Jamkabhetkhabar.com

15/07/2026

सरकारको निर्णयविरुद्ध सिंहदरबारभित्रै करार कर्मचारीको प्रदर्शन

सरकारले श्रेणीविहीन सहयोगी कर्मचारीलाई हालको करार प्रणालीबाट हटाई नयाँ व्यवस्थापन मोडेल लागू गर्ने तयारी थालेपछि करारमा कार्यरत कर्मचारीहरू आन्दोलनमा उत्रिएका छन्। आफ्नो रोजगारी असुरक्षित हुने र लामो समयदेखि दिएको सेवाको उचित मूल्यांकन नगरेको भन्दै उनीहरूले सिंहदरबार परिसरभित्रै शान्तिपूर्ण प्रदर्शन गरेका हुन्।

प्रदर्शनकारी कर्मचारीहरूले सरकारले कुनै पनि नीति लागू गर्नुअघि सम्बन्धित पक्षसँग पर्याप्त छलफल गर्नुपर्ने, विद्यमान कर्मचारीको भविष्य सुनिश्चित गर्नुपर्ने तथा सेवाको निरन्तरताको ग्यारेन्टी गर्नुपर्ने माग गरेका छन्। उनीहरूले वर्षौंदेखि राज्यका विभिन्न निकायमा सेवा दिँदै आएको उल्लेख गर्दै आफूहरूलाई विस्थापित गर्ने निर्णय स्वीकार्य नहुने बताएका छन्।

सरकार र कर्मचारीबीच सहमति नजुटे आन्दोलनका कार्यक्रम थप सशक्त बनाइने चेतावनीसमेत दिइएको छ। यस घटनाले सरकारी कर्मचारी व्यवस्थापन, श्रम अधिकार र रोजगारी सुरक्षाको विषय पुनः राष्ट्रिय बहसको केन्द्रमा आएको छ। अब सरकार र कर्मचारी प्रतिनिधिबीच हुने वार्ताले यस विवादको समाधानको दिशा तय गर्ने अपेक्षा गरिएको छ।

14/07/2026

मिति २०८३/०३/२८ गते डा. तोसिमा कार्कीको सचिवालयमा ललितपुर निर्वाचन क्षेत्र नं. ३ अन्तर्गतका २२ वटै वडाका प्रतिनिधिहरूसँग खानेपानीको समस्या, पाइपलाइन विस्तार तथा क्षेत्रका विविध विकास सम्बन्धी विषयमा छलफल एवम भेटघाट कार्यक्रम सम्पन्न भयो। कार्यक्रममा स्थानीय समस्या, आवश्यकता र समाधानका उपायबारे रचनात्मक छलफल गरिएको छ ।

13/07/2026

महिला, बालबालिका, लैङ्गिक तथा यौनिक अल्पसङ्ख्यक तथा सामाजिक सुरक्षा मन्त्रालयकी माननीय मन्त्री सिता बादीको पहल तथा मन्त्रालयको समन्वयमा भक्तपुरस्थित खरीपाटी र बोडे होल्डिङ सेन्टरमा आश्रय लिइरहेका व्यक्तिहरूलाई अत्यावश्यक राहत सामग्री वितरण गरिएको छ।

वितरण कार्यक्रममा होल्डिङ सेन्टरमा रहेका नागरिकहरूलाई लत्ताकपडा, चप्पल तथा दैनिक जीवनयापनका लागि आवश्यक अन्य सामग्री हस्तान्तरण गरिएको मन्त्रालयले जनाएको छ। विपद्, जोखिम वा विभिन्न कारणले संरक्षणको आवश्यकता भएका नागरिकहरूको आधारभूत आवश्यकतालाई सम्बोधन गर्ने उद्देश्यले उक्त सहयोग प्रदान गरिएको हो।

यस अवसरमा माननीय मन्त्री सिता बादीले संरक्षण आवश्यक पर्ने नागरिकहरूको आधारभूत आवश्यकता पूरा गर्नु राज्यको दायित्व भएको बताउँदै सरकार नागरिकको सुरक्षा, सम्मान र मानवअधिकारप्रति सदैव प्रतिबद्ध रहेको उल्लेख गर्नुभयो। उहाँले सेवा प्रवाहलाई थप व्यवस्थित, प्रभावकारी, पहुँचयोग्य र मानवीय बनाउने दिशामा मन्त्रालय निरन्तर क्रियाशील रहेको पनि स्पष्ट पार्नुभयो।

