही निर्देशन पश्चात मन्त्री चौधरीले मन्त्रीस्तरीय निर्णयबाट घिमिरेलाई नयाँ प्रमुख आयुक्त नियुक्त गरेका हुन् ।
घिमिरेसँगै मन्त्री चौधरी अन्य सात जानालाई राष्ट्रिय कार्यकारी समितिमा नियुक्त गरेका छन् । नियुक्त हुनेमा इन्दु सुबेदी, कमलबहादुर देउजा, भुवन सुब्बा, सन्तोषकुमार थापा, स्मृति बराल, जहरसिंह थापा र सुस्मिता श्रेष्ठ छन् ।
यो नियुक्तिसँगै पछिल्लो समय नेपाल स्काउटमा बड़ेको विवाद र उत्पन्न समस्या समाधान हुनेमा विश्वास गरिएको छ ।

゚ बुधबारको विदेशी मुद्राको विनिमय दर कति ?काठमाडौं । नेपाल राष्ट्र बैंकले बुधबारका लागि विदेशी मुद्राक...
19/02/2025

゚ बुधबारको विदेशी मुद्राको विनिमय दर कति ?
काठमाडौं । नेपाल राष्ट्र बैंकले बुधबारका लागि विदेशी मुद्राको विनिमय दर निर्धारण गरेको छ । राष्ट्र बैंकका अनुसार आज अमेरिकी डलर एकको खरिददर एक सय ३८ रुपैयाँ ८३ पैसा र बिक्रीदर एक सय ३९ रुपैयाँ ४३ पैसा, युरोपियन युरो एकको खरिददर एक सय ४५ रुपैयाँ २७ पैसा र बिक्रीदर एक सय ४५ रुपैयाँ ९० पैसा निर्धारण गरिएको छ ।
युके पाउन्ड स्ट्रलिङ एकको खरिददर एक सय ७४ रुपियाँ ९५ पैसा र बिक्रीदर एक सय ७५ रुपैयाँ ७१ पैसा कायम गरिएको छ ।
अष्ट्रेलियन डलर एकको खरिददर ८८ रुपैयाँ २६ पैसा र बिक्रीदर ८८ रुपैयाँ ६४ पैसा, क्यानेडियन डलर एकको खरिददर ९७ रुपियाँ ८९ पैसा र बिक्रीदर ९८ रुपियाँ ३१ पैसा, सिङ्गापुर डलर एकको खरिददर एक सय तीन रुपैयाँ ४७ पैसा र बिक्रीदर एक सय तीन रुपैयाँ ९१ पैसा निर्धारण गरिएको केन्द्रीय बैंकले जनाएको छ ।
जापानी येन १० को खरिददर नौ रुपैयाँ १५ पैसा र बिक्रीदर नौ रुपैयाँ १९ पैसा, चिनियाँ युआन एकको खरिददर १९ रुपैयाँ ०७ पैसा र बिक्रीदर १९ रुपैयाँ १६ पैसा, साउदी अरेबियन रियाल एकको खरिददर ३७ रुपैयाँ ०२ पैसा र बिक्रीदर ३७ रुपैयाँ १८ पैसा, कतारी रियाल एकको खरिददर ३८ रुपैयाँ ०९ पैसा र बिक्रीदर ३८ रुपैयाँ २५ पैसा, युएई दिराम एकको खरिददर ३७ रुपैयाँ ८० पैसा र बिक्रीदर ३७ रुपैयाँ ९६ पैसा, मलेसियन रिङ्गेट एकको खरिददर ३१ रुपैयाँ २३ पैसा र बिक्री दर ३१ रुपैयाँ ३६ पैसा कायम भएको छ ।

゚ उच्च पहाडी तथा हिमाली भेगका एक–दुई स्थानमा हल्का हिमपातको सम्भावना काठमाडौं । हाल देशमा पश्चिमी वायुक...
19/02/2025

