काठमाडौंका मेयर बालेन शाहविरुद्ध बदला लिन गृहमन्त्री ओमप्रकाश अर्याललाई सजिलो भएको छ । बालेनविरुद्ध एमालेको युवा संघले साइबर ब्युरोमा उजुरी दिएपछि गृहमन्त्रीबाट बर्खास्त गर्न प्रधानमन्त्री सुशीला कार्कीलाई निरन्तर दवाव दिइरहेका बालेनलाई पक्राउ गर्न अर्याललाई सजिलो भएको छ । युवा संघले अमेरिका, भारत, चीन तथा नेपालका राजनीतिक दलहरुलाई अश्लिल गाली गरेको आरोपमा पक्राउ गरी अनुसन्धान गर्न माग गर्दै प्रहरीको साइवर व्युरोमा उजुरी दिएको छ ।
06/11/2025
सरकारले दिएको खुशी
जेनजी सरकारले अर्को खुशीको खबर दिएको छ । अब सामान्य कामका लागि कर कार्यालय धाउनु पर्ने बाध्यताको अन्त्य भएको छ । सरकारले मुलुकभरका करदाता सेवा कार्यालय खारेज गरेको छ । सरकारले करसम्बन्धी सम्पूर्ण सेवा स्थानीय तहबाट प्रवाह गर्ने गरी कार्यालय खारेज गरिएको हो । अब कर चुक्ता लिन, प्यान कार्ड बनाउन दिनहुँ लगायर करकार्यालय धाउनुपर्ने बाध्यताको अन्त्य भएको छ ।
06/11/2025
बब्लु गुप्ताले लिए कुलमानको बदला
खुसुक्क विदेश भागेर लुसुक्क नेपाल आएका पूर्वउर्जामन्त्री दीपक खड्काका दिनगन्ती सुरु भएका छन् । नेपाल स्काउटको ३ रोपनी जग्गा हडपेर बसेका खड्कालाई जग्गा खाली गर्न ७ दिने अल्टिमेटम आएको छ । शक्तिको आडमा भाडा नतिरी खड्काको ल्यान्ड डेभलपमेन्ट प्रालिले स्काउटको उक्त जग्गा भोगचलन गर्दै आएको थियो । बक्यौता रकम तिरी जग्गा खाली गर्न अल्टिमेटम दिएको स्काउटले अटेरी गरे सम्पूर्ण संरचना र सामान जफत गरिने चेतावनी दिएको छ। उनको यो कम्पनीले २०६५ सालमा १० बर्षका लागि सम्झौता गरेर भाडामा लिएको थियो । पछिल्लो ७ बर्ष सम्झौत नगरी खड्काले जग्गा कब्जा गरेका थिए ।
सम्झौताको अवधि समाप्त भए पनि कम्पनीले जग्गा खाली नगरेपछि विवाद भएको थियो । विवाद अदालतसम्म पुगेपछि काठमाडौँ जिल्ला अदालतले २०७६ असार १८ गते र पछि उच्च अदालत पाटनले २०७९ असार १३ गते नेपाल स्काउटको पक्षमा फैसला सुनाएको थियो। अदालतको अन्तिम फैसलापछि पनि कम्पनीले अटेर गरी जग्गा भोगचलन गरिरहेको छ। शक्तिका आडमा अदालतको आदेशसमेत नमान्ने खड्काले उर्जामन्त्री कुलमान घिसिङलाई शून्य अंक दिएर नेपाल विद्युत प्राधिकरणबाट बर्खास्त गरेका थिए । कुलमानलाई बर्खास्त गरेपछि खड्का जनताको तारो बनेका थिए । कुलमान मन्त्री बनेपछि अहिले खड्का बोल्नै नसक्ने अबस्थामा पुगेका छन् ।
खड्काले मनलाग्दी गरिरहेको सूचना पाएका युवा तथा खेलकुद मन्त्री बब्लु गुप्ताले स्काउटलाई जग्गा फिर्ता गर्न निर्देशन दिएका थिए । उनको निर्देशनपछि स्काउटले चेतावनीसहितको सूचना निकालेको छ ।
06/11/2025
कहिल्यै बिर्सन नसकिने जेनजीको गुन
