13/11/2025
विवाहका बखत बेहुलालाई बेहुलीले सातवटा प्रतिज्ञा गराउँदी रहिछन, त्यो संवादको नेपाली रुपान्तरण यस्तो हुने रहेछ:-
(१) बेहुली — ‘तीर्थ–व्रत र दानधर्ममा मलाई साथै लैजान्छौ भने मात्र म तिम्री पत्नी बन्नेछु ।’ बेहुला — ‘म तिमीलाई साथमै लैजान्छु ।’
(२) बेहुली — ‘मेरा मातापितालाई आफ्नै मातापिता सरह सम्मान गर्छौ भने मात्र म तिम्री पत्नी बन्नेछु ।’ बेहुला — ‘म सम्मान गर्नेछु ।'
(३) बेहुली — ‘घरका सम्पूर्ण आवश्यकताहरू पूरा गर्न सक्छौ भने मात्र म तिम्री पत्नी बन्नेछु ।’ बेहुला — ‘म पूरा गर्नेछु ।’
(४) बेहुली — ‘म सँग सल्लाह गरेर आर्थिक/घरायसी कारोवार गर्छौ भने मात्र म तिम्री पत्नी बन्नेछु ।’ बेहुला --- ‘म सल्लाह गर्नेछु ।’
(५) बेहुली — ‘तिम्रा र मेरा साथीहरूका अगाडि मेरो अपमान गर्दैनौ भने मात्र म तिम्री पत्नी बन्नेछु ।’ बेहुला — ‘म अपमान गर्दिनँ ।’
(६) बेहुली — ‘बुढी हुँदा पनि मेरो हेरचाह/भरणपोषण गर्छौ भने मात्र म तिम्री पत्नी बन्नेछु ।’ बेहुला --- ‘म हेरचाह र भरणपोषण गर्नेछु ।’
(७) बेहुली —‘परस्त्रीलाई मातासमान दृष्टि राख्ने वाचा गर्छौ भने मात्र म तिम्री पत्नी बन्नेछु ।’ बेहुला—‘म परस्त्रीलाई मातासमान मान्नेछु ।’
संस्कृत भाषामा पुरोहितले पढिदिने र नेपालीमा अनुवाद नहुनाले त्यति बेला के भनिएको हुन्छ भन्ने कुरा बेहुला–बेहुलीले बुझ्दैनन्। अब मंसिर लाग्दैछ। पालो आएकाहरूले बुझेर बस्दा राम्रो।
अनि हजुरहरूमध्ये को को ले यी सात वचन पूरा गर्नुभएको छ कमेन्ट गर्नु न। 😁😆
