Tst Dharma Mystiq

02/09/2026

02/09/2026

भोटेकोशी बाढीमा ज्यान गुमाएकाहरूको सम्झनामा आयोजित विशेष मोन्लाम पाठ तथा दीप प्रज्वलन कार्यक्रमको झलक।

भोटेकोशी नदीमा आएको विनाशकारी बाढीका कारण ज्यान गुमाएकाहरूप्रति श्रद्धाञ्जली अर्पण गर्दै नेपाल बौद्ध महासंघले बौद्ध महाचैत्य परिसरमा मंगलबार विशेष मोन्लाम पाठ, दीप प्रज्वलन तथा पूजा कार्यक्रम सम्पन्न गरेको छ ।

गत भदौ १० गते भोटेकोशीमा आएको भीषण बाढीको पहिलो सप्ताहको पुण्यतिथिको अवसर पारेर सो कार्यक्रम आयोजना गरिएको हो । कार्यक्रममा बाढीमा परी अकालमै ज्यान गुमाएकाहरूको चित्त शान्ति, बेपत्ता भएकाहरूको सकुशल उद्धार र प्रभावित परिवारको उचित राहत एवम् पुनस्थापनाका लागि सामूहिक प्रार्थना गरियो ।
विभिन्न गोन्पाका रिन्पोछे, टुल्कु, खेन्पो, लोपोन, लामा, आनीका साथै बौद्ध संघ संस्थाका प्रतिनिधि तथा ठूलो संख्यामा श्रद्धालु भक्तजनहरूको उपस्थिति रहेको थियो ।
उक्त अवसरमा दिवङ्गत चित्तहरू भय, अन्योल र दुर्गतिबाट मुक्त भई सुखवती भूमिमा पुनर्जन्म प्राप्त गरून् भन्ने धार्मिक कामनासहित श्रद्धाञ्जलीस्वरूप दीप प्रज्वलन र मोन्लाम पाठ गरिएको महासंघले जनाएको छ ।
प्राकृतिक विपत्तिका कारण उत्पन्न दुःखद घडीमा सम्पूर्ण प्रभावित परिवारप्रति सहानुभूति प्रकट गर्दै महासंघले उद्धार, राहत र खोजी कार्यलाई अझ प्रभावकारी बनाउन सम्बद्ध निकायहरूसँग आग्रह समेत गरेको छ ।

Sherpa Times

20/08/2026

किन ङोन्दो साधना घर बनाउनु अघि बलियो जग बनाए जस्तै हो बौद्ध धर्ममा ?

ङोन्दो भनेको वज्रयान बौद्ध परम्परामा गरिने प्रारम्भिक आध्यात्मिक साधना हो । नेपालीमा पूर्वसाधना वा प्रारम्भिक अभ्यास भनिने यो साधनाको
उद्देश्य गुरुयोग, ध्यान र तान्त्रिक साधनाका लागि साधकको मन र चित्तलाई तयार पार्नु हो ।

19/08/2026

पद्मवर्ण महायान विहारमा नागपञ्चमीको अवसरमा भव्य नाग पूजा सम्पन्न

पद्मवर्ण महायान विहारमा नागपञ्चमीको अवसरमा भव्य नाग पूजा सम्पन्न भएको छ। ललितपुरको पाटनस्थित पद्मवर्ण महायान विहार, ज्याथाबहालमा नागपञ्चमीको अवसरमा भव्य नाग पूजा सम्पन्न भएको छ। प्रमुख गुरु जिन्पा ग्याचोको नेतृत्वमा विभिन्न बौद्ध धर्मगुरुहरूको संयुक्त सहकार्यमा पूजा तथा धार्मिक अनुष्ठान सम्पन्न गरिएको हो।

ज्याथाबहालमा सम्पन्न पूजामा वरपरका समुदायबाट सयौँ उपासक–उपासिकाहरूको सहभागिता रहेको थियो। स्थानीय बौद्ध समुदायको उल्लेख्य उपस्थितिका बीच धार्मिक विधिअनुसार नाग पूजा सम्पन्न गरिएको हो।

बौद्ध धर्ममा पनि नागको महत्व उल्लेख गरिएको छ। बौद्ध धर्ममा नागलाई प्रकृति, जल, संरक्षण र आध्यात्मिक शक्तिको प्रतीक मानिन्छ। बौद्ध ग्रन्थ तथा जातक कथाहरूमा नागसँग सम्बन्धित विभिन्न प्रसंग पाइन्छन्। भगवान् बुद्धले ज्ञान प्राप्त गरेपछि ध्यानमा रहँदा आएको ठूलो वर्षा र आँधीबाट मुचलिन्द नागराजले आफ्नो फणा फैलाएर बुद्धको संरक्षण गरेको कथा निकै प्रसिद्ध छ।

नेपालको बौद्ध परम्परामा पनि नागलाई जलस्रोत, पोखरी, धारा, उर्वरता र प्राकृतिक शक्तिसँग जोडेर हेर्ने गरिन्छ। नागप्रतिको सम्मानले प्रकृति र जीवजन्तुप्रति करुणा तथा सहअस्तित्वको भावनालाई आत्मसात गरेको छ। त्यसैले बौद्ध धर्ममा नाग धार्मिक कथाको पात्र नभई प्रकृति संरक्षण र आध्यात्मिक सुरक्षाको प्रतीकका रूपमा व्याख्या गरिएको छ।

The Sherpa Times

01/08/2026

सुनसरी र सिरहामा मृत्यु भएकाहरुको सुगतिको कामना नेपाल बौद्ध महासंघद्वारा पूजा

24/07/2026

सांझमा देखिएको बौद्ध स्तुपको दृश्य

23/07/2026

सैलुङ डाँडाको शिखरमा अवस्थित पवित्र स्तूप। स्तूपमा सजिएका रङ्गीन प्रार्थना लुङ्ताहरूले सम्पूर्ण प्राणीहरूको सुख, शान्ति र समृद्धिको कामना गर्दै हिमाली आकाशभरि आध्यात्मिक सन्देश प्रवाहित गरिरहेका छन्।

16/07/2026

Where the prayer flags dance with the wind, the mountains whisper the Dharma.
a beautiful stupa welcomes to Nakote, Helambu, Sindhupalchok.
゚viralシ@followers

15/07/2026

Tst Dharma Mystiq