゚ उच्च पहाडी तथा हिमाली भेगका एक–दुई स्थानमा हल्का हिमपातको सम्भावना
काठमाडौं । हाल देशमा पश्चिमी वायुका साथै पश्चिमी न्यून चापीय प्रणालीको आंशिक प्रभाव रहेको छ । जल तथा मौसम विज्ञान पूर्वानुमान महाशाखाका अनुसार अहिले तराईका केही भागमा हुस्सु लागेको छ ।
कोशी प्रदेशलगायत देशका पहाडी भागमा आंशिक बदली रही बाँकी भागमा मुख्यतया सफा रहेको छ ।
महाशखाका अनुसार आज दिउँसो सुदूरपश्चिम प्रदेश लगायत देशका पहाडी भागमा आंशिक बदली रही बाँकी भेगमा मौसम सफा रहने छ । उच्च पहाडी तथा हिमाली भेगका एक–दुई स्थानमा हल्का हिमपातको सम्भावना छ ।
त्यसैगरी, राति सुदूरपश्चिम,कर्णाली र लुम्बिनी प्रदेशलगायत देशका पहाडी भू–भागमा आंशिकदेखि साधारणतया बदली रही बाँकी भागमा आंशिक बदली रहने छ । आज उच्च पहाडी तथा हिमाली भागका एक–दुई स्थानमा हल्का हिमपातको सम्भावना छ ।
बिहान तराईका केही भागमा हुस्सु लाग्ने सम्भावना रहेको जनाउँदै महाशाखाले त्यसबाट दैनिक जनजीवन, स्वास्थ्य, सडक तथा हवाईउड्डयनमा आंशिक प्रभाव पर्नसक्ने भएकाले सतर्कता अपनाउन सम्बद्ध सबैमा अनुरोध गरेको छ ।

सरकारी अस्पतालमा सुधारको माग गर्दै मुख्यमन्त्री सिंहको पुतला दहन # ゚ जनकपुर । जनकपुरधाममा मधेश प्र...
19/02/2025

सरकारी अस्पतालमा सुधारको माग गर्दै मुख्यमन्त्री सिंहको पुतला दहन # ゚
जनकपुर । जनकपुरधाममा मधेश प्रदेशका मुख्यमन्त्री सतीस कुमार सिंहको पुतला दहन गरिएको छ ।
सरकारी अस्पतालको स्तरोन्नति तथा अवैध रूपमा संचालित निजी अस्पतालहरुमा पूर्ण प्रतिबन्ध लगाउन माग गर्दै राष्ट्रिय एकता अभियानले मंगलबार सांझ जनकपुरधाममा प्रदर्शन गर्नुका साथै मुख्यमन्त्री सिंहको पुतला दहन गरेको हो ।
प्रदर्शनकारीहरूले प्रादेशिक अस्पताल अगाडि नै भेला भएर नाराबाजी गरेका थिए ।
अभियानका नेताहरू मनीष पुर्वे, अक्षय यादव, दीपू झा, पंकज झा लगायतको नेतृत्वमा भएको प्रदर्शनमा सयौं नागरिकहरू सहभागी रहेको थियो ।
उनीहरूले ‘अवैध अस्पताल बन्द गरौं, सरकारी अस्पताल सुधार गरौं’ तथा ‘स्टन्टबाजी होइन, स्वास्थ्य सेवामा वास्तविक सुधार चाहिन्छ’ जस्ता नारा लगाउँदै सरकारको आलोचना गरे । प्रदर्शनकारीहरूले सरकारलाई अस्पताल सुधारको दायित्वबाट विमुख हुन नदिने भन्दै यदि तत्काल सुधारका कदम नचालिए, अझै सशक्त आन्दोलन गरिने चेतावनी दिएका छन् ।
प्रदर्शनकारीहरूले प्रादेशिक अस्पतालमा आवश्यक स्वास्थ्य उपकरण, दक्ष चिकित्सक र गुणस्तरीय सेवा उपलब्ध नभएको आरोप लगाएका छन् । उनीहरूले सरकारी अस्पतालहरूमा गुणस्तरीय सेवा अभावका कारण बिरामीहरूलाई जबरजस्ती निजी अस्पतालमा पठाइन्छ, जहाँ बिरामीहरूसँग अत्यधिक शुल्क असुल्ने, अनावश्यक परीक्षण गराउने र महँगा उपचार प्रक्रिया अपनाउने जस्ता ठगीका क्रियाकलाप हुने रेको आरोप लगाए । स्वास्थ्य सेवामा देखिएको यो संकटका लागि सरकारको उदासीनता जिम्मेवार रहेको भन्दै प्रदर्शनकारीहरूले सरकारलाई अबिलम्ब गम्भीर कदम चाल्न खबरदारी गरेका छन् ।
प्रदर्शनकारीहरूले जनकपुरधाम र आसपासका क्षेत्रमा नियमविपरीत सञ्चालनमा रहेका निजी अस्पतालहरूमा तत्काल छानबिन गरी अवैध रूपमा सञ्चालन भइरहेका अस्पतालहरूलाई पूर्ण रुपमै बन्द गर्नुपर्ने माग गरेका छन् । उनीहरूले सरकारलाई चेतावनी दिँदै भने, ‘सरकारी अस्पतालहरूलाई कमजोर बनाएर निजी अस्पतालहरूलाई फाइदा पु¥याउने योजनाबद्ध षड्यन्त्र भइरहेको छ। स्वास्थ्य मन्त्रालय र प्रदेश सरकार मौन बसेको छ, जुन अस्वीकार्य छ । यदि सरकारले अब पनि कानमा तेल हालेर बस्छ भने, जनताले अझ सशक्त आन्दोलन गर्नेछन्।’
स्वास्थ्य सेवा नागरिकहरूको मौलिक अधिकार भएको भन्दै प्रदर्शनकारीहरूले सरकारी अस्पतालहरूको स्तरोन्नति, आधुनिक उपकरणको उपलब्धता र विशेषज्ञ चिकित्सकहरूको दरबन्दी तत्काल वृद्धि गर्नुपर्ने माग गरेका छन् । उनीहरूले सरकारलाई स्पष्ट सन्देश दिएका छन् कि स्वास्थ्य सेवा कुनै पनि हालतमा व्यावसायीकरण हुन दिनु हुँदैन, बरु जनताका लागि सहज, सुलभ र गुणस्तरीय स्वास्थ्य सेवा सुनिश्चित गर्न राज्यले जिम्मेवारी पूरा गर्नुपर्छ ।