नेपाल कम्युनिष्ट पार्टीका महासचिव विप्लव सीले जेन–जी आन्दोलनमा बलिदान गर्नेहरूले नेपाललाई कहिल्यै बिर्सन नसकिने गुन लगाएर गएको बताएका छन् । काठमाडौंमा आयोजित बृहत जनसभालाई सम्बोधन गर्दै उनले अहंकारी सत्तालाई र संसद्लाई उठ्नै नसक्नेगरी थला पारेर, आगोलाई खरानी बनाइदिएर जेनजी आन्दोलनमा बलिदान गर्नेहरूले नेपाललाई कहिल्यै नबिर्सने गुण लगाएर गएको बताएका हुन् ।
06/11/2025
भ्रष्टाचारविरुद्ध विप्लव
नेपाल कम्युनिष्ट पार्टीका महासचिव विप्लव सीले भ्रष्टाचारीलाई ९ पुस्ताले सम्झिनेगरी कारवाही गर्नुपर्ने बताएका छन् । काठमाडौंमा आयोजित बृहत जनसभालाई सम्बोधन गर्दै विप्लवले उच्चस्तरिय छानविन आयोग बनाई, शक्तिशाली विशेष अदालतबाट भ्रष्टचारीलाई आजीवन कारावासको व्यवस्था गर्नुपर्ने बताएका हुन् । उनले कारवाही गर्दा ९ पुस्ताले सम्झिने गरी सडाउनुपर्ने बताए ।
05/11/2025
रवि अझै आशावादी
रवि लामिछाने आठ घण्टा लामो बयान दिएर सिंहदरबारबाट निस्किँएका छन् । सिंहदरबारबाट नख्खु कारागार जाँदै गर्दा रविले आफू सरकारप्रति अझै आशावादी रहेको प्रतिक्रिया दिदै न्याय पाउने विश्वास व्यक्त गरेका छन् ।
05/11/2025
प्रसाईं मख्ख
मंसिर पहिलो सातादेखि अनिश्चितकालीन आन्दोलन घोषणा गरेका मेडिकल व्यवसायी दुर्गा प्रसाईंलाई सरकारले वार्तामा बोलाएको छ । गृह मन्त्रालय ओमप्रकाश अर्यालले औपचारिक पत्र पठाउँदै प्रसाईंलाई वार्तामा बोलाएको हो । जिल्ला प्रशासन कार्यालय काठमाडौँका प्रशासकीय अधिकृत तारानाथ फुल्लेल आफै दिउँसो गृह मन्त्रालयको पत्र बोकेर भक्तपुरस्थित ‘नागरिक बचाउ महाअभियान’को कार्यालय पुगेका थिए । पत्रमा सरकारले कात्तिक २६ गते बिहान १० बजे वार्तामा आउन आह्वान गरेको छ ।
05/11/2025
कसैले उन्मुक्ति नपाउने
सहकारी ठगविरुद्ध सुशीला कार्की नेतृत्वको सरकार निर्मम् हुने भएको छ । सरकारले बचतकर्ताको अर्बौँ रकम ठगी गरी कानुनी छिद्रको फाइदा उठाउँदै उम्किने सञ्चालकहरूमाथि कडा कानूनी कारबाहीको तयारी थालिएको छ । सहकारी ठगीमा संलग्न सञ्चालक र उनीहरूका तीन पुस्तासम्मको सम्पत्ति छानबिन गरी बचत फिर्ता गराउने प्रावधानसहितको कानूनको मस्यौदा तयार पारिएको छ । समस्याग्रस्त सहकारी व्यवस्थापन समितिले तयार पारेको उक्त मस्यौदा भूमि व्यवस्था, सहकारी तथा गरिबी निवारण मन्त्रालय पुगेको छ ।
‘सञ्चालक, प्रबन्धकहरू जो करोडौँ–अर्बौँ रुपैयाँको अपचलन र दुरुपयोग गरिसकेका छन् । उनीहरूले आफ्नो श्रीमतीसँग डिभोर्स गरिसकेका छन्, एकाघरका परिवारसँग छुटभिन्न भइसकेका छन् । उनीहरू अहिलेको विद्यमान कानुनको दायराभित्र छैनन्’, अध्यक्ष गौतमले भने, ‘कानुनको मस्यौदा हामीले मन्त्रालयमा पुर्याएका छौँ । अध्यादेशकोरूपमा भएपनि ल्याउनुपर्यो भनेर भनेका छौँ । त्यसमा मन्त्रालयले पनि विचार गर्दैछ । यो कानून आएमा त्यस्ता ठगको तीन पुस्तासम्म पनि कानुनको दायराभित्र ल्याउन सकिन्छ । डिभोर्स र एकाघरबाट छुटभिन्न भएका पनि कानुनको दायराभित्र आउनुपर्छ भनेर मस्यौदाहरू पनि पठाएका हौँ ।’
05/11/2025
सरकारले छाडा छोडेपछि...
