11/09/2026
प्रधानमन्त्री बालेन्द्र शाहले उद्योगी तथा व्यवसायीसँग मुलुकको आर्थिक अवस्थालगायत समसामयिक विषयमा छलफल गरिरहेका छन्।
प्रधानमन्त्री तथा मन्त्रिपरिषद्को कार्यालयमा भइरहेको छलफलमा उद्योगी तथा व्यवसायी विनोद चौधरी, पवन गोल्यान, उमेश श्रेष्ठ र चन्द्र ढकाल सहभागी छन्।
छलफलमा मुलुकको वर्तमान आर्थिक अवस्था, उद्योग–व्यवसाय सञ्चालनका क्रममा निजी क्षेत्रले भोगिरहेका समस्या, लगानीको वातावरण, रोजगारी सिर्जना तथा आर्थिक गतिविधिलाई थप चलायमान बनाउने उपायबारे छलफल हुने बताइएको छ।
त्यस्तै, सरकार र निजी क्षेत्रबीचको सहकार्यलाई थप प्रभावकारी बनाउँदै अर्थतन्त्रमा देखिएका चुनौती समाधान गर्ने तथा लगानी र व्यवसाय विस्तारका लागि अनुकूल वातावरण निर्माण गर्ने विषयमा पनि छलफल केन्द्रित रहने जनाइएको छ।
सरकार र निजी क्षेत्रबीच प्रत्यक्ष संवादमार्फत आर्थिक गतिविधि बढाउने तथा उद्योग–व्यवसायका समस्या समाधानका लागि आवश्यक नीतिगत पहल गर्ने विषयमा समेत छलफल हुने बताइएको छ।