केयरगिभरका लागि इजराइल उडे १३ जना नेपाली # ゚ काठमाडौं । केयरगिभरका लागि मंगलबार १३ जना नेपाली इजरा...
19/02/2025

केयरगिभरका लागि इजराइल उडे १३ जना नेपाली # ゚
काठमाडौं । केयरगिभरका लागि मंगलबार १३ जना नेपाली इजराइल उडेका छन् । वैदेशिक रोजगार विभागले प्रकाशित गरेको दोस्रो पटकको सूचनापछि छनोट भएका मध्येबाट पहिलो चरणमा १३ जना इजराइल उडेका हुन् ।
गएको असोजमा केयरगिभरका लागि एक हजार १५६ महिला र ९५६ पुरूष गरी कुल दुई हजार ११२ उम्मेदवारहरू लक्की ड्र मार्फत छनोट भएका थिए ।
उनीहरूमध्ये ९ सय १९ जनाको स्वास्थ्य परीक्षण भइसकेको विभागको इजराइल शाखाले जनाएको छ । हालसम्म दुई सयभन्दा धेरै कन्ट्याक्ट आइसकेको छ । उनीहरूलाई पनि भिसा आएपछि क्रमशः पठाइनेछ ।

Shout out to my newest followers! Excited to have you onboard! Namrata Gelal Ghimire, Sandip Baral, Yashan Ynwa Shrestha...
19/02/2025

Shout out to my newest followers! Excited to have you onboard! Namrata Gelal Ghimire, Sandip Baral, Yashan Ynwa Shrestha, Sabita Acharya, Khanal Pitambar

18/02/2025

नवबुद्ध नगारपालिका फुलवारी गाउँ

゚

आजको विदेशी मुद्राको विनिमय दर ゚ काठमाडौं । नेपाल राष्ट्र बैंकले मंगलवारका लागि विदेशी मुद्राको विनिमय द...
18/02/2025