मन्त्री बादीले सरकारी निकाय, स्थानीय तह तथा सरोकारवाला संस्थाबीचको समन्वयलाई अझ प्रभावकारी बनाउँदै होल्डिङ सेन्टरमा रहेका नागरिकहरूको जीवनस्तर सुधार, संरक्षण तथा पुनःस्थापनाका कार्यक्रमलाई निरन्तरता दिइने जानकारी दिनुभयो। मन्त्रालयले यस्ता मानवीय सहयोग तथा सामाजिक संरक्षणका कार्यक्रमलाई आगामी दिनमा पनि प्राथमिकताका साथ अघि बढाउने प्रतिबद्धता व्यक्त गरेको छ।

13/07/2026

https://www.facebook.com/share/r/1Dvk9iBjMG/?mibextid=wwXIfr

13/07/2026

https://www.facebook.com/share/p/1LHZuHyn59/

12/07/2026

https://www.facebook.com/share/p/18a92Gg1JJ/?mibextid=wwXIfr

July-12, इरानको इस्लामिक रिभोल्युसनरी गार्ड कर्प्स (IRGC) ले एक नयाँ विज्ञप्ति जारी गर्दै कतारस्थित अल उदेइद वायुसेना अखडालाई पनि ब्यालिस्टिक मिसाइल (क्षेप्यास्त्र) द्वारा निशाना बनाएको जनाएको छ। इरानले सो सैन्य अखडामा रहेका लडाकु विमान मर्मत तथा सम्भार केन्द्र र कमाण्ड-एण्ड-कन्ट्रोल (कमाण्ड तथा नियन्त्रण) केन्द्रलाई पूर्ण रूपमा ध्वस्त पारेको दाबी गरेको छ।

अर्कोतर्फ, कतारको रक्षा मन्त्रालयले भने यसअघि नै कतारी भूभागलाई लक्षित गरी भएका मिसाइल आक्रमणहरूलाई सफलतापूर्वक निष्कृय (इन्टरसेप्ट) पारिएको बताएको छ l कतारका अनुसार आफ्नो प्रतिरक्षा प्रणालीले ती क्षेप्यास्त्रहरूलाई आकाशमै ध्वस्त पारेको हो।

यो घटनाले मध्यपूर्वमा बढ्दै गएको सैन्य तनावलाई थप बढावा दिएको छ। एकातिर इरानले आफ्नो आक्रमण ठूलो स्तरमा सफल भएको दाबी गरिरहेको छ भने, अर्कोतिर कतारले आफ्नो भूमि सुरक्षित रहेको र आक्रमण विफल पारेको अडान राखेको छ।

10/07/2026

https://www.facebook.com/share/v/1EN3GyLUCz/?mibextid=wwXIfr

10/07/2026

https://www.facebook.com/share/1J4CgeT8E8/?mibextid=wwXIfr

काठमाडौं। त्रिपुरेश्वरमा आत्मदाहको प्रयास गरेर जीवन त्यागेका गणेश नेपालीको घटनाबारे गृहमन्त्री सुधन गुरुङले उच्चस्तरीय छानबिन प्रक्रिया अघि बढाएको जनाइएको छ। घटनासँग सम्बन्धित सबै पक्षको निष्पक्ष अनुसन्धान गरी सत्यतथ्य सार्वजनिक गर्न सम्बन्धित निकायलाई निर्देशन दिइएको बताइएको छ।

गृह मन्त्रालयका अनुसार घटनाको कारण, जिम्मेवारी र कुनै लापरवाही भएको भए त्यसको यथार्थ पत्ता लगाउन विशेष छानबिन संयन्त्रमार्फत अनुसन्धान भइरहेको छ। अनुसन्धानका क्रममा आवश्यक परे सम्बन्धित प्रहरी अधिकारी तथा अन्य सरोकारवालासँग पनि सोधपुछ गरिने जनाइएको छ।

गृहमन्त्री गुरुङले पीडितलाई न्याय दिलाउने र दोषी देखिए कानुनबमोजिम कारबाही गरिने प्रतिबद्धता व्यक्त गरेका छन्। साथै घटनाको अनुसन्धान निष्पक्ष, पारदर्शी र तथ्यका आधारमा अघि बढाइने मन्त्रालयले जनाएको छ।