30/05/2026
वर्षमान पुन जी, अब धेरै अलक्षिन नबोल्नुहोस्! यो देशमा अब धेरै लोदर नलगाउनुहोस्! तपाईंहरूले अहिले बोल्ने हरेक शब्दले आज हरेक नेपालीको मुटु चसक्क दुख्छ र रगत उम्लिन्छ, यो कुरा बेलैमा याद राख्नुस्!
बस, अब धेरै भयो! अब । ३०-३५ वर्षसम्म तपाईंहरूले पनि देश चलाउने पूरा चान्स पाउनुभएकै हो। तपाईं आफैं पनि पटक-पटक अर्थमन्त्री बन्नुभएकै हो। त्यत्रो समय सरकारमा बस्दा कुन चाहिँ कायापलट गर्नुभयो तपाईंले? विकासको नाममा एउटा माखो मार्न नसक्ने, आफैं केही नगर्ने, अनि अहिले नयाँ युवाहरूले केही गर्छु भन्दा डाँडाको बाँदर जस्तो किन उफ्रिनुहुन्छ?
तपाईंहरूले त देश लुट्ने र आफ्नो दुनो सोझ्याउने बाहेक अरू केही जान्नुभएन। यदि तपाईंहरूले समयमै देश र जनताको लागि अलिकति मात्रै राम्रो काम गरिदिएको भए, आज यो देशमा यी 'बाले', 'हर्के' र 'बिरखे'हरू आउने नै थिएनन्! आफू गर्न पनि नसक्ने, अनि नयाँ पुस्ताले देश बनाउँछु भन्दा खुट्टा तान्ने?
डर्नुस् वर्षमान जी, भगवानसँग डर्नुस्! तपाईंहरूको पछि लागेर यो देशका १७ हजार गरिबका छोराछोरीले ज्यान गुमाएका छन्। ती मरेर गएका सहिदहरूको आत्मा र भगवानको न्यायलाई सम्झेर भए पनि अब केही समय चुप लाग्नुस्, नयाँ मान्छेहरूलाई काम गर्न दिनुस्।
सम्झिराख्नुस्— यदि यी नयाँ आएकाहरूले पनि गर्न सकेनन् भने अर्को चुनावमा पालो फेरि तपाईंहरूकै आउला, जनताले हेर्लान्। तर अहिलेलाई भने यो देशको भविष्यमाथि अलक्षिन बोल्न र लोदर. लगाउन पूर्ण रूपमा बन्द गर्नुस्! यो देश तपाईंको व्यक्तिगत बिर्ता होइन!
Barsha Man Pun 'Ananta'
Photo source : FB
घोषणा: यस पोस्टमा व्यक्त गरिएका विचारहरू मेरा व्यक्तिगत हुन् र यसको उद्देश्य केवल देशको समसामयिक राजनीतिप्रति सचेत नागरिकको धारणा राख्नु हो।