आजको विदेशी मुद्राको विनिमय दर
゚
काठमाडौं । नेपाल राष्ट्र बैंकले मंगलवारका लागि विदेशी मुद्राको विनिमय दर निर्धारण गरेको छ । जसअनुसार आज अमेरिकी डलरको मूल्य बढेको छ ।
राष्ट्र बैंकका अनुसार आज अमेरिकी डलर एकको खरिददर एक सय ३८ रूपैयाँ ७१ पैसा र बिक्रीदर एक सय ३९ रूपैयाँ ३१ पैसा, युरोपियन युरो एकको खरिददर एक सय ४५ रूपैयाँ ४० पैसा र बिक्रीदर एक सय ४६ रूपैयाँ तीन पैसा निर्धारण गरिएको छ ।
यस्तै, युके पाउन्ड स्ट्रलिङ एकको खरिददर एक सय ७४ रूपैयाँ ७५ पैसा र बिक्रीदर एक सय ७५ रूपैयाँ ५१ पैसा कायम गरिएको छ । स्विस फ्र्याङ्क एकको खरिददर एक सय ५३ रूपैयाँ ९९ पैसा र बिक्रीदर एक सय ५४ रूपैयाँ ६६ पैसा, अष्ट्रेलियन डलर एकको खरिददर ८८ रूपैयाँ २३ पैसा र बिक्रीदर ८८ रूपैयाँ ६२ पैसा, क्यानेडियन डलर एकको खरिददर ९७ रूपैयाँ ७३ पैसा र बिक्रीदर ९८ रूपैयाँ १५ पैसा, सिङ्गापुर डलर एकको खरिददर एक सय तीन रूपैयाँ ४१ पैसा र बिक्रीदर एक सय तीन रूपैयाँ ८६ पैसा निर्धारण गरिएको छ ।
यसैगरी जापानी येन १० को खरिददर नौ रूपैयाँ १४ पैसा र बिक्रीदर नौ रूपैयाँ १८ पैसा, चिनियाँ युआन एकको खरिददर १९ रूपैयाँ १० पैसा र बिक्रीदर १९ रूपैयाँ १८ पैसा, साउदी अरेबियन रियाल एकको खरिददर ३६ रूपैयाँ ९८ पैसा र बिक्रीदर ३७ रूपैयाँ १४ पैसा, कतारी रियाल एकको खरिददर ३८ रूपैयाँ पाँच पैसा र बिक्रीदर ३८ रूपैयाँ २२ पैसा कायम भएको छ ।
केन्द्रीय बैंकले थाई भाट एकको खरिददर चार रूपैयाँ १२ पैसा र बिक्रीदर चार रूपैयाँ १३ पैसा, युएई दिराम एकको खरिददर ३७ रूपैयाँ ७७ पैसा र बिक्रीदर ३७ रूपैयाँ ९३ पैसा, मलेसियन रिङ्गेट एकको खरिददर ३१ रूपैयाँ २८ पैसा र बिक्री दर ३१ रूपैयाँ ४२ पैसा, साउथ कोरियन वन एक सयको खरिददर नौ रूपैयाँ ६१ पैसा र बिक्रीदर नौ रूपैयाँ ६५ पैसा, स्विडिस क्रोनर एकको खरिददर १२ रूपैयाँ ९६ पैसा र बिक्रीदर १३ रूपैयाँ एक पैसा र डेनिस क्रोनर एकको खरिददर १९ रूपैयाँ ४९ पैसा र बिक्री दर १९ रूपैयाँ ५८ पैसा तय गरेको छ ।
यस्तै, राष्ट्र बैङ्कले हङकङ डलर एकको खरिददर १७ रूपैयाँ ८३ पैसा र बिक्रीदर १७ रूपैयाँ ९१ पैसा, कुवेती दिनार एकको खरिददर चार सय ४९ रूपैयाँ ४७ पैसा र बिक्रीदर चार सय ५१ रूपैयाँ ४१ पैसा, बहराइन दिनार एकको खरिददर तीन सय ६८ रूपैयाँ चार पैसा र बिक्रीदर तीन सय ६९ रूपैयाँ ६३ पैसा र ओमनी रियाल एकको खरिददर तीन सय ६० रूपैयाँ २८ पैसा र बिक्रीदर तीन सय ६१ रूपैयाँ ८३ पैसा तय गरेको छ ।

आजको मौसम ゚ काठमाडौं । मंगलबार कोशी, मधेश, बागमती र गण्डकी प्रदेशमा आंशिकदेखि साधारणतया बदली रहने जल...
18/02/2025