सरकारले पक्राउ नगरी छाडा छोडेपछि तत्कालीन प्रधानमन्त्री केपी शर्मा ओली र गृहमन्त्री रमेश लेखकको मनोवल बढेको छ । सरकारले पक्राउ गर्ने हल्ला मात्र गरेर पक्राउ नगरेपछि उनी एकजुट हुन थालेका छन् । मंगलबार राती भक्तपुरको गुण्डुस्थित ओली निकासमा उनीहरुबीच लामो भेटवार्ता भएको छ । भदौ २३ र २४ गते आन्दोलनमा दमन गरेर युवा मारेको भन्दै जनस्तरबाट ओली र लेखकलाई पक्राउ गरी कारवाही गर्न सरकारलाई दवाव छ । तर सरकारले कारवाही गर्न सकिरहेको छैन ।
05/11/2025
रविले देखाए विशाल हृदय
रास्वपा सभापति रवि लामिछानेले फेरि एक पटक जनताको मन जितेका छन् । विशाल हृदय देखाउँदै रविले पदभन्दा माथि देश र परिस्थिति भएको बताउँदै सभापति पद ल्याग्न तयार रहेको बताएका छन् । रास्वपा नेता पुकार बमका अनुसार जेन जी आन्दोलनको भावनाअनुरुप रविले वैकल्पिक राजनीतिक शक्ति निर्माणका लागि आवश्यक परे सभापति पद छाड्न तयार रहेको बताएका हुन् । नेता बम कुलमान घिसिङलाई अध्यक्ष बनाएर रास्वपालाई पुनरगठन गर्ने योजनामा छन् ।
05/11/2025
कार्की सरकारको भ्रष्टाचार काण्ड
कार्की सरकारको करोडौं भ्रष्टाचार काण्ड मुख्यसचिव एकनारायण अर्यालले रोकिदिएका छन् । कात्तिक १३ गते बसेको मन्त्रीपरिषद बैठकले ‘ट्याक्स हेभन कन्ट्री’ मोरिससको कम्पनीमार्फत नेपालमा लगानी ल्याएको ‘डोल्मा इम्प्याक्ट फन्ड’ लाई गैरकानुनी रूपमा आयकर छुट दिने सरकारको निर्णय मुख्य सचिवले रोकिदिएका हुन् ।
अर्थमन्त्री रामेश्वर खनाल ल्याएको प्रस्ताव मन्त्रीपरिषदले पास गरेको थियो । मन्त्रीसचिवले मन्त्रीपरिषदको उक्त निर्णय प्रमाणिकरण नगरेपछि शुन्यमा झरेको छ । नेपालमा १५ अर्ब जति लगानी रहेको मोरिससको डोल्मा इम्प्याक्ट फन्डलाई सिचौलियाको इसारामा मन्त्री खनालले छुट दिने निर्णय गरेका थिए । यो निर्णय पछि मकर जितुमाया सुरी हाइड्रोपावर कम्पनीमा रहेको २६ करोड बढीको २६ लाख ५ हजार ९ सय कित्ता सेयर बेचेर यो कम्पनी बाहिरिन खोजेको छ । २६ करोडमा किनेको सेयर अहिले बेच्दा डोल्मालाई करिब १ अर्ब १७ करोड ७८ लाख रुपैयाँ बढी नाफा हुनेछ । नेपालको कानुनअनुसार २५ प्रतिशतका दरले सरकारलाई २९ करोड ४४ लाख बढी पुँजीगत लाभकर तिर्नुपर्छ । तर मन्त्री खनालको निर्णयपछि डोल्माले उल्लिखित सबै रकम कर छुट पाउने सम्भावना छ ।
डोल्माको नेपालमा वर्ल्डलिंक, सेञ्चुरी मसला, सस्तो डिल, फुडमान्डु, क्लाउड फ्याक्ट्री होल्डिङ्स, फ्युजमसिन्स, उपाय सिटी कार्गो, सेतीखोला हाइड्रोपावर, श्वेत गंगा हाइड्रोपावर एन्ड कन्स्ट्रक्सन, मकर जितुमाया सुरी हाइड्रोपावर, सोलार फार्म, नेसनल पाथ ल्याब्स, निदान हस्पिटल, चिरायु अस्पताल, रोडोडेन्ड्रोन बायोटेक प्रालिमा लगानी छ । यी मध्य मकर जितुमायामा एक अर्ब १७ करोड, श्वेत गंगामा १ अर्ब ७६ करोड, सेतीखोलामा, १ अर्ब २ करोड २४ लाख, फ्युजमसिन्समा ८३ करोड ७८ लाख, वर्ल्डलिंकमा १ अर्ब १३ करोड ६० लाख, उपाय सिटी कार्गोमा ५६ करोड ८० लाख पुँजी आर्जन गरेको छ । सस्तो डिल बन्द भइसकेको छ भने बाँकी सबै कम्पनी घाटामा छन् ।
