24/07/2025
दुखद खबर: भारतबाट हराएका सुर्खेतका दुई दिदीबहिनी मृत फेला, तीन साता देखि सम्पर्कविहीन
सुर्खेत/भक्तपुर — भारतको मुम्बईबाट तीन साताअघि रहस्यमय रूपमा बेपत्ता भएका सुर्खेतका दुई किशोरी आज बिहान नेपालमा मृत अवस्थामा फेला परेका छन्। सुर्खेतको पञ्चपुरी नगरपालिका–८ तिनकुनेकी १७ वर्षीया मेनुका कँडेल र १५ वर्षीया सृजना कँडेल भक्तपुरको बोडे क्षेत्रमा मृत भेटिएका हुन्।
दुबै किशोरी आफ्ना आमाबुबासँग मुम्बईको मिरा भाइन्दर क्षेत्रमा बस्दै आएका थिए। उनका पिता बालाराम (बासुदेव) कँडेल र आमा उमा कँडेल भारतमै रोजगारीमा थिए। तीन साता अघिको एक बिहान, दिदीबहिनीले ‘कम्प्युटर कक्षा जान्छौं’ भन्दै घरबाट निस्किए। तर बेलुका सात बजेसम्म नफर्केपछि आमा उमाले फोन सम्पर्क गर्न खोजेकी थिइन्, तर दुबैको फोन बन्द थियो।
केहीबेरपछि कान्छी सृजनाबाट एक शंका लाग्दो सन्देश आयो— “हामी यहाँ छैनौं, बैंगलोर गयौं, पैसा कमाएरमात्र फर्कन्छौं।” त्यसपछि दुबै जनासँग सम्पर्क पूर्ण रूपमा विच्छेद भयो। त्रसित कँडेल परिवारले भारत र नेपाल दुबै देशका प्रहरी कार्यालयहरूमा रिपोर्ट गरेका थिए। हराइरहेका छोरीहरूको खोजी भइरहेकै बेला २४ जुलाई, बिहीबार बिहान उनीहरू मृत अवस्थामा भेटिएको खबर आयो, जुन कँडेल परिवारका लागि सधैंको पीडा बन्यो।
हाल घटनाको विस्तृत अनुसन्धान नेपाल प्रहरीको टोलीद्वारा भइरहेको छ। भारतमा हराएका किशोरी नेपालमा कसरी मृत अवस्थामा भेटिए भन्ने विषयले थप रहस्य उत्पन्न गराएको छ। प्रारम्भिक रिपोर्टले घटनालाई संकास्पद मानेको छ।
यो घटनाले प्रवासी नेपाली समुदायलाई समेत स्तब्ध बनाएको छ। कँडेल परिवार न्यायको खोजीमा छ।
दुखद खबर: भारतबाट हराएका सुर्खेतका दुई दिदीबहिनी मृत फेला, तीन साता देखि सम्पर्कविहीन
सुर्खेत/भक्तपुर — भारतको मुम्बईबाट तीन साताअघि रहस्यमय रूपमा बेपत्ता भएका सुर्खेतका दुई किशोरी आज बिहान नेपालमा मृत अवस्थामा फेला परेका छन्। सुर्खेतको पञ्चपुरी नगरपालिका–८ तिनकुनेकी १७ वर्षीया मेनुका कँडेल र १५ वर्षीया सृजना कँडेल भक्तपुरको बोडे क्षेत्रमा मृत भेटिएका हुन्।
दुबै किशोरी आफ्ना आमाबुबासँग मुम्बईको मिरा भाइन्दर क्षेत्रमा बस्दै आएका थिए। उनका पिता बालाराम (बासुदेव) कँडेल र आमा उमा कँडेल भारतमै रोजगारीमा थिए। तीन साता अघिको एक बिहान, दिदीबहिनीले ‘कम्प्युटर कक्षा जान्छौं’ भन्दै घरबाट निस्किए। तर बेलुका सात बजेसम्म नफर्केपछि आमा उमाले फोन सम्पर्क गर्न खोजेकी थिइन्, तर दुबैको फोन बन्द थियो।
केहीबेरपछि कान्छी सृजनाबाट एक शंका लाग्दो सन्देश आयो— “हामी यहाँ छैनौं, बैंगलोर गयौं, पैसा कमाएरमात्र फर्कन्छौं।” त्यसपछि दुबै जनासँग सम्पर्क पूर्ण रूपमा विच्छेद भयो। त्रसित कँडेल परिवारले भारत र नेपाल दुबै देशका प्रहरी कार्यालयहरूमा रिपोर्ट गरेका थिए। हराइरहेका छोरीहरूको खोजी भइरहेकै बेला २४ जुलाई, बिहीबार बिहान उनीहरू मृत अवस्थामा भेटिएको खबर आयो, जुन कँडेल परिवारका लागि सधैंको पीडा बन्यो।
हाल घटनाको विस्तृत अनुसन्धान नेपाल प्रहरीको टोलीद्वारा भइरहेको छ। भारतमा हराएका किशोरी नेपालमा कसरी मृत अवस्थामा भेटिए भन्ने विषयले थप रहस्य उत्पन्न गराएको छ। प्रारम्भिक रिपोर्टले घटनालाई संकास्पद मानेको छ।
यो घटनाले प्रवासी नेपाली समुदायलाई समेत स्तब्ध बनाएको छ। कँडेल परिवार न्यायको खोजीमा छ।