आजको मौसम ゚
काठमाडौं । मंगलबार कोशी, मधेश, बागमती र गण्डकी प्रदेशमा आंशिकदेखि साधारणतया बदली रहने जल तथा मौसम विज्ञान विभाग, मौसम पूर्वानुमान महाशाखाले जनाएको छ ।
हाल देशमा पश्चिमी वायुको सामान्य प्रभाव रहेकाले कोशी प्रदेश, बागमती प्रदेश र गण्डकी प्रदेशको उच्च पहाडी तथा हिमाली भूभागका एक–दुई स्थानमा हल्का हिमपातको सम्भावना रहेको मौसम पूर्वानुमान महाशाखाले जनाएको छ ।
महाशाखाका अनुसार कोशी प्रदेश, गण्डकी प्रदेश, कर्णाली प्रदेश र सुदूरपश्चिम प्रदेशको उच्च पहाडी तथा हिमाली भूभागका थोरै स्थानहरू तथा बागमती प्रदेशको उच्च पहाडी तथा हिमाली भूभागका एक–दुई स्थानमा हल्का हिमपातको सम्भावना रहेको छ ।
बिहानीपख तराईका थोरै भूभागहरूमा हुस्सु÷कुहिरो लाग्ने हुनाले यसको प्रभावले दैनिक जनजीवन, स्वास्थ्य, सडक तथा हवाई यातायातमा आंशिक प्रभाव पर्न सक्ने हुँदा त्यसबाट हुन सक्ने असरबाट बच्न आवश्यक उपाय तथा सतर्कता अपनाउन विभागले अनुरोध गरेको छ ।

अन्तर दलितमा छुवाछुत अन्त्य र एकताका लागि अभियानजनकपुर । अन्तर दलितमा छुवाछुतको प्रथा कायम रहेको भन्दै जनकपुरधामका दलित...
17/02/2025

अन्तर दलितमा छुवाछुत अन्त्य र एकताका लागि अभियान
जनकपुर । अन्तर दलितमा छुवाछुतको प्रथा कायम रहेको भन्दै जनकपुरधामका दलित समुदायले दलितका अगुवाहरुसंग छलफल गरेको छ ।
जनकपुरधाम उपमहानगरपालिका वडा नं १७ कनकपटी टोलमा आइतबार दलित समुदायले आयोजना गरेको महासभामा अन्तर दलित छुवाछूतको अन्त्य र एकता अभियान विषयमा छलफल गरेको छ ।
कार्यक्रममा बहुजन एकता पार्टी नेपालको केन्द्रिय अध्यक्ष हरिनन्दन कुमार रञ्जनले दलितमाथि लादिएको विभेदलाई समाप्त गर्नु आजको आवश्यकता रहेको बताए ।
उनले भने, ‘यो समाजको हरेक तहमा राजनीतिक रुपले ,सामाजिक रुपले,आर्थिक रुपले र मानविय हिसावले दलितमाथि विभेद गरिएको छ, जातको हिसावले भेदभावदेखि लिएर मानवियता भावनालाई पनि ठेस पुर्याएको अवस्था छ, दलितका सम्पुर्ण अगुवाहरु एक भएर लागे मात्र यस किसिमका समस्या समाधान गर्न सकिन्छ ।’
जातपातकै कारण दलितहरु बढि प्रभावित भएको बताउँदै उनले दलित समुदायमा बैचारिक एकता,राजनीतिक एकतादेखि लिएर उचनिच फैलाउने जात विरुद्ध सबै एक नभएसम्म विभेदलाई समाप्त पार्न नसकिने बताए ।
उनले भने,‘सरकारले छुवाछुत अन्त्य गरेर मात्रै हुँदैन,यसको लागि समाजलाई इमान्दार बन्नैपर्छ ।’
कार्यक्रममा बहुजन एकता पार्टी नेपालका महासचिव प्रकाश मेहराले विभेदमा परेका समुदाय नै विभाजित हुँदा संविधानमा व्यवस्था गरिएपनि छुवाछुत र भेदभाव अन्त्य हुन नसकेको बताए ।
मुलुक अहिले वैज्ञानिक युगमा पुगिसेके पनि समाजका केहि उच्च भनाउँदाहरुको मानसिक दरिद्रताका कारण दलित समुदायमाथि अहिले पनि हत्याहिंसा देखि लिएर कुटपिट र भेदभाव कायम रहेको उनले बताए ।
उनले भने,‘यो देशमा कुकुरको पूजा हुन्छ, तर मानव मानवबिच विभेद हुन्छ, कतिको संक्रिण विचार कायम छ, यसबाट अनुमान लगाउन सकिन्छ, मुलुकमा ६० देखि १७ लाख दलित समुदायको जनसंख्या छ तर राज्यको कुनै पनि निकायमा दलितको मजवुत पहुँच छैन ।’
अन्तर दलितमा भईरहेको छुवाछुत अन्त्यका लागि जनचेतना फैलाउने कार्यलाई व्यापकता दिनुपर्ने आवश्यकता रहेको उनले बताए ।
त्यसैगरि दलित अधिकारकर्मी सुवोध पासवानले दलितहरुमा आफंैमा रहेको छुवाछुत अन्त गर्नु आवश्यक रहेको बताए । सरकारले छुवाछुत अन्त गरेको १७ वर्ष भइसक्दा पनि अहिलेसम्म कार्यन्वयनमा कमजोरी देखिनुको मुख्य कारण दलित समुदायमा एक नरहनु बताउँदै उनले दलित समुदायमा जनचेतनाको कार्यलाई बढावा दिनुपर्ने र एकताका लागि पहल गर्नु नै एकमात्र विकल्प रहेको बताए ।
दलित समुदायको आपसमै कायम रहेको छुवाछुतको अन्त्य र बैचारिकरुपमा एकता अभियान चलाउने मुख्य उदेश्यका साथ दलित अगुवाहरुले जनकपुरधाम उपमहानगरपालिकाको कनकपटी टोलबाट महासभा अभियानको सुरुवात गरेको छ । कार्यक्रममा वडा नं १७ अन्तरगतका विभिन्न टोलका दलित समुदाय र दलित अगुवाहरुको सहभागीता रहेको दलित अधिकारकर्मी सुवोध पासवानले बताए ।

