31/08/2025
मेचीनगरमा एक दिने राजनीतिक प्रशिक्षण सम्पन्न
मेचीनगर (झापा), ३० अगष्ट २०२५, शनिबार।
मंगोल नेशनल अर्गनाइजेशन मेचीनगर सभाको आयोजनामा एक दिने राजनीतिक प्रशिक्षण कार्यक्रम मेचीनगर–१, बाल विकास माध्यमिक विद्यालयमा सम्पन्न भएको छ।
कार्यक्रमको सभाध्यक्षता किसोर धिमालले गर्नुभएको थियो भने प्रमुख अतिथिका रुपमा संगठनका केन्द्रीय मुलसचिव सन्तोष तामाङ उपस्थित हुनु भएको थियो। विशिष्ट अतिथिका रुपमा केन्द्रीय सदस्य मेलिना तामाङ सहभागी हुनु भएको थियो।
त्यसैगरी, कार्यक्रममा अतिथिहरूमा कोशी प्रान्तीय अध्यक्ष सागर राई सदस्य ,भानु डी. धिमाल, झापा जिल्ला अध्यक्ष सागर दर्जी, झापा जिल्ला सचिव सिनारा मेचे, पर्व जिल्ला सहसचिव बालकुमार राई र सदस्य पूर्ण लिम्बु सहभागी हुनुभएको थियो।
स्वागत मन्तव्य मञ्जु राईले प्रस्तुत गर्नुभएको थियो भने कार्यक्रमको सञ्चालन मेचीनगर सदस्य मोहन लिम्बुले गर्नुभएको थियो।
संगठनको विचार, नीति तथा कार्यक्रमबारे छलफल हुने उद्देश्यले गरिएको सो एक दिने प्रशिक्षण कार्यक्रममा स्थानीय नेता–कार्यकर्ताहरूको उल्लेखनीय सहभागिता रहेको आयोजक समितिले जनाएको छ।
