07/06/2026
काठमाडौं । सरकारले हाल लागू रहेको हप्ताको दुई दिने सार्वजनिक बिदा व्यवस्था हटाउने तयारी गरेको छ। गृहमन्त्रालय स्रोतका अनुसार दुई दिने बिदा अपेक्षाअनुसार प्रभावकारी नभएको निष्कर्षसहित यसलाई पुनरावलोकन गर्ने तयारी गरिएको हो।
स्रोतका अनुसार अब बस्ने मन्त्रिपरिषद् बैठकले औपचारिक निर्णय गरेपछि शनिबार र आइतबार दिइँदै आएको दुई दिने बिदा व्यवस्था अन्त्य हुन सक्नेछ।
प्रधानमन्त्री बालेन शाह नेतृत्वको सरकारले गत चैत २२ गते पेट्रोलियम पदार्थको खपत घटाउने उद्देश्यसहित हप्तामा दुई दिन सार्वजनिक बिदा दिने निर्णय गरेको थियो। उक्त निर्णय लागू भएपछि सरकारी कार्यालय, विद्यालय तथा विभिन्न सार्वजनिक निकायमा शनिबार र आइतबार बिदा दिइँदै आएको छ।