महाकुम्भमा माला बेचेर चर्चामा आएकी मोनालिसा रौतहट आउने ゚ रौतहट । भारतको प्रयागराज महाकुम्भ मेलामा माला बेचे...
17/02/2025

महाकुम्भमा माला बेचेर चर्चामा आएकी मोनालिसा रौतहट आउने
゚
रौतहट । भारतको प्रयागराज महाकुम्भ मेलामा माला बेचेर चर्चामा आएकी मोनालिसा रौतहट आउने भएकी छिन्।
मौलापुरमा फाल्गुन ११ गतेदेखि हुने मधानी महायज्ञमा सहभागी हुन । रौतहट आउने तय भएको हो। भारतीय चलचित्रमा अनुबन्धसमेत भइससकेकी मोनालिसा पहिलो पटक नेपाल आउन लागेको बुझिएको छ ।
“डायरी अफ मणिपुर“ फिल्मका निर्देशक सनोज मिश्र सगै मोनालिसा मधानी महायज्ञमा आउने तय भएको मौलापुर नगरपालिकाका मेयर रिना कुमारी साहले जानकारी दिएकी हुन ।
महाकुम्भ मेलाको त्रिवेणी संगममा युवती शिवको प्रतीक रुद्राक्ष बेच्थिन् ।आँखाको फरक रङका कारण त्यो भिडियो सामाजिक सञ्जालमा भाइरल भएपछि मानिसहरूले उनलाई मोनालिसासँग तुलना गर्न थालेका हुन् ।
मधानी महायज्ञमा भारतीय भोजपुरी तथा हिन्दी सिनेमाका कलाकार तथा साँसद रविकिशन, प्रसिद्ध गीतकार तथा पूर्वमन्त्री विनयबिहारी, गायक तथा अभिनेता रितेश पाण्डे पनि आउने निश्चित भएको नगर प्रमुख साहले बताइन।
उनका अनुसार फागुन ११ उद्घाटन समारोह, १२ गते शिव बारात यात्रा, १३ गते मधानी विशेष पूजा समारोह, १४ गते मधानी विशेष सांस्कृतिक कार्यक्रम र १५ गते मधानी विशेष दंगल कार्यक्रम हुने छ । २०७६ देखि हरेक वर्ष महाशिवरात्रीको अवसरमा मौलापुरको पतौरास्थित पुरातात्विक महादेव मन्दिरमा मधानी महायज्ञ हुँदै आएको छ ।

