27/08/2026
Help post राष्ट्रको सेवामा खटिएका श्रीमान् सम्पर्कविहीन भएपछि श्रीमतीको रोदन— "म हजुरसँग नबोली बस्न सक्दिन बाबा, प्लिज बुढो छिटो फोन गर्नु न"
नुवाकोटका साजन कुँवर सशस्त्र प्रहरीमा कार्यरत छन्। बुधबार रसुवामा बाढी आउँदा उनी मैलुङ झरनाको तल्लो ब्यारेकमा थिए। त्यसबेलादेखि उनी सम्पर्कविहीन छन्।
उनी सम्पर्कमा नआएपछि उनको परिवार गहिरो चिन्तामा छ। उनकी श्रीमती रजनी कुँवरले सामाजिक सञ्जालमा भावुक स्ट्याटस लेख्दै आफ्ना श्रीमान्लाई देख्नेहरूलाई जानकारी दिन आग्रह गरेकी छन्।
उनले लेखेकी छन्, "मेरो श्रीमान्सँग आज बिहान ८:४५ बजेसम्म फोन भएको थियो। रसुवाको मैलुङ झरना भीषण बाढीपछि सम्पर्कविहीन हुनुभएको छ। देख्नुहुनेले अथवा केही जानकारी पाउनुभएकाहरूले यो नम्बरमा ९८६१२३३६०४, ९८४७१५७५०५, ९८४८९२०८९६ सम्पर्क गरिदिनुहोला।🙏😭 म हजुरसँग नबोली बस्न सक्दिन बाबा🙏😭 प्लिज बुढो छिटो फोन गर्नु न!"