कालोधनलाई सेतो बनाउन नेपाल आएको उक्त कम्पनीले विगतमा पनि कर छुटका लागि सरकार र राजनीतिक नेतृत्वसँग लबिङ गर्दै आएको थियो । तर, यसअघिका सरकारहरूले त्यस्तो आँट गरेका थिएनन् । नेपालको औपचारिक रूपमा मोरिसससँग व्यापार सम्झौता छैन । संगसंगै मोरिसससँग सन्धिको सहारामा निर्णय गरेलगत्तै सरकारले उक्त सन्धिसमेत खारेज गरिदिएको छ । यो निर्णय गर्दा ठूलो आर्थिक चलखेलको आशंका गरिएको छ।
05/11/2025
प्रचण्डको मुटु
नेपाली कम्युनिष्ट पार्टीका संयोजक प्रचण्डले प्रधानमन्त्री सुशीला कार्कीले शीर्ष तीन नेतासँग भेट्न नचाहेको प्रति असन्तुष्टि व्यक्त गरेका छन् । नेपाली कम्युनिष्ट पार्टी घोषणा सभालाई सम्बोधन गर्दै प्रचण्डले भने, ‘प्रधानमन्त्रीले फलाना फलाना नेतालाई त म हेर्नै मन लाको छैन भन्नु भो रे, भन्दाखेरि अलि चसक्क त बिझेको छ, मलाई थाहा छैन प्रधानमन्त्रीले त्यस्तो भाषा भन्नुभएको हो कि होइन, तर म आशा गर्छु त्यस्तो हुँदैन ।'
Be the first to know and let us send you an email when Motivate News posts news and promotions. Your email address will not be used for any other purpose, and you can unsubscribe at any time.
मनहरु इन्टरनेटसँग जोडिने क्रम बढ्दो छ । इन्टरनेट संसारसँग जोडिएको छ । देश बिदेशका खबर अब एउटा मोबाइलमा इन्टरनेटको माध्यमबाट थाहा पाउन सकिन्छ ।
हरेक निरास, उदास मनहरुलाई मोटिभेट गरेर सफल बनाउने हाम्रो उद्येश्य छ । सडकमा हिडेकालाई घरसम्म पुर्याउने, घरकालाई समाज सम्म र समाजकालाई राष्ट्र सम्म पुर्याई सच्चा देशभक्त नागरिक बनाउन सहयोग गर्न निरन्तर लागि पर्ने छ मोटिभेट न्युज । अनलाइनको माध्यमबाट पनि निरास मनलाई प्रेरणा दिन सकिन्छ, उत्साहित बनाउन सकिन्छ । सफल हुनेहरुलाई मोटिभेटको खाजो हुन्छ र हामी त्यस्ता मनहरुको लागि मोटिभेस्नल खुराक पस्किने छै ।
विदेश जान चाहनेहरूलाई नेपालमै केही गर्न सकिन्छ, नेपालमै धेरै सम्भावनाहरु छन् भनेर सूचना प्रबाह गर्न र नेपालमै केही गरेर बसेका मनहरुको कथा मार्फत विश्वास दिलाइ ब्यबसायी बनाउनु हाम्रो उद्येश्य हो । सके सम्म नेपालमै बसेर देशको लागि केही गर्ने, निरास भएका मनहरुलाई उत्प्रेणा प्रधान गर्ने र गराउने लेखहरु समेटेर उर्जा प्रधान गर्ने प्रयत्न हाम्रो रहने छ ।
बिदेशीएका मनहरुलाई पनि नेपाल आएर ब्यबसायी बन्न सिकाई मुलुकमा अवसरको ढोका खोल्न सहयोग गरि नेपालीलाई राज्यप्रति बफादार हुन प्रेरित गर्ने छौ ।
यसैले विद्युतीय सञ्झ्यालमा हामी जोड्न चाहन्छौँ तपाईंलाई । विदेशमा रहेका नेपाली समुदायका दुःखसुखका पाटालाई समावेश गर्नेछौँ अनि मुलुकका हरेक गतिविधिलाई विनास्वार्थ निष्पक्ष भएर पस्कनेछौँ । समयमा हामी सूचना दिनेछौँ । सूचना पाएपछि हरेक नागरिकले धारणा आफैँ बनाउनेछन् र फैसला गर्नेछन् ।
निरास, उदाश, उमंगहीन फुंग उडेका अनुहारमा आसाको रक्तसञ्चार गराउन सक्नु पनि हाम्रो ठूलै उपलब्धी हुनेछ । निरन्तर यहाँहरुसँग सहकार्यको अपेक्षसहित ।