17/02/2025

वायु प्रदूषणले धुम्म बन्यो काठमाडौं ゚

16/02/2025

बन्धकहरू रिहा हुनेक्रम जारी, सम्झौता कार्यान्वयन भएकोमा खुशी
゚
एजेन्सी । प्यालेस्टिनी लडाकु समूहहरूले शनिबार गाजामा राखिएका थप तीन इजरायली बन्धकहरूलाई रिहा गरेका छन् । तर त्यसको बदलामा ३६९ प्यालेस्टिनी कैदी र बन्दीहरुको मुक्त गरेका छन् ।
रिहा गरिएका इजरायली बन्धकहरू २९ वर्षीय इजरायली र रूसी नागरिक अलेक्जेन्डर साशा ट्रोफानोभ, ३६ वर्षीय इजरायली–अमेरिकी नागरिक सागुई डेकेल चेन र ४६ वर्षीय इजरायली–अमेरिकी नागरिक इयर होन रहेका छन् । उनीहरु सन् २०२३ अक्टोबरमा हमास नेतृत्वको हमलामा दक्षिण इजरायलबाट अपहरणमा परेका हुन् ।
ट्रोफानोभलाई उनकी आमा, हजुरआमा र पार्टनरका साथ अपहरण गरिएको थियो । र तीनै जना महिलाहरुलाई सन् २०२३ को नोभेम्बरमा भएको अघिल्लो बन्धक सम्झौतामा रिहा गरिएको थियो । उनका पिता अपहरण गरिएको दिन मारिएका थिए ।
शनिबार रिहा भएका प्यालेस्टाइनीमध्ये ३६ जना आजीवन कारावासको सजाय भोगिरहेका थिए र अक्टोबर ७ मा भएको हमलापछि इजरायलले गाजा पट्टीबाट पक्राउ गरेका ३३३ जना बन्दी थिए।
हमासले सुरुमा इजरायलले सम्झौताको उल्लङ्घन गरेको भन्दै निर्धारित बन्धक रिहाइमा ढिलाइ गर्ने योजना बनाएको थियो। जवाफमा इजरायलले शनिबार दिउँसोसम्म बन्धकहरूलाई रिहा नगरे गाजामा फेरि आक्रमण गर्ने धम्की दिएको छ।
बिहीबार, हमासले इजिप्ट र कतारी अधिकारीहरूसँगको वार्तापछि थप बन्धकहरूलाई रिहा गर्न अगाडि बढ्ने बताएको थियो। समूहले भन्यो कि मध्यस्थहरूले इजरायलले गाजामा थप पाल, चिकित्सा आपूर्ति र अन्य अत्यावश्यक वस्तुहरू अनुमति दिने सुनिश्चित गर्न ‘सबै अवरोधहरू हटाउन’ वाचा गरेका थिए।

गाजाबाट हालसम्म १९ इजरायली बन्धक र पाँच थाईलाई रिहा गरिएको छ भने इजरायली अधिकारीहरूले १,००० भन्दा बढी प्यालेस्टिनी बन्दीहरूलाई रिहा गरेका छन्।
इजरायली प्रधानमन्त्रीको कार्यालयले एक विज्ञप्तिमा भने कि हमासले पछि हटेको छ र बन्धक रिहाई जारी राखेको छ । अमेरिकी राष्ट्रपति डोनाल्ड ट्रम्पले यदि गाजामा बन्धकहरूलाई शनिबार दिउँसोसम्म रिहा गरिएन भने, युद्धविराम खारेज गरिने चेतावनी दिएका थिए ।
द्वन्द्वका दुबै पक्षले बन्दीहरूको नयाँ समूहको आदानप्रदान पूरा गरेपछि, गाजाका धेरै बासिन्दाहरू युद्धविराम सम्झौता कार्यान्वयनमा जारी रहेकोमा खुसी छन्।

Address

Kathmandu
44800

Website

Alerts

Be the first to know and let us send you an email when The Everyday Club posts news and promotions. Your email address will not be used for any other purpose, and you can unsubscribe at any time.

Shortcuts

Share

Category