Nepal News

13/12/2025

🫁 ICU चिकित्सकसँग खुला संवाद: भेन्टिलेटर के हो ?

भेन्टिलेटर भनेको के हो?
कुन अवस्थामा बिरामीलाई भेन्टिलेटर चाहिन्छ?
के भेन्टिलेटरले जीवन बचाउन सक्छ?

यी सबै महत्वपूर्ण प्रश्नहरूको सरल र स्पष्ट उत्तर दिनुहुँदै —

👨‍⚕️ Dr. Bishow Shrestha
Pulmonologist & Critical Care Physician

🎥 पूरा भिडियो हेर्नुहोस्:
👉

Enjoy the videos and music you love, upload original content, and share it all with friends, family, and the world on YouTube.

25/11/2025

नर्भिक अस्पतालमा कार्यरत वरिष्ठ मुटुरोग विशेषज्ञ डा. शेखर राजभण्डारी सर तथा उहाँका दाजु–दिदीहरूद्वारा स्वर्गीय आमा विद्या लक्ष्मी राजभण्डारीको सम्झनामा बागलुङमा निर्माण हुन लागेको मानव सेवा आश्रमका लागि उदारतापूर्वक प्रदान गरिएको दश लाख रुपैयाँको सहयोग वास्तवमै कदरयोग्य र अनुकरणीय छ। समाजसेवामा यस्तो मन, यस्तो हात निरन्तर चलिरहोस्, यही हार्दिक शुभकामना सर 🌹🙏।

24/10/2025

पोखरा लेकसाडड

20/09/2025

https://www.facebook.com/share/v/1EN1G4Pw3u/?mibextid=wwXIfr

17/09/2025

डा. तेजेन्द्र कार्की : स्वास्थ्य मन्त्रीका लागि बलियो विकल्प

काठमाडौं — नेपालको स्वास्थ्य सेवा लामो समयदेखि कमजोर व्यवस्थापन, स्रोतको अभाव र नीतिगत अस्थिरताका कारण प्रभावित हुँदै आएको छ। यस्ता चुनौतीहरूको समाधानका लागि प्राविधिक दक्षता, अनुभव र जनविश्वास बोकेको नेतृत्व आवश्यक रहेको आवाज बलियो बन्दै गएको छ। यसैबीच, डा. तेजेन्द्र कार्कीलाई स्वास्थ्य मन्त्रीको जिम्मेवारी दिनुपर्ने माग बढ्दो छ।

डा. कार्कीले स्वास्थ्य प्रशासन, उपचार सेवा र व्यवस्थापनमा लामो अनुभव हासिल गरेका छन्। व्यवहारिक दृष्टिकोण र प्राविधिक दक्षताले उहाँलाई मन्त्रालयको कामलाई सबल बनाउन सक्षम बनाएको छ। आफ्नो करिअरभरि उहाँले स्वास्थ्य सेवा विस्तार, ग्रामीण भेगमा उपचार पहुँच सुनिश्चित गर्ने तथा गुणस्तर सुधार गर्ने अभियानमा सक्रिय भूमिका निर्वाह गर्दै आएका छन्। यसले उहाँलाई स्वास्थ्यकर्मी र आम नागरिकबीच विश्वासिलो नाम बनाउन मद्दत गरेको छ।

स्वास्थ्य क्षेत्रमा बारम्बार देखिने अनियमितता, भ्रष्टाचार र स्रोत वितरणमा असमानता समाधान गर्न पारदर्शी, जवाफदेही र समर्पित नेतृत्व अपरिहार्य देखिएको छ। कार्कीलाई स्वास्थ्य मन्त्री बनाउनुपर्ने बहस यही आधारमा अघि बढेको हो। उहाँको जनसेवाप्रतिको प्रतिबद्धता र नीतिगत पारदर्शिताप्रति जोडले स्वास्थ्य क्षेत्रमा नयाँ मोड ल्याउने अपेक्षा गरिएको छ।

तर, आगामी चुनौतीहरू पनि कम छैनन्। मन्त्रालय संचालनका क्रममा विभिन्न दल र नेताहरूसँग राजनीतिक समन्वय गर्नुपर्नेछ। पर्याप्त बजेट सुनिश्चित गर्दै स्रोतलाई प्राथमिकताका आधारमा परिचालन गर्नु पनि सजिलो हुने छैन। साथै, छोटो अवधिका नतिजाभन्दा दीर्घकालीन रणनीति निर्माण र त्यसको निरन्तर कार्यान्वयनमा निरन्तरता दिनुपर्नेछ।

यी सबै चुनौतीबीच डा. तेजेन्द्र कार्कीको अनुभव, दक्षता र जनसेवाप्रतिको अटुट प्रतिबद्धताले उहाँलाई स्वास्थ्य मन्त्रीका लागि बलियो उम्मेदवार बनाएको छ। यदि उहाँलाई जिम्मेवारी दिइयो भने, नेपालको स्वास्थ्य क्षेत्रलाई गुणस्तरीय, पहुँचयोग्य र पारदर्शी बनाउन महत्वपूर्ण मोड आउने जनअपेक्षा छ।

तर अन्ततः, मेरो लागि त म रेडियोलोजिस्टको काम गर्न पाउँदा नै सन्तुष्टि हुनेछ। जनतासँगै काम गर्दै उनीहरूको सेवा गरेर म रेडियोलोजिस्टको हैसियतमा आफ्नो नाम सुनौलो अक्षरमा लेख्नेछु, उनले भने।

16/09/2025

डा. सरदहरि गजुरेललाई स्वास्थ्य मन्त्री बनाउन माग

काठमाडौं । अनुभवी चिकित्सक तथा स्वास्थ्य प्रशासक डा. सरदहरि गजुरेललाई स्वास्थ्य मन्त्री बनाउनुपर्ने आवाज चर्को रूपमा उठ्न थालेको छ। उहाँको दीर्घ अनुभव, प्राविधिक दक्षता र जनविश्वासलाई आधार बनाएर नागरिक समाजदेखि स्वास्थ्यकर्मीसमेतले गजुरेललाई नेतृत्व दिनुपर्ने माग गरेका छन्।

डा. गजुरेलले अस्पताल प्रशासन, स्वास्थ्य व्यवस्थापन र अनुसन्धान क्षेत्रमा महत्वपूर्ण योगदान दिँदै आएका छन्। उहाँको नीति निर्माण तथा प्रभावकारी कार्यान्वयन गर्ने क्षमता नै स्वास्थ्य सेवामा देखिँदै आएको कमजोरी समाधान गर्ने आधार बन्ने बताइन्छ। नेपालमा स्वास्थ्य सेवा कमजोेर व्यवस्थापन, स्रोतको अभाव र नीतिगत कमजोरीका कारण प्रभावित हुँदै आएको अवस्थामा गजुरेलजस्तो अनुभवी व्यक्तिले मात्र दीर्घकालीन सुधारको बाटो खोल्ने विश्वास गरिएको छ।

स्वास्थ्य सेवाको पहुँच विस्तार, गुणस्तर सुधार र पारदर्शिता कायम गर्न सक्ने क्षमता उहाँमा रहेको जनाइएको छ। चिकित्सक र प्रशासक दुवै भूमिकामा सक्रिय भई काम गरेको अनुभवका कारण उहाँप्रति स्वास्थ्यकर्मी र आम नागरिकबीच विश्वास निर्माण गर्न सहज हुने जनाइएको छ।

यद्यपि, कुनै पनि मन्त्रीका लागि राजनीतिक अनुभव, बजेट व्यवस्थापन र नीति निरन्तरताजस्ता चुनौती रहने भए पनि प्राविधिक दृष्टिकोण, जनसेवाप्रति समर्पण र नेतृत्व क्षमताका आधारमा डा. गजुरेललाई जिम्मेवारी दिनु नेपालको स्वास्थ्य क्षेत्रमा दीर्घकालीन सुधारको मार्ग खोल्ने कदम हुने तर्क गरिएको छ। डा. गजुरेल अन्नपूर्ण न्युरो अस्पताल माईतिघरमा उपनिर्देशकका रुपमा लामो समयदेखि कार्यरत छन् ।