08/07/2026
सत्य बुझौं कसैलाई हावाको भरमा दो!सि ठहर नगरौ।
हावाको भरमा दोसि करार नगरौ सत्य बुझौं 🙏
प्रिय मित्रहरू,
हिजो मैले सामाजिक सञ्जालमा भाइरल भएको एउटा ५५ वर्षीय सरकारी अधिकृत, सुरेन्द्र भट्टजीको घटनाबारे एउटा पोस्ट राखेको थिएँ। त्यसमा आएका मिश्रित प्रतिक्रियाहरूलाई गम्भीरतापूर्वक लिएर म आज यो घटनाको अर्को पाटो र मेरो धारणा स्पष्ट पार्न चाहन्छु।
हामी सबैलाई थाहा छ, यौन दुर्व्यवहार जस्तो जघन्य अपराधको विरोध हुनुपर्छ र दोषीलाई कडा सजाय मिल्नै पर्छ। यसमा कुनै दुईमत छैन। तर, के हरेक घटनाको गहिराइमा पुगेर मात्र हामीले निष्कर्ष निकालेका छौं?
सुरेन्द्र भट्टजी, जो मधुमेहका बिरामी हुनुहुन्छ र उमेरले ५५ वर्ष पुग्नुभएको छ, अफिसबाट फर्किने क्रममा रक्सीको नशामा हुनुहुन्थ्यो। बाटोमा पिसाबले च्यापेपछि उनले एउटा साँघुरो गल्लीमा भित्तातर्फ फर्केर पिसाब फेर्ने कोसिस गरे। संयोगवश, त्यही बाटो ऋतु खनाल नाम गरेकी युवती आइपुगिन्।
यो क्षण नै गलतफहमीको कारण बन्यो। ती युवतीले 'गोप्य अंग देखायो' भन्दै चिच्याउन थालिन्। उनको रोदन र चिच्याहट सुनेर जम्मा भएका भुसतिग्रे युवाहरूले कुरै नबुझी ५५ वर्षीय ब्यक्तिलाई कुटपिट गरे। त्यसको भिडियो बनाइयो, थप्पड हानियो, र खुट्टा समेत ढोगाउन लगाइयो। त्यो भिडियोमा स्पष्ट देखिन्छ कि उनी डराएर लरखरिदै भाग्दैछन्।
प्रश्न यहाँ खडा हुन्छ: दुर्व्यवहार कसले सह्यो?
के साँचै ऋतु खनाल अन्यायमा परेकी हुन्? एउटा ५५ वर्षीय जडियाले बाटोमा पिसाब फेर्दै थियो भने पनि, हाम्रो समाजको एउटा उखान छ- "हग्नेलाई भन्दा देख्नेलाई लाज"। मानवताको नाताले, उनले एक कदम पछाडि हटेर स्थितिलाई सहज बनाउन सक्थिन्। तर, उनले त्यसो गरिनन्। बरु, मान्छे जम्मा गरिन्, कुटाइन् र भिडियो बनाएर टिकटकमा हालिन्।
उनी एक 'टिकटक स्टार' थिइन्। उनलाई भिडियो भाइरल बनाउन मसला चाहिएको थियो, जुन उनले पाइन्। 'टिकटकका न्यायाधीशहरू'ले उनलाई ताली बजाएर बधाई दिए। तर, बिना कुनै गल्ती सार्वजनिक रूपमा कुटिएको, बेइज्जत भएको, र अहिले प्रहरी हिरासतमा रहेको त्यो वृद्धको पक्षमा बोल्ने कोही भएनन्। उनको वर्षौंदेखिको इज्जत, उनको जागिर, र उनको परिवारले भोगेको पीडाको जिम्मेवार को?
नेपाल प्रहरीलाई मेरो विनम्र अनुरोध:
डिजिटल युगमा आवरण हेरेर मात्र न्याय हुनुहुँदैन। कसैले रुँदै भिडियो बनाउँदैमा ऊ शतप्रतिशत पीडित र अर्को पक्ष दोषी हुनैपर्छ भन्ने छैन। सुरेन्द्र भट्टको केसमा सुक्ष्म र निष्पक्ष अनुसन्धान होस्। यदि उनी प्रोस्टेटका बिरामी हुन् र प्राकृतिक बाध्यताका कारण भित्तातर्फ फर्केर पिसाब फेर्दै थिए भने, उनलाई अपराधी झैं हिरासतमा राख्नु कानुनी र मानवीय दुवै दृष्टिकोणले गलत हो। अपराधी उम्किनु हुँदैन, तर निर्दोषको अस्मिता र आत्मसम्मान सामाजिक सञ्जालको भ्युजका लागि बलिको बोको बन्नु हुँदैन।
आज सुरेन्द्र भट्ट हिरासतमा छन्, भोलि यो भीडतन्त्रको सिकार तपाईं वा म जोसुकै हुन सक्छौं। भावनामा बहकिएर कसैको जिन्दगी बर्बाद गर्नुअघि 'मान्छे' बनौं, त्यसपछि मात्र 'न्यायाधीश'।
#न्याय_अगाडि_सत्य_आवश्यक
#फेसबुके_न्याय_होइन_सत्यको_खोजी
#सुरेन्द्र_भट्ट
#मानवता
#सत्य_नै_धर्म_हो
✍️सन्तोष_कार्की_मौसुफ